Blog

ཕྱི་ལོ་ ༢༠༢༦ ཟླ་ ༦ ཚེས་ ༢༠ ཉིན་བོད་ཀྱི་ཟློས་གར་ཚོགས་པའི་ཚོགས་ཁང་དུ་ཟློས་ཟུར་ཁྱུང་བྱང་གཞུང་པ་བསོད་ནམས་བཀྲ་ཤིས་ལགས་དང་བོད་ཀྱི་ཟློས་གར་ཚོགས་པ་ཟུང་སྦྲེལ་གྱིས་ཁོང་གིས་བརྩམས་གནང་བའི་གཞས་སྣ་བདུན་ཙམ་འཁྲབ་སྟོན་གཟིགས་འབུལ་ཞུས་པ་དང་། སྡེ་སྲིད་སངས་རྒྱས་རྒྱ་མཚོས་མཛད་པའི་མིག་ཡིག་རྣ་བའི་དགའ་སྟོན་འགུགས་པའི་ལྕགས་ཀྱུ་ཞེས་པ་ལས་མཆེད་པའི་མཆོད་སྤྲིན་གར་རོལ་གྱི་གར་གྱི་བྱུང་རབས་ཀྱི་དངོས་བྱུང་གློག་བརྙན་གཟིགས་འབུལ་ཞུས་གནང་སོང་། ཕྱི་ཟླ་ ༦ ཚེས་ ༢༠ ཉིན་གྱི་དགོང་དྲོ་ཕྱག་ཚོད་ ༦།༠༠ ཐོག་བོད་ཀྱི་ཟློས་གར་ཚོགས་པའི་ཚོགས་ཁང་དུ་ཟློས་ཟུར་ཁྱུང་བྱང་གཞུང་པ་བསོད་ནམས་བཀྲ་ཤིས་ལགས་ཀྱིས་བཟོ་སྐྲུན་གནང་བའི་དངོས་བྱུང་གློག་བརྙན་སྡེ་སྲིད་སངས་རྒྱས་རྒྱ་མཚོས་མཛད་པའི་མིག་ཡིད་རྣ་བའི་དགའ་སྟོན་འགུགས་པའི་ལྕགས་ཀྱོ་ལས་མཆེད་པའི་མཆོད་སྤྲིན་གར་རོལ་གྱི་བྱུང་རབས་དངོས་བྱུང་གློག་བརྙན་གཟིགས་འབུལ་མཛད་སྒོར་སྐུ་མགྲོན་གཙོ་བོ་དཔལ་ལྡན་ནང་སྲིད་བཀའ་བློན་སྐུ་ངོ་དཔལ་ལྡན་དོན་གྲུབ་མཆོག་གདན་ཞུས་གནང་ཡོད་པ་དང་། དེ་བཞིན་བོད་མི་སྒྲིག་འཛུགས་ཀྱི་མཛད་གཙོ་རྣམ་པ་ཁག་ཅིག་དང་མཁས་དབང་རྣམ་པ། རིག་གཞུང་ཉམས་ཞིབ་པ་གཙོས་རྒྱ་ཆེ་མང་ཚོགས་བརྒྱ་ཕྲག་ཅིག་ཙམ་ཕེབས་གནང་སོང་།    ཐོག་མར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་མཆོག་ནས་ཟློས་ཟུར་ཁྱུང་བྱང་གཞུང་པ་བསོད་ནམས་བཀྲ་ཤིས་ལགས་དང་བོད་ཀྱི་ཟློས་གར་ཚོགས་པའི་གཉིས་ཟུང་སྦྲེལ་གྱིས་ལས་རིམ་དེ་ལྟར་སྤེལ་དགོས་པའི་དམིགས་ཡུལ་དང་། བརྒྱུད་རིམ་སོགས་ངོ་སྤྲོད་གནང་སོང་། དེའི་རྗེས་ཁོང་གིས་བཟོ་སྐྲུན་གནང་བའི་དངོས་བྱུང་གློག་བརྙན་སྡེ་སྲིད་སངས་རྒྱས་རྒྱ་མཚོས་མཛད་པའི་མིག་ཡིད་རྣ་བའི་དགའ་སྟོན་ལས་མཆེད་པའི་མཆོད་སྤྲིན་གར་རོལ་གྱི་གློག་བརྙན་གཟིགས་འབུལ་ཞུས་གྲུབ་རྗེས། བོད་ཀྱི་ཟློས་གར་ཚོགས་པ་དང་ཟུང་སྦྲེལ་གནང་བའི་གཞས་སྣ་ཁག་ཅིག་གཟིགས་འབུལ་ཞུས་གནང་སོང་བས་རྒྱ་ཆེ་མང་ཚོགས་ནས་དགའ་བསུ་ཆེན་པོ་གནང་སོང་། གཞས་སྣ་གཟིགས་འབུལ་གྲུབ་རྗེས་བོད་ཀྱི་ཟློས་གར་ཚོགས་པས་ཟློས་ཟུར་ཁྱུང་བྱང་གཞུང་པ་བསོད་ནམས་བཀྲ་ཤིས་ལགས་ཀྱིས་ལོ་ངོ་བཞི་བཅུ་ལྷག་ཙམ་རིང་བོད་ཀྱི་ཟློས་གར་སྒྱུ་རྩལ་ཐོག་འབད་འབུངས་ཆེ་བསྐྱེད་ཀྱིས་སྐུ་ལས་བསྐྱོན་པར་གཟེངས་བསྟོད་ཕྱག་རྟགས་གནང་སོང་།  སྐུ་མགྲོན་གཙོ་བོ་དཔལ་ལྡན་ནང་སྲིད་བཀའ་བློན་སྐུ་ངོ་དཔལ་ལྡན་དོན་གྲུབ་མཆོག་ནས་དེ་རིང་ཟློས་ཟུར་བསོད་ནམས་བཀྲ་ཤིས་ལགས་ཀྱིས་བཟོ་སྐྲུན་གནང་བའི་དངོས་བྱུང་གློག་བརྙན་དང་གཞས་སྣ་གསར་རྩོམ་ཞུས་པ་ཁག་གཟིགས་འབུལ་ལེགས་གྲུབ་བྱུང་བར་བསྔགས་བརྗོད་གནང་བ་དང་། སྐུ་ངོ་མཆོག་ནས་ཀྱང་ཆོས་རྗེ་སཎ་ཀུན་དགའ་རྒྱལ་མཚན་མཆོག་གིས་མཛད་གནང་བའི་རོལ་མོའི་བསྟན་བཅོས་གཟིགས་རྒྱུ་བྱུང་བར་སོང་། སླད་ཕྱིན་སྒྱུ་རྩལ་པ་ཚོས་ཀྱང་རོལ་མོའི་བསྟན་བཅོས་གཙོས་བོད་ཀྱི་ཟློས་གར་རིག་གནས་སྤྱི་བྱིངས་ལ་ཐུགས་སྣང་གནང་དགོས་པ་དང་། ད་སྐབས་སྤྱི་ཚོགས་ཁྲོད་ལྷག་དཀར་སྒོར་གཞས་དར་སྲོལ་ཆེན་པོ་བྱུང་བ་དེར་བསྔགས་བརྗོད་ཡོད་ཀྱང་གཞས་སྣ་འཁྲབ་སྟོན་པ་མང་པོས་སྒྲ་སྒམ་བརྒྱུད་དེ་གཞས་སྣ་འཁྲབ་སྟོན་གནང་བ་ལས་རང་ཉིད་ཀྱི་ཁ་ནས་བཏང་སྟེ་འཁྲབ་སྟོན་བྱེད་ཀྱི་མེད་སྟབས། ངེས་པར་དུ་གླུ་ཁ་ནས་བཏང་སྟེ་འཁྲབ་སྟོན་བྱེད་རྒྱུ་གལ་ཆེན་པོ་ཡིན་པ་དང་། རྒྱ་ཆེའི་མང་ཚོགས་ནས་ཀྱང་བོད་ཀྱི་ཟློས་གར་ཚོགས་པར་དམིགས་དཔེ་ཡར་བལྟས་གནང་རྒྱུ་གལ་ཆེན་པོ་ཡིན་པའི་བཀའ་སློབ་གནང་སོང་། མཐར་བོད་ཀྱི་ཟློས་གར་ཚོགས་པའི་དྲུང་ཆེ་བསོད་ནམས་ཆོས་འཕེལ་ལགས་ཀྱིས་ཐུགས་རྗེ་ཆེ་གསུང་བཤད་གནང་གྲུབ་རྗེས་གཟིགས་མོ་རྒྱལ་ཁའི་ངང་གྲོལ་གནང་སོང་། བོད་ཀྱི་ཟློས་གར་ཚོགས་པའི་ཟློས་ཟུར་ཁྱུང་བྱང་གཞུང་པ་བསོད་ནམས་བཀྲ་ཤིས་ལགས་ཀྱི་ལོ་རྒྱུས་སྙིང་བསྡུས།…

འདི་ལོ་༸རྒྱལ་བའི་གོ་སྟོན་དང་བྱམས་བརྩེ་ལོ་སྲུང་བརྩི་དང་འབྲེལ་སུད་སི་དོན་ཁང་ཁྱབ་ཁོངས་རྒྱལ་ཁབ་ཁག་ལྔའི་ནང་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱི་སྣེ་ཁྲིད་འོག   སྒྱུ་རྩལ་སློབ་ཁྲིད་འགན་འཛིན་དང་དགེ་རྒན་དང་སྒྱུ་རྩལ་བ་ཁྱོན་བསྡོམས་ ༢༦ གི་སྐོར་སྐྱོད་ལས་རིམ་མཐའ་མ་དེ་སུད་སིར་ལེགས་གྲུབ་རྗེས་ཕྱི་ཚེས་ ༢ ཉིན་སུད་སིར་ནས་ཨིན་ཡུལ་དོན་ཁང་གི་མགྲོན་འབོད་དང་སྒྲིག་མཐུན་འགྱུར་འོག་སུས་སི་རྒྱལ་ས་ Zurich ནས་ཨིན་ཡུལ་དུ་ཕྱིར་ཐོན་གྱིས་གནམ་ཐང་དུ་དོན་ཁང་གི་དྲུང་ཆེ་བསྟན་འཛིན་ཀུན་དགའ་ལགས་དང་བསྟན་འཛིན་ནམ་མཁའ་རྣམ་གཉིས་དང་།  ཨིན་ཡུལ་བོད་རིགས་ཚོགས་པའི་ཚོགས་གཙོ་དང་རྒྱུན་ས་དང་དངས་བླངས་ཞབས་ཞུ་བཅས་ནས་ཕེབས་བསུ་རྗེས།   ཨིན་ཡུལ་དུ་གཏན་གཞི་ཆགས་པའི་བཀའ་བརྒྱུད་བསམ་ཡས་རྫོངས་ཀྱི་ཆོས་ཚོགས་ནང་ཨིན་ཡུལ་སྐུ་ཚབ་དོན་གཅོད་མཆོག་སྐོུ་ཚེ་རིང་དབྱངས་སྐྱིད་ལགས་ནས་ཕེབས་བསུའི་མཇལ་དར་འཚམས་འདྲིའི་གསུང་བཤད་གནང་།  ཕྱི་ཚེས་ ༣ ཉིན་ཨིན་ཡུལ་སྐུ་ཚབ་དོན་ཁང་གི་གོ་སྒྲིག་དང་མཐུན་འགྱུར་འོག་ Oxford གཙུག་ལག་སློབ་གཉེར་ཁང་གི་ Wolfson College གྱི་ Himalayan Suudies Centre  གྱི་སློབ་དཔོོན་བླ་མ་སྐྱབས་ལགས་དང་ Dr. Thupten Kelsang, AHRC Early Carrer Research Fellow, Aisis Department, Victorrai & Albert Museum, London…

Shimla, June 8th : The International Shimla Summer Festival-2026 kicked off at the iconic Ridge on Monday, with Himachal Pradesh Governor Kavinder Gupta lighting the ceremonial lamp to inaugurate the…

འདི་ལོ་༸རྒྱལ་བའི་གོ་སྟོན་དང་བྱམས་བརྩེ་ལོ་སྲུང་བརྩི་དང་འབྲེལ་སུད་སི་དོན་ཁང་ཁྱབ་ཁོངས་རྒྱལ་ཁབ་ཁག་ལྔའི་ནང་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱི་སྣེ་ཁྲིད་འོག   སྒྱུ་རྩལ་སློབ་ཁྲིད་འགན་འཛིན་དང་དགེ་རྒན་དང་སྒྱུ་རྩལ་བ་ཁྱོན་བསྡོམས་ ༢༦ གི་རིག་གཞུང་སྐོར་སྐྱོད་ལས་རིམ་མཐའ་མ་དེ་སུད་སི་རྒྱལ་ས་ Zurich ཉེ་འཕྲིས་གྲོང་ཁྱེར་ Wadenswill ཚོགས་ཁང་ཕྱི་ཚེས་ ༣༠ དང་ ༣༡ ཉིན་རིག་གཞུང་གཞས་སྣ།  ལྷ་མོ།  གཏམ་བརྗོད་དང་དེང་དུས་ཨ་ཀ་མའི་རོལ་དབྱངས་འདུས་ཚོགས་བཅས་སུད་སི་དང་ལིཀ་ཌེན་སིཌཡན་བོད་རིགས་མི་མང་གི་གོ་སྒྲིག་འོག་སྐོག་ཚོསག་གནང་ཡོད།  ཉིན་གཉིས་ཀར་མགྲོན་གྱི་གཟོ་བོ་སུད་སི་རི་ཀོང་དགོན་གྱི་མཁན་རིན་པོ་ཆེ་མཆོག་དང་སུད་སི་དོན་ཁང་གི་དོན་གཅོད་རྣམ་གཉིས་གཙོས་པའི་གཞན་ཡང་གདན་ཞུའི་སྐུ་མགྲོན་དང་སོ་སོའི་རིག་གཞུང་ལ་དགའ་ཚེན་དང་རྒྱབ་སྐྱོར་མཚོན་ཆེད་བོམང་ཚོགས་ཁྱོན་ ༥༠༠ ཡན་མན་མཉམ་བཞུགས་གནང་འདུག   ཉིན་དང་པོའི་འཁྲབ་སྟོན་ལས་རིམ་འགོ་བཙུགས་མ་ཞུས་སྔོན་ སུད་སི་དང་ལིཀ་ཌེན་སིཌཡན་བོད་རིགས་མི་མང་གི་ཚོགས་གཙོ་ཉེ་འདུལ་རྒྱ་མཚོ་ལགས་ནས་ད་རེས་བོད་ཀྱི་ཟློས་གར་ཚོགས་པ་སུད་སིར་སྐོར་སྐྱོད་འཁྲབ་སྟོན་གོ་སྒྲིག་དང་འབྲེལ་བའི་ངོ་སྤྲོད་གསུང་བཤད་གནང་།   དེ་རྗེས་སུད་སི་དོན་ཁང་གི་སྐུ་ཚབ་སྐོུ་འཕྲིན་ལས་ཆོས་སྐྱིད་ལགས་དང་ད་རེས་བོད་ཀྱི་ཟློས་གར་ཚོགས་པ་སུད་སི་དོན་ཁང་ཁྱབ་ཁོངས་རྒྱལ་ཁབ་ཁག་ལྔའི་ནང་རིག་གཞུང་སྐོར་སྐྱོད་ལས་རིམ་གྱི་བྱུང་རིམ་དང་དེའི་དགོས་པ་དང་དམིགས་ཡུལ་སྐོར་གསུང་བཤད་གནང་།   དེ་རྗེས་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ནས་ད་རེས་སུད་སི་དོན་ཁང་ཁྱབ་ཁོངས་རྒྱལ་ཁབ་ཁག་ལྔའི་ནང་གི་སྐོར་སྐྱོད་ལས་རིམ་མཐའ་མ་དེ་སུད་སིར་མཇུག་བསྒྲིལ་ཞུ་རྒྱུར་བརྟེན་ད་བར་ལས་རིམ་མཐའ་དག་སུད་སི་དོན་ཁང་གི་མཐུན་འགྱུར་དང་།  འབྲེལ་ཡོད་བོད་རིགས་ཚོགས་པའི་ཚོགས་གཙོ་རྒྱུན་ལས་དང་མང་ཚོགས་ནས་ཚད་མཐོའི་རྒྱབ་སྐྱོར་མཐུན་འགྱུར་ལ་བརྟེན་ནས་ལེགས་གྲུབ་བྱུང་བར་ཚང་མར་རྗེས་སུ་ཡིད་རངས་དང་ཐུགས་རྗེ་ཆེ་ཞུས།  ད་རེས་བོད་ཀྱི་ཟློས་གར་ཚོགས་པ་ཨུ་རོབ་རྒྱལ་ཁབ་ཁག་ལྔ་དང་ཨིན་ཡུལ་བཅས་སུ་རིག་གཞུང་སྐོར་སྐྱོད་ཐད་དགེ་ལས་འཁྲབ་སྟོན་པ་ཁྱོན་བསྡོམས་ ༢༦ ནས་སྐོར་སྐྱོད་འཁྲབ་སྟོན་པ་གྲངས་ ༢༤ ཡི་ཕར་འགྲོ་ཚུར་འོང་གི་གནམ་གྲུའི་ལམ་གྲོན་ཆ་ཚང་སུད་སི་དང་ལིཀ་ཌེན་སིཌཡན་བོད་རིགས་མི་མང་གི་མཐུན་འགྱུར་གནང་ཡོད།  སུད་སི་དོན་ཁང་ཁྱབ་ཁོངས་རྒྱལ་ཁབ་ Germany, Austria and Switzerland ས་གནས་སོ་སོར་སྐོར་སྐྱོད་འཁྲབ་སྟོན་སྐབས་སུ་ཁུངས་སོ་སོའི་བོད་རིགས་ཚོགས་པ་ནས་མཐུན་འགྱུར་དང་།  Slovakia – Bratislava and Chez Republic – Prague དུ་སྐོར་སྐྱོད་འཁྲབ་སྟོན་གོ་སྒྲིག་མཐུན་འགྱུར་ཆ་ཚང་སུད་སི་དོན་ཁང་ནས་གནང་ཡོད།  འདི་ལོ་༸རྒྱལ་བའི་གོ་སྟོན་དང་བྱམས་བརྩེ་ལོ་སྲུང་བརྩི་དང་འབྲེལ་བོད་ཀྱི་ཟློས་གར་ཚོགས་པ་སུད་སི་དོན་ཁང་ཁྱབ་ཁོངས་རྒྱལ་ཁབ་ཁག་ལྔའི་ནང་རིག་གཞུང་སྐོར་སྐྱོད་འཁྲབ་སྟོན་སྐབས་སུ་ཁུལ་དེའི་བོད་རིགས་རྒན་བྱི་བར་གུསམ་ལ་བོད་ཀྱི་རིག་གཞུང་གོ་རྟོགས་རྒྱུད་སྤེལ་དང་། ཕྱི་རྒྱལ་མི་རིགས་བོད་དོན་དང་རྒྱབ་སྐྱོར་གནང་མཁན་དང་རིག་གཞུང་ལ་ཐུགས་སྣང་ཡོད་མཁན་ཚོར་རྒྱ་ནག་དམར་པོའི་གཞུང་གི་བོད་ཀྱི་སྐད་ཡིག་དང་རིག་གཞུང་གཙོས་པའི་བོད་ཀྱི་ངོ་བོའི་རྩ་བསླག་གཏོང་རྒྱུའི་ངན་ཇུས་གཏིང་ནས་རྒྱུ་ནག་དམར་པོའི་གཞུང་གིས་བཀོད་བྱུས་འོག་ཕྱི་རྒྱལ་ཡུལ་གྲུ་གང་སར་བོད་ཀྱི་རིག་གཞུང་སྲི་ལྷད་ཀྱིས་སྐོར་སྐྱོད་ཁྱབ་སྤེལ་ཞུ་བཞིན་པའི་གདོང་ལེན་ཚུལ་དུ་ད་རེས་བོད་ཀྱི་ཟློས་གར་ཚོགས་པའི་ངོས་ནས་བོད་ཀྱི་གནའ་བོའི་རིག་གཞུང་ངོ་མ་ཇི་བཞིན་༸གོང་ས་མཆོག་གི་ཆེས་ཐོག་མ་གསར་ཛུགས་མཛད་པའི་རབོད་ཀྱི་ཟློས་གར་ཚོགས་པས་འདས་པའི་མི་ངོ་ ༦༧ རིང་བོད་མིའི་སྒྲིག་འཛུགསཀྱིས་མཐུན་འགྱུར་དང་མི་རབས་རྒན་པ་ཚོས་སྐུལ་ལས་སྐྱོན་ནས་བདོ་ཀྱི་རིག་གཞུང་གཅེས་འཛིན་བདག་ཉར་ཞུས་པའི་རིག་གཞུང་ཁུངས་ལྡན་ད་རེས་སྐོར་སྐྱོད་ལས་རིམ་ནང་ངོ་སྤྲོད་དང་རྒྱུད་བསྒྲགས་ཞུ་ཐུབ་པ་བྱུང་ཡོད་པ།  འཇར་འཁོར་བོད་རིགས་ཚོགས་པའི་གོ་སྒྲིག་དང་མཐུན་འགྱུར་འོག་ཕྱི་ལོ་…

