ཨ་རིའི་གྲོས་ཚོགས་ཀྱི་ཆེས་མཐོའི་སྐུ་ཚབ་ཚོགས་ཆུང་རྡ་སར་ཆེད་ཕེབས་སྐབས་གཞུང་འབྲེལ་ཕེབས་བསུའི་གསོལ་སྟོན་མཛད་སྒོ།

༄༅།   །ཕྱི་ལོ་ ༢༠༢༤ ཟླ་བ་ ༠༦ ཚེས་ ༡༨ ཉིན་བོད་དོན་ཐོག་ཚད་མཐོའི་རྒྱབ་སྐྱོར་གནང་མཁན་ཨ་རིའི་གྲོས་ཚོགས་འོག་མའི་ཕྱི་སྲིད་ལས་དོན་ཚོགས་ཚུང་གི་ཚོགས་གཙོ་སྐུ་ཞབས་ ( Michael McCaual) མཆོག་གི་སྣེ་ཁྲིད་འོག་ཨ་རིའི་གྲོས་ཚོགས་འོག་མའི་ཚོགས་གཙོ་ཟུར་པ་ལྕམ་སྐུ་(Nancy Pelosi) མཆོག་གིས་དབུས་པའི་ཨ་རིའི་གྲོས་ཚོགས་འཐུས་མིའི་སྐུ་ཚབ་ཚོགས་ཆུང་ཞིག་རྡ་སར་ཆེད་ཕེབས་གནང་ཡོད་པ་བཞིན། དེ་ཉིན་གྱི་ཕྱི་དྲོའི་ཚོུད་ ༧ པའི་ཐོག་བོད་མིའི་སྒྲིག་འཛུགས་ཀྱི་གོ་སྒྲིག་འོག་ཆེས་མཐོའི་སྐུ་ཚབ་ཚོགས་ཆུང་ལ་ཆེ་མཐོང་ཞུ་བའི་གཞུང་འབྲེལ་ཕེབས་བསུའི་གསོལ་སྟོན་འདེགས་འབུལ་ཞུ་བའི་མཛད་སྒོ་ཞིག་འདི་ག་བོད་ཀྱི་ཟློས་གར་ཚོགས་པར་སྐོང་ཚོགས་ཞུས་ཡོད། ཆེས་མཐོའི་སྐུ་མགྲོན་རྣམ་པ་བོད་ཀྱི་ཟློས་གར་ཚོགས་པར་ཕེབས་བཅར་སྐབས་འདི་ག་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་ནས་ཕེབས་བསུའི་མཇལ་དར་སྒྲོན་ཏེ་སྒྱུ་རྩལ་བ་རྣམས་ནས་གྲོ་སོ་ཕྱེ་མར་དང་བཀྲིས་གཤོལ་པ་འཁྲབ་སྟོན་ཀྱི་ལམ་ནས་ཕེབས་བསུ་གཟབ་རྒྱས་ཞུས། ཆེས་མཐོའི་སྐུ་ཚབ་ཚོགས་ཆུང་དང་སྐུ་འཁོར་ལྷན་རྒྱས་དང་ཨ་རི་གཞུང་ཚབ་ཁང་གི་འབྲེལ་ཡོད་ལས་བྱེད་ཁྱོན་བསྡོམས་ ༣༥ ཐོག་བོད་མིའི་སྒྲིག་འཛུགས་མཛད་གཙོ་ལྷན་རྣམ་པ་དང་།  ལྷན་ཁང་ཁག་གི་དྲུང་ཆེ་རྣམ་པ།  བྱང་ཨ་རི་སྐུ་ཚབ་དོན་གཅོད་རྣམ་རྒྱལ་ཆོས་གྲུག་ལགས།  རྒྱལ་སྤྱིའི་བོད་དོན་ལས་འགུལ་ཁང་གི་འགན་འཛིན་བསྟན་ཆོས་རྒྱ་མཚོ་ལགས་དང་དང་ལྡི་ལི་དོན་ཁང་གི་དྲུང་ཆེ་དོན་གྲུབ་རྒྱལ་པོ་ལགས་བཅས་གཙོ་བོར་གྱུར་བའི་སྐུ་མགྲོན་རྣམས་བཞུགས་གྲལ་དུ་འཁོད་མཚམས་བོད་མིའི་སྒྲིག་འཛུགས་ཕྱི་དྲིལ་བཀའ་བློན་ནོར་འཛིན་སྒྲོལ་མ་མཆོག་ནས་འཚམས་འདྲིའི་གསུང་བཤད་དང། བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ནས་ཕེབས་སུའི་འཚམས་འདྲི་དང་བོད་ཀྱི་ཟློས་གར་ཚོགས་པ་ངོ་སྤྲོད་སྙིང་བསྡུས་གནང་རྗེས་ཟློས་གར་ཚོགས་པའི་སྒྱུ་རྩལ་བ་རྣམས་ནས་བོད་ཀྱི་ཐུན་མོང་མ་ཡིན་པའི་རིག་གཞུང་གཞས་སྣ་གཟིགས་འབུལ་གཟབ་རྒྱས་ཞུས་བསྟུན་དགོང་ཚིགས་འདེབས་འབུལ་ཞུས། འདི་ག་བོད་ཀྱི་ཟློས་གར་ཚོགས་པ་ངོས་ནས་ཆེས་མཐོའི་སྐུ་ཚབ་ཚོགས་ཆུང་གི་ཚོགས་མི་རྣམས་ལ་ཐུགས་རྗེ་ལེགས་འབུལ་མཚོན་ཆེད་དུ་གྲུབ་ཆེན་ཐང་སྟོང་རྒྱལ་པོའི་སྐུ་བརྙན་ཐང་ག་རེ་ཕུལ་གནང་མཛད། ཆེས་མཐོའི་སྐུ་མགྲོན་རྣམས་ནས་ཐུགས་དགྱེས་འཚོར་ཆེན་པོས་བོད་ཀྱི་རིག་གཞུང་ལ་ཡིད་རངས་བསྔགས་བརྗོད་གནང་བའི་ངང་ནས་ཕེབས་བསུའི་གསོལ་སྟོན་གཟབ་རྒྱས་ངང་ལེགས་གྲུབ་བྱུང་ཡོད་པ་བཅས། Dharamshala, 18 June 2024: A high-level US bipartisan Congressional delegation led by…

Geshe Thupten Norbu la, along with a group of Taiwanese guests, visited Tibetan Institute of Performing Arts (TIPA).

