ཨ་རུ་ན་ཅལ་མངའ་ཁོངས་སུ་གཏོགས་པའི་སྨན་ཆའི་སོ་ནམ་ལོ་གསར་གོ་སྒྲིག་ཚོགས་ཆུང་ནས་ཇི་ལྟར་གདན་ཞུས་ལྟར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱིས་སྣེ་འཁྲིད་འོག་འཁྲབ་སྟོན་འགན་འཛིན་ལས་རོགས་དང་དགེ་སློབ་འཁྲབ་སྟོན་པ་ཁྱོན་བསྡོམས་གྲངས་ ༡༥ ཕྱི་ལོ་ ༢༠༢༥ ཟླ་ ༢ ཚེས་ ༨ ཉིན་རྡ་ས་ནས་ཕྱིར་ཐོན་སྐྱོད་ཀྱིས་རྒྱ་གར་བྱང་ཤར་སྨན་ཆུ་ཁའི་ས་གནས་སུ་ཕྱི་ཚེས་ ༡༠ ཉིན་བདེ་འབྱོར་གྱིས་དེ་གའི་སོ་ནམ་ལོ་གསར་གོ་སྒྲིག་ཚོགས་ཆུང་ནས་སྣེ་ལེན་གཟབ་རྒྱས་ཞུས་ཏེ་ཡུལ་མི་རྣམས་ནས་ཀྱང་བོད་ཀྱི་ཟློས་གར་ཚོགས་པ་ས་གནས་སུ་ཐེངས་དང་པོ་ཕེབས་པར་སོང་། དགའ་བསུ་ཆེན་པོས་ཕེབས་བསུ་གནང་།
གཞི་རྩའི་སྨན་ཆུ་ཁ་ནི་བོད་ཀྱི་ས་མཚམས་སུ་ཆགས་ཡོད་པ་དང་། ཕ་མེས་ནས་བརྒྱུད་པའི་རིག་གཞུང་ནི་ཀོང་པོའི་ཡུལ་སྲོལ་དང་ཆགས་ལུགས་ཡིན་པ་དང་། ཁོང་ཚོའི་ཕ་མེས་ཡབ་མེས་རྣམས་བོད་རིགས་ཡིན། ད་ལན་གྱི་སོ་ནམ་ལོ་གསར་ཕྱི་ཚེས་ ༡༢ ནས་ ༡༤ བར་ཉིན་གྲངས་གསུམ་གྱི་རིང་ཟློས་གར་ཚོགས་པའི་འཁྲབ་སྟོན་པ་རྣམས་ཀྱི་བོད་ཀྱི་མཐོུང་མ་ཡིན་པའི་ཡུལ་ལུང་ཁང་གི་གཞས་སྣ་གཟིགས་འབུལ་ཞུ་སྐབས། ཡུལ་མི་རྣམས་ཀྱི་དགའ་ཚོར་དང་སྤྲོ་སྣང་ཆེན་པོས་དགའ་བསུའི་འཚམས་འདྲི་གནང་ཡོད།
སྨན་ཆུ་ཁར་གནས་སྡོད་བྱེད་མཁན་ཡུལ་མི་རྣམས་ལ་མེམ་བྷ་ཞེས་བརྗོད་ཀྱི་ཡོད་པ་དང་། ཁོང་ཚོའི་ཕ་མེས་བོད་ནས་ཡོང་ཞིང་། དུས་རབས་འགའ་ཤས་ཀྱི་ཡར་སྔོན་ནས་ས་ཁུལ་འདིར་གཞིས་ཆགས་ཏེ་གནས་པ་ཞིག་ཡིན། མེམ་བྷའི་ཡུལ་མི་རྣམས་ནི་སངས་རྒྱས་ཆོས་ལུགས་ཀྱི་རྗེས་སུ་བསྙེག་མཁན་ཡིན་ཡིན་པ་དང་། མི་རབས་ནས་མི་རབས་བརྒྱུད་བོད་ཀྱི་ཡུལ་སྲོལ་དང་ཀོང་པའི་ས་འབྲེལ་གྱི་ཆ་ལུགས་བཀླུབས་ཏེ་འཚོ་གནས་བྱེད་མཁན་ཞིག་ཡིན་འདུག ད་ལན་ཁོང་ཚོས་བོད་ཀྱི་ཟློས་གར་ཚོགས་པ་ས་གནས་སུ་ཐེངས་དང་པོ་གདན་ཞུ་གནང་དོན་ཡང་། ཕ་མེས་ཀྱི་རིག་གཞུང་རྣམས་མི་རབས་གཞོན་པར་ངོ་སྤྲོད་དང་བརྒྱུད་སྤྲོད་བྱེད་རྒྱུའི་དགོངས་པ་བཞེས་པ་ཞིག་རེད་འདུག