ལོ་ལྟར་འཇར་མན་རྒྱལ་ཁབ་ནང་སྦར་ལིན་ཁཱར་ནི་ཝོལ་དུས་སྟོན་ཆེན་པོ་གོ་སྒྲིག་གནང་སྲོལ་ཡོད་པ་ལྟར། འདི་ལོར་དུས་སྟོན་འདི་དབུ་བརྙེས་ནས་མི་ལོ་སུམ་ཅུ་འཁོར་བའི་དུས་ཆེན་ཁྱད་པར་ཅན་དང་བསྟུན། འཇར་མན་དུ་བཅའ་བཞུགས་འཇར་འཁོད་བོད་རིགས་ཚོགས་པའི་གོ་སྒྲིག་དང་སུད་སི་དོན་ཁང་གི་མཐུན་འགྱུར་འོག་བོད་ཀྱི་ཟློས་གར་ཚོགས་པས་བོད་རྒྱལ་ཁབ་ཀྱི་སྐུ་ཚབ་ཞུས་ཏེ་མཉམ་ཞུགས་ཐུབ་པ་བྱུང་ཡོད། དེ་ཡང་དུས་སྟོན་དེའི་ནང་རྒྱལ་ཁབ་ཁག་མི་འདྲ་བ་ ༤༦ སྐུ་ཚབ་འཁྲབ་སྟོན་པ་དང་། རུ་ཁག་མི་འདྲ་བ་ ༧༥ ཡི་མཉམ་ཞུགས་ཀྱིས་རང་རང་སོ་སོའི་མི་རིགས་ཀྱི་ཐུན་མོང་མ་ཡིན་པའི་རིག་གཞུང་འཁྲབ་སྟོན་གཟིགས་འབུལ་ཞུས་ཡོད།    དུས་སྟོན་འདིའི་ནང་མཉམ་ཞུགས་གནང་མཁན་ཚོས་ཀི་ལོ་མི་ཌར་གཉིས་དང་ཕྱེད་ཀ་ལྷག་གོམ་བགྲོད་ཀྱིས་རིག་གཞུང་འཁྲབ་སྟོན་ཞུ་དགོས་པ་དང་། གཟུར་དཔང་ཚོའི་སྐུ་མདུན་དུ་སྐར་ཆ་ ༩༠ འཁྲབ་སྟོན་ཞིག་ཞུ་དགོས་པར་སོང་། བོད་ཀྱི་ཟློས་གར་ཚོགས་པས་བོད་ཀྱི་གནའ་བོའི་ཡུལ་སྲོལ་གོམས་གཤིས་མཚོན་པའི་གཡག་རྩེད་དང་། རས་པ། མདོའི་བྲོ་བརྡུང་། བོད་ཀྱི་ཆོལ་ཁ་གསུམ་གྱི་རྒྱན་གོས་སོགས་བཤམས་སྟོན་དང་འཁྲབ་སྟོན་ཞུས་པར་གཟུར་དཔང་རྣམས་ཡིད་དབང་རབ་ཏུ་འཕྲོག་སྟེ་དགའ་བསུ་དང་བསྔགས་བརྗོད་ཆེས་ཆེར་གནང་བ་དང་། དེ་དང་ཕྱོགས་མཚུངས་འཇར་མར་རྒྱལ་ས་སྦར་ལིན་དུ་བཅའ་བཞུགས་བོད་རིགས་རྒན་གཞོན་གྲངས་ ༨༠ ཙམ་ནས་བོད་ཆོལ་ཁ་གསུམ་གྱི་རྒྱན་གོས་སྤྲས་ནས་གོམ་བགྲོད་བྱེད་བཞིན་པར་རིག་གཞུང་གཞས་སྣ་འཕྲབ་སྟོན་ཞུས་ཡོད་པས། གཟིགས་མོ་བ་ཁྲི་ཚོ་ཁ་ཤས་ཀྱི་ངག་ནས་བོད་ཀྱི་རྒྱལ་ཁབ་རྒྱལ་གྱུར་ཅིག་ཅེས་འབོད་སྒྲ་བསྒྲོགས་ཏེ་དོན་སྙིང་རབ་ཏུ་ལྡན་པའི་ཐོག་བོད་རྒྱལ་ཁབ་ཀྱི་མཚན་སྙན་རྒྱལ་སྤྱིའི་ཐོག་སྒྲོག་ཐུབ་པ་དང་། འགྲན་བསྡུར་ཐོག་སྤྱི་ཡོངས་ཀྱི་ཨང་རིམ་དང་པོའི་བྱ་དགའ་ཡང་ཐོབ་ཐུབ་པ་བྱུང་ཡོད།  འདི་ལོའི་འཇར་མན་དུ་གནས་འཁོད་བོད་རིགས་ཚོགས་པའི་དུས་སྟོན་གྱི་བརྗོད་གཞི་ནི་༸རྒྱལ་བའི་གོ་སྟོན་དང་བྱམས་བརྩེའི་ལོ་ཞེས་འགོ་བྱང་དུ་བཀོད་དེ་བོད་མི་རིགས་ཀྱི་ཐུན་མོང་མ་ཡིན་པའི་གོམས་སྲོལ་དང་རིག་གཞུང་གཟིགས་འབུལ་ཞུས་པ་ཡོད་པས། འཁྲབ་སྟོན་ནང་མཉམ་ཞུགས་གནང་མཁན་འཁྲབ་སྟོན་པ་ ༤༥༠༠ ལྷག་དང་། གཟིགས་མོ་བ་ཁྲི་ཚོ་ལྷག་གིས་བོད་མི་རིགས་ཀྱི་རིག་གཞུང་འཁྲབ་སྟོན་ལ་དགའ་བསུ་ཆེན་པོ་གནང་སྟེ་རྩེ་ཕུད་ཀྱི་བྱ་དགའ་གནང་ཡོད།  གཞི་རྩའི་དུས་སྟོན་འདི་བརྒྱུད་འཇར་འཁོད་བོད་རིགས་ཚོགས་པ་དང་སུད་སི་དོན་ཁང་དང་བོད་ཀྱི་ཟློས་གར་ཚོགས་པ་ཟུང་སྦྲེལ་ཐོག་ད་རེས་དུས་སྟོན་གྱི་ལས་རིམ་ཆ་ཚང་ཐད་སྲིང་གནང་ཡོད་པར་བརྟེན་རྒྱལ་སྤྱིའི་གསར་ཁང་མང་པོའི་ནང་བོད་རྒྱལ་ཁབ་ཀྱི་མཚན་སྙན་བསྒྲོགས་ཐུབ་པ་བྱུང་བ་དང་འབྲེལ། རྒྱ་ནག་གཞུང་གིས་རིག་གཞུང་བསྲེས་ལྷད་བྱ་རྒྱུའི་ཐབ་ཤེས་ཡོད་རྒུ་རྩ་དྲུག་གཏོང་བའི་སྲིད་ཇུས་ངན་པ་འདི་ཕམ་ཉེས་གཏོང་རྒྱུར་རྒྱལ་ཁ་ཆེན་པོ་ཞིག་བླངས་ཐུབ་པ་ནི་ལོ་རྒྱུས་ནང་བསུབ་མི་ཐུབ་པའི་གྲུབ་འབྲས་དང་རྒྱ་ནག་གཞུང་ལ་བརྡ་ལན་གསལ་སྟོན་ཐུབ་པ་བྱུང་ཡོད། TIPA participates…

ཕྱི་ལོ་ ༢༠༢༦ ཟླ་ ༥ ཚེས་ ༢༢ ཉིན་ཅེག་སྤྱི་མཐུན་རྒྱལ་ཁབ་ཀྱི་རྒྱལ་ས་པེ་རག་སུ་ཡོད་པའི་གྲོས་ཚོགས་ཀྱི་མཛེས་སྡུག་དང་ལོ་རྒྱུས་ལྡན་པའི་ལྡུམ་རའི་ནང་སྐུ་མགྲོན་གཙོ་བོ་ཅེག་གྲོས་ཚོགས་ཀྱི་ཚོགས་གཞོན་ལྕམ་སྐུ་  Jitka Seitlova མཆོག་གིས་གཙོས་པའི་ཅེག་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཟུར་སྦྲེལ་ཚོགས་གཙོ་དང་གྲོས་ཚོགས་འཐུས་མི་ Premysal Rabas, དང་། གྲོང་ཁྱེར་སྤྱི་ཁྱབ་ལྕམ་སྐུ་ Mrs. Iveta, Mayor of Blatono, གྲོས་ཚོགས་ཀྱི་ཚོགས་གཞོན་མཆོག་གི་དྲུང་ཡིག་ Mr. Matyas Barotek, རྒྱ་ནག་ཐད་ཐབས་བྱུས་ཞིབ་འཇུག་ལྟེ་གནས་ཁང་གི་གཙོ་འཛིན་ Prof. Ranade,  རྒྱ་ནག་ཉམས་ཞིབ་ལས་ཁང་གི་(director of sinopsis.cz) འགན་འཛིན་ Prof. Martin Hala མཆོག་གིས་གཙོས་པའི་་གཞན་ཡང་གནད་ཡོད་སྐུ་མགྲོན་དང་མང་ཚོགས་བཅས་སྐུ་མགྲོན་མང་དག་ཅིག་ཕེབས་ཡོད་པ་རྣམས་ལ་བོད་ཀྱི་ཟློས་གར་ཚོགས་པའི་སྒྱུུ་རྩལ་བ་རྣམས་ནས་བོད་ཀྱི་ཟློས་གར་རིག་གཞུང་གཞས་སྣ་གཟིགས་འབུལ་ཞུས་ཡོད།དེ་ཡང་གཞས་སྣ་གཟིགས་འབུལ་གྱི་སྔོན་འགྲོར་སྐུ་མགྲོན་གཙོ་བོ་གྲོས་ཚོགས་ཀྱི་ཚོགས་གཙོ་གཞོན་པ་ཇི་ཌི་ལོ་ཝ་མཆོག་ནས་ད་རེས་སུད་སི་སྐུ་ཚབ་དོན་ཁང་གི་གོ་སྒྲིག་འོག་བོད་ཀྱི་ཟློས་གར་ཚོགས་པ་ཅེག་རྒྱལ་ས་པེ་རག་ཏུ་རིག་གཞུང་འཁྲབ་སྟོན་ཆེད་བཅར་གནང་བ་ལ་དགའ་བསུ་དང་ཅེག་གི་སྲིད་གཞུང་དང་མི་མང་ནས་༸གོང་ས་མཆོག་ལ་དད་གུས་དང་བོད་མིའི་རྩ་དོན་ཐོག་རྒྱབ་སྐྱོར་མུ་མཐུད་ཡོད་ལུགས་གསུངས།   སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་ནས་གསུང་དོན་དུ་ད་ལན་དུས་ཚོད་ཐུང་ཐུང་ཞིག་གི་ནང་བོད་ཀྱི་ཟློས་གར་ཚོགས་པས་ཅེག་སྤྱི་མཐུན་རྒྱལ་ཁབ་ཀྱི་རྒྱལ་ས་པེ་རག་ཏུ་སྐོར་སྐྱོད་འཁྲབ་སྟོན་ཞུ་ཐུབ་པ་དེ་བཀུར་འོས་ཅེག་གྲོས་ཚོགས་གོང་མའི་ཚོགས་གཙོ་གཞོན་པ་ཇི་ཊི་ཀ་སེ་ཊི་ལོ་བ་དང་།…

ཕྱི་ལོ་ ༢༠༢༦ ཟླ་ ༥ ཚེས་ ༡༥ ཉིན་གྱི་དགོང་དྲོ་ཚོུད་ ༦ ཐོག་ Pulverturngasse རྟེན་གཞི་ཆགས་པའི་ཚོགས་ཁང་ཆུང་ཆུང་ཞིག་ནང་  Austria ནང་བཅའ་བཞུགས་སྒྱུ་རྩལ་ཐོག་རྒྱབ་སྐྱོར་གནང་མཁན་གནད་ཡོད་མི་སྣ་ Margret, Christian S, Daniela, Gabreila གཙོ་བོར་འགྱུར་བའི་ཕྱི་རྒྱལ་སྐུ་མགྲོན་ཁག་ཅིག་དང་ Austrai ཁུལ་དུ་ཐོག་མ་གཞིས་སྤོས་གནང་ནས་བཅའ་བཞུགས་གནང་མཁན་བོད་རིགས་སྐུ་ཞབས་བློ་བཟང་ལགས་དང་། ཨ་ཅག་ཀུན་བཟང་དབང་མོ་ལགས། ཚེ་རིང་ལྷ་མོ་ལགས། གཞན་ཡང་བོད་རིགས་ན་གཞོན་བོད་དོན་ཞུ་སྐུལ་གྱི་དྭང་བླངས་ཚོགས་མི་བཅས་ཁྱོན་མི་གྲངས་ ༤༠ ལྷག་ཙམ་ལ་བོད་ཀྱི་ཟློས་གར་ཚོགས་པ་ཚོགས་པའི་སྒྱུ་རྩལ་བ་རྣམས་ནས་བོད་ཀྱི་མཐུན་མོང་མ་ཡིན་པའི་རིག་གཞུང་གཞས་སྣ་གཟིགས་འབུལ་ཞུས་ཡོད། དེ་ཡང་ Austria བཅའ་བཞུགས་བོད་རིགས་བོད་ཀྱི་རིག་གཞུང་ཐོག་ཤ་ཞེན་དང་རྒྱབ་སྐྱོར་གནང་མཁན་བསྟན་འཛིན་གཡུ་སྒྲོན་ལགས་ནས་གོ་སྒྲིག་མཐུན་འགྱུར་གནང་བ་ཞིག་ཡིན་ཞིང་། འཁྲབ་སྟོན་གྱི་ཐོག་མར་བསྟན་འཛིན་གཡུ་སྒྲོན་ལགས་ནས་འཚམས་འདྲི་དང་། ད་ལན་གློ་བུར་དུ་དུས་ཚོད་ཐུང་ཐུང་ཞིག་གི་ནང་རིག་གཞུང་གཞས་སྣ་འཁྲབ་སྟོན་དེ་གོ་སྒྲིག་ཞུ་དགོས་དོན་ནི་བོད་ཀྱི་ཟློས་གར་པའི་སྤྱི་ཁྱབ་འགན་འཛིན་གྱི་སྣེ་ཁྲིད་འོག་སྒྱུ་རྩལ་བ་ཁྱོན་ ༢༦ རྒྱ་གར་ནས་ཆེད་དུ་མངགས་ནས་ཡོ་རོབ་ཁུལ་གྱི་རྒྱབ་ཁབ་ཁག་ཅིག་ལ་རིག་གཞུང་སྐོར་སྐྱོད་དུ་ཆེད་ཕེབས་གནང་ཡོད་པའི་གོ་སྐབས་དེ་དམ་འཛིན་གྱིས་ཁུལ་དེའི་གནད་ཡོད་མི་སྣ་ཚོར་བོད་ཀྱི་ཟློས་གར་རིག་གཞུང་ངོ་སྤྲོད་དང་གོ་རྟོགས་ཁྱབ་སྤེལ་ཞུ་རྒྱུའི་དགོས་དམིགས་བཅངས་ཏེ་འཁྲབ་སྟོན་དེ་གོ་སྒྲིག་ཞུས་པ་ཡིན་པ་དང་། དུས་ཚོད་ཐུང་ཐུང་ནང་འབྲེལ་གཏུགས་ཞུ་དགོས་བྱུང་སྟབས་གནད་ཡོད་མི་སྣ་མང་པོ་ཞིག་སྔོན་ནས་ལས་རིམ་གཞན་གཏན་འཁེལ་ཟིན་པ་ཡོད་སྟབས་བཅར་ཐུབ་མེད་ནའང་གང་འཚམ་ཞིག་མཉམ་བཞུགས་གནང་ཐུབ་ཡོད་པ་རྣམས་ནས་མ་འོངས་པར་བོད་ཀྱི་ཟློས་གར་ཚོགས་པ་ས་གནས་སུ་རྒྱལ་སྤྱིའི་སྒྱུ་རྩལ་དུས་སྟོན་གྱི་སྡིངས་ཆ་གལ་ཆེའི་རིགས་ཀྱི་ནང་གོ་སྐབས་འཚོལ་སྒྲུབ་ཐོག་རྒྱབ་སྐྱོར་དང་། ད་རེས་རིག་གཞུང་འཁྲབ་སྟོན་འདི་གསར་འགྱུར་བརྒྱུད་ལམ་དང་གསར་ཤོག་ཁག་ཁྱབ་སྤེལ་དང་།…

བོད་ཀྱི་ཟློས་གར་ཚོགས་པའི་ཡོ་རོབ་ཀྱི་སྐོར་སྐྱོད་འཁྲབ་སྟོན་གྱི་ལས་རིམ་འགྲོ་མུས་ཡིན་པ་ལྟར་ཕྱི་ལོ་ ༢༠༢༦ ཟླ་ ༥ ཚེས་ ༤ ཉིན་སུད་སི་སྐུ་ཚབ་དོན་ཁང་གི་མཉམ་འབྲེལ་རྒྱལ་ཚོགས་ཀྱི་དྲིལ་བསྒྲགས་ལས་འཛིན་ཕུན་ཚོགས་སྟོབས་རྒྱས་ལགས་ནས་སྣེ་ཤན་།མཐུན་སྦྱོར་གནང་བའི་འོག་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱི་སྣེ་ཁྲིད་པའི་སྒྱུ་རྩལ་སློབ་ཁྲིད་འགན་འཛིན་དང་དགེ་རྒན། སྒྱུ་རྩལ་བ་བཅས་ཁྱོན་མི་གྲངས་ ༢༦ འཇར་མན་གྲོང་ཁྱེར་ Frankfurt ནས་ཕྱིར་ཐོན་གྱིས་ཨསྟྲེ་ཡ་སྤྱི་མཐུན་རྒྱལ་ཁབ་ཀྱི་རྒྱལ་ས་ཝི་ནཱ་རུ་བསྐྱོད་དེ་ཕྱི་ཚེས་ ༩ ཉིན་གྱི་དགོང་དྲོའི་ཚོུད་ ༧ ཐོག་དེ་གའི་ཚོགས་ཁང་ཆེན་མོའི་ནང་སྐུ་མགྲོན་གཙོ་བོ་༸སྐྱབས་རྗེ་གླིང་མཆོག་སྤྲུལ་རིན་པོ་ཆེ་མཆོག་གིས་དབུས་པའི་བོད་སྐྱོབ་ (Save Tibet) ཚོགས་པའི་ཚོགས་གཙོ་ལྕམ་སྐུ་ (Ms. Zimmermann Elisabeth  ལགས་དང་། Ms. Mag Hushik Andrea, Panchen Losang Choyen Gelug Center, Prof. Gerhard Weissgrab President…