སྤྱི་ལོ་ ༢༠༢༤ ཟླ་ ༥ ཚེས་ ༢༣ ཉིན་ཐེ་ཝན་དུ་བཅའ་བཞུགས་དགེ་བཤེས་ཐུབ་བསྟན་ནོར་བུ་ལགས་དང་དད་ལྡན་ཆོས་ཞུ་བ་ཁག་ཅིག་བོད་ཀྱི་ཟློས་གར་ཚོགས་པར་ཆེད་ཕེབས་སྐབས་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་རིག་གཞུང་གཞས་སྣ་གཟིགས་འབུལ་ཞུས་རྗེས་ཐེ་ཝན་ཆོས་ཞུ་ཁོངས་ནས་སྒྱུ་རྩལ་ཁག་ཅིག་ནས་རིག་གཞུང་འཁྲབ་སྟོན་གནང་ནས་མི་རིགས་ཕན་ཚུན་དབར་རིག་གཞུང་བརྗེ་ལེན་གྱི་འབྲེལ་བ་མཐུད་ཐུབ་པ་མ་ཙམ་མ་ཟད་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་འཁྲབ་སྟོན་གཟིགས་འབུལ་ཞུས་པ་པ་རྗེས་སུ་ཡིད་རང་དང་དགའ་སྤོབ་ཆེན་པོ་གནང་། On May 23, 2024, Geshe Thupten Norbu la, along with a group of Taiwanese guests, visited the Tibetan Institute of Performing Arts (TIPA). Artists from TIPA…

Diamond Jubilee celebrations of the Para Trg School Vikas, located at Sarasawa

སྤྱི་ལོ ༢༠༢༤ ཟླ་བ་ ༥ ཚེས་ ༡༧ ཉིན་རྒྱ་གར་བྱང་ཕྱོགས་སྡེ་ར་སྡུན་གྱི་ཉེ་འཁྲིས་སུ་ཡོད་པའི་ས་ར་ས་ཝར་ས་གནས་སུ་རྟེན་གཞི་ཆགས་པའི་དྭང་སློབ་གནམ་སྦྱོང་བསྟི་གནས་ཁང་དབུ་བརྙེས་ནས་ལོ་ངོ་ ༦༠ འཁོར་བའི་དུས་དྲན་སྲུང་བརྩི་ཞུ་བའི་མཛད་སྒོའི་ཐོག་བོད་ཀྱི་ཟློས་གར་ཚོགས་པ་མགྲོན་འབོད་གནང་དོན་ལྟར་ཟློས་གར་ཚོགས་པའི་སྤྱི་ཁྱབ་འགན་འཛིན་གྱི་སྣེ་ཁྲིད་འོག་སྒྱུ་རྩལ་སློབ་ཁྲིད་འགན་འཛིན་དང་སྒྱུ་རྩལ་བ་གྲངས་ཉི་ཤུ་རྩ་བདུན་ཙམ་དུས་དྲན་མཛད་སྒོར་ཆེད་བཅར་གྱིས་དུས་སྟོན་གྱི་སྐུ་མགྲོན་གཙོ་བོ་རྒྱ་གར་དང་ཞབས་རུ་དཔོན་ཟུར་པ་སྐུ་ཞབས་ RS Jamwal མཆོག་དང་གནམ་སྦྱོང་བསྟི་གནས་ཁང་གི་གཙོ་འཛིན་དམག་སྤྱི་སྐུ་ཞབས་ཀ་པིལ་ཡཱ་དཱབ་སོགས་དམག་དཔོན་ཆེ་ཕྲ་ཁག་སོ་སོའི་ནང་མི་དང་རྒན་ཡོལ་དུ་ཕེབས་ཟིན་པའི་རྒྱ་བོད་དམག་དཔོནཟུར་པ་དང་ནང་མི་སོགས་མི་གྲངས་བཞི་བརྒྱ་ལྷག་ཙམ་ལྷན་འཛོམས་སར་བོད་ཀྱི་ཟློས་གར་ཚོགས་པའི་སྒྱུ་རྩལབ་རྣམས་ནས་བོད་ཀྱི་མཐུན་མིན་རིག་གཞུང་གི་ཤུལ་བཞག་གཞས་སྣ་ཕུན་གསུམ་ཚོགས་པ་འཁྲབ་སྟོན་ཟབ་རྒྱས་ཞུ་ཐུབ་པ་བྱུང་ཡོད། དུས་སྟོན་འདི་ལྟ་བུ་ལ་མཉམ་ཞུགས་བྱ་རྒྱུ་ནི་དམིགས་བསལ་བོད་མིའི་སྤྱི་ཚོགས་དང་རྒྱ་གར་གཞུང་མང་ལ་གུས་བཀུར་མཚོན་བྱེད་དང་རྒྱ་གར་གཞུང་མང་གཉིས་དང་། སྒོས་སུ་དང་སློབ་གནམ་སྦྱོང་བསྟི་གནས་ཁང་གི་སྒྲིག་འཛུགས་ནང་སྲི་ཞུ་སྒྲུབ་མཁན་འདས་གསོན་ཡོངས་ལ་བཀའ་དྲིན་རྗེས་དྲན་དང་ཐུགས་རྗེ་ཆེ་ཞུའི་མཚོན་ཆེད་ཅིག་ཏུ་གྱུར་ཡོད་སྟབས། སྐུ་མགྲོན་གཙོ་གཞོན་གྱིས་གཙོས་པའི་གཟིགས་མོ་བ་ཡོངས་ནས་ཆེ་མཐོའི་གུས་བརྩི་དང་བསྔགས་བརྗོད་གནང་སྟེ་ཐེངས་འདིའི་སྐོར་སྐྱོད་འཁྲབ་སྟོན་ཟབ་རྒྱས་ངང་ལེགས་གྲུབ་བྱུང་ཡོད། On May 17, 2024, the Tibetan Institute of Performing Arts (TIPA) had the honor of…