ད་རེས་བོད་ཀྱི་ཟློས་གར་ཚོགས་པའི་དགེ་རྒན་དང་སྒྱུ་རྩལ་བ་རྣམས་ནས་མེམ་བྷ་ཚོའི་སོ་ནམ་ལོ་གསར་ལ་བོད་ཀྱི་མཐོུང་མ་ཡིན་པའི་རིག་གཞུང་འཁྲབ་སྟོན་ཞུ་ཐུབ་པ་དེས་ཁུལ་དེའི་མི་རིགས་རྒན་གཞོན་བར་གསུམ་གྱི་བོད་ཀྱི་རིག་གཞུང་ཕྱུག་པོ་དེ་དག་མི་ཉམས་རྒྱུན་འཛིན་དང་གཞོན་སྐྱེས་ཚོས་རྒྱུད་སྤྲོད་ཡོང་རེ་ཆེད་ཕན་ཐོགས་ཆེན་པོ་བྱུང་བའི་ཐུགས་རེ་གནང་བ་དང་། བོད་དང་ཧི་མ་ལ་ཡའི་མི་རིགས་བར་གྱི་མཛའ་མཐུན་སྔར་ལྷག་ཡོང་རྒྱུའི་རེ་བ་བྱེད་བཞིན་ཡོད། ད་ལན་གྱི་སོ་ནམ་ལོ་གསར་གྱི་དུས་སྟོན་དེ་དང་བསྟུན་ཡུལ་དེའི་ཡུལ་མི་གཞོན་སྐྱེས་རྣམས་ཀྱང་བོད་ཀྱི་ཟློས་གར་རིག་གཞུང་ལ་དོ་དབྱིངས་ཆེན་པོ་ཡོང་རྒྱུའི་ཕན་ཐོགས་བྱུང་བ་དང་། སླད་མ་འོངས་པར་ཡང་ས་ཁུལ་དེའི་གཞོན་སྐྱེས་མང་དག་ཅིག་བོད་ཀྱི་ཟློས་གར་ཚོགས་པའི་ནང་རིག་གཞུང་ཟབ་སྦྱོང་སོགས་ལ་བཅར་རྒྱུའི་འཆར་གཞི་ཡོད་སྐོར་བསམ་ཚུལ་དོན་སྙིང་ལྡན་པ་མང་པོ་ཞིག་བྱུང་།
A Tibetan Institute of Performing Arts was invited to perform at the Sonam Loar festival in Menchukha, Arunachal Pradesh, India.
A team of 15 people, including the Director of the Tibetan Institute of Performing Arts (TIPA), assistant artistic director, teachers, and artists, will travel from Dharamsala on February 8, 2025, and arrive in Menchukha on February 10. They will be warmly welcomed by the Sonam Losar Organizing Committee, as this is TIPA’s first visit to the area.
Menchukha is home to the Memba people, who are descendants of Tibetans and follow Buddhism. They have preserved Tibetan customs and Kongpo traditions for generations. The festival, held from February 12 to 14, will feature Tibetan songs and dances performed by the troupe.
The Memba community invited TIPA to help revive and share their ancestral culture with the younger generation. The event has sparked interest among local youth in Tibetan opera, and many plan to join training programs in the future.