བོད་ཀྱི་ཟློས་གར་ཚོགས་པའི་ཡོ་རོབ་ཀྱི་སྐོར་སྐྱོད་འཁྲབ་སྟོན་གྱི་ལས་རིམ་འགྲོ་མུས་ཡིན་པ་ལྟར་ཕྱི་ལོ་ ༢༠༢༦ ཟླ་ ༥ ཚེས་ ༧ ཉིན་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱི་སྣེ་ཁྲིད་འོག་སྒྱུ་རྩལ་སློབ་ཁྲིད་འགན་འཛིན་དང་དགེ་རྒན་དང་སྒྱུ་རྩལ་བ་ཁྱོན་མི་གྲངས་ ༢༦ ཨསྟྲེ་ཡ་སྤྱི་མཐུན་རྒྱལ་ཁབ་ཀྱི་རྒྱལ་ས་ཝི་ནཱ་ནས་ཕྱིར་ཐོན་གྱིས་ས་ལཱ་ཝཀྱ་སྤྱི་མཐུན་རྒྱལ་ཁབ་ཀྱི་རྒྱལ་ས་བ་རཱ་ཊེ་སི་ལཱ་ཝ་རུ་བསྐྱོད་དེ་དགོང་དྲོ་ཚོུད་ ༧ ཐོག་དེ་གའི་གྲོང་ཁྱེར་ཟློས་གར་ཁང་ཆེན་དུ་ (City Theatre of P.O. Hviezdoslav) གནད་ཡོད་སྐུ་མགྲོན་དུ་ཁྲིམས་ཞིབ་བློན་ཆེན་ཟུར་པ་དང་ལས་ཐོགས་གྲོས་ཚོགས་འཐུས་མི་སྐུ་ཞབས་མཱ་རི་ཡ་ཀོ་ལི་ཀོ་ཝ་མཆོག་དང་། (Maria Kolikova – Member of Parliament and Former Minister of Justice) རིག་གཞུང་བློན་ཆེན་ཟུར་པ་སྐུ་ཞབས་སིལ་ཝི་ཡ་ཧ་རོན་ཁོ་ཝ་མཆོག (Silvia Hroncova – Former Minister of…

ཕྱི་ལོ་ ༢༠༢༦ ཟླ་ ༤ ཚེས་ ༣༠ ཉིན་བོད་ཀྱི་ཟློས་གར་ཚོགས་པ་རྒྱ་གར་ནས་འཇར་མན་གྲོང་ཁྱེར་ཕན་རན་ཕུ་རུག་གནམ་ཐང་དུ་འབྱོར་མཚམས་རྗར་འཁོད་ཚོགས་པའི་ཚོགས་གཙོ་སྐུ་ཞབས་དོན་གྲུབ་ལགས་དང་ས་གནས་ཕན་རན་ཕུ་རུག་ཚོགས་པའི་ཚོགས་གཙོ་དབང་མོ་ལགས་རྣམ་གཉིས་ནས་དགའ་བསུའི་འཚམས་འདྲི་ཞུས་ནས་མགྲོན་ཁང་དུ་སྣེ་ལེན་ཟབ་རྒྱས་གནང་།   ཕྱི་ལོ་ ༢༠༢༦ ཟླ་ ༥ ཚེས་ ༢ ཉིན་རྒྱབ་ཆུ་ཚོད་ ༣ པའི་ཐོག་འཇར་མན་གྲོང་ཁྱེར་ཕ་རན་ཕུ་རུག་ (Frankfrut) གི་བྷོན་ཧིམ་ (Bornheim)  རྫོང་གི་ཚོགས་ཁང་ཆེན་མོའི་ནང་སུད་སི་སྐུ་ཚབ་དོན་གཅོད་མཆོག་དང་། རྗར་འཁོད་བོད་རིགས་ཚོགས་པའི་ཚོགས་གཙོ་དང་རྒྱུན་ལས།  རྒྱལ་སྤྱིའི་བོད་དོན་རྒྱབ་སྐོར་ཚོགས་པའི་ས་གནས་ཀྱི་ཚོགས་གཙོ་དང་འཐུས་མི།  དེ་བཞིན་འཇར་མན་ཁུལ་དུ་གནས་སྡོད་ས་གནས་བོད་རིགས་བཅས་ཁྱོན་མི་གྲངས་ ༣༠༠ ལྷག་ཙམ་ལྷན་འཛོམས་སར་བོད་ཀྱི་ཟློས་གར་ཚོགས་པའི་འཁྲབ་སྟོན་པ་རྣམས་ནས་བོད་ཀྱི་སྲོལ་རྒྱུན་གཞས་སྣ་འཁྲབ་སྟོན་དང་གཏམ་བརྗོད་གཟིགས་འབུལ་ཞུས་ཡོད། དེ་ཡང་ཐོག་མར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་མཆོག་གིས་ཕྱི་ནང་གི་སྐུ་མགྲོན་དང་ས་གནས་མང་ཚོགས་ལ་འཚམས་འདྲི་དང་སྦྲགས། བོད་ཀྱི་ཟློས་གར་ཚོགས་པའི་ངོ་སྤྲོད་གཏམ་བཤད་ཞུས་ཡོད་ཅིང་། དེ་རྗེས་སུད་སི་སྐུ་ཚབ་དོན་གཅོད་སྐོུ་འཕྲིན་ལས་ཆོས་སྐྱིད་ལགས་ནས་ད་ལན་ཡོ་རོབ་ཁུལ་དུ་བོད་ཀྱི་ཟློས་གར་ཚོགས་པའི་རིག་གཞུང་སྐོར་སྐྱོད་འཁྲབ་སྟོན་གོ་སྒྲིག་ཞུ་དགོས་པའི་དམིགས་ཡུལ་དང་དེའི་བརྒྱུད་རིམ་ངོ་སྤྲོད་གསུང་བཤད་གནང་སྐབས་ད་རེས་བོད་ཀྱི་ཟློས་གར་ཚོགས་པ་ཨོ་རོབ་ཁུལ་དུ་སྐོར་སྐྱོད་གདན་ཞུ་བྱ་དགོས་པའི་རྒྱུ་མཚན་གཙོ་བོ་ནི་བོད་ནང་རྒྱ་ནག་སྲིད་གཞུང་གིས་བོད་ཀྱི་སྐད་ཡིག་དང་རིག་གཞུང་རྩ་མེད་གཏོང་རྒྱུའི་སྲིད་བྱུས་ལག་བསྟར་བྱེད་བཞིན་པ་དེར་བོད་ཀྱི་ཟློས་གར་ཚོགས་པའི་སྒྱུ་རྩལ་བའི་ངོས་ནས་སོ་སོའི་ཕ་མེས་ནས་བརྒྱུད་ཡོང་བའི་རིག་གཞུང་བཟང་པོ་དེ་དག་འཛམ་གླིང་རྒྱལ་སྤྱིའི་ནང་ངོ་སྤྲོད་དང་ཁྱབ་སྤེལ་བྱ་རྒྱུ་དང་། གཞན་གཅིག་ནི་བོད་རིགས་ན་གཞོན་མང་པོ་ཞིག་ཕྱིའི་རྒྱལ་ཁབ་ནང་འཚར་ལོངས་བྱུང་བ་རྣམས་ལ་སོ་སོའི་ཕ་མེས་ནས་བརྒྱུད་པའི་རིག་གཞུང་བཟང་པོ་དང་ཕྱུག་པོ་དེ་དག་འཁྲབ་སྟོན་གྱི་ལམ་ནས་བརྒྱུད་སྤེལ་ཡོང་ཐབས་སུ་ཡིན་ཞེས་གསུངས་ཡོད་ཅིང་།  དེ་བཞིན་དངོས་སུ་བོད་ཀྱི་ཟློས་གར་ཚོགས་པ་སུད་སི་དོན་ཁང་ཁྱབ་ཁོངས་རྒྱལ་ཁབ་ཁག་ཏུ་སྐོར་སྐྱོད་འཁྲབ་སྟོན་བྱ་རྒྱུ་མངོན་གྱུར་ཐུབ་པ་བྱུང་བ་ནི་འབྲེལ་ཡོད་བོད་རིགས་ཚོགས་པས་རམ་འདེགས་མཐུན་འགྱུར་གནང་བར་བརྟེན་ནས་བྱུང་བར་སོང་ཚང་མར་རྗེས་སུ་ཡིད་རངས་དང་ཐུགས་རྗེ་ཆེ་ཞུས་གྲུབ་མཚམས། བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་ཁྱོན་ཆུ་ཚོད་ ༢ ཙམ་རིང་རིག་གཞུང་གཞས་སྣ་འཁྲབ་སྟོན་ཞུས་ཡོད་པ་དང་། དེ་རྗེས་བོད་ནང་མི་སེར་སྤེལ་ཡུལ་གྱི་བཅའ་སྡོད་སློབ་གྲྭ་ཞེས་པའི་བརྗོད་གཞིའི་ཐོག་གཏམ་བརྗོད་ཚོུད་ ༡ ཙམ་རིང་འཁྲབ་སྟོན་ཞུས་པར་གཟིགས་མོ་གཟིགས་མཁན་སྐུ་མགྲོན་གཙོས་པའི་ས་གནས་མང་ཚོགས་ཡོངས་ནས་ཐུགས་སྣང་ཆེན་པོས་གསན་གཟིགས་གནང་མ་ཟད།…

༄༅།  །ཕྱི་ལོ་ ༢༠༢༦ ཟླ་ ༤ ཚེས་ ༡༧ རེས་གཟའ་པ་སངས་ཉིན་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བོད་མིའི་སྒྲིག་འཛུགས་དང་འཇར་མན་རོགས་ཚོགས་  German Aid to Tibetans གཙོ་བོར་བསྒྱུར་བའི་ཨོ་སི་ཀྲི་ལི་རོགས་ཚོགས་ TCF སོགས་ནས་མཐུན་འགྱུར་འོག་གསར་བཞེངས་གནང་བའི་བོད་ཀྱི་ཟློས་གར་ཚོགས་པའི་སྒྱུ་རྩལ་བའི་སྡོད་ཁང་དང་ལས་ཤག་གསར་རྒྱག་ལེགས་གྲུབ་ཟིན་པའི་ “ཐང་སྟོང་ཁང་གསར།” དབུ་འབྱེད་གནང་སོང་།  དེ་ཡང་གོང་ཚེས་ཉིན་ཞོགས་པ་ཕྱགས་ཚོད་ ༡༠ ཐོག་དཔལ་ལྡན་རྒྱུད་སྟོད་གྲྭ་ཚང་གི་དགེ་འདུན་ཁག་ཅིག་གིས་སྨོན་ལམ་གསུང་འདོན་གྱིས་རབ་གནས་གྲུབ་རྗེས་དཔལ་ལྡན་སྲིད་སྐྱོང་མཆོག་དང་འཇར་མན་རོགས་ཀྱི་དབུ་འཛིན་ཟུར་པ་ལྕམ་སྐུ་ Heide Meyer མཆོག་ནས་དབུ་འབྱེད་གནང་རྗེས་རོགས་ཚོགས་དང་སྐུ་མགྲོན་རྣམས་ནས་གཟིགས་སྐོར་གནང་སོང་།དེ་རྗེས་བོད་ཀྱི་ཟློས་གར་ཚོགས་པའི་ཚོགས་ཁང་ནང་དུ་དབུ་འབྱེད་མཛད་སྒོར་དཔལ་ལྡན་སྲིད་ཀྱོང་མཆོག་དང་འཇར་མན་རོགས་ཚོགས་ཀྱི་དབུ་འཛིན་ཟུར་པ་ལྕམ་སྐུ་ Hiede Meyer མཆོག་དང་འཇར་མན་རོགས་ཚོགས་ཀྱི་འཐུས་མི་ Dr Franziska Schlarmann, Anna Wiencek and German Architect Mr. Mattihias Daxl ལགས་དང་ཁང་བཟོའི་འཆར་འགོད་པ་ Sharddha and Rita from Sejpal&…

ཕྱི་ལོ་ ༢༠༢༦ཟླ་ ༤ ཚེས་ ༡༠ཉིན་གྱི་ཞོགས་པ་ཚོུད་ ༡༠ ཐོག་བོད་ཀྱི་ཟློས་གར་ཚོགས་པའི་ཚོགས་ཁང་ནང་དུ་སྨན་ཆུ་ཁའི་གནས་ནང་རིག་གཞུང་ཚོགས་པ་ནས་དེ་སྔ་བོད་ཀྱི་ཟློས་གར་སྨན་ཆུ་ཁའི་སོ་ནམ་ལོ་གསར་གོ་སྒྲིག་ཚོགས་ཆུང་ནས་ཇི་ལྟར་གདན་ཞུ་གནང་འབྱོར་ལྟར་ཕྱི་ལོ་ ༢༠༢༥ ཟླ་ ༢ པའི་ནང་འདི་གའི་སྤྱི་ཁྱབ་འགན་འཛིན་གྱི་སྣེ་ཁྲིད་འོག་སྒྱུ་རྩལ་བ་ཁག་ཅིག་སྨན་ཆུ་ཁར་སོ་ནམ་ལོ་གསར་གྱི་དུས་སྟོན་དུ་མཉམ་བཞུགས་ཀྱིས་བོད་ཀྱི་རིག་གཞུང་འཁྲབ་སྟོན་ཞུ་སྐབས།  སྨན་ཆུ་ཁའི་གནས་ནང་རིག་གཞུང་ཚོགས་པ་ནས་མོན་པའི་སྤྱི་ཚོགས་ཀྱི་སྐད་ཡིག་དང་ཆོས། རིག་གཞུང་ཡོངས་རྫོགས་ཕ་མེས་ནས་བརྒྱུད་དེ་བོད་དང་འབྲེལ་ལམ་གཏིང་ཟབ་ཡོད་པར་སོང་། ད་ཆ་མི་རབས་རྒན་རྣམས་རིམ་པས་རྫོགས་ལ་ཉེ་ཞིང་རང་གི་རིག་གཞུང་དང་གོམས་སྲོལ་སོགས་ཉམས་རྒུད་དུ་འགྲོ་ལ་འཁེལ་སྐབས་མི་རབས་གཞོན་པ་ཚོས་དོ་སྣང་བྱེད་དགོས་པའི་དུས་སུ་སླེབས་ཡོང་པར་གཞིགས་ཏེ། དེ་གའི་ལས་སྣེ་དང་མི་མང་རྣམས་ཀྱིས་རེ་འདུན་བཞིན་གཞོན་སྐྱེས་རྣམ་ས་བོད་ཀྱི་ཟློས་གར་ཚོགས་པའི་ནང་སློབ་གཉེར་ཡོང་བའི་ཡིག་ངག་གཉིས་ནས་སྐྱབས་འཇུག་སྔ་ཕྱི་རིམ་ཞུ་དོན་ལྟར། སྨན་ཆུ་ཁའི་གནས་ཁང་རིག་གཞུང་ཚོགས་པའི་དམིགས་ཡུལ་དང་།  དེའི་ཁུལ་མོན་པའི་སྤྱི་ཚོགས་ཀྱི་མངོན་འདོད་དང་དོ་བདག་སློབ་ཕྲུག་ཚོའི་འདུན་པ་སོགས་ལ་གཞི་བཅོལ་གྱིས་འདི་ནས་ཚོགས་པའི་འགན་འཛིན་ལྷན་ཚོགས་ཀྱི་ཚོགས་ཐེངས་ ༥༠ སྐབས་སུ་ཞིབ་ཕྲའི་གནད་དོན་སྙན་གསན་དང་བཀའ་བསྡུར་ཞུས་འབྲས་སུ་སྨན་ཆུ་ཁའི་མོན་པའི་སྤྱི་ཚོགས་ཀྱི་བུ་ ༦ དང་བུ་མོ་ ༦ ཁྱོན་བསྡོམས་ ༡༢ ལ་བོད་ཀྱི་ཟློས་གར་ཚོགས་པར་རིན་མེད་སློབ་གཉེར་སློབ་འཇུག་ཡོང་བའི་ཞུ་བསྐུལ་ལ་ད་རེས་ཞུ་སྙན་པའི་དགོས་དམིགས་དང་འདི་གའི་ཚོགས་པའི་ལས་དོན་ཞུ་སྒོའི་དམིགས་ཡུལ་གཞིར་བཟུང་ད་རེས་ཐེངས་དང་པོར་དམིགས་བསལ་དགོངས་བཞེས་ཐོག་ཉུང་མཐར་ལོ་ ༦རིང་སློབ་གཉེར་རྒྱུན་སྐྱོང་བྱ་རྒྱུའི་འདུན་པ་དང་ཁས་ལེན་ཡོད་ཀྱིས་རིན་མེད་ཐོག་སློབ་འཇུག་གནང་རྒྱུའི་བཀའ་འཁྲོལ་བསྩལ་སོན་བྱུང་བ་ཞིག་ཡིན། དེ་ཚེས་ཉིན་སློབ་འཇུག་མཛད་སྒོའི་སྐུ་མགྲོན་གཙོ་བོ་དཔལ་ལྡན་ཆོས་རིག་ལས་ཁུངས་ཀྱི་དྲུང་ཆེ་སྐོུ་བདུད་འདུལ་རྡོ་རྗེ་མཆོག་ཇི་ལྟར་གདན་ཞུ་ཕུལ་དོན་ལྟར་ཞལ་བཞེས་ཀྱི་ཕེབས་གནང་མཛད།   མཛད་སྒོའི་སྐབས་སུ་བོད་ཀྱི་ཟློས་གར་ཚོགས་པའི་དགེ་ལས་ཚོགས་མི་དང་། སྒྱུ་རྩལ་སློབ་ཕྲུག་དང་སྨན་ཆུ་ཁ་ནས་ཆེད་དུ་མངགས་ནས་ཕེབས་པའི་གནས་ནང་རིག་གཞུང་ཚོགས་པའི་སྤྱི་ཁྱབ་དྲུང་ཆེ་Sangey Sona མཆོག་དང་ཚོགས་གཞོན་སྐུ་ཞབས་ CheedenGoiba རྣམ་གཉིས་དང་སློབ་ཕྲུག་བུ་…

   ཕྱི་ལོ་ ༢༠༢༦ ཟླ་ ༤ ཚེས་ ༥ ཉིན་བོད་ཀྱི་ཟློས་གར་ཚོགས་པས་བྷན་དྷ་ར་ནོར་རྒྱལ་གླིང་བོད་མིའི་གཞིས་ཆགས་སུ་རིག་གཞུང་སྐོར་སྐྱོད་ལས་གཞི་རྒྱལ་ཁའི་ངང་ལེགས་གྲུབ་བྱུང་བ་དང་། རིག་གཞུང་འཁྲབ་སྟོན་གྱི་སྐོར་སྐྱོད་འདི་ནི་རྒྱ་གར་ནང་གི་དབུས་བོད་མིའི་གཞིས་ཆགས་ཁག་གསུམ་གྱི་ཁོངས་ནས་སྐོར་སྐྱོད་ལས་རིམ་མཐའ་མ་དེ་ཡིན།  ཁ་སྔོན་མན་སྤར་ཕན་བདེ་གླིང་བོད་མིའི་གཞིས་ཆགས་སུ་སྐོར་སྐྱོད་ལེགས་གྲུབ་བྱུང་རྗེས། བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱི་སྣེ་འཁྲིད་འོག་སྒྱུ་རྩལ་སློབ་ཁྲིད་འགན་འཛིན་བསྟན་འཛིན་ཕུན་ཚོགས་ལགས་གཙོས་དགེ་རྒན་དང་ལས་བྱེད། འཁྲབ་སྟོན་པ་བཅས་མི་གྲངས་ ༤༢ ཕྱི་ཟླ་ ༤ ཚེས་ ༢ ཉིན་གྱི་ཕྱི་དྲོར་བྷན་རྷ་ར་ནོར་རྒྱས་གླིང་བོད་མིའི་གཞིས་ཆགས་སུ་བདེ་འབྱོར་བྱུང་སོང་། ད་ལན་གྱི་རིག་གཞུང་སྐོར་སྐྱོད་ཞུ་རྒྱུའི་དམིགས་ཡུལ་གཙོ་བོ་ནི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༠ བཞད་པའི་༸རྒྱལ་བའི་གོ་སྟོན་དང་བྱམས་བརྩེའི་ལོ་སྲུང་བརྩི་དང་བསྟུན་ཏེ། བོད་མི་གནས་ཡུལ་གྱི་གཞིས་ཆགས་ཁོངས་སུ་དཔུང་པ་ས་འོག་ཏུ་བཅུག་ནས་སྐུ་ལས་བསྐྱོན་མཁན་གྱི་མི་ཐོག་རྒན་པ་ཚོས་གཞིས་ཆགས་ཁག་རྒྱུན་གནས་སྲ་བརྟན་གནས་ཐབས་སླད་སྐུ་ལས་བསྐྱོན་པ་དང་། དེ་བཞིན་བཙན་བྱོལ་བོད་མིའི་སྤྱི་ཚོགས་ནང་རིག་གཞུང་རྒྱུན་འཛིན་དང་ཕྱག་ལྟར་གནང་རྒྱུར་གདོང་ལེན་སྣ་ཚོགས་བྱེད་བཞིན་པའི་སྐབས་འདིར་གཞོན་སྐྱེས་ཚོའི་ཁྲོད་དུ་བོད་ཀྱི་སྲོལ་རྒྱུན་གྱི་འཁྲབ་སྟོན་སྒྱུ་རྩལ་སྲུང་སྐྱོབ་དང་དར་སྤེལ་གཏོང་རྒྱུའི་གལ་ཆེན་རང་བཞིན་ལ་དམིགས་ཏེ་སྐོར་སྐྱོད་གོ་རྟོགས་སྤེལ་རྒྱུའི་ལས་གཞི་འདི་བརྩམས་པ་ཡིན།      ཕྱི་ལོ་ ༢༠༢༦ ཟླ་ ༤ ཚེས་ ༣ ཉིན་གྱི་དགོང་མོར་ཆུ་ཚོད་ ༧:༠༠…