TIPA promoting Tibetan cultural heritage at UWC Mahindra College (Pune)

ཕྱི་ལོ་ ༢༠༢༤ ཟླ་ ༢ ཚེས་ ༢༢-༢༥ བར་ཉིན་གྲངས་བཞིའི་རིང་བོད་ཀྱི་ཟློས་གར་ཚོགས་པའི་སྒྱུ་རྩལ་སློབ་ཁྲིད་འགན་འཛིན་བསྟན་འཛིན་ཕུན་ཚོགས་ཀྱིས་སྣེ་འཁྲིད་འོག་ཟློས་དགེ་སྐལ་བཟང་སྒྲོལ་མ་དང་བྲོ་གཞོན་བསྟན་འཛིན་དབྱངས་སྒྲོན་གསུམ་པོ་རྒྱ་གར་ལྷོ་ཕྱོགས་པུ་ནིར་གཏན་གཞི་བྱས་པའི་ UWC མ་ཧིན་རྷར་གཙུག་ལག་སློབ་གཉེར་གྱི་གཏམ་བརྗོད་ཆེད་ལས་སློབ་གཉེར་བ་རྣམས་ལ་བོད་ཀྱི་ཨ་ལྕེ་ལྷ་མོའི་ཟློས་གར་སྒྱུ་རྩལ་དང་འབྲེལ་བའི་ཟབ་སྦྱོང་སློབ་ཁྲིད་གནང་བར་ཕེབས་ཞིང་། གཙུག་ལག་སློབ་གཉེར་འདིའི་ནང་རྒྱ་གར་གཙོས་རྒྱལ་སྤྱིའི་རྒྱལ་ཁབ་འདྲ་མིན་གྱི་སློབ་གཉེར་བ་ཡོད་པ་དང་། ཚོགས་འདུའི་ཐོག་ཏུ་སློབ་མ་ཚོས་ཐུགས་སྣང་ཆེན་པོས་བོད་ཀྱི་ལྷ་མོའི་སྒྱུ་རྩལ་གྱི་ལོ་རྒྱུས་དང་རྣམ་ཐར། འཁྲབ་འཁྱེར་སོགས་ལ་སློབ་སྦྱོང་ལེགས་པར་གནང་། ད་དུང་ཁོང་ཚོས་འཁྲབ་སྟོན་གྱིས་རིག་གཞུང་སྲུང་སྐྱོབ་ཀྱི་ཐབས་ལམ་དང་ཟློས་གར་སྐོར་གྱི་གོ་རྟོགས་རྒྱ་སྐྱེད་བྱུང་བར་བསྔགས་བརྗོད་གནང་། In response to a gracious invitation from UWC Mahindra College in Pune, Maharashtra, the Tibetan Institute of…

བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་རྒྱ་གར་བྱང་ཕྱོགས་འབྲས་ལྗོངས་ལ་ཆུང་ས་ཁུལ་དུ་རིག་གཞུང་འཁྲབ་སྟོན།

