ཉི་མ་མཚམས་གཅོད་ལགས་ནི།  རྒྱ་གར་ལྷོ་ཕྱོགས་ཀོ་ལི་གྷལ་དོན་ལྡན་གླིང་གཞིས་ཆགས་ནས་ཡིན་པ་དང་། ཕྱི་ལོ་ ༢༠༠༤  ལོར་བོད་ཀྱི་ཟློས་གར་ཚོགས་པའི་ནང་འཛུལ་ཞུགས་གནང་བ་དང་།  ༢༠༠༨ ལོར་བྲོ་མ་གཞོན་པར་གནས་སྤར་ཞུས་ཤིང་།  ༢༠༡༢ བྲོ་པ་འབྲིང་བར་གནས་སྤར་ཞུས། ཕྱི་ལོ་ ༢༠༡༦ ལོར་གནས་རིམ་དང་པོའི་ཐོག་བྲོ་མ་རྒན་པར་གནས་སྤར་ཞུས། འཁྲབ་སྟོན་དགེ་རྒན་གྱི་ལས་རོགས་སུ་བསྐོ་བཞག་ཞུས། ཕྱི་ལོ་ ༢༠༡༨ ལོའི་དབྱར་སྐྱིད་འགྲན་བསྡུར་ནང་གི་ཕོ་མོའི་ཟུང་གཞས་<<ནམ་མཁའི་བླ་མ་དཀོན་མཆོག>>ཅེས་པའི་ གླུ་གཞས་དེ་གཏོང་གནང་མཁན་གྱི་བུད་མེད་གཞོན་ནུ་མ་དེ་ཡིན།

Nyima Tsamchoe joined TIPA in 2004.  She is from Dhondheling Tibetan Settlement, Karnataka.  She became junior artiste in 2008, intermediate artiste in 2012, and senior artiste in 2016.  In 2017, she was appointed as assistant dance Teacher. She was one of the female lead singers in duet song competition in Yarkyi 2018.

 

དྲི་བ། ཁྱེད་རང་བོད་ཀྱི་ཟློས་གར་དུ་འཛུལ་ཞུགས་བྱེད་རྒྱུའི་བསམ་བློའི་ཤུགས་རྐྱེན་དེ་གང་ནས་བྱུང་བ་ཡིན་ནམ།

ལན། གུས་མོ་ང་རང་ཆུང་དུས་ནས་ཕ་མེས་ཀྱི་ཤུགས་རྐྱེན་ལ་བརྟེན་ནས་རོལ་དབྱངས་དང་སྒྱུ་རྩལ་ལ་དགའ་ཞེན་ཧ་ཅང་ཆེན་པོ་ཡོད་ལ། གླུ་གར་འཁྲབ་སྟོན་ལ་ཡང་དེ་བས་དགའ་ཞེན་ཆེན་པོ་ཞེ་དྲགས་ཡོད། རང་ལོ་དགུར་སོན་པའི་སྐབས་བོད་ཀྱི་ཟློས་གར་ཚོགས་པས་སྒྱུ་རྩལ་སློབ་ཕྲུག་འདེམས་སྒྲུག་ཞུས་ཏེ་ཚུད་ཀྱང་སྐབས་དེར་གུས་མོ་སྒེར་གྱི་གནད་དོན་ཞིག་གིས་རྐྱེན་པས་དུས་ཐོག་ཏུ་དེ་གར་འཛུལ་ཞུགས་བྱེད་མ་ཐུབ། ཕྱི་ལོ་ ༢༠༠༤  ལོར་ཡང་བསྐྱར་འདེམས་སྒྲུག་ནང་འདེམས་ཐོན་བྱུང་སྟེ་འདི་ག་བོད་ཀྱི་ཟློས་གར་ཚོགས་པའི་ནང་འཛུལ་ཞུགས་བྱེད་རྒྱུའི་སྐལ་བཟང་གི་གོ་སྐབས་དེ་བྱུང་སོང་ལགས།

Q: What inspired you to give an audition at Tibetan institute of Performing Arts?

Nyima Tsamchoe: The love for music has been passed down from my grandparents to parents and then, me. I love dancing ever since my childhood. Initially, I was first selected at TIPA at the age of nine, but due to some personal reason, I couldn’t join at that time. I gave an audition in 2004 again and I am grateful that I got selected.

 

དྲི་བ། ཁྱེད་ལ་བོད་ཀྱི་རིག་གཞུང་སྲུང་སྐྱོབ་དང་མི་ཉམས་རྒྱུན་འཛིན་བྱེད་པའི་དམིགས་བསལ་གྱི་ཁྱད་ཆོས་གང་ཡོད་དམ།

ལན། གུས་མོའིཨ་མ་ལགས་དང་སྤོ་ལགས་སོགས་ཕ་མེས་རྣམས་ཀྱིས་གུས་མོར་ཆུང་དུས་ནས་བོད་ཀྱི་སྒྱུ་རྩལ་རིག་གཞུང་འཁྲབ་སྟོན་ལ་དབྱིངས་སླེབས་ཐུབ་པ་དང་། དེ་ནས་རིམ་བཞིན་སྒྱུ་རྩལ་རིག་གཞུང་འཁྲབ་སྟོན་ཐད་སློབ་སྦྱོང་ཞུས་ཏེ་གང་ཤེས་པ་དེ་རྣམས་རང་རིགས་གཞོན་སྐྱེས་མི་རབས་གསར་པ་རྣམས་ཀྱིས་མཚོན། རྒྱལ་ཁབ་ཕྱི་ནང་གི་དོན་གཉེར་ཅན་མི་རིགས་གཞན་པ་རྣམས་ལ་ཡང་སློབ་འཁྲིད་དང་། བརྒྱུད་སྤེལ་བྱེད་འདོད་ཀྱི་སེམས་ཤུགས་དེའི་ཐོག་ནས་བོད་ཀྱི་སྒྱུ་རྩལ་རིག་གཞུང་འདི་ཉིད་འཛིན་སྐྱོང་སྤེལ་གསུམ་ཞུ་རྩིས་ཡོད་ལགས།

Q: How best do you think you could make a difference for preserving Tibetan tradition and culture?