ད་ལན་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱི་སྣེ་ཁྲིད་འོག་སྒྱུ་རྩལ་སློབ་ཁྲིད་འགན་འཛིན་གཙོས་པའི་ཟློས་དགེ་དང་སྒྱུ་རྩལ་བ་དང་ལས་བྱེད་བསྡོམས་གྲངས་ ༤༢ བོད་མིའི་གཞིས་ཆགས་མན་སྤར་ཕན་བདེ་གླིང་དུ་ངོ་བསྐྱོད་ཀྱིས་ཕྱི་ལོ་ ༢༠༢༦ ཟླ་ ༣ ཚེས་ ༢༨ ནས་ཟླ་ ༤ ཚེས་ ༡ བར་ཉིན་གྲངས་ ༥ རིང་དེ་གའི་གཞུང་འབྲེལ་དང་གཞུང་འབྲེལ་མ་ཡིན་པའི་ས་གནས་ཀྱི་ལས་སྣེ་དང་ས་གནས་མང་ཚོགས་བཅས་ལ་བོད་མི་རིགས་ཀྱི་ཐུན་མོང་མ་ཡིན་པའི་རིག་གཞུང་གཞས་སྣ་དང་། ལྷ་གཞུང་འཁྲབ་སྟོན། དེ་བཞིན་བོད་མིའི་ཡུལ་གྱར་བའི་གནས་བབས་དང་བྱམས་བརྩེའི་སེམས་རྒྱུད་བརྗོད་བྱར་བྱས་པའི་གཏམ་བརྗོད་བཅས་གཟིགས་འབུལ་ཞུས་ཡོད་པ་རེད། དེ་ཡང་ཕྱི་ལོ་ ༢༠༢༦ ཟླ་ ༣ ཚེས་ ༢༩ ཡི་དགོང་དྲོའི་ཆུ་ཚོད་ ༧ ཐོག་མན་སྤར་ཕན་བདེ་གླིང་བོད་མིའི་གཞིས་ཆགས་ཀྱི་ཚོགས་ཁང་ནང་དུ་མགྲོན་གྱི་གཙོ་བོ་སྐུ་མགྲོན་གཙོ་བོ་ས་གནས་འཐུས་ཚོགས་ཀྱི་ཚོགས་གཙོ་མཆོག་དང་། དམིགས་བསལ་སྐུ་མགྲོན་ས་གནས་རང་བདེན་ཚོགས་ཆུང་གི་ཚོགས་གཙོ། ཆེས་མཐོའི་སྐུ་མགྲོན་བོད་མིའི་སྒྲིག་འཛུགས་ཀྱི་སྐུ་ཚབ་ས་གནས་འགོ་འཛིན་མཆོག གཞན་ཡང་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་གི་འགན་འཛིན་རྣམ་པ་དང་དགོན་སྡེ་གྲྭ་ཚང་ཁག་གི་སྐྱབས་གནས་མཁན་བླ་དང་དགེ་འདུན་གྱི་སྡེ། རྒྱ་ཆེའི་ས་གནས་ཀྱི་མང་ཚོགས་བཅས་ཚང་འཛོམས་སར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱིས་དགའ་བསུའི་འཚམས་འདྲི་ཞུ་བ་དང་སྦྲགས།…

    ཕྱི་ལོ་ ༢༠༢༦ ཟླ་ ༣ ཚེས་ ༢༥ ཉིན་གྱི་སྔ་དྲོ་ཚོུད་ ༩།༠༠ ཐོག་བོད་ཀྱི་ཞོ་སྟོན་རྒྱས་པ་ཐེངས་ ༢༩ པའི་མཇུག་སྡོམ་མཛད་སྒོ་ཨོ་གཞིས་ཕུན་ཚོགས་གླིང་བོད་མིའི་གཞིས་ཆགས་སུ་འཚོགས་གནང་བ་དང་། མཛད་སྒོའི་ཐོག་སྐུ་མགྲོན་གཙོ་བོ་སྔ་འགྱུར་རྙིང་མའི་བྱེས་ཀྱི་གདན་ས་བདུད་འདུལ་རབ་བརྟན་གླིང་གི་དབུ་འཛིན་བླ་མ་བསོད་ནམས་བཀྲ་ཤིས་མཆོག་དང་། དམིགས་བསལ་སྐུ་མགྲོན་རང་གཞུང་བོད་མིའི་སྒྲིག་འཛུགས་ཀྱི་སྐུ་ཚབ་ཨོ་གཞིས་ས་གནས་འགོ་འཛིན་སྐོུ་ཀརྨ་བློ་གྲོས་བཟང་པོ་ལགས། དགོན་སྡེ་གྲྭ་ཚང་ཁག་གི་སྐྱབས་གནས་བླ་སྤྲུལ་དང་དགེ་འདུན་རྣམས་པ།  ཆེས་མཐོའི་སྐུ་མགྲོན་ཧི་མ་ཅལ་བཅའ་བཞུགས་ (Dr. Khushal Sharma – Rank DIG – IPS) མཆོག་དང་ཁོང་གི་སྐུ་འཁོར་ལྷན་རྒྱས།  ས་གནས་གྲོས་ཚོགས་དང་རང་བདེན་ཚོགས་ཆུང་གི་ཚོགས་གཙོ། མཉམ་འབྲེལ་ཚོགས་གཙོ་དང་དྲུང་ཆེ།  གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་འགན་འཛིན་དང་སློབ་གྲྭ་ཁག་གི་སློབ་སྤྱི་བཅས་རྒྱ་ཆེའི་མང་ཚོགས་ལྔ་བརྒྱ་ལྷག་འདུ་འཛོམས་ཀྱིས་བོད་ཀྱི་ཞོ་སྟོན་དུས་ཆེན་གྱི་མཇུག་སྡོམ་མཛད་སྒོ་སྲུང་བརྩི་གནང་སོང་། མཛད་སྒོའི་ཐོག་མར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ནས་ཞོ་སྟོན་མཇུག་སྡོམ་མཛད་སྒོའི་གསུང་བཤད་ནང་། ད་ལན་ཨོ་གཞིས་ཕུན་ཚོགས་གླིང་བོད་མིའི་གཞིས་ཆགས་སུ་༸རྒྱལ་བའི་གོ་སྟོན་དང་བྱམས་བརྩེ་ལོ་བསྟུན་དུས་སྟོན་སྲུང་བརྩི་ཞུ་རྒྱུར་འབད་བརྩོན་ཞུས་པ་ལྟར་བཀྲིས་ལོ་ལེགས་ངང་མཇུག་བསྒྲིལ་ཐུབ་པར་དགའ་ཚོར་ཆེན་པོ་བྱུང་ཞེས་བཀའ་གནང་རྗེས་བོད་ཀྱི་ཟློས་གར་ཚོགས་པས་ལྷ་གཞུང་ཁྱེའུ་པདྨ་འོད་འབར་གྱི་རྣམ་ཐར་འཁྲབ་སྟོན་གཟབ་རྒྱས་ཞུས་གནང་སོང་།      མཛད་སྒོའི་མཇུག་སྡོམ་སྐབས་སྐུ་མགྲོན་གཙོ་བོ་མཆོག་ནས་ལྷ་མོའི་ཟློས་གར་གྱི་བྱུང་རིམ་རགས་བསྡུས་ངོ་སྤྲོད་གནང་བ་དང་། སྤྱི་ཚོགས་ཁྲོད་བོད་ཀྱི་ཟློས་གར་སྒྱུ་རྩལ་འཁྲབ་སྟོན་པ་ཚོར་རྒྱ་ཆེའི་མང་ཚོགས་ནས་ཆེ་མཐོང་དང་ངོས་འཛིན་གནང་རྒྱུ་གལ་ཆེན་པོ་ཡིན་པ་དང་། བོད་ཀྱི་ལྷ་མོའི་ཟློས་གར་འདི་ནི་རང་མི་རིགས་ཀྱི་ངོ་བོ་མཚོན་ཐབས་ཤིག་ཡིན་པས་ཀུན་གྱིས་ཐུགས་སྣང་དགོས་པའི་བཀའ་སློབ་བཀའ་དྲིན་བསྐྱངས་གནང་སྟེ་བོད་ཀྱི་ཞོ་སྟོན་དུས་སྟོན་ཐོག་མཉམ་བཞུགས་གནང་མཁན་གྱི་འཁྲབ་སྟོན་པ་ཡོངས་ལ་མཇལ་དར་དང་ཕྱག་རྟགས་ལེགས་གསོལ་འབུལ་གནང་བ་དང་། ཞོ་སྟོན་དུས་རིམ་སྐབས་ཕྱག་རོགས་གནང་མཁན་སྤྱི་སྒེར་ཡོངས་ལ་ཐུགས་རྗེ་ཆེའི་མཇལ་དར་དང་ཕྱག་རྟགས་ཕུལ་གནང་སོང་། དེ་བཞིན་དམིགས་བསལ་སྐུ་མགྲོན་ཨོ་གཞིས་ས་གནས་འོག་འཛིན་མཆོག་ནས་དཔལ་ལྡན་ཆོས་རིག་ལས་ཁུངས་ཀྱི་སྐུ་ཚབ་ཞུས་ནས་ལྷ་མོའི་སྐྱིད་སྡུག་ཁག་རེ་རེར་སྒོར་འབུམ་གཅིག་རེ་ཕྱག་རྟགས་གསོལ་བསྩལ་གནང་བ་དང་། དཔལ་ལྡན་དགའ་ལྡན་ཕོ་བྲང་ཡིག་ཚང་ནས་ལྷ་མོའི་སྐྱིད་སྡུག་ཁག་མུ་མཐུད་རྒྱུན་གནས་སྲ་བརྟན་དང་འཛིན་སྐྱོང་སྤེལ་གསུམ་ཡོང་རྒྱུར་དམིགས་ཏེ་ཞལ་འདེབས་གསོལ་བསྩལ་སྒོར་ཁྲི་བདུན་རེ་གནང་སོང་།…

      འདི་ལོར་བོད་ཀྱི་ཟློས་གར་ཚོགས་པ་ཞོ་སྟོན་རྒྱས་པ་ཐེངས་ ༢༩ པ་ཨོ་གཞིས་ཕུན་ཚོགས་གླིང་གཞིས་ཆགས་སུ་བསྐོང་ཚོགས་ཞུ་བའི་གོ་སྐབས་དང་བསྟུན། ས་གནས་སུ་བཞུགས་པའི་མི་རབས་རྒན་གྲས་ཚོས་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་བཞིན་བོད་ཀྱི་ཆོས་དང་རིག་གཞུང་རྒྱུན་འཛིན་དང་། ས་གནས་སུ་བཞུགས་ཏེ་བོད་མིའི་བསྟན་དོན་སྨིན་པའི་བྱ་བ་དང་གཞིས་ཆགས་སྲ་བརྟན་ཡོང་རྒྱུར་དམིགས་ཏེ་ལས་དོན་འདྲ་མིན་བརྩམས་དང་རྩོམ་བཞིན་པར་ཐུགས་རྗེ་ཆེ་ཞུ་རྒྱུ་དང་། ཡང་སྒོས་འདི་ལོར་༸རྒྱལ་བའི་གོ་སྟོན་དང་བྱམས་བརྩེའི་ལོ་སྲུང་བརྩི་ཞུ་བཞིན་པར་སོང་འདི་ནས་བོད་མི་གནས་ཡུལ་ས་གནས་འགའ་རེ་བཅར་ཏེ་རིག་གཞུང་འཁྲབ་སྟོན་དང་གཏམ་བརྗོད་གཟིགས་འབུལ་ཞུ་རྒྱུའི་འོག་གྲབས་ཞུས་ཡོད།     ཁ་ཉིན་ཕྱི་ཚེས་ ༢༡ དང་ ༢༢ ཉིན་གཉིས་རིང་ཨོ་གཞིས་ཕུན་ཚོགས་གླིང་གཞིས་གྲོང་པའི་ཉེ་འཁྲིས་སུ་ཆགས་པའི་ས་གནས་འགོ་འཛིན་ལས་ཁུངས་ཀྱི་མདུན་ཐང་དུ་ཕྱི་དྲོ་ཚོུད་ ༧།༠༠ ཐོག་སྐུ་མགྲོན་གཙོ་བོར་ཇི་ལྟར་གསོལ་འདེབས་ཞུས་པ་བཞིན་རི་དགོན་ཐུབ་བསྟན་སྨན་སྒྲོལ་གླིང་གི་བསྟན་བདག་༸སྐྱབས་རྗེ་འཇིགས་མེད་རིན་པོ་མཆོག་དང་དམིགས་བསལ་སྐུ་མགྲོན་༸སྐྱབས་རྗེ་དགྱེས་པ་རྡོ་རྗེ་རིན་པོ་ཆེ་མཆོག་གདན་ཞུ་གནང་བ་དང་། དེ་བཞིན་ཨོ་གཞིས་ས་གནས་མི་མང་ལྔ་བརྒྱ་ལྷག་འདུ་འཛོམས་སར་བོད་ཀྱི་ཟློས་གར་ཚོགས་པའི་ཉིན་དང་པོར་བོད་ཀྱི་གནའ་བོའི་རིག་གཞུང་གཞས་སྣ་གཟིགས་འབུལ་ཞུས་པ་དང་། ཉིན་གཉིས་པར་བོད་ནང་གི་དངོས་ཡོད་གནས་སྟངས་མཚོན་པའི་གཏམ་བརྗོད་བཙན་གནོན་འོག་གི་བོད་ཅེས་པ་གཉིས་གཟིགས་འབུལ་ཞུས་སྐབས་སྐུ་མགྲོན་གཙོ་ས་གནས་འགོ་འཛིན་མཆོག་དང་ས་གནས་ཀྱི་ལས་ཀྱི་སྣེ་མོ་བ་རྣམས་དང་རྒྱ་ཆེའི་མང་ཚོགས་རྣམས་ནས་དགའ་སྐྱོ་འདྲེས་པའི་ཚོར་བ་དང་བཅས་བསྔགས་བརྗོད་ཆེན་པོ་གནང་བ་དང་། སྐུ་མགྲོན་གཙོ་བོ་མཆོག་ནས་ད་ལན་བོད་ཀྱི་ཟློས་གར་ཚོགས་པས་ཨོ་གཞིས་ས་གནས་སུ་འདི་ལྟར་གནང་བར་བསྔགས་བརྗོད་དང་ཐུགས་རྗེ་ཆེ་ཞུས་གནང་སོང་།      གཞི་རྩའི་བོད་ཀྱི་ཟློས་གར་ཚོགས་པའི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་བཞིན་བོད་ཀྱི་ཆོས་དང་རིག་གཞུང་། ཡང་སྒོས་ལྷ་མོའི་ཟློས་གར་རིག་གནས་རྒྱུན་འཛིན་བྱེད་མུས་ཡིན་ཀྱང་། ད་ལན་ས་གནས་སུ་འདི་ལྟར་འཁྲབ་སྟོན་ཞུ་བའི་དམིགས་ཡུལ་ནི་༸མགོན་པོ་གང་ཉིད་སྐུ་ཡི་དགུང་གྲངས་དགུ་བཅུ་བཞད་པའི་གོ་སྟོན་སྲུང་བརྩི་དང་། གཞིས་ཁོངས་སུ་མི་རབས་གཞོན་ཚོས་བོད་ཀྱི་ཐུན་མོང་མ་ཡིན་པའི་རིག་གཞུང་ཐོག་ཐུགས་སྣང་དང་རྒྱུན་འཛིན། བོད་ནང་གི་དངོས་ཡོད་གནས་སྟངས་སོགས་རྒྱུན་མངའ་ཡོང་རྒྱུར་དམིགས་ཏེ་གཟིགས་འབུས་ཞུས་གནང་སོང་། དེ་བཞིན་ས་གནས་སུ་བཞུགས་མཁན་མི་རབས་རྒན་པ་ཚོའི་དགའ་དད་སྤྲོ་གསུམ་གྱི་འཚམས་འདྲི་དང་བསྔགས་བརྗོད་གནང་ཞིང་། མུ་མཐུད་བོད་ཀྱི་རིག་གཞུང་བྱ་གཞག་ཐད་འཛིན་སྐྱོང་སྤེལ་གསུམ་གནང་རྒྱུའི་ཐུགས་རེ་གནང་བཞིན་འདུག    ད་ཐེངས་ཀྱི་འཁྲབ་སྟོན་འདི་བརྒྱུད་ནས་གཞིས་ཆགས་ཁག་ཏུ་བཞུགས་པའི་མི་རབས་གཞོན་པ་ཚོས་བོད་ཀྱི་རིག་གཞུང་ལ་དོ་སྣང་སྔར་ལྷག་ཡོང་རྒྱུའི་གོ་སྐབས་བྱུང་བ་དང་། མང་ཚོགས་ཀྱི་ངོས་ནས་ཀྱང་ལོ་ངོ་མང་པོའི་རྗེ་སུ་བོད་ཀྱི་ཟློས་གར་ཚོགས་པ་འཁྲབ་སྟོན་དུ་བཅར་ཐུབ་པར་དགའ་བསུ་དང་ཡིད་རང་ཆེན་པོ་གནང་སྟེ་ད་ལན་གྱི་རིག་གཞུང་འཁྲབ་སྟོན་དང་གཏམ་བརྗོད་གཟིགས་འབུལ་དེ་གཉིས་དོན་སྙིང་ལྡན་པ་ཞིག་བྱུང་སོང་། TIPA Showcases Cultural Excellence at…