ཕྱི་ལོ་ ༢༠༢༤ ཟླ་ ༣ ཚེས་ ༡ ནས་ ༣ བར་ཉིན་གྲངས་ ༣ རིང་རྒྱ་གར་བྱང་ཕྱོགས་འབྲས་ལྗོངས་མངའ་ཁོངས་ལ་ཆུང་ས་གནས་ཀྱི་ལོ་གསར་དང་ཡུལ་སྐོར་སྤྲོ་འཆམ་གྱི་དུས་སྟོན་གོ་སྒྲིག་ཚོགས་ཆུང་ནས་གདན་ཞུ་གནང་དོན་ལྟར་བོད་ཀྱི་ཟློས་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱི་སྣེ་ཁྲིད་འོག་སྒྱུ་རྩལ་སློབ་ཁྲིད་འགན་འཛིན་བསྟན་འཛིན་ཕུན་ཚོགས་ལགས་དང་སྒྱུ་རྩལ་བ་ཁྱོན་བསྡོམས་མི་གྲངས་ ༢༧ ས་གནས་སུ་ངོ་བཅར་གྱིས་ཕྱི་ལོ་ ༢༠༢༤ ཟླ་ ༣ ཚེས་ ༡ དང་ཚེས་ ༢ ཉིན་གཉིས་བོད་ཀྱི་ཐུན་མོང་མ་ཡིན་པའི་ལྷ་གཞུང་ཆོས་རྒྱལ་ནོར་བཟང་དང་འགྲོ་བ་བཟང་མོ་གཉིས་སྐུ་མགྲོན་དང་རྒྱ་ཆེའི་མང་ཚོགས་སུ་གཟིགས་འབུལ་ཞུས།    ཕྱི་ཚེས་ ༣ ཉིན་བོད་ཀྱི་ཡུལ་ལུང་ཁག་གི་རིག་གཞུང་ཞབས་གཞས་གཟིགས་འབུལ་ཞུས་པ་དང་། ད་ཉིན་ལྷོ་ནག་ཁུལ་ནས་སྤྲིན་འཐོར་རྐྱེན་པས་ཆུ་ལོག་གི་ཆུ་ཤུགས་གློག་འདོན་གྱི་ཆུ་མཛོད་དང་ཟམ་ཆེན་སོགས་ཆུ་རུད་ཀྱིས་འདེད་པར་བརྟེན་གཞུང་ལམ་འགྲུལ་སྐྱོད་ཐད་དཀའ་ངལ་ཅི་ཆེར་ཡོད་ནའང་གོ་སྒྲིག་ཚོགས་ཆུང་ནས་སྔ་རྗེས་རེ་བསྐུལ་ཞུ་དོན་ལྟར་ལ་ཆུང་ཁུལ་གྱི་བོད་རིགས་དང་ལ་ཆུང་བ་ཡོངས་ཀྱི་རེ་འདུན་བསྐོང་ཆེད་དངོས་སུ་བཅར་བ་ཡིན།   ཉིན་དང་པོ་དང་གཉིསཔའི་ལྷ་གཞུང་གཟིགས་འབུལ་སྐབས་སྐུ་མགྲོན་གཙོ་བོ་མངའ་གཞུང་ཚོགས་པའི་གཙོ་འཛིན་གཞོན་པ་སྐུ་ཞབས་རྒྱལ་མཚན་ལ་ཆུང་པ་དང་ཉིན་གཉིས་པའི་སྐུ་མགྲོན་གཙོ་བོ་གྲོས་ཚོགས་གོང་མིའི་འཐུས་མི་སྐུ་ཞབས་ཡི་ཤེས་ལ་ཆུང་པ། དེ་བཞིན་ཉིན་མཐའ་མའི་སྐུ་མགྲོན་གཙོ་བོ་མངའ་གཞུང་གི་གྲོས་ཚོགས་འཐུས་མི་དང་གཞུང་ལམ་བློན་ཆེན་གཅིག་ལྕོགས་སྐུ་ཞབས་བསམ་གྲུབ་ལེབ་ཆ་དང་གཞན་ཡང་འབྲེལ་ཡོད་སྐུ་མགྲོན་དང་། ལ་ཆུང་གི་སྤྱི་དཔོན་རྣམ་གཉིས་དང་གོ་སྒྲིག་ཚོགས་ཆུང་དང་རྒྱ་ཆེའི་མང་ཚོགས་གང་མང་ཉིན་གསུམ་འཆར་ཅན་གཟིགས་མོར་མཉམ་ཞུགས་གནང་བ་མ་ཟད་སྐུ་མགྲོན་གཙོ་བོ་རྣམས་ནས་བོད་ཀྱི་ཟློས་གར་ཚོགས་པ་དངོས་སུ་ས་གནས་སུ་ཕེབས་ནས་བོད་ཀྱི་ཐུན་མོང་མ་ཡིན་པའི་ཨ་ལྕེ་ལྷ་མོའི་གཞུང་དང་རིག་གཞུང་འཁྲབ་སྟོན་གཟབ་རྒྱས་གནང་བར་རྗེས་སུ་ཡིད་རངས་དང་བསྔགས་བརྗོད་གནང་སྟེ་ཚོགས་པར་ཞལ་འདེབས་ཀྱང་གནང་།    སྐུ་མགྲོན་གཙོ་བོ་རྣམས་ནས་བོད་ཀྱི་ཟློས་གར་ཚོགས་པ་དངོས་སུ་ས་གནས་སུ་ཕེབས་ནས་བོད་ཀྱི་ཐུན་མོང་མ་ཡིན་པའི་ཨ་ལྕེ་ལྷ་མོའི་གཞུང་དང་རིག་གཞུང་འཁྲབ་སྟོན་གཟབ་རྒྱས་གནང་བར་རྗེས་སུ་ཡིད་རངས་དང་བསྔགས་བརྗོད་གནང་སྟེ་ཚོགས་པར་ཞལ་འདེབས་ཀྱང་གནང་།    དེ་བཞིན་མང་ཚོགས་ཀྱི་བོད་ཀྱི་ཟློས་གར་ཚོགས་པ་ས་གནས་སུ་བཅར་ནས་རིག་གཞུང་འཁྲབ་སྟོན་གནང་བར་དགའ་མོས་དང་ཆེ་མཐོང་། དེ་བཞིན་གཞོན་སྐྱེས་ཚོར་རིག་གཞུང་ངོ་སྤྲོད་དང་རྒྱུད་སྤྲོད་ཐད་ཕན་ཐོགས་ཆེན་པོ་བྱུང་སྐོར་འབྲེལ་ཡོད་གོ་སྒྲིག་ཚོགས་ཆུང་གི་སྤྱི་དཔོན་གཉིས་དང་འཐུས་མི་རྣམས་དང་མང་ཚོགས་ནས་ཉིན་མཐའ་མའི་ཉིན་དགའ་བསུའི་ཐལ་སྒྲ་སྒྲོགས་ཏེ་འཁྲབ་སྟོན་པ་ཡོངས་ལ་ཐུགས་རྗེ་ལེགས་འབུལ་གྱི་མཇལ་དར་གནང་སྟེ་བོད་ཀྱི་ཟློས་གར་ཚོགས་པའི་ཕྱི་ལོ་…

TIPA performed various dances for the foreign delegation & esteemed guest visit.