Tsamchoe: Just like my ancestors lightened up my love for music. I would pass down the knowledge I own to young Tibetans and any other foreigners, who have interests in Tibetan culture.

དྲི་བ། རིག་གཞུང་འཁྲབ་སྟོན་གྱི་ནང་ནས་ཁྱེད་རང་དགའ་ཤོས་སྒྱུ་རྩལ་གང་གི་ཐད་ལ་ཡིན་ནམ། རྒྱུ་མཚན་གང་དང་ཅི།

ལན། གུས་མོ་རང་ཉིད་ཀྱི་ངོས་ནས་ཞུས་ན།  སྒྱུ་རྩལ་དེ་དག་གི་ནང་ནས་གར་འཁྲབ་རྒྱུ་ལ་ཧ་ཅང་གི་དགའ་པོ་ཡོད།  གང་ཡིན་ཟེར་ན། སྒྱུ་རྩལ་འཁྲབ་སྟོན་བྱེད་དགོས་པའི་རྒྱུ་མཚན་གཙོ་བོ་དེ་ཡང་ནང་སེམས་ཀྱི་ཚོར་འདུ་དྲག་པོ་དེ་དག ཕྱི་ལུས་ངག་གི་ཉམས་དང་རྣམ་འགྱུར་གྱི་ཐོག་ནས་མཚོན་པར་བྱེད་རྒྱུ་དེ་ཡིན་པས།  གུས་མོའི་སེམས་ཀྱི་སྟོང་ཆ་དེ་ཡང་བཀང་ཐུབ་པ་ཞིག་བྱུང་། དེར་བརྟེན། ནང་གི་སེམས་ཀྱི་འདོད་པ་སྐོང་བ་དང་ཚོར་འདུ་དེ་དག་གཞན་ལ་གོ་བརྡ་སྤྲོད་པའི་ཆེད་དུ་གླུ་གཞས་འཁྲབ་སྟོན་བྱེད་འདོད་མེད་པ་སུ་ཞིག་ཡོད།

Q: Which performing art form, you love the most. Why?

Tsamchoe: Dancing is what I love the most because it is created with the intent to communicate our emotions, feelings and ideas. I am grateful that dance actually helps me fill my void.

དྲི་བ། ཁྱེད་ཀྱི་མི་ཚེའི་ཁྲོད་དུ་མིག་དཔེ་བཟང་ཤོས་ཀྱི་མི་སུ་ཡིན་ནམ། རྒྱུ་མཚན་གང་དང་གང་།

ལན། གུས་མོའི་མི་ཚེའི་འགྲོ་ལམ་སོགས་ཀྱི་ཐད་མིག་དཔེ་བཟང་ཤོས་ནི། གུས་མོའི་ཕ་མ་རྣམ་པ་གཉིས་ཡིན།  གང་ཡིན་ཟེར་ན། ཁོང་རྣམ་པ་གཉིས་ཀ་ནི། དེ་སྔ་བོད་མིའི་གཞིས་ཆགས་ཀྱི་གཞས་དཔོན་ཡིན་སྟབས། གཞན་རྣམས་སྒྱུ་རྩལ་ལ་དབྱིངས་ཞུགས་སུ་བཅུག་ནས་ང་རང་ཡང་སྒྱུ་རྩལ་གྱི་ལམ་བཟང་ཐོག་དབྱིངས་ཞུགས་པ་ནང་བཞིན་མུ་མཐུད་དེ་སྐྱོད་ཐུབ་པའི་ཆེད་འབད་བརྩོན་ལྷོད་མེད་བྱེད་བཞིན་ཡོད།

Q: Who is your role model and why?

Tsamchoe: My role model is none other than my parents as they were the lead or master performers in their times. So, I try to follow the path they took and had inspired many other artistes as well.

 

 དྲི་བ། མ་འོངས་པར་ཁྱེད་ལས་དོན་གང་ཞིག་བྱེད་འདོད་ཀྱི་དམིགས་ཡུལ་ཡོད་དམ།

ལན། གུས་མོ་ང་རང་ཉིད་ཀྱི་ངོས་ནས་བོད་ཀྱི་ཟློས་གར་ཚོགས་པའི་ནང་མུ་མཐུད་གནས་རྒྱུར་འབད་བརྩོན་བྱས་ནས་ཞབས་འཕྱི་ཧུར་ཐག་ཞུས་ཏེ་ཚོགས་པ་འདིའི་གཟི་བརྗིད་དང་མཚན་སྙན་གོང་མཐོར་བཏང་སྟེ། གཞན་གྱི་ཡིད་དབང་འགུག་ཐབས་བྱེད་རྒྱུ་དེ་ཡིན།

Q: What is your future Goal?

Tsamchoe:  My goal is to serve TIPA through a hard work and make the institute more efficient and attract others.

Leave a Reply

Your email address will not be published. Required fields are marked *

Fill out this field
Fill out this field
Please enter a valid email address.

Menu