སྔ་དྲོ་ཚོུད་ ༩།༠༠ ཐོག་ཨོ་ཌི་ཤ་ཕུན་ཚོགས་གླིང་གཞིས་གྲོང་དང་པོའི་ཉེ་འཁྲིས་སུ་ཆགས་པའི་ས་གནས་འགོ་འཛིན་ལས་ཁུངས་ཀྱི་མདུན་ཐང་དུ་བོད་ཀྱི་ཞོ་སྟོན་དུས་སྟོན་གྱི་དབུ་འབྱེད་མཛད་སྒོ་ཚོགས་པ་དང་། མཛད་སྒོའི་སྐུ་མགྲོན་གཙོ་བོ་སྔ་འགྱུར་རྙིང་མའི་བསྟན་པའི་སྲོག་ཤིང་༸སྐྱབས་རྗེ་ནམ་མཁའ་དྲི་མེད་རབ་འབྱམས་རིན་པ་ཆེ་མཆོག་དང་དམིགས་བསལ་སྐུ་མགྲོན་༸སྐྱབས་རྗེ་འཇིགས་མེད་རིན་པོ་ཆེ་མཆོག དེ་བཞིན་རི་པ་བླ་བྲང་གི་སྐུ་འཁོར་ལྷན་རྒྱས་དང་། ༸སྐྱབས་རྗེ་གསང་གྲོལ་རིན་པོ་ཆེའི་མཁའ་འགྲོ་མཆོག བདུད་འདུལ་རབ་རྒྱས་གླིང་དགོན་པའི་དབུ་འཛིན་བླ་མ་བསོད་ནམས་བཀྲ་ཤིས་ལགས་དང་ས་ས་གནས་འགོ་འཛིན་གཙོས་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་འགན་འཛིན་བཅས་རྒྱ་ཆེའི་སེར་སྐྱ་མང་ཚོགས་ལྔ་བརྒྱ་ལྷག་འདུ་འཛོམས་ཀྱིས་བོད་ཀྱི་ཞོ་སྟོན་རྒྱས་པ་ཐེངས་ ༢༩ དབུ་འབྱེད་མཛད་སྒོ་ཚོགས་གནང་སོང་།    ཐོག་མར་བོད་ཀྱི་ཟློས་གར་ཚོགས་པའི་དབུ་འཛིན་དོན་གྲུབ་ཚེ་རིང་ལགས་ནས་ཞོ་སྟོན་དུས་ཆེན་གྱི་བྱུང་རིམ་དང་མཛད་སྒོའི་འཚམས་འདྲིའི་ངོ་སྤྲོད་གསུང་བཤད་ནང་། འདི་ལོར་༸གོང་ས་༸སྐྱབས་མགོན་ཆེན་པོ་མཆོག་སྐུ་ཡི་དགུང་གྲངས་ ༩༠ བཞད་པའི་གོ་སྟོན་རྟེན་དང་བྱམས་བརྩེའི་ལོ་སྲུང་བརྩི་ཞུ་བཞིན་ཡོད་པར་སོང་། འདི་ག་བོད་ཀྱི་ཟློས་གར་ཚོགས་པའི་ངོས་ནས་འདི་ལོའི་བོད་ཀྱི་ཞོ་སྟོན་དུས་སྟོན་དེ་ཡང་བྱམས་བརྩེའི་ལོ་སྲུང་བརྩི་དང་འབྲེལ་ནས་ཨོ་གཞིས་ཕུན་ཚོགས་གླིང་གཞིས་ཆགས་སུ་གོ་སྒྲིག་ཞུ་བཞིན་ཡོད་སྐོར་ངོ་སྤྲོད་གནང་སོང་།     མཛད་སྒོའི་སྐུ་མགྲོན་གཙོ་བོ་༸སྐྱབས་རྗེ་ནམ་མཁའ་དྲི་མེད་རབ་འབྱམས་རིན་པོ་ཆེ་མཆོག་ནས་བོད་ཀྱི་གནའ་བོའི་ཐུན་མོང་མ་ཡིན་པའི་ཞོ་སྟོན་དུས་སྟོན་འདི་ཨོ་གཞིས་ཕུན་ཚོགས་གླིང་བོད་མིའི་གཞིས་སྒར་ཚོགས་ཐུབ་པར་དགའ་སྤྲོ་ཆེན་པོ་བྱུང་བ་དང་། ལྷག་དོན་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་བོད་ཀྱི་ལྷ་མོའི་ཟློས་གར་ཐོག་ཐུགས་སྣང་ཆེན་པོ་གནང་གི་ཡོད་པར་སོང་། ད་བར་རྒྱུན་འཛིན་དང་ཉམས་པ་སོར་ཆུད་གནང་ཐུབ་པ་ནི་ཧ་ཅང་གི་ཡག་པོ་བྱུང་འདུག དེ་བཞིན་དེ་རིང་ཞོ་སྟོན་ནང་རྗེ་བཙུན་མི་ལ་རས་པའི་རྣམ་ཐར་ཞིག་གཟིགས་འབུལ་ཞུས་པར་དགའ་པོ་ཞེ་དྲགས་བྱུང་སོང་། གཞོན་སྐྱེས་ཚོའི་བོད་ཀྱི་རིག་གཞུང་བདག་གཅེས་གནང་རྒྱུ་གལ་འགངས་ཆེན་པོ་ཡིན་པའི་བཀའ་སློབ་ཕེབས་སོང་།     ཞོ་སྟོན་དངོས་གཞིའི་གཟིགས་ཕུད་སྐབས་དང་ཐོག་བོད་ཀྱི་ཟློས་གར་ཚོགས་པའི་རྔོན་པའི་འདོན་བརྒྱབ་རྗེས་ལྷ་མོའི་སྐྱིད་སྡུག་རེ་མོས་ཀྱིས་ལྷ་གཞུང་སྙིང་བསྡུས་རེ་གཟིགས་ཕུད་ཞུས་སོང་། སྐབས་དེར་ཀོ་ལི་གྷལ་དོན་ལྡན་གླིང་གཞིས་ཆགས་ཀྱི་ལྷ་མོ་ཚོགས་པས་ལྷ་གཞུང་གཅུང་པོ་དོན་ཡོད་དོན་གྲུབ་དང་། ཅོན་རཱ་ར་བོད་ཁྱིམ་གྱིས་ལྷ་གཞུང་ཁྱེའུ་པདྨ་འོད་འབར། རྡ་སྟེང་བོད་ཁྱིམ་གྱིས་ལྷ་གཞུང་ས་སྐྱ་པཎྜི་ཏའི་རྣམ་ཐར། སྦན་རྡ་ར་ལྷ་མོ་ཚོགས་པས་ལྷག་ཞུང་རྒྱ་བཟའ་བལ་བཟའ། སྦེལ་ཀོབ་ལུགས་བདེ་གཉིས་ཀྱི་ལྷ་མོ་ཚོགས་པས་ལྷ་གཞུང་འགྲོ་བ་བཟང་མོ། ཨོ་ཌི་ཤ་ཕུན་ཚོགས་གླིང་གཞིས་ཆགས་ལྷ་མོ་ཚོགས་པས་ལྷ་གཞུང་རྗེ་བཙུན་མི་ལ་རས་པའི་རྣམ་ཐར་སྙིང་བསྡུས་རེ་གཟིགས་ཕུད་ཞུས་སོང་།  ལྷ་གཞུང་གཟིགས་ཕུད་གྲུབ་རྗེས་༸སྐྱབས་རྗེ་འཇིགས་མེད་རིན་པོ་ཆེ་མཆོག་ནས་བཀའ་སློབ་བཀྲིན་བསྩལ་སྐབས། བོད་ཀྱི་རིག་གཞུང་རྒྱུན་འཛིན་གནང་རྒྱུ་འདི་མི་ཐོག་རྒན་པ་གཅིག་པུ་མ་ཡིན་པར་མི་རབས་གཞོན་པ་ཚོས་བོད་ཀྱི་སྐད་ཡིག་གཙོས་བོད་ཀྱི་རིག་གཞུང་གླུ་བྲོ་གར་གྱི་ཟློས་གར་གང་ཡོད་པ་རྣམས་གཅེས་འཛིན་གནང་རྒྱུའི་འགན་འཁྲི་བབ་ཡོད། བླ་མ་དང་ཆོས་པ་ཚོས་ཆོས་ཉམས་ལེན་དང་བསྟན་པ་འཛིན་སྐྱོང་གནང་རྒྱུའི་ཐུགས་འགན་བཞེས་ཀྱི་ཡོད་སྟབས། མི་མང་ཚོས་བོད་ཀྱི་སྐད་ཡིག་དང་རིག་གཞུང་འཛིན་སྐྱོང་སྤེལ་གསུམ་གནང་རྒྱུ་གལ་ཆེན་པོ་ཡིན་པའི་བཀའ་སློབ་ཕེབས་གྲུབ་རྗེས་བོད་ཀྱི་ཟློས་གར་ཚོགས་པའི་འཁྲབ་སྟོན་འགན་འཛིན་བསྟན་འཛིན་ཕུན་ཚོགས་ལགས་ཀྱིས་ཐུགས་རྗེ་ཆེ་གསུང་བཤད་གནང་སྟེ་བོད་ཀྱི་ཟློས་གར་ཚོགས་པའི་བཀྲ་ཤིས་མཆོད་མཚམས་ཀྱི་ལེའུ་གཟིགས་འབུལ་ཞུས་ཏེ་དབུ་འབྱེད་མཛད་སྒོའི་ལས་རིམ་རྒྱལ་ཁའི་ངང་གྲུབ་སོང་། སྤྱིར་བོད་ཀྱི་ཞོ་སྟོན་ནང་མཉམ་ཞུགས་གནང་མཁན་ལྷ་མོའི་ཚོགས་པ་ཁག་བཅུ་གཉིས་ཙམ་ཡོད་ཀྱང་ད་ལན་སྐྱིད་སྡུག་འགའ་རེས་དམིགས་བསལ་དཀའ་ངལ་གྱི་རྐྱེན་པས་ཞོ་སྟོན་ནང་མཉམ་ཞུགས་གནང་ཐུབ་མེད་པ་དང་།དེའི་ཁོངས་སུ་མོན་གྷོ་འདོད་རྒུ་གླིང་གཞིས་ཆགས་ཀྱི་ལྷ་མོ་ཚོགས་པ།  བལ་ཡུལ་ལྷ་མོ་ཚོགས་པ།…

ཕྱི་ལོ་ ༢༠༢༦ ཟླ་ ༣ ཚེས་ ༩ དགོང་དྲོ་བོད་ཀྱི་ཟློས་གར་ཚོགས་པའི་ཚོགས་ཁང་ནང་བོད་མིའི་སྒྲིག་འཛུགས་བཀའ་ཤག་གི་གོ་སྒྲིག་འོག་ཆེད་དུ་གདན་ཞུ་ཕུལ་བའི་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཐེངས་ ༦༧ པའི་གཞུང་འབྲེལ་མཛད་སྒོའི་སྐུ་མགྲོན་གཙོ་བོ་ཇར་མ་ནིའི་གྲོས་ཚོགས་འཐུས་མི་སྐུ་ཞབས་ ( Michal Brand) མཆོག་དང་ཅེཀ་སྤྱི་མཐུན་རྒྱལ་ཁབ་ཀྱི་གྲོས་ཚོགས་གོང་མའི་ཚོགས་གཞོན་སྐུ་ཞབས་ (Hans Gert Pottering) མཆོག་   དམིབས་གསལ་སྐུ་མགྲོན་རྣམ་པ།   བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ།  གོ་སྟོན་གོ་སྒྲིག་ཚོགས་ཆུང་གི་ཚོགས་གཙོ་དང་ཕྲི་དྲིལ་དྲུང་ཆེ་དང་ལས་བྱེད་བཅས་ཚོགས་ཁང་ནང་བཞུགས་གྲལ་འཁོད་མཚམས།   བོད་མིའི་སྒྲིག་འཛུགས་ཕྱི་དྲིལ་དྲུང་ཆེ་སྐོུ་ཀརྨ་ཆོས་དབྱིངས་ལགས་ནས་སྐུ་མགྲོན་ཡོངས་ལ་འཚམས་འདྲིའི་གསུངས་བཤད་གནང་རྗེས་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་ནས་བོད་ཀྱི་ཟློས་གར་ཚོགས་པའི་ངོ་སྤྲོད་སྙིང་བསྡུས་གསལ་བཤད་ཞུས་ཏེ་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་བོད་ཀྱི་མཐུན་མོང་མ་ཡིན་པའི་རིག་གཞུང་གཞས་སྣ་གཟིགས་འབུལ་ཞུས་མཐར་སྐུ་མགྲོན་ཡོངས་ནས་བོད་ཀྱི་ཟློས་གར་སྒྱུ་རྩལ་རིག་གཞུང་ལ་ཐུགས་སྣང་ཆེན་པོས་དགའ་བརྩི་མཐོང་མངོན་པར་བསྟོད་པ་དང་འཁྲབ་སྟོན་པ་ཡོངས་ལ་དགའ་བསུའི་ཐལ་སྒྲ་འོག་ནས་སྒྱུ་རྩལ་བ་ལྷན་སྐུ་དཔར་སྒྲོན་ནས་ཚང་མས་ཡིད་རངས་བསྔགས་བརྗོད་གནང་རྗེས་གཞུང་འབྲེལ་གསོལ་སྟོན་ཟབ་རྒྱས་འདེགས་འབུལ་གྱིས་མཛད་སྒོ་རྒྱལ་ཁའི་ངང་ལེགས་གྲུབ་བྱུང་། Grand Cultural Reception by TIPA Artists for the 67th Tibetan National Uprising Day The artists of the…

On January 6, 2026, the Tibetan Institute of Performing Arts (TIPA) had the honor of presenting traditional Tibetan cultural songs and performances at a special celebration. The event marked two…

རྒྱ་གར་འཕགས་ཡུལ་བྱང་ཕྱོགས་ཨུ་ཌར་ཀན་མངའ་སྡེའི་རྒྱལ་ས་སྡེ་ར་སྡུན་དོན་གྲུབ་གླིང་གཞིས་ཆགས་སུ་གཏན་གཞི་ཆགས་པའི་སྔ་འགྱུར་རྙིང་མའི་གདན་ས་ཆེན་པོ་འོག་མིན་ཨྱོན་སྨིན་གྲོལ་གླིང་གི་༸སྐྱབས་རྗེ་སྨིན་གླིང་རྗེ་བཙུན་མཁའ་འགྲོ་རིན་པོ་ཆེ་མཆོག་གིས་ཇི་ལྟར་གསོལ་བ་བཏབ་པ་བཞིན།  བཀའ་གཏེར་སྨིན་གྲོལ་རྒྱ་མཚོའི་མཛོད་འཛིན་༸སྐྱབས་རྗེ་ཞེ་ཆེན་རབ་འབྱམས་རིན་པོ་མཆོག་གི་ཞལ་སྔ་ནས།  སྨིན་གླིང་གདན་སར་སྔ་འགྱུར་བཀའ་མའི་དབང་ལུང་ལེགས་གྲུབ་ཀྱི་དགའ་སྟོན་དང་འཕགས་ཡུལ་ཨོ་རྒྱན་སྨིན་གྲོལ་གླིང་དབུ་བརྙེས་ནས་མི་ལོ་ཧྲིལ་པོ་ ༦༠ འཁོར་བའི་དུས་དྲན་ཡང་སྲུང་བརྩི་ཞུ་བའི་བཀྲ་ཤིས་རྟེན་འབྲེལ་གྱི་དུས་ཚེས་ཁྱད་པར་ཅན་འདིར་བོད་ཀྱི་ཟློས་གར་ཚོགས་པའི་ངོས་ནས་བོད་ཀྱིས་མཐུན་མོང་མ་ཡིན་སྲོལ་རྒྱུན་གཞས་སྣ་གཟིགས་འབུལ་ཞུས་ཡོད། དེ་ཡང་གཞི་རྩའི་བོད་ཀྱི་ཟློས་གར་སྒྱུ་རྩལ་སློབ་གཉེར་ཁང་གི་དགུན་ཁའི་གུང་སེང་དུས་ཚེས་ཁེལ་ཡོད་ནའང་། སྔ་འགྱུར་བཀའ་མའི་དབང་ལུང་ལེགས་གྲུབ་ཀྱི་དགའ་སྟོན་དང་ཨྱོན་སྨིན་གྲོལ་གླིང་ཕྱག་བཏབ་ནས་མི་ལོ་ཧྲིལ་པོ་ ༦༠ འཁོར་བའི་དུས་དྲན་སྲུང་བརྩི་ཞུ་བའི་སྐལ་བཟང་དུས་སྟོན་འདིར་འབྲེལ་ཡོད་གོ་སྒྲིག་ཚོགས་ཆུང་གིས་གདན་ཞུ་ཕུལ་འབྱོར་བྱུང་བའི་གོ་སྐབས་བཟུང་སྟེ་དགུང་ཁའི་དགུང་སེང་ཕྱི་བསྣུར་གྱིས་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱི་སྣེ་ཁྲིད་འོག  སྒྱུ་རྩལ་སློབ་ཁྲིད་འགན་འཛིན་དང་དགེ་རྒན་དང་སྒྱུ་རྩལ་བ་བསྡོམས་གྲངས་ ༣༥ ངོ་བཅར་གྱིས་འདི་གའི་འགོ་ལས་སྒྱུ་རྩལ་བ་རྣམས་ལ་༸སྐྱབས་རྗེ་སྨིན་གླིང་ཁྲི་འཛིན་པོ་མཆོག་གི་སྐུ་གདུང་ཞལ་མཇལ་དང་། ༸སྐྱབས་རྗེ་ཞེ་ཆེན་རབ་འབྱམས་རིན་པོ་ཆེ་མཆོག་གི་བཀའ་སྒོ་དང་མཇལ་ཁ། དེ་བཞིན་༸སྐྱབས་རྗེ་སྨིན་གླིང་རྗེ་བཙུན་མཁའ་འགྲོ་རིན་པོ་མཆོག་གིས་མཇལ་ཁ་དང་བཀའ་སློབ།  གདན་ས་སྨན་གླིང་དུ་མཆོད་མཇལ་དང་། དེ་བཞིན་ཕྱི་ཚེས་ ༦ ཉིན་དགོང་དྲོ་ཕྱག་ཚོད་ ༧ ཐོག་རྟེན་འབྲེལ་གྱི་རོལ་མོའི་མཆོད་དབྱངས་ཀྱི་དགའ་སྟོན་ཉིན་སྐུ་མགྲོན་གི་གཙོ་བོ་༸སྐྱབས་རྗེ་ཞེ་ཆེན་རབ་འབྱམས་རིན་པོ་ཆེ་མཆོག་དང་།  ༸སྐྱབས་རྗེ་འཁོར་ཆེན་རིན་པོ་ཆེ་མཆོག  ༸སྐྱབས་རྗེ་སྨིན་གྲིང་རྗེ་བཙུན་མཁའ་འགྲོ་རིན་པོ་ཆེ་མཆོག་གཙོས་པའི་སྐྱེ་ཆེན་གྱི་བླ་སྤྲུལ་རྣམ་པ་དང་།   གྲྭ་བཙུན་སྔགས་གསུམ་གྱི་སྡེ།  ཕྱི་ནང་ནས་ཆེད་བཅར་དད་ལྡན་ཆོས་ཞུ་བ་སྟོང་ཚོ་གསུམ་ལྷག་འདུ་འཛོམས་ཐོག་ཨྱོན་སྨིན་གྲོལ་གླིང་གོ་སྒྲིག་ཚོགས་ཆུང་གི་ཟུང་དྲུང་བླ་མ་བསྟན་སྐྱབས་མཆོག་ནས་འཚམས་འདྲི་གསུང་བཤད་རྗེས་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་ནས་འཚམས་ཞུ་དང་ངོ་སྤྲོད་སྙིང་བསྡུས་ཞུས་རྗེས་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་རྟེན་འབྲེལ་དགའ་སྟོན་གྱི་མཆོད་པའི་རོལ་དབྱངས་ཚུལ་དུ་བོད་ཀྱི་གནའ་བོའི་རིག་གཞུང་གཞས་སྣ་གཟིགས་འབུལ་ཞུས་སྐབས་བསྟན་བདག་བླ་ཆེན་གཙོས་པའི་དད་ལྡན་ཆོས་ཞུ་བ་རིས་མེད་སེར་སྐྱ་ཕོ་མོ་རྣམས་ནས་དགའ་ཚོར་ཆེན་པོའི་ཐལ་སྒྲའི་ཁྲོད་ཡིད་རང་བསྔགས་བརྗོད་གནང་བ་ནི་བོད་ཀྱི་ཟློས་གར་ཚོགས་པའི་རིག་གཞུང་གཅེས་འཛིན་ཞུ་མཁན་སྒྱུ་རྩལ་བ་ཡོངས་ལ་ཆེ་མཐོང་དང་ཕྱི་ལོ་གསར་པའི་ཟླ་བ་དང་པོ་ཤར་བའི་སྐབས་བསྟན་བདག་བླ་ཆེན་དབུ་བཞུགས་ཐོག་དད་ལྡན་ཆོས་ཞུ་བ་སྟོང་ཚོ་མང་པོའི་མདུན་བོད་ཀྱི་མཐུན་མོང་མ་ཡིན་པའི་རིག་གཞུང་གཞས་སྣ་གཟིགས་འབུལ་ཞུ་ཐུབ་པ་ནི་སྒྲིབ་སྦྱང་ཚོགས་བསགས་ཀྱི་མཐུས་ཕྱི་ནང་གི་འགལ་རྐྱེན་ཐམས་ཅད་ཞི་བའི་རྟགས་དང་རྟེན་འབྲེལ་བཟང་པོའི་མཚན་མར་མངོན། ༸སྐྱབས་རྗེ་སྨིན་གླིང་རྗེ་བཙུན་མཁའ་འགྲོ་རིན་པོ་མཆོག་དབུས་པའི་སྔ་འགྱུར་རྙིང་མའི་གདན་ས་ཨྱོན་སྨིན་གྲོལ་གླིང་གི་གོ་སྒྲིག་ཚོགས་ཚུང་གི་ཟུང་དྲུང་བླ་མ་བསྟན་སྐྱབས་མཆོག་དང་ཚོགས་ཆུང་གི་རྒྱུན་ལས་རྣམས་ནས་བོད་ཀྱི་ཟློས་གར་ཚོགས་པའི་འགོ་ལས་འཁྲབ་སྟོན་པ་ཡོངས་ཀྱི་བཞུགས་གནས་དང་ཞལ་ལག་མཐུན་འགྱུར་མཐུན་འགྱུར་གང་ལེགས་གནང་བར་ལ་འདི་གའི་དགེ་ལས་ཚོགས་མི་ཡོངས་ཀྱི་ཚབ་ཞུས་ཏེ་བཀའ་དྲིན་ཆེ་ཞུ་བ་དང་སྦྲགས་མ་འོངས་པ་ཡང་དེ་འདྲའི་གོ་སྐབས་སྐྱབས་འཇུག་ཡོང་བའི་རེ་འདུན་ཞུ་རྒྱུ་ཡིན།