ཕྱི་ལོ་ ༢༠༢༤ ཟླ ༣ ཚེས ༩ ཉིན་སྲིད་སྐྱོང་སྤེན་པ་ཚེ་རིང་མཆོག་དང་། ཨོ་སི་ཁྲུ་ལི་ཡ་དང་། འཇར་མན་གྲོས་ཚོགས་འཐུས་མི་སྐུ་ཚབ། དེ་བཞིན་ཐའེ་ལནྜ་དང་། ཐའེ་ཝན་ནས་བོད་དོན་ལས་ཁུངས་དང་འབྲེལ་བའི་སྦྱིན་བདག་ཚོགས་པ་ཁག་གི་སྐུ་ཚབ་བཅས་བོད་ཀྱི་ཟློས་གར་ཚོགས་པར་ཆིབས་བསྒྱུར་བསྐྱངས། ཆིབས་བསྒྱུར་སྐབས་བོད་ཀྱི་ཟློས་གར་ཚོགས་པའི་འཁྲབ་སྟོན་པ་ཚོས་ཞྭ་ནག་དང་། སེང་གེ་གར་འཆམ་སོགས་ཀྱི་འཁྲབ་སྟོན་སྣ་ཚོགས་བྱས། འཁྲབ་སྟོན་གྲུབ་རྗེས་སྲིད་སྐྱོང་སྤེན་པ་ཚེ་རིང་མཆོག་ནས་སྐུ་མགྲོན་རྣམས་ལ་དྲན་རྟེན་གྱི་ཕྱག་རྟགས་ཕུལ་ཏེ་བོད་ཀྱི་ཟློས་གར་ཚོགས་པའི་གསོལ་ཚིགས་ཁང་དུ་གསོལ་སྟོན་གཟབ་རྒྱས་བཤམས་སྟོན་གནང། The Tibetan Institute of Performing Arts received a visit from the esteemed Sikyong Penpa Tsering La,…

བོད་ཀྱི་ཟློས་གར་རིག་གཞུང་མི་ཉམས་གོང་སྤེལ་དང་ཉམས་པ་སོར་ཆུད་སླད་བོད་ཀྱི་ཟློས་གར་ཚོགས་ངོས་ནས་ཇི་ལྟར་གསོལ་འདེབས་སྐྱབས་འཇུག་ཞུ་དོན་བཞིན།

བོད་ཀྱི་ཟློས་གར་རིག་གཞུང་མི་ཉམས་གོང་སྤེལ་དང་ཉམས་པ་སོར་ཆུད་སླད་བོད་ཀྱི་ཟློས་གར་ཚོགས་ངོས་ནས་ཇི་ལྟར་གསོལ་འདེབས་སྐྱབས་འཇུག་ཞུ་དོན་བཞིན། ༸སྐྱབས་རྗེ་གཏེར་ཆེན་ནམ་མཁའ་དྲི་མེད་རབ་འབྱམས་མཆོག་དང་༸སྐྱབས་རྗེ་འཇིགས་མེད་རིན་པོ་མཆོག་གི་ཐུགས་དགོངས་ཆེ་བཞེས་ཀྱིས་བོད་ཀྱི་ཟློས་གར་ཚོགས་པའི་ཟློས་དགེ་བསྟན་འཛིན་བྱང་ཆུབ་ལགས་དང་བསྟན་འཛིན་ཡོན་ཏན་ལགས། ཉམས་ཞིབ་པ་བསོད་ནམས་ཚེ་བརྟན། པར་ལེན་བསྟན་འཛིན་དཔལ་ལྡན་བཞི་པོ་ཨོ་ཌི་ཤ་ཕུན་གླིང་གཞིས་ཆགས་སུ་ཕྱི་ལོ་ ༢༠༢༤ ཟླ་ ༠༡ ཚེས་ ༡༥ ནས་ཟླ་ ༢ ཚེས་ ༠༡ བར་ཉིན་གྲངས་བཅོ་བརྒྱད་རིང་མཆོག་སྤྲུལ་ཀརྨ་ཤེས་སྒྲུབ་རིན་པོ་ཆེ་མཆོག་གི་སྐུ་མདུན་ནས་༸ཀུན་མཁྱེན་མི་ཕམ་རིན་པོ་ཆེ་མཆོག་གིས་མཛད་པའི་གླིང་བྲོ་བདེ་ཆེན་རོལ་མོ་དང་༸རྒྱལ་ཚབ་རྭ་སྒྲེང་རིན་པ་ཆེ་མཆོག་གིས་ཟུར་འཇུག་མཛད་པའི་ལེའུ་ཁག་དང་གླིང་བྲོའི་ལོ་རྒྱུས། འཕེལ་རིམ། དབྱངས་རྟ་དང་བྲོ་འཆམ། བྲོ་ཆས་སོགས་ཀྱི་སྐོར་སློབ་གཉེར་ལེགས་པར་བགྱིད་ཅིང་། ཕྱི་ཟླ་ ༢ ཚེས་ ༠༡ ཉིན་གཏེར་ཆེན་རིན་པོ་ཆེ་ཉིད་ཀྱི་དགོངས་གཏེར་ཚེ་སྒྲུབ་རྡོ་རྗེ་སྲོག་ཐིག་གི་སྒོ་ནས་ཚེ་དབང་དང་བཀའ་དྲིན་གཏང་རག་གི་མཎྜལ་འབུལ་མཛད་སྒོར་གཞིས་ཆགས་སུ་གླིང་བྲོ་ཚོགས་པའི་གླིང་བྲོ་བདེ་ཆེན་རོལ་མོའི་ལེའུ་བཞི་གཟིགས་འབུལ་སྐབས་བོད་ཀྱི་ཟློས་གར་ཚོགས་པའི་ཟློས་དགེ་གཉིས་མཉམ་ཞུགས་ཀྱིས་བྲོ་ཚན་ལེའུ་གཉིས་པ་ཕོ་རྒྱུད་དཔའ་བོའི་བྱིན་འབེབས་མི་རྗེ་སེང་ཆེན་ལྷ་ཡི་ནོར་བུ་དང་། ལེའུ་དྲུག་པ་དབང་མཛད་དགྲ་བླ། ལེའུ་བདུན་པ་བཀྲ་ཤིས་བྲོ་ཡི་བྲོ་ར། ལེའུ་བཅུ་གསུམ་བཀྲ་ཤིས་དབྱངས་སྙན་བཅས་གཟིགས་འབུལ་ཞུ་རྒྱུའི་གོ་སྐབས་བཟང་པོ་ཐོབ་པ་མ་ཟད་འདི་གའི་སྒྱུ་རྩལ་བ་རྣམས་ནས་མུ་མཐུད་རྒྱུན་འཛིན་སླད་ཟློས་དགེ་གཉིས་ལ་འཁྲབ་སྦྱོང་ཞུ་སྒོ་མཐའ་དག་སློབ་ཁྲིད་དང་རི་དགོན་ཐུབ་བསྟན་སྨིན་གྲོལ་གླིང་བླ་བྲང་དང་ཨོ་གཞིས་གླིང་བྲོ་ཚོགས་པ་གཙོས་འབྲེལ་ཡོད་ལས་བྱེད་ཡོངས་ནས་མཐུན་འགྱུར་རོགས་རམ་འཐུས་ཚང་གནང་བར་བཀའ་དྲིན་ཆེ་ཞུ་བ་སྦྲགས་ཐེངས་འདིའི་གློང་བྲོའི་ཟབ་ཁྲིད་འདིས་བོད་ཀྱི་ཟློས་གར་ཚོགས་པར་གླིང་བྲོའི་འཁྲབ་གཞུང་མུ་མཐུད་རྒྱུན་སྐྱོང་ཐུབ་པར་ཕན་ཐོགས་ཆེན་པོ་བྱུང་།