འདི་ལོར་རང་གཞུང་བོད་མིའི་སྒྲིག་འཛུགས་ནས་ལོ་ཧྲིལ་པོ་༸རྒྱལ་བའི་གོ་སྟོན་དུས་ཆེན་སྲུང་བརྩི་ཞུ་མུས་ལྟར་ཐེ་ཝན་བོད་ཀྱི་སྐུ་ཚབ་དོན་གཅོས་ལས་ཁུངས་དང་ཐེ་ཝན་ཕྱི་སྲིད་ལས་ཁུངས་ཀྱི་རིག་གཞུང་ལྷན་ཁང་ཟུང་སྦྲེལ་ཐོག་བོད་ཀྱི་ཟློས་གར་ཚོགས་པ་ཕྱི་ལོ་ ༢༠༢༥ ཟླ་ ༩ ཚེས་ ༢༧ ནས་ཕྱི་ཟླ་ ༡༠ ཚེས་ ༡༥ བར་ཐེ་ཝན་དུ་གདན་ཞུ་གནང་བར་སོང་། འདི་གའི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་གིས་སྣེ་ཁྲིད་འོག་སྒྱུ་རྩལ་སློབ་ཁྲིད་འགན་འཛིན་གཙོས་ཟློས་དགེ་དང་འཁྲབ་སྟོན་པ་ཁྱོན་མི་གྲངས་ ༡༨ ཕྱོགས་སྐྱོད་འཁྲབ་སྟོན་ཆེད་ཕྱི་ལོ་ ༢༠༢༥ ཟླ་ ༩ ཚེས་ ༢༥ ཉིན་བཞུགས་སྒར་ནས་ཕྱིར་ཐོན་གྱིས་རྒྱ་གར་རྒྱལ་ས་ལྡི་ལི་བརྒྱུད་དེ་ཕྱི་ཚེས་ ༢༧ ཉིན་ཐི་ཝན་དུ་བདེ་འབྱོར་བྱུང་ཞིང་། སྐབས་དེར་གནམ་ཐང་དུ་བོད་ཀྱི་སྐུ་ཚབ་དོན་གཅོད་ལས་ཁུངས་ཀྱི་དྲུང་ཆེ་དང་ལས་བྱེད།  ཐེ་ཝན་རིག་གཞུང་ལྷན་ཁང་གི་ལས་བྱེད་དང་ཐེ་ཝན་བོད་རིགས་ཚོགས་པའི་ཚོགས་གཙོ་བཅས་ནས་ཕེབས་བསུ་ཞུས་རྗེས་ཐེ་ཝན་རྒྱལ་ས་ཐེ་པའི་མགྲོན་ཁང་དུ་ཕྱིར་ཐོན་གྱིས་བཞུགས་གནས་སོགས་གྲ་སྒྲིག་འཐུས་ཚང་གནང་འདུག་ཅིང་ཐེ་ཝན་རིག་གཞུང་ལྷན་ཁང་ནས་ཕྱི་ཟླ་ ༩ ཚེས་ ༢༧ ནས་ཕྱི་ཟླ་ ༡༠ ཚེས་ ༠༧ བར་འཁྲབ་སྟོན་དང་བཞུགས་གནས་གོ་སྒྲིག་གནང་བཞིན་ཡོད། ཕྱི་ཚེས་…

༄༅།  །ཕྱི་ལོ་ ༢༠༢༥ ཟླ་ ༩ ཚེས་ ༢༡ ཉིན་གྱི་སྔ་དྲོའི་ཚོུད་ ༡༠ ཐོག་ཇར་མན་རོགས་ཚོགས་ (German Aid to Tibetans) ཀྱི་ཚོགས་གཙོ་ལྕམ་སྐུ་ (Heide Meyer) མཆོག་དང་ཕྱག་རོགས་ཚོགས་པའི་ལས་བྱེད་(Ms. Chritrians) རྣམ་གཉིས་བོད་ཀྱི་ཟློས་གར་ཚོགས་པར་ཆེད་ཕེབས་གནང་ཡོད། དེ་ཡང་རོགས་ཚོགས་ངོས་ནས་འདི་གའི་བུའི་སྡོད་ཁང་དང་ལས་ཤག་གསར་རྒྱག་གི་ལས་གཞིའི་ཐོག་འགྲོ་གྲོན་བརྒྱ་ཆ་ ༥༠ ལྷག་རོགས་སྐྱོར་གནང་ཡོད་པས། ད་ལན་སྡོད་ཁང་དང་ལས་ཤག་གསར་རྒྱག་གི་ལས་གཞི་མཇུག་བསྒྲིལ་ལ་ཉེ་བ་སོང་ཆེད་དུ་ལས་གཞིར་གཟིགས་ཞིབ་གནང་བར་ཕེབས་པ་ཞིག་ཡིན་ཞིང་། དེ་ཙམ་དུ་མ་ཟད་དེ་སྔོན་ཕྱི་ལོ་ ༢༠༡༧ ལོར་འདི་གའི་བུ་མོའི་ཉལ་ཁང་གསར་རྒྱག་ཐད་ལའང་འགྲོ་གྲོན་བརྒྱ་ཆ་ ༥༠ ལྷག་རོགས་སྐྱོར་དང་། བོད་ཀྱི་ཟློས་གར་ཚོགས་པའི་གསོལ་ཐབ་དང་གསོལ་ཚིགས་ཁང་གི་ཁང་ཐོག་གི་ལྕགས་ཤོག་བརྗེ་བསྒྱུར་དང་སྒྱུ་རྩལ་འཁྲབ་སྦྱོང་བྱ་ཡུལ་མདུན་ཐང་གི་གྱང་རྩིག་གསར་རྒྱག་ཐད་ལའང་དཔལ་འབྱོར་གྱི་མཐུན་འགྱུར་གནང་ཡོད་པས། ད་ལན་བུའི་སྡོད་ཁང་དང་ལས་ཤག་གསར་རྒྱག་གི་ལས་གཞིའི་ཐོག་གཟིགས་ཞིབ་གནང་ཡོད་པ་མ་ཟད། ཇར་མན་རོགས་ཚོགས་ནས་རོགས་དངུལ་མཐུན་འགྱུར་ཞུས་ཡོད་པའི་དེ་སྔའི་ལས་གཞི་གྲུབ་ཟིན་པ་ཁག་ལའང་གཟིགས་རྟོག་གནང་ཡོད་ཅིང། ལས་གཞི་དང་འབྲེལ་བའི་དོགས་འདྲི་ཕེབས་ཁག་ལ་ཕན་ཚུན་དབར་གོ་བསྐོན་གསལ་བཀྲོལ་གྱི་གླེང་མོལ་ལྷུག་པོར་ཞུས་ཡོད། ཚོགས་གཙོ་ལྕམ་ Heide Meyer མཆོག་གིས་ཐུགས་འགན་རྐང་བཞེས་གནང་བའི་འོག་ཇར་མན་རོགས་ཚོགས་ཀྱིས་ད་བར་བོད་ཕྲུག་རྣམས་ཀྱི་སློབ་ཡོན་དང་།…

༄༅། །ཕྱི་ལོ་ ༢༠༢༥ ཟླ་ ༩ ཚེས་ ༢༠-༢༡ ཉིན་གཉིས་རིང་ལ་དྭགས་ཟངས་དཀར་དུས་སྟོན་ཐེངས་བཅུ་པའི་ནང་བོད་ཀྱི་ཟློས་གར་ཚོགས་པའི་ཟློས་དགེ་བསྟན་འཛིན་ཡོན་ཏན་ལགས་ཀྱིས་སྣེ་འཁྲིད་འོག་འཁྲབ་སྟོན་གྲངས་བཅུ་བཞི་མཉམ་ཞུགས་གནང་ཡོད། ད་ལན་གྱི་དུས་སྟོན་འདིའི་ནང་གདན་ཞུའི་སྒྱུ་རྩལ་བ་ཆིག་སྟོང་བཞི་བརྒྱ་ལྷག་ཕེབས་ཡོད་པ་དང་། གཟིགས་མོ་བ་དང་ཡུལ་སྐོར་སྤྲོ་འཆམ་པ་གཅིག་ཁྲི་ལྷག་འདུམས་འཛོམས་བྱུང་ཡོད་ཅིང་། དེའི་ནང་བོད་ཀྱི་ཟློས་གར་ཚོགས་པའི་བོད་ཀྱི་ཐུན་མོང་མ་ཡིན་པའི་རིག་གཞུང་གཞས་སྣ་ཁག་གཉིས་ཙམ་འཁྲབ་སྟོན་གནང་སྟེ་རྒྱ་ཆེའི་མང་ཚོགས་ཚོས་བསྔགས་བརྗོད་དང་དགའ་བསུ་ཆེན་པོ་གནང་སོང་། From September 20 to 21, 2025, a delegation of fourteen performers from the Tibetan Institute of Performing Arts (TIPA),…

༄༅།  །ཕྱི་ལོ་ ༢༠༢༥ ཟླ་ ༩ ཚེས་ ༢༠ ཉིན་གྱི་སྔ་དྲོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་ ༩༠ བཞེས་པའི་༸སྐུའི་གོ་སྟོན་དུ་ལྷོ་ཤར་ཨེ་ཤེ་ཡའི་ནང་པའི་རྒྱལ་ཁབ་ཁག་དང་ལྷོ་ཀོ་རི་ཡའི་ནང་པ་རྣམས་ནས་བརྟན་བཞུགས་བསྡུས་པ་ཞིག་བཞུགས་སྒར་རྡ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་གི་གསུང་ཆོས་རྭ་བའི་ནང་བསྟར་འབུལ་གནང་ཡོད་པ་བཞིན། དེ་ཉིན་གྱི་དགོང་དྲོའི་ཚོུད་ ༦ ཐོག་ལྷོ་ཤར་ཨེ་ཤེ་ཡའི་བརྟན་བཞུགས་གོ་སྒྲིག་ཚོགས་ཆུང་གི་ཚོགས་གཙོ་ལྕམ་སྐུ་ཝི་ནི་ལགས་དང་ལྷོ་ཤར་ཨེ་ཤེའི་ཡའི་འབྲེལ་མཐུད་པ་སྐུ་ཞབས་སྦྱིན་པ་ལགས་གཉིས་ནས་རེ་བསྐུལ་གནང་དོན་ལྟར་བོད་ཀྱི་ཟློས་གར་ཚོགས་པར་ལྷོ་ཤར་ཨེ་ཤེ་ཡའི་དང་ལྷོ་ཀོ་རི་ཡའི་རྒྱལ་ཁབ་ཁག་ནས་༸གོང་ས་མཆོག་ལ་བརྟན་བཞུགས་བསྟར་འབུལ་ལེགས་གྲུབ་བྱུང་བའི་བཀྲི་ཤིས་དགའ་སྟོན་གྱི་རྟེན་འབྲེལ་མཚོན་ཆེད་དུ་རིག་གཞུང་གཞས་སྣ་འཁྲབ་སྟོན་དང་དགོང་ཚིགས་བསྟར་འབུལ་ཞུ་རྒྱུའི་དགྱེས་འཛོམས་མཛད་སྒོ་ཞིག་གོ་སྒྲིག་ཞུས་ཡོད་པའི་ནང་་ཆེད་ཕེབས་སྐུ་མགྲོན་དུ་ལྷོ་ཤར་ཨེ་ཤེ་ཡའི་འབྲེལ་ཡོད་རྒྱལ་ཁབ་ཁག་གི་ཆོས་ཕྱོགས་བླ་ཆེན་རྣམ་པ་དང་། བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་དང་བདེ་སྲུང་བཀའ་བློབ་རྣམ་གཉིས། དེ་བཞིན་ཆོས་རིག་ལས་ཁུངས་ཀྱི་དྲུང་འཕར་བཅས་ཆེད་ཕེབས་གནང་ཡོད་པས། མཛད་སྒོའི་ཐོག་མར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱིས་མཚམས་དྲིའི་གསུང་བཤད་དང་། གོ་སྒྲིག་ཚོགས་ཆུང་གི་ཚོགས་གཙོ་ལྕམ་ཝེ་ལི་མཆོག་ནས་དགྱེས་འཛོམས་མཛད་སྒོའི་ངོ་སྤྲོད་གསུང་བཤད་གནང་། བོད་མིའི་སྒྲིག་འཛུགས་ཀྱི་དཔལ་ལྡན་ཤེས་རིག་བཀའ་བློན་ལྕང་ར་ཐར་ལམ་སྒྲོལ་མ་མཆོག་དང་།  དཔལ་ལྡན་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་རྣམ་གཉིས་དང་། དེ་བཞིན་ལྷོ་ཤར་ཨེ་ཤེ་ཡའི་རྒྱལ་ཁབ་ནས་ཆེད་ཕེབས་ཆོས་ཕྱོགས་བླ་ཆེན་ཁག་ཅིག་ནས་༸རྒྱལ་བའི་གོ་སྟོན་དང་འབྲེལ་བའི་འཚམས་འདྲི་དང་གསུང་བཤད་གནང་གྲུབ་རྗེས་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་བོད་ཀྱི་མཐོུང་མ་ཡིན་པའི་ཡུལ་ལུང་སོ་སོའི་སྲོལ་རྒྱུན་གཞས་སྣ་རིམ་བཞིན་གཟིགས་འབུལ་དང་དགོང་ཚིགས་འདེགས་འབུལ་ཞུས།   དགོང་ཚོགས་རིག་གཞུང་དུས་སྟོན་དུ་ལྷོ་ཤར་ཨེ་ཤའི་ཡའི་ནས་དད་ལྡན་ཆོས་ཞུ་བ་མི་གྲངས་ ༡༠༠༠ ཡས་མས་འདུ་འཛོམས་བྱུང་ཡོད་པས་རྒྱལ་ཁབ་ཕན་ཚུན་དབར་རིག་གཞུང་འཁྲབ་སྟོན་བརྒྱུད་ཕན་ཚུན་མཛའ་བརྩེའི་འབྲེ་ལམ་ཇེ་ཟབ་ཏུ་བཏང་བའི་སྒོ་ནས་བྱམས་བརྩེའི་ཁོར་ཡུག་སྐྱེད་བསྲིངས་དང་གོང་སྤེལ་བྱུང་ཐུབ་པ་ནི་ཚང་མས་དགའ་སྤོབས་བྱེད་འོས་པའི་གནས་སུ་འགྱུར། On the morning of September 20, 2025, to commemorate the…

ཕྱི་ལོ་ ༢༠༢༥ ཟླ་ ༩ ཚེས་ ༦ ཉིན་བོད་མིའི་སྒྲིག་འཛུགས་ཀྱི་ཕྱི་དྲིལ་ཁྱབ་ཁོངས་བོད་ཀྱི་སྲིད་བྱུས་ཉམས་ཞིབ་ཁང་དང་ཏྭ་ལའི་བླ་མ་མཐོ་རིམ་སློབ་གཉེར་ཁང། ས་རྭ་བོད་ཀྱི་མཐོ་རིམ་སློབ་གཉེར་ཁང། སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ ཁང་བཅས་མཉམ་སྦྲེལ་ཐོག་བསྐོང་ཚོགས་ཞུས་པའི་བོད་དང་ཧི་མ་ལ་ཡའི་འབྲེལ་ལམ་སྐོར་གྱི་ཚོགས་ཆེན་ཐོག་ཕེབས་པའི་བོད་དང་ཧི་མ་ལ་ཡའི་ལོ་རྒྱུས་མཁས་པ་དང་།ཧི་མ་ལ་ཡའི་ས་ཁུལ་ཁག་ཏུ་བཞུགས་པའི་རྒྱལ་རྒྱུད་རྣམས།གཞན་ཡང་ཚོགས་བཅར་བ༩༠ལྷག་ཙམ་ཡོད་པ་རྣམས་ལ་དཔལ་ལྡན་བཀའ་ཤག་གི་བཀོད་མངགས་གཞི་བཟུང་འདི་ག་བོད་ཀྱི་ཟློས་གར་ཚོགས་པ་ནས་ཆེས་མཐོའི་གསོལ་སྟོན་དང་རིག་གཞུང་གཞས་སྣ་གཟིགས་འབུལ་ཞུས་ཡོད་པ་བཞིན། གསོལ་སྟོན་ཐོག་སྐུ་མགྲོན་གཙོ་བོ་དཔལ་ལྡན་ཤེས་རིག་བཀའ་བློན་སྐོུ་ལྕང་ར་མཐར་ལམ་སྒྲོལ་མ་མཆོག་དང་ལྷན་བཅར་སྐོུ་བཀའ་དྲུང་མཆོག དེ་བཞིན་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་དང་ལས་བྱེད་བཅས་ཕེབས་བཞུགས་གནང་ཡོད། དེ་བཞིན་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་དང་ལས་བྱེད་བཅས་ཕེབས་བཞུགས་གནང་ཡོད།སྐུ་མགྲོན་ལྷན་རྒྱས་བོད་ཀྱི་ཟློས་གར་ཚོགས་པའི་ཚོགས་ཁང་གི་བཞུགས་གྲལ་དུ་འཁོད་མཚམས་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་མཆོག་གིས་ཐོག་མའི་འཚམས་འདྲི་དང་ངོ་སྤྲོད་གསུང་བཤད་གནང་རྗེས་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་རིག་གཞུང་གཞས་སྣ་གཟིགས་འབུལ་ཞུས། སྐུ་མགྲོན་གྱི་གཙོ་བོ་དཔལ་ལྡན་ཤེས་རིག་བཀའ་བློན་མཆོག་ནས་བཀའ་སློབ་གསུང་བཤད་གནང་དོན་དུ་བོད་མིའི་སྒྲིག་འཛུགས་ཀྱི་ཕྱི་དྲིལ་ཁྱབ་ཁོངས་བོད་ཀྱི་སྲིད་བྱུས་ཉམས་ཞིབ་ཁང་དང། ཏྭ་ལའི་བླ་མ་མཐོ་རིམ་སློབ་གཉེར་ཁང། ས་རྭ་བོད་ཀྱི་མཐོ་རིམ་སློག་གཉེར་ཁང། སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་བཅས་ཀྱིས་མཉམ་སྦྲེལ་ཐོག་བོད་དང་ཧི་མ་ལ་ཡའི་འབྲེལ་ལམ་སྐོར་གྱི་ཚོགས་ཆེན་བསྐོང་ཚོགས་གནང་བ་ལ་རྗེས་སུ་ཡིད་རངས་དང་ཐུགས་རྗེ་ཆེ་ཞུས།ཚོགས་འདུ་འདི་ལྟ་བུ་ཚོགས་ཐུབ་པ་ནི་ལོ་རྒྱུས་ནང་དྲན་རྟེན་ཆགས་ཡོད་པ་དང་།སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བླ་ན་མེད་པའི་དགོངས་གཞི་ལྟར་བོད་དང་ཧི་མ་ཡ་ལའི་དབར་གྱི་ཆོས་དང་རིག་གཞུང་གོམས་གཤིས་སོགས་གང་ཅིའི་ཐད་འབྲེལ་ལམ་དམ་ཟབ་ཡོད་པ་དེ་དག་མུ་མཐུད་རྒྱུན་གནས་དང་།ད་ལྟའི་ཆར་བོད་ནང་དུ་རྒྱ་ནག་གཞུང་གིསབཙན་གནོན་གྱི་སྲིད་བྱུས་འོག་བོད་མི་རིགས་ཀྱི་ངོ་བོར་རྩ་བརླག་གཏོང་རྒྱུའི་སྲིས་བྱུས་ངན་པ་ལག་བསྟར་བྱས་དང་བྱེད་བཞིན་པ་སོང་།ང་ཚོ་བཙན་བྱོལ་ནང་༸རྒྱལ་བ་རིན་པོ་ཆེའི་དབུ་འཁྲིད་ལམ་སྟོན་འོག་གནས་པའི་བོད་མི་དང་ཧི་མ་ལ་ཡའི་མི་རིགས་ཀྱིས་བོད་ཀྱི་ཆོས་དང་རིག་གཞུང་སྲུང་སྐྱོབ་དང་གཅེས་འཛིན་སླད་ཕྱག་གྲུ་མཉམ་འདེགས་གནང་དང་གནང་བཞིན་པ་དེ་དག་མུ་མཐུད་རྒྱུན་འཛིན་གྱིས་མི་རབས་གསར་པ་ཚོར་བརྒྱུད་སྤྲོད་ཐུབ་པ་བྱ་རྒྱུ་གལ་ཆེ་ཡིན་པ་དང།ཚོགས་འདུའི་ནང་ཚོགས་བཅར་ཞུ་མཁན་ལོ་རྒྱུས་ཀྱི་འབྱུང་རབས་མཁས་པ་དང་།ཧི་མ་ལ་ཡའི་ས་ཁུལ་ཁག་ནས་ཕེབས་པའི་རྒྱལ་རྒྱུད་ལྷན་འཛོམས་ཀྱིས་ཚོགས་འདུའི་ཐོག་བཀའ་བསྡུར་ཇི་བྱུང་ཡིག་ཐོག་ཏུ་ཕབ་ལེན་གྱིས་མི་རབས་གསར་པ་ཚོར་བརྒྱུད་སྤྲོད་ཐུབ་པ་བྱ་རྒྱུ་གལ་ཆེ་མངོན་པའི་སྐོར་གསུངས་པ་དང་སྦྲགས།འདི་ག་བོད་ཀྱི་ཟློས་གར་ཚོགས་པའི་སྒྱུ་རྩལ་བའི་རིག་གཞུང་འཁྲབ་སྟོན་གྱི་ཡར་རྒྱས་ཕྱིན་པའི་རྣམ་པ་ཐོན་ཡོད་པ་བཞིན་འཁྲབ་སྟོན་ཡག་པོ་ཞེ་དྲགས་གནང་བ་ལ་བོད་ཀྱི་ཟློས་གར་ཚོགས་འགོ་ལས་དང་དགེ་སློབ་འཁྲབ་སྟོན་པ་ཡོངས་ལ་ཐུགས་རྗེ་ཆེ་ཞུས།དེ་རྗེས་སྐུ་མགྲོན་ཡོངས་ལ་བོད་མི་སྒྲིག་འཛུགས་བཀའ་ཤག་ནས་ཕྱག་རྟགས་གསོལ་བསྩལ་གནང་རྗེས་སྐུ་མགྲོན་ཡོངས་ལ་དགོང་ཚིགས་འདེགས་འབུལ་ཞུས། On September 6, 2025, the Tibet Policy Institute under the Department of Information and International Relations (DIIR)…

ཕྱི་ལོ་ ༢༠༢༤ ཟླ་ ༩ ཚེས་ ༥ ཉིན་སྔ་དྲོའི་ཆུ་ཚོད་ ༨ ཐོག་འདི་ག་བོད་ཀྱི་ཟློས་གར་ཚོགས་པའི་མཆོད་ཁང་དུ་འདི་གའི་དགེ་ལས་སློབ་ཕྲུག་ཡོངས་ལྷན་འཛོམས་ཀྱི་ཐོག་ནས་༸རྒྱལ་བའི་ཞབས་བརྟན་དང་བོད་བསྟན་སྲིད་ཀྱི་ཆེད་དུ་ཞབས་རིམ་གསུང་འདོན་དང་། རྟེན་འབྲེལ་གྱི་གསོལ་ཇ་བཞེས་འདེགས་འབུལ། བསངས་གསོལ་དང་སྒོར་གཞས་འཁྲབ་སྟོན་གྱིས་སྔུན་བསུས་ཏེ་འདི་ག་བོད་ཀྱི་ཟློས་གར་ཚོགས་པར་དགེ་ལས་ཀྱི་ཉིན་མོ་སྲུང་བརྩི་ཞུས་ཡོད། དེ་ཡང་དེ་ཉིན་འདི་གའི་དགེ་ལས་རྣམས་ལ་དགའ་ཚོར་དང་སྤྲོ་སྣང་གི་དམིགས་བསལ་བ་ཞིག་སྦྱིན་ཆེད་དུ་འདི་གའི་སློབ་ཕྲུག་རྣམས་ནས་རྩེད་རིགས་འདྲ་མིན་གོ་སྒྲིག་ཞུས་ཡོད་པ་བཞིན། དགེ་ལས་རྣམས་རུ་ཁུག་གཉིས་སུ་བགོས་ཏེ་དགོད་སྒྲའི་ཁྲོད་དུ་རྩེད་འགྲན་སྣ་ཚོགས་ལ་རོལ་ཡོད་ཅིང་། ཉིན་དེའི་དགོང་དྲོའི་གསོལ་ཚིགས་སྐབས་སུ་བོད་ཀྱི་ཟློས་གར་ཚོགས་པའི་གཞས་ཚིག་དང་གཏམ་བརྗོད་ལྗགས་རྩོམ་དང་། ལས་དོན་བྱེད་ཕྱོགས་ཐོག་ལམ་སྟོན་སོགས་རྒྱུན་དུ་མཐུན་འགྱུར་ཅི་ཆེ་གནང་མཁན་དགེ་བཤེས་བློ་བཟང་གྲགས་པ་ལགས་གདན་ཞུས་ཀྱིས་སྒྱུ་རྩལ་བ་སློབ་ཕྲུག་རྣམས་ནས་གཞས་སྣ་འདྲི་མིན་གཟིགས་འབུལ་དང་། དགེ་བཤེས་ལགས་སུ་ཐུགས་རྗེ་ལེགས་འབུལ་ཞུ་རྟེན་དུ་སྒྲུབ་ཐོབ་ཐང་སྟོང་རྒྱལ་པོའི་སྐུ་བརྙན་ཞིག་ཕྱག་རྟགས་སུ་ཕུལ་ཡོད། དགེ་བཤེས་ལགས་ནས་དེ་ཉིན་འདི་གའི་དགེ་ལས་སློབ་ཕྲུག་ཡོངས་ལ་བཀའ་སློབ་ཟབ་རྒྱས་ཤིག་གནང་བ་ཙམ་དུ་མ་ཟད། འདི་ག་བོད་ཀྱི་ཟློས་གར་ཚོགས་པའི་འདི་ལོའི་དབྱར་སྐྱིད་རུ་ཁག་གཉིས་དང་ཐེ་ཝན་དུ་སྐོར་སྐྱོད་འགྲོ་མཁན་ཚོའི་ཆེད་དུ་ཐེ་ཝན་གྱི་སྒོར་ ༣༠༠༠ ཞལ་འདེབས་ཕུལ་ཏེ་དགེ་སློབ་དབར་གྱི་མཛའ་འབྲེལ་སྔར་བས་དམ་ཟབ་ཏུ་བཏང་བའི་སྒོ་ནས་འདི་ལོའི་དགེ་ལས་ཀྱི་ཉིན་མོ་གཟབ་རྒྱས་ངང་ལེབས་གྲུབ་བྱུང་ཡོད། On the morning of September 5, 2024, at 8:00 a.m., all teachers, staff, and students…

༄༅། །བོད་རྒྱལ་ལོ་ ༢༡༥༢ རབ་གནས་ཤིང་སྦྲུལ་ལོ། ཕྱི་ལོ་ ༢༠༢༥ ཟླ་ ༨ ཚེས་ ༡༡ ཉིན་བོད་ཀྱི་ཟློས་གར་ཚོགས་པ་དབུ་བརྙེས་ནས་ལོ་ངོ་ ༦༦ འཁོར་བའི་དུས་དྲན་གྱི་མཛད་སྒོ་འདི་ཟླའི་ཚེས་ ༢༧ རེས་གཟའ་ལྷག་པ་༸རྒྱལ་བའི་ལྷག་དཀར་གྱི་དུས་ཚེས་ཁྱད་པར་ཅན་གྱི་ཕྱི་དྲོའི་ཚོུད་ ༣ ཐོག་བོད་ཀྱི་གར་གླུའི་རིག་རྩལ་ཁང་དུ་བསྐོང་ཚོགས་ཀྱིས་མཛད་སྒོའི་སྐུ་མགྲོན་གཙོ་བོར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྐོུ་སྤེན་པ་ཚེ་རིང་མཆོག་དང་། དམིགས་བསལ་སྐུ་མགྲོན་དཔལ་ལྡན་བོད་མི་མིང་གི་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག ཆེས་མཐོའི་སྐུ་མགྲོན་དཔལ་ལྡན་ཁྲིམས་ཞིབ་པ་ཆེ་བ་སྐོུ་ཡེ་ཤེས་དབང་མོ་མཆོག་བཅས་ཀྱིས་དབུས་པའི་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་། དྲུང་ཆེ་དང་ལས་ཟུར་རྣམ་པ། རྡ་ས་ས་གནས་འགོ་འཛིན་གཙོས་པའི་བཞུགས་སྒར་ཁུལ་གྱི་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་འགན་འཛིན་རྣམ་པ། ཟློས་ཟུར་ཚོགས་མི་རྣམ་པ་དང་། གཞན་ཡང་གདན་ཞུས་སྐུ་མགྲོན་བཅས་ལྷན་འཛོམས་ཐོག་ཉིན་དེར་བོད་ཀྱི་ཟློས་གར་ཚོགས་པ་དབུ་བརྙེས་པའི་དུས་ཆེན་དང་།  ༸རྒྱལ་བའི་གོ་སྟོན།  བྱམས་བརྩེའི་ལོ་བཅས་དུས་སྟོན་གསུམ་འཛོམས་ལ་རྟེན་འབྲེལ་ཞུ་བའི་སྔོན་འགྲོར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱིས་དུས་དྲན་ངོ་སྤྲོད་ཀྱི་གསུང་བཤད་དང་། སྒྱུ་རྩལ་སློབ་ཁྲིད་འགན་འཛིན་ལས་རོགས་བསྟན་འཛིན་ཕུན་ཚོགས་ལགས་ཀྱིས་སྒྱུ་རྩལ་རུ་ཁག་གཉིས་དབར་རྐང་བྲོ་གླུ་གཞས་འགྲན་བསྡུར་གྱི་གཟུ་དཔང་རྣམས་ངོ་སྤྲོད་གནང་ཏེ་རྒྱ་ལུ་རུ་ཁག་དང་རྔོན་པ་རུ་ཁག་གཉིས་དབར་རྐྱང་གཞས་དང་། འཁྲབ་གཞས་དང་གཏམ་བརྗོད་བཅས་འགྲན་བསྡུར་གྱི་ལམ་ནས་དུས་སྟོན་སྲུང་བརྩི་ཞུས་ཡོད་ཅིང་། དལན་གྱི་དབྱར་སྐྱིད་གཞས་སྣ་འགྲན་བསྡུར་གྱི་མཐའ་མའི་རྒྱལ་ཁ་ནི་རྒྱ་ལུ་རུ་ཁག་གིས་རྒྱལ་ཁ་བླངས་ཡོད་པ་རེད། དེ་ནས་ཆེས་མཐོའི་སྐུ་མགྲོན་དཔལ་ལྡན་ཁྲིམས་ཞིབ་པ་ཆེ་བ་མཆོག་གིས་འདི་གའི་རྨང་གཞིའི་སྦྱོང་བརྡར་གྱི་ཡིག་རྒྱུགས་འཕྲོད་པའི་སྒྱུ་རྩལ་བ་རྣམས་ལ་མཇལ་དར་དང་ཕྱག་འཁྱེར་བསྩལ་གནང་བ་དང་། དམིགས་བསལ་སྐུ་མགྲོན་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་ཟུར་དཔང་རྣམས་ལ་ཐུགས་རྗེ་ལེགས་འབུལ་གྱི་མཇལ་དར་དང་ལེགས་སྐྱེས་གནང་། སྐུ་མགྲོན་གཙོ་བོ་དཔལ་ལྡན་སྲིད་སྐྱོང་མཆོག་གིས་དབྱར་སྐྱིད་འགྲན་བསྡུར་གྱི་བྱ་དགའ་ཐོབ་མཁན་ལ་ལེགས་སྐྱེས་བྱ་དགའ་གསོལ་བསྩལ་བཅས་གནང་ཡོད། སྐབས་དེར་དཔལ་ལྡན་སྲིད་སྐྱོང་མཆོག་གིས་བོད་ཀྱི་ཟློས་གར་ཚོགས་པ་དེ་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་དུ་བཙན་བྱོལ་ལ་ཕེབས་རྗེས་བོད་ཀྱི་སྲོལ་རྒྱུན་རིག་གཞུང་སྤྱི་དང་། ཡང་སྒོས་བོད་ཀྱི་ཟློས་གར་སྒྱུ་རྩལ་མི་ཉམས་རྒྱུན་འཛིན་གནང་སླད་གསར་འཛུགས་གནང་བ་བཞིན་མི་རབས་རྒན་པ་རིམ་བྱོན་གྱིས་བོད་ཀྱི་ཟློས་གར་ཚོགས་པ་ཡར་རྒྱས་གོང་འཕེལ་གཏོང་རྒྱུར་ཞབས་འདེགས་ཞུས་ཡོད་པས། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དབུས་པའི་མི་རབས་རྒན་པ་རྣམས་ཀྱི་བཀའ་དྲིན་རྗེས་སུ་དྲན་དགོས་པའི་སྐོར་གཞེན་སྐུལ་དང་སྦྲགས།  འདི་ལོའི་དབྱར་སྐྱིད་དུས་སྟོན་འདིར་༸རྒྱལ་བའི་གོ་སྟོན་དང་བྱམས་བརྩེ་ལོ་སྲུང་བརྩི་ཞུ་རྒྱུའི་དོན་དུ་བྱམས་བརྩེའི་བརྗོད་གཞི་ཐོག་འཁྲབ་སྟོན་བྱས་པའི་གཏམ་བརྗོད་དེས་ཚང་མར་མིག་ཆུ་ཤོར་དགོས་པ་སེམས་ལ་ཚོར་སྣང་ཆེན་པོ་ཞིག་བྱུང་སོོང་།   བོད་ཀྱི་ཟློས་གར་ཚོགས་པའི་ནང་བོད་ཀྱི་རྐང་བྲོ་གླུ་གཞས་ཐོག་སྦྱངས་རྩོན་གནང་སྟེ་ཟློས་གར་ནས་ཐོན་རྗེས་འཛམ་གླིང་ས་ཕྱོགས་གང་སར་གནས་ཡོད་པའི་ཟློས་ཟུར་རྣམས་ནས་རང་ཉིད་གནས་ཡུལ་ཀྱི་ས་གནས་སོ་སོར་བོད་ཀྱི་ཟློས་གར་རིག་གཞུང་སློབ་ཁྲིད་ཀྱིས་རྒྱུན་འཛིན་གནང་ཐུབ་པ་དེ་ཡང་རྨང་གཞི་ཚོགས་པ་འདིའི་ནང་སྦྱང་བརྩོན་བྱས་གྲུབ་འབྲས་ཆགས་ཡོད་པས་དེ་དག་མུ་མཐུད་རྒྱུན་འཛིན་གྱིས་མི་རབས་གཞོན་པ་ཚོར་སློབ་ཁྲིད་གནང་བ་ལ་བསྔགས་བརྗོད་དང་། གཞི་རྩའི་བཙན་བྱོལ་སྤྱི་ཚོགས་ཁྱོན་ཡོངས་ནང་སློབ་མ་གསར་འཇུག་ཐད་དཀའ་ངལ་འཕྲད་བཞིན་པའི་གནས་སྟངས་སྤྱི་མཚུངས་ལྟར་འདི་ག་ཟློས་གར་ལ་ཡང་སློབ་མ་གསར་འཇུག་ལ་དཀའ་ངལ་ཡོད་ཀྱང་། ད་ལན་སློབ་མ་གསར་འཇུག་གི་སྒྲིག་གཞི་དང་འབྲེལ་བའི་གནད་དོན་ཐོག་བསྐྱར་བཅོས་ཕྲན་བུ་ཞིག་བྱས་ཡོད་སྟབས། མ་འོངས་པར་འཛུགས་ཞུགས་བྱེད་མཁན་མང་དུ་ཡོང་བའི་རེ་བ་ཡོད་པ་དང་། ད་ཡོད་ཟློས་གར་ཚོགས་པའི་དགེ་ལས་ཚོགས་མི་ཡོངས་ནས་ཚོགས་པ་འདིའི་ནང་དུས་ཡུན་མང་ཙམ་ཞབས་ཞུ་བསྒྲུབ་གནང་དགོས་པའི་འབོད་སྐུལ་ཀྱང་གནང་ཡོད། TIPA’s 66th Anniversary Marked with Yarkyi Competition and Celebration of Compassion On the 11th day…