དབྱར་དུས་བོད་ཀྱི་ཟློས་གར་རིག་གཞུང་སྦྱོང་བརྡར་ལས་གཞི་ཐེངས་གཉིས་པ།

༄༅། །ཕྱི་རྒྱལ་ཡུལ་གྲུ་ཁག་ནང་བཅར་བཞུགས་བོད་རིགས་ན་གཞོན་ཚོའི་ཕ་མ་ལྷན་རྒྱས་ལགས་སུ།                                                                                 གུས་གསོལ། འདི་ག་བོད་ཀྱི་ཟློས་གར་ཚོགས་པའི་ངོས་ནས་ལྷར་བཅས་སྲིད་ཞིའི་གཙུག་རྒྱན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་བཞེད་གཙོ་བཟུང་གིས་བོད་ཀྱི་ཐུན་མོང་མ་ཡིན་པའི་ལྷ་མོའི་སྒྱུ་རྩལ་གཙོ་བོར་གྱུར་བའི་བོད་མིའི་སྲོལ་རྒྱུན་གྱི་གཞས་སྣ་ཁག་མི་ཉམས་རྒྱུན་འཛིན་དང་དར་སྤེལ་གྱི་ལས་དོན་གཉེར་བཞིན་ཡོད་མུས་ལྟར་། འདི་ནས་ཕྱི་རྒྱལ་ཡུལ་གྲུ་ཁག་ཏུ་འཚར་ལོངས་འབྱུང་བཞིན་པའི་བོད་རིགས་ན་གཞོན་རྣམས་ལ་རང་མི་རིགས་ཀྱི་རིག་གཞུང་རྒྱུད་འཇགས་ཡོང་རྒྱུར་དམིགས་ཏེ་བོད་ཀྱི་རྩ་ཆེའི་རིག་གཞུང་གཙོ་བོར་འགྱུར་བའི་བོད་མིའི་གོམས་གཞིས་བཟང་པོ་དང་བོད་ཀྱི་ཟློས་གར་སྒྱུ་རྩལ་ངོ་སྤྲོད། ཡུལ་ལུང་ཁག་གི་གཞས་སྣ། རོལ་ཆའི་རྣམ་གྲངས། ལྷ་མོ་དང་རྣམ་ཐར་སོགས་ལ་གོ་རྟོགས་སྤེལ་ཆེད་་ཕྱི་ལོ་ ༢༠༢༣ ལོར་ ༼དབྱར་དུས་བོད་ཀྱི་ཟློས་གར་རིག་གཞུང་སྦྱོང་བརྡར་ལས་གཞི།༽ཐེངས་དང་པོར་གོ་སྒྲིག་ཞུས་པ་བཞིན་སྐབས་དེར་མཉམ་བཞུགས་གནང་མཁན་གྱི་གཞོན་སྐྱེས་ཚོའི་ཁྲོད་དོ་དབྱིངས་གོང་མཐོར་གཏོང་རྒྱུར་ཕན་ཐོགས་ཇི་བྱུང་ལ་གཞི་བཅོལ་ཏེ་འདི་ལོར་བསྐྱར་དུ་ལས་གཞི་གོ་སྒྲིག་ཞུ་འཆར་ལགས་ན། ལས་གཞིའི་ནང་མཉམ་ཞུགས་གནང་བློ་ཡོད་རིགས་རྣམས་ནས་ཐུགས་སྣང་དགོས་པའི་གནད་དོན་ཁག་གཅིག་ཟུར་བཏོན་ཞུས་པ་གཤལ་གསལ། ཀ།     ལས་གཞིའི་དུས་ཡུན། ཕྱི་ལོ་ ༢༠༢༤ ཟླ་ ༧ ཚེས་ ༡ ནས་ ཚེས་ ༣༡ བར་ ཉིན་གྲངས་ ༣༡། ཁ།     ཐོ་འགོད་དུས་བཀག ཕྱི་ལོ་ ༢༠༢༤ ཟླ་ ༢ ཚེས་ ༡ ནས་ ཟླ་ ༦ ཚེས་ ༡༥…

བོད་ཀྱི་ཟློས་གར་ཚོོགས་པའི་མ་བྱན་ཆེན་མོ་བསོད་ནམས་དབང་འདུས་ལགས་དགོངས་པ་རྫོགས་ནས་ཞག་ཞེ་དགུ་འཁོར་བའི་ཉིན་དང་བསྟུན་ཁོང་གི་ནང་མི་ཡོངས་ནས་རེ་འདུན་ཇི་བཞིན་ཚོགས་པའི་ངོས་ནས་འདོན་སྤེལ་ཞུས

ང་ཚོའི་བརྩེ་བའི་ཕ་དམ་པ་བསོད་ནམས་དབང་འདུས་སམ་ཡོངས་གྲགས་སུ་མ་བྱན་ཆེན་མོ་ལགས་ཞེས་འབོད་པ་འདས་གྲོངས་སུ་སོང་ནས་ཞག་ ༤༩ འཁོར་བའི་དྲན་གསོ་ཞུ་བཞིན་ཡོད། ང་ཚོའི་ནང་མིར་སེམས་གསོ་དང་རྒྱབ་སྐྱོར། འདས་པོའི་རྣམ་ཤེས་ལ་སྨོན་ལམ་གནང་མཁན་ཚང་མར་སྙིང་ཁོང་རུས་པའི་གཏིང་ནས་ཐུགས་རྗེ་ཆེ་ཞུ་རྒྱུ་ཡིན། དེ་མཚུངས་ང་ཚོས་མི་སྒེར་བ་དང་གྲོགས་པོ། གཉེན་ཉེ། རྣམ་སྲས་གླིང་ནང་མི། ཟློས་གར་ཚོགས་པ། དགོན་པ་ཁག་བཅས་ཡོངས་ཀྱི་སེམས་བཟང་དང་སྙིང་རྗེ་ལ་ཐུགས་རྗེ་ཆེ་ཞུ་རྒྱུ་ཡིན་པ་མ་ཟད། ཟློས་གར་ཚོགས་པའི་འཛིན་སྐྱོང་གིས་ཕུང་པོ་ཞུགས་འབུལ་སོགས་ལ་རོགས་རམ་གནང་བར་དམིགས་བསལ་གྱིས་ཐུགས་རྗེ་ཆེ་ཞུ་རྒྱུ་ཡིན།   ཡང་རྒྱུད་སྟོད་དགོན་པས་གཤིན་ཆོས་གྱི་གོ་སྒྲིག་གནང་བ་དང་ཟློས་གར་ཚོགས་མི་ཚོས་རྒྱབ་སྐྱོར་དང་ཐུགས་ཁུར་གནང་བར་ང་ཚོས་བཀའ་དྲིན་ཆེ་ཞུ་རྒྱུ་ཡིན། པཱ་ལགས་ཀྱིས་ཚོགས་པ་འདིའི་ནང་དུ་ལོ་མང་པོར་ཕྱག་ལས་གནང་བས་མི་མང་པོར་བཟང་ཕྱོགས་ཀྱི་ཤུགས་རྐྱེན་ཐེབས་ཡོད་པ་ཤེས་རྟོགས་བྱུང་བས། ང་ཚོའི་ནང་མི་ཚོ་སེམས་འགུལ་ཆེན་པོ་ཐེབས་བྱུང་།  པཱ་ལགས་ཀྱིས་རང་གི་མི་ཚེའི་སྐོར་ལ་ཕྱིར་དྲན་གནང་སྐབས། རྩ་ཆེ་ཤོས་བརྩི་བཞིན་པའི་ཕྱིར་དྲན་ནི་ཕྱི་ལོ་༡༩༦༠ ནང་༸གོང་ས་༸སྐྱབས་མགོན་༸རྒྱལ་བ་རིན་ཆེན་པོ་མཆོག་གློ་བུར་དུ་སྤྱི་ཐབ་ཏུ་ཕེབས་པ་དེ་ཡིན། པཱ་ལགས་ཀྱིས་མཇལ་འཕྲད་དེའི་སྐོར་ཕྱིར་དྲན་གནང་བཞིན་འདི་ལྟར་གསུངས། སྐབས་རེར་༸གོང་ས་མཆོག་ཟློས་གར་ཚོགས་པར་སྔོན་བརྡ་མེད་པའི་ངང་གློ་བུར་ཕེབས་ཀྱི་ཡོད། ༸གོང་ས་མཆོག་ཐབ་ཚང་ལ་གཟིགས་ཞིབ་གནང་བར་ཐེངས་གཉིས་ཕེབས་མྱོང་བ་ལས། ཐེངས་ཤིག་ཁོང་གིས་གུས་འབངས་ལ་ཁྱེད་རང་མ་བྱན་ཡིན་ནམ་ཞེས་བཀའ་འདྲི་གནང་སོང་། ངས་ཡིན་ཞེས་ལན་ཕུལ་བ་ཡིན།  དེ་ནས་༸གོང་ས་མཆོག་གིས་ཐུགས་དགྱེས་ཚོར་ཆེན་པོའི་ངང་ངས་ཤེས་ཀྱི་ཡོད། ཁྱེད་རང་ཁོ་ཚོའི་སྨན་པ་རེད། ཅེས་ཁ་སྣོན་གནང་བྱུང་། བསོད་ནམས་ཆེན་པོ་དེ་འདྲ། ཞེས་ཡང་ཡང་གསུང་མྱོང་།   པཱ་ལགས་ཀྱིས་རང་གི་དམ་བཅའ་ལ་འགྱུར་བ་མེད་པར་རྒས་ཡོལ་ལ་མ་ཕེབས་བར་དུ་རང་ཉིད་དགའ་སའི་སྤྱི་ཚོགས་ལ་ཞབས་འདེགས་བསྒྲུབས་ཤིང་། མི་ཚེ་ཧྲིལ་པོར་༸གོང་ས་མཆོག་ལ་དད་དམ་གཡོ་བ་མེད་པར་བཞུགས་ཡོད། ༸གོང་ས་མཆོག་གིས་ཀྱང་པཱ་ལགས་དང་ཁོང་གི་ལྷ་མོའི་འཁྲབ་གཞུང་ནང་གི་བཞད་བགད་འཁྲབ་སྟོན་ལ་ཐུགས་མཉེས་པོ་གནང་མྱོང་། ང་ཚོའི་པཱ་ལགས་ཀྱིས་ལོ་ངོ་…

34th Anniversary of His Holiness the 14th Dalai Lama receiving the Nobel Peace Prize

ཕྱི་ལོ་ ༢༠༢༣ ཟླ་ ༡༢ ཚེས་ ༡༠ ཉིན་ཐེག་ཆེན་ཆོས་གླིང་གཙུག་ལག་ཁང་དུ་རང་གཞུང་བོད་མིའི་སྒྲིག་འཛུགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་ཐོབ་སྟེ་ལོ་ངོ་ཧྲིལ་པོ་སོ་བཞི་འཁོར་བའི་དུས་དྲན་བརྩི་ཞུ་སྐབས། མང་གཙོའི་ཀ་བ་གསུམ་གྱི་མཛད་གཙོ་རྣམ་པའི་སྐུ་མདུན་དུ་རང་ཅག་བོད་ཀྱི་ཟློས་གར་ཚོགས་པའི་སྒྱུ་རྩལ་པ་ཁག་ཅིག་གིས་བོད་རྒྱལ་ཁབ་ཆེན་པོའི་རྒྱལ་གླུ་དང་རྒྱ་གར་རྒྱལ་གླུ། ནོ་སྦེལ་སྟོད་དབྱངས་འབུལ་བ་དང་། དེ་བཞིན་གུས་བརྩི་ལྡན་པའི་སྐུ་མགྲོན་དང་མི་མང་བརྒྱ་ཕྲག་མང་པོའི་མདུན་སར་བོད་ཀྱི་གནའ་བོའི་དམངས་ཁྲོད་སྒྱུ་རྩལ་འཁྲབ་སྟོན་གཟིགས་འབུལ་ཞུས་པ་དང་། ཁྲིམས་ཞིབ་པ་གཞན་གྱིས་བོད་ཀྱི་ཟློས་གར་ཚོགས་པའི་དབྱར་སྐྱིད་རྐང་བྲོ་གླུ་གཞས་ཀྱི་མཐེབ་སྡེར་དབུ་འབྱེད་གནང་། ཉིན་རྒྱབ་ཏུ་བོད་ཀྱི་ཟློས་གར་ཚོགས་ཁང་དུ་ཧིན་བོད་མཛའ་འབྲེལ་ཚོགས་པས་གོ་སྒྲིག་འོག་༸གོང་ས་༸སྐྱབས་མགོན་ཆེན་པོ་མཆོག་ལ་ནོར་སྦེལ་ཞི་བདེའི་གཟེངས་རྟགས་ཀྱི་དུས་དྲན་སྲུང་བརྩི་ཞུ་སླད་ཧི་མ་ལ་ཡའི་དུས་སྟོན་ཐེངས་ཉེར་བདུན་པ་ཉིན་གཉིས་རིང་མུ་མཐུད་ཚོགས་པ་དང་། མཛད་སྒོའི་ཐོག་དཔལ་ལྡན་དབུས་བོད་མིའི་སྒྲིག་འཛུགས་ཀྱི་སྐུ་ངོ་སྲིད་སྐྱོང་སྤེན་པ་ཚེ་རིང་མཆོག་དང་། ཧི་མ་ཅལ་མངའ་སྡེའི་འགྲིམ་འགྲུད་བལྟི་གནས་ཀྱི་བཀའ་བློན་རིམ་པ་མཐོ་ཤོས་ཡིན་པའི་སྐུ་ཞབས་ཤྲཱིར་རཱ་བྷིར་དང་། སྐུ་མགྲོན་ནི་ནཱ་རོ་ཏཱ་ཡི་ཁྲིམས་ལུགས་ལྷན་ཚོགས་ཀྱི་འཐུས་མི་དང་། སྐུ་མགྲོན་གཙོ་བོ་ནི་དྷ་རམ་ས་ལའི་གྲོང་ཁྱེར་ལས་ཁུངས་ཀྱི་སྤྱི་ཁྱབ་བློན་ཆེན་ནེ་ནུའུ་ཤར་མ་བཅས་ཡིན། གཞུང་འབྲེལ་མཛད་སྒོ་དེའི་ནང་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱིས་སྐུ་མགྲོན་རྣམས་ལ་དགའ་བསུའི་འཚམས་འདྲི་ཞུས་ཤིང་། འགན་འཛིནས་གྱིས་སྐུ་མགྲོན་གཙོ་བོ་ལ་བཀའ་དྲིན་རྗེས་དྲན་མཚོན་ཆེད་བོད་ཀྱི་ལྷ་མོའི་སྲོལ་འབྱེད་གྲུབ་ཆེན་ཐང་སྟོང་རྒྱལ་པའི་ཐང་ཀའི་སྐུ་བརྙན་ཞིག་ཕུལ། མཛད་སྒོའི་ཉིན་མཐའ་མའི་སྐུ་མགྲོན་གཙོ་བོ་ནི་བཀུར་འོས་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་ཕེབས། རིག་གཞུང་གི་དུས་སྟོན་འདིས་ཞི་བདེའི་ལས་འགུལ་གྱི་མཚོན་བྱེད་ཅིག་ཡིན་པ་དང་། ས་གནས་རྒྱ་གར་དང་བོད་པ་ཚོས་དབར་འབྲེལ་ལམ་དང་མཛའ་གཅུགས་ཀྱིས་ཟམ་ལམ་སྤེལ་བར་མཚོན་ཞིང་། རིག་གཞུང་གི་རྒྱབ་ལྗོངས་འདྲ་མིན་ནས་ཡོང་བའི་སྒྱུ་རྩལ་པ་ཚོས་ཀྱང་རང་གི་ཁྱད་དུ་འཕགས་པའི་འཁྲབ་སྟོན་ལ་བཞུགས་ཏེ་ཉིན་གཉིས་ཀྱི་ཧི་མ་ལ་ཡའི་དུས་ཆེན་ལམ་ལྷོངས་ཡོང་བར་ནུས་པ་བྱུང་ཡོད། On December 10, 2023, the CTA celebrated the 34th…