༄༅། །ཕྱི་ལོ་ ༢༠༢༥ ཟླ་བ་ ༨ ཚེས་ ༢༦ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དྷ་ས་ཁྱབ་ཁོངས་སུ་འཚམས་གཟིགས་ཐེངས་གཉིས་པ་འགོ་འཛུགས་གནང་ཡོད་པ་དང་།  ཉིན་རྒྱབ་ཏུ་བོད་ཀྱི་ཟློས་གར་ཚོགས་པར་ཕེབས་འབྱོར་སྐབས་བཀྲ་ཤིས་གཞོལ་པ་འཁྲབ་སྟོན་དང་བཅས་སྲོལ་རྒྱུན་གྱི་ལམ་ནས་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་དང་དགེ་ལས་སློབ་ཕྲུག་ཡོངས་ནས་ཕེབས་བསུའི་སྣེ་ལེན་ཞུས་རྗེས་ཚོགས་པའི་མཆོད་ཁང་ཕེབས་ནས་མར་མེ་ཞལ་ཕྱེ་དང་༸རྒྱལ་བའི་སྐུ་དཔར་མཐོང་སྒྲོལ་རིན་པོ་ཆེར་མཇལ་དར་དང་མཎལ་འདེགས་འདུས་དང་སྒྲུབ་ཐོབ་ཐང་སྟོང་རྒྱལ་པའི་འཇམ་སྐུ་ལ་མཇལ་དར་དང་མཇའ་ཁ་ཞུས།  དེ་རྗེས་ཡིག་ཚང་ལ་གཟིགས་ཞིབ་ཀྱིས་རྟེན་འབྲེལ་གསོལ་ཇ་བཞེས་ཏོག་འདེགས་འབུལ་རྗེས་སྒྱུ་རྩལ་བའི་སྡོད་ཁང་དང་ལས་ཤག་གསར་རྒྱག་འགྲོ་བཞིན་པའི་ལས་གཞི།  ཚོགས་པའི་གསོལ་ཚིགས་ཁང་དང་གསོལ་ཐབ་ཁང་ཉམས་གསོ་རྒྱ་སྐྱེད་ཟིན་པ་དང་འཚེམ་བཟོ་ཁང་བཅས་སུ་གཟིགས་སྐོར་གནང་གྲུབ་མཚམས་ཉིན་གུང་གསོལ་ཚིགས་འདེགས་འབུལ་ཞུས་ཡོད། དེ་ནས་བོད་ཀྱི་ཟློས་གར་ཚོགས་པའི་ཚོགས་ཁང་དུ་དགེ་ལས་སློབ་ཕྲུག་མཉམ་འཛོམས་ཀྱིས་ཐོག་མར་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱིས་ད་རེས་དཔལ་ལྡན་སྲིད་སྐྱོང་མཆོག་གཞུང་འབྲེལ་འཚམས་གཟིགས་ཐེངས་གཉིས་པ་ཕེབས་གཞོར་དང་བསྟུན་བོད་ཀྱི་ཟློས་གར་ཚོགས་པ་འདི་རྒྱ་གར་དབུས་ས་གཞུང་གི་ཁྲིམས་སྒྲིག་འོག་དེབ་བསྐྱེལ་ཞུས་པའི་ཚོགས་པ་ཞགས་ཡོད་པ་དང་།  ཚོགས་པའི་འགན་འཛིན་ལྷན་ཚོགས་ཀྱི་ཚོགས་གཙོ་ཡང་དཔལ་ལྡན་སྲིད་སྐྱོང་མཆོག་ནས་འགན་ཁུར་བཞེས་བཞིན་པ་སོང་དེབ་སྐྱེལ་ཚོགས་པའི་ཁྲིམས་སྒྲིག་ལྟར་ལོ་འཁོར་ཚོགས་ཆེན་ཐེངས་གཅིག་ཚོགས་དགོས་ནའང་ད་བར་དེ་ལྟར་གནང་ལམ་བྱུང་མེད་པ་སོང་མ་འོངས་ལ་རྒྱ་གར་དབུས་སའི་ཁྲིམས་སྒྲིག་འོག་དཀའ་ངལ་མི་ཡོང་སླད་ད་རེས་གཞུང་འབྲེལ་འཚམས་གཟིགས་གོ་སྐབས་དང་བསྲྟུན་ནས་ཚོགས་པའི་ལོ་འཁོར་ཚོགས་ཆེན་ཐེངས་དང་པོ་ཚོོགས།  ལས་བསྡོམས་སྙིང་བསྡུས་དང་རྩིས་ཁྲ་བཅས་སྒྲོགས་སྦྱང་གནང་རྗེས་དཔལ་ལྡན་སྲིད་སྐྱོང་མཆོག་གིས་གསུང་བཤད་གནང་དོན། བོད་ཀྱི་ཟློས་གར་ཚོགས་པར་ད་ལྟའི་འཆར་ས་ཆའི་བདག་དབང་རྐྱེན་པས་དཀའ་ངལ་འཕྲད་བཞིན་པའི་གནས་སྟངས་སྐོར་འགྲེལ་བརྗོད་གནང་བ་དང་། དེ་བཞིན་སྒྲིག་འཛུགས་གཅིག་ཡིན་པའི་རྗེས་ཁྲིམས་དང་སྒྲིག་གཞི་དགོས་གལ་དང་འབྲེལ་བོད་ཀྱི་ཟློས་གར་ཚོགས་པའི་ཁྲིམས་དང་སྒྲིག་གཞི་ཁག་འགན་འཛིན་ལྷན་ཚོགས་ཀྱི་ཚོགས་འདུ་བརྒྱུད་གཏན་འབེབས་གནང་རྒྱུ་ཡིན་པའི་སྐོར་དང་། གཞན་ཡང་དཔལ་ལྡན་སྲིད་སྐྱོང་མཆོག་གིས་བཀའ་ཤག་སྐབས་བཅུ་དྲུག་པའི་གཞིས་ཆགས་ཁག་ནང་འཛུགས་སྐྲུན་གྱི་ལས་གཞི་འདི་ནི་བོད་ཀྱི་འཐབ་རྩོད་རྒྱུན་གནས་དང་གཞིས་ཆགས་ཁག་སྲ་བརྟན་ཡོང་སླད་ཡིན་པ་མ་ཟད། ད་ལྟའི་འཆར་རྒྱ་གར་ནང་བོད་རིགས་གཞོན་སྐྱེས་ཉུང་དུ་འགྲོ་བཞིན་པའི་གནས་སྟངས་ཀྱིས་བོད་པའི་རིག་གཞུང་ལྟེ་གནས་ཁག་གི་ནང་བོད་ཕྲུག་གི་གྲངས་འབོར་ཉུང་དྲག་པའི་དཀའ་ངལ་བཅས་ཀྱི་སྐོར་ཡང་འགྲེལ་བརྗོད་གནང་བ་དང་། བོད་ཀྱི་ཟློས་གར་ཚོགས་པ་འདི་སྒྱུ་རྩལ་རིག་གཞུང་གཅེས་འཛིན་ལྟི་གནས་གལ་ཆེ་ཡིན་པ་བཙན་བྱོལ་ད་ཕེབས་པ་ཐག་༸གོང་ས་མཆོག་ནས་ཐོག་མ་ཆེད་འཛུགས་མཛད་པའི་སྒྲིག་འཛུགས་གལ་ཆེ་སོང་།   དེའི་ནང་ཕྱགས་ལས་གནང་མཁན་དགེ་ལས་དང་སྒྱུ་རྩལ་བ་རྣམས་ནས་བོད་མི་རིགས་ཀྱི་མཐོུང་མ་ཡིན་པའི་རིག་གཞུང་བཟང་པོ་འདི་རྒྱུན་འཛིན་གྱི་བྱ་བཞག་རླབས་ཆེན་ཞིག་གནང་བཞིན་པ་བརྟེན་མུ་མཐུད་ཚོགས་པའི་ནང་རྒྱུན་རིང་ཙམ་བཞུགས་ནས་སྒྱུ་རྩལ་གོང་སྤེལ་དང་ཡར་རྒྱས་རྒྱུན་གནས་ཐོག་དགོངས་པ་བཞེས་དགོས་པའི་ལམ་སྟོན་དང་འབོད་བསྐུལ་གནང་།   དེ་རྗེས་ཟློས་གར་ཚོགས་པའི་ཚོགས་མི་རྣམས་ནས་དོག་འདྲི་ཁག་ལ་ལས་འདེབས་གསལ་བཤད་གནང་རྗེས་ཚོགས་འདུའི་རྒྱལ་ཁའི་ངང་གྲོལ།  ‎དཔལ་ལྡན་སྲིད་སྐྱོང་མཆོག་དང་ལྷན་ནང་སྲིད་ལས་ཁུངས་ཀྱི་དྲུང་འཕར་བཀྲ་ཤིས་བདེ་སྐྱིད་ལགས་དང་སྡེ་འགན་ཡེ་ཤེས་བསྟན་འཛིན།  དྷ་ས་ས་གནས་འགོ་འཛིན་དཀོན་མཆོག་མིག་དམར་ལགས། ས་གནས་འཐུས་ཚོགས་དང་ས་གནས་རང་བདེན་ཚོགས་ཆུང་གི་ཚོགས་གཙོ་བཅས་ལྷན་བཅར་ཞུས་ཡོད་པ་བཅས།  On August 26, 2025, Honorable Sikyong Penpa Tsering of the Central Tibetan Administration conducted his…

ཕྱི་ལོ་ ༢༠༢༥ ཟླ་ ༧ ཚེས་ ༠༡ ཉིན་གྱི་སྔ་དྲོ་བོད་ཀྱི་ཟློས་གར་ཚོགས་པའི་ཚོགས་ཁང་དུ་ཟླ་བ་གཅིག་རིང་དབྱར་དུས་བོད་ཀྱི་ཟློས་གར་ཟབ་སྦྱོང་ཐེངས་གསུམ་པའི་མཛད་སྒོར་སྐུ་མགྲོན་གཙོ་བོ་དཔལ་ལྡན་ཤེས་རིག་བཀའ་བློན་སྐོུ་ལྕང་ར་ཐར་ལམ་སྒྲོམ་མ་མཆོག་གདན་ཞུས་ཀྱིས་ཟློས་གར་དབུ་འཛིན་དང་དགེ་ལས་སློབ་ཕྲུག་གཙོས་ཟབ་སྦྱོང་ཐོག་མཉམ་བཞུགས་གནང་མཁན་སློབ་ཕྲུག་དང་འབྲེལ་ཡོད་ཕ་མ་བཅས་མཉམ་ཞུགས་གནང་སོང་། སྔ་དྲོ་ཚོུད་ ༡༠།༠༠ ཐོག་མཛད་སྒོ་དངོས་སུ་དབུ་འཛུགས་གནང་བ་དང་ཐོག་མར་སྐུ་མགྲོན་གཙོ་བོ་མཆོག་ནས་སྐུ་པར་མཐོང་གྲོལ་རིན་པོ་ཆེར་མར་མེ་ཞལ་ཕྱེས་མཛད་རྗེས་གསོལ་ཇ་འབྲས་སིལ་འདེབས་འབུལ་གནང་སོང་། མཛད་སྒོའི་དབུ་འཛུགས་སྐབས་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱིས་ཟབ་སྦྱོང་དབུ་འཛུགས་གནང་བའི་དམིགས་ཡུལ་དང་དེ་སྔའི་ཟབ་སྦྱོང་གནང་མཉམ་ཞུགས་གནང་མཁན་ཚོར་ཕན་འབྲས་ཇི་བྱུང་ངོ་སྤྲོད་གནང་སོང་། The opening ceremony of the third cultural immersion summer course was attended by Kalon Tharlam Dolma Changra as the…

ཕྱི་ལོ་ ༢༠༢༥ ཟླ་ ༦ ཚེས་ ༡༣ ཉིན་བོད་ཀྱི་ཟློས་གར་ཚོགས་པའི་ཚོགས་ཁང་དུ་སྐུ་བཅར་རྣམ་རྒྱལ་གྲྭ་ཚང་ཕན་བདེ་ལེགས་བཤད་གླིང་གི་སློབ་གཉེར་ཁང་རྒྱ་སྐྱེད་ཨར་སྐྲུན་ལས་གཞི་ཁག་ལེགས་གྲུབ་ཟིན་པའི་དགའ་སྟོན་རྟེན་འབྲེལ་ཞུ་ཆེད་འདི་ག་བོད་ཀྱི་ཟློས་གར་ཚོགས་པའི་ངོས་ནས་ཇི་ལྟར་གསོལ་འདེབས་ཞུས་པ་ལྟར་སྐུ་བཅར་རྣམ་རྒྱལ་གྲྭ་ཚང་གི་མཁན་པོ་༸སྐྱབས་རྗེ་ཁྲོམ་ཐོག་རིན་པོ་ཆེ་སྐུ་མགྲོན་གཙོ་བོར་གདན་ཞུ་དང་དེ་བཞིནགྲྭ་ཚང་ལྷན་རྒྱས་གཙོས་༸རིན་པོ་ཆེ་མཆོག་གི་ཞལ་སློབ་དང་ཨར་སྐྲུན་ལས་གཞའི་སྦྱིན་བདག སློབ་གྲྭའི་དགེ་ལས་བཅས་ཁྱོན་མི་གྲངས་ ༢༥༠ ལྷག་ལ་བོད་ཀྱི་རིག་གཞུང་འཁྲབ་སྟོན་གཟིགས་འབུལ་ཞུས་རྗེས་༸རིན་པོ་ཆེ་མཆོག་ནས་བོད་ཀྱི་ཟློས་གར་སྒྱུ་རྩལ་འཛིན་སྐྱོང་སྤེལ་གསུམ་གནང་དགོས་པའི་གལ་ཆེ་རང་བཞིན་དང་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་སྙིང་བཅངས་ཀྱིས་བོད་ཀྱི་རིག་གཞུང་སྲུང་སྐྱོང་གནང་དགོས་པའི་བཀའ་སློབ་བཀའ་དྲིན་བསྐྱངས་གནང་མཛད་པ་དང་བོད་ཀྱི་ཟློས་གར་ཚོགས་པར་ཞལ་འདེབས་གསོལ་བསྩལ་གནང་བར་བཀྲིན་ཆེད་ཞུ།  སྐུ་མགྲོན་དང་དགེ་ལས་ཡོངས་ལ་༸སྐུ་བཅར་རྣམ་རྒྱལ་གྲྭ་ཚང་གི་ཤེས་ཡོན་ལྷན་ཚོགས་ནས་གསོལ་སྟོན་གཟབ་རྒྱས་ཤིག་ཕུལ་གནང་སོང་། On June 13, 2025, as requested by the Tibetan Institute of Performing Arts invited Khenpo Kyabje Tomthok Rinpoche as the…

༄༅།   །ཕྱི་ལོ་ ༢༠༢༥ ཟླ་ ༤ ཚེས་ ༩ ནས་ ༡༡ བར་ཉིན་གྲངས་གསུམ་རིང་བོད་ཀྱི་ཟློས་གར་ཚོགས་པའི་གསོལ་མགྲོན་ཁང་དུ་བསྐྱར་ཞིབ་ཚོགས་ཆུང་གི་ཚོགས་མི་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་ཀྱི་འཛིན་སྐྱོང་འགན་འཛིན་དྲུང་འཕར་བསོད་ནམས་བཟང་པོ་ལགས་དང་། ༸སྐུ་བཅར་རྣམ་རྒྱལ་གྲྭ་ཚང་གི་སློབ་སྤྱི་ཐུབ་བསྟན་ཡར་འཕེལ་ལགས་རྣམ་གཉིས་དང་། འདི་གའི་རིག་གནས་དགེ་རྒན་བསོད་ནམས་ཚེ་བརྟན་ལགས་བཅས་ཚང་འཛོམས་ཐོག་ས་ར་མཐོ་སློབ་གི་སློབ་དཔོན་འབུམ་རམས་པ་གཙང་ཕྲུག་སྟོབས་ལགས་ཀྱིས་རྩོམ་བྲིས་དང་ཕྱོགས་སྒྲིག་གནང་བའི་འདི་ག་བོད་ཀྱི་ཟློས་གར་སྒྱུ་རྩལ་སློབ་གཉེར་བའི་བསླབ་གཞི་དང་ཀློག་དེབ་ཀྱི་རགས་ཟིན་གྱི་ནང་དོན་རེ་རེ་ལ་ཕན་ཚུན་གོ་བསྡུར་སྦྱངས་བཤད་ཀྱི་སྒོ་ནས་བསྐྱར་ཞིབ་མཐིལ་ཕྱིན་གནང་ཐུབ་པ་བྱུང་ཡོད། དེ་ཡང་འདི་ག་བོད་ཀྱི་ཟློས་གར་ཚོགས་པའི་བསླབ་གཞི་བསྐྱར་ཞིབ་ཚོགས་ཆུང་སྔ་རྗེས་ནས་བོད་ཀྱི་ཟློས་གར་ཚོགས་པའི་སྒྱུ་རྩལ་བའི་སློབ་གཉེར་བ་ཚོའི་གཞི་རིམ་གོང་མའི་ལོ་བཞི་དང་།  སྒྱུ་རྩལ་ཉེ་བའི་གཙུག་ལག་རམ་འབྱམས་པའི་ལོ་གཉིས་ཀྱི་བསླབ་གཞི་དང་དེའི་སྦྱོང་ཚན་ཀློག་དེབ་རྩོམ་བྲིས་ཕྱོགས་སྒྲིག་ཞུ་རྒྱུ་འབུམ་རམས་པ་གཙང་ཕྲུག་སྟོབས་ལགས་སུ་རེ་བསྐུལ་ཞུས་དོན་ལྟར་ཁོང་ནས་ཞལ་བཞེས་ཀྱིས་འདས་པའི་ཟླ་བ་དྲུག་ལྷག་ཙམ་རིང་བསླབ་གཞི་རྩ་འཛིན་གཞིར་བཟུང་སྦྱོང་ཚན་ཀློག་དེབ་རྩོམ་བྲིས་དང་ཕྱོགས་སྒྲིག་གནང་བ་བཞིན་ད་ལན་ཉིན་གསུམ་གྱི་རིང་བོད་ཀྱི་ཟློས་གར་སྒྱུ་རྩལ་གྱི་བསླབ་གཞི་དང་ཀློག་དེབ་དེ་དག་དངོས་སུ་ལག་བསྟར་དོན་འཁྱོལ་ཐུབ་ཡོང་ཐབས་དང་མ་འོངས་པར་དུས་ཀྱི་འགྱུར་གྲོས་དང་བསྟུན་ཏེ་དུས་བསྟུན་ཁ་སྐོང་ཞུ་ཕྱོགས་བཅས་ཀྱི་ཐོག་གོང་གསལ་བསྐྱར་ཞིབ་ཚོགས་ཆུང་གི་ཚོགས་མི་རྣམས་དང་རྩོས་བྲིས་འགན་འཁུར་བ་འབུམ་རམས་པ་གཙང་ཕྲུག་སྟོབས་བཅས་ཀྱི་དབར་ཕན་ཚུན་དགོངས་ཚུལ་ལྷུག་པོར་གསུངས་པའི་སྒོ་ནས་བསྐྱར་ཞིབ་དང་གཏན་འབེབས་གནང་ཐུབ་པ་བྱུང་ཡོད་པས་ཀློག་དེབ་དེ་དག་རིང་མིན་དངོས་སུ་ལག་བསྟར་སླད་པར་བསྐྲུན་ཞུ་རྒྱུ་ཡིན་ན། འདི་ནི་བོད་ཀྱི་ཟློས་གར་སྒྱུ་རྩལ་གྱི་གཞུང་ལུགས་དང་ལག་ལེན་ཟུང་སྦྲེལ་གྱི་སྒོ་ནས་གཏན་ལ་ཕབ་པའི་བསླབ་གཞི་རྩ་འཛིན་གཞིར་བཟུང་སློབ་གཉེར་གྱི་བརྒྱུད་རིམ་དང་སྦྱང་གཞིའི་སློབ་ཚན་ཚད་ལྡན་དང་ཁ་གསལ་ཞིག་གི་ཐོག་ལ་སློབ་གཉེར་བ་ཚོས་རང་ཉིད་ཀྱི་སྒྱུ་རྩལ་གྱི་ལམ་བུར་ཤར་བསྐྱོད་ཐུབ་པ་ཞིག་ཆགས་ཡོད་པས། ལོ་རྒྱུས་རང་བཞིན་ལྡན་པའི་སྒྱུ་རྩལ་བསྟི་གནས་ཁང་འདི་ཉིད་མུ་མཐུད་རྒྱུན་གནས་དང་སྔར་ལྷག་གོང་འཕེལ་ཡོང་བའི་བྱ་གཞག་གལ་ཆེན་ཞིག་ལ་ངོས་འཛིན་ཞུ་ཆོག་པ་ཡིན། ལས་དོན་འདི་མངོན་འགྱུར་ཡོང་ཐབས་སུ་ཐུགས་འཁུར་གནང་མཁན་གྱི་འབྲེལ་ཡོད་ཚང་མ་ལ་ཐུགས་རྗེ་ཆེ་ཞུ་རྒྱུ་ཡིན། Curriculum Review at the Tibetan Institute of Performing Arts From April 9 to 11, 2025,…

ཕྱི་ལོ་ ༢༠༢༥ ཟླ་ ༤ ཚེས་ ༢ ཉིན་དགོང་དྲོ་ཚོུད་ ༦ ཐོག (Scottish) གྲོས་ཚོགས་ཀྱི་འཐུས་མི་དང་བདོ་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ ( Ross John Greer) མཆོག་དང་།བོད་དོན་དང་འགྲོ་བ་མིའི་ཐོབ་ཐང་ཐོག་ཆེས་ལས་པ་མཁས་པ་ལྕམ་ (Eleanor Jane Byrne-Rosengren) མཆོག་དང་(Scottish green Groups) ཚོགས་པའི་ཞིབ་འཇུག་དང་སྲིད་ཇུས་འགན་འཛིན་སྐུ་ཞབས་ (Mr. Cameron E. William Garrett) མཆོག་དང་འཇར་མན་གྲོས་ཚོགས་འཐུས་མི་སྐུ་ཞབས་ (…

ི་ལོ་ ༢༠༢༥ ཟླ་ ༤ ཚེས་ ༡ ཉིན་བོད་ཀྱི་ཟློས་གར་ཚོགས་པའི་གསོལ་མགྲོན་ཁང་དུ་ཟློས་གར་སྒྱུ་རྩལ་སློབ་གཉེར་བའི་བསླབ་གཞི་རྩ་འཛིན་ཆེད་འཛུགས་ཚོགས་ཆུང་གིས་ལས་བགོས་ལྟར་དབྱིན་ཇའི་སྐད་ཡིག་གི་བསླབ་གཞི་འགན་ཁུར་བ་རྡ་ས་བོད་ཁྱིམ་གྱི་དབྱིན་དགེ་ཟུར་པ་རྒན་བསྟན་འཛིན་དར་རྒྱས་ལགས་སུ་དེ་སྔ་འདི་ནས་ཞབས་བསྐུལ་ཞུ་དོན་ལྟར་ཁོང་ནས་འདི་གའི་ཟློས་གར་གཞི་རིམ་གོང་མ་ལོ་རིམ་བཞི།  ཟློས་གར་ཉེ་བའི་གཙུག་ལག་རམ་འབྱམས་པ་ལོ་གསུམ།  ཟློས་གར་གཙུག་ལག་རམ་འབྱམས་པ་ལོ་གཉིས་བཅས་ཀྱི་བསླབ་གཞི་དང་སྦྱོང་ཚན་ཁག་རྩོམ་བྲིས་འཐུས་ཚང་གནང་བའི་རགས་ཟིན་དེ་དག་སྣོན་འཕྲི་དང་བསྐྱར་བཅོས་སླད་དབྱིན་ཡིག་བསླབ་གཞི་རྩོམ་སྒྲིག་ཐོག་ཤེས་མྱོང་ཅན་སམ་བྷོ་ཌའི་སློབ་གྲྭའི་དབྱིན་ཡིག་དགེ་རྒན་དང་ཤེས་རིག་ལས་ཁུངས་ཀྱི་དབྱིན་ཡིག་བསླབ་གཞི་དང་ཀློག་དེབ་རྩོམ་སྒྲིག་པ་རྒན་བསྟན་འཛིན་ཆོས་སྒྲོན་ལགས། རྩོམ་པ་པོ་བུ་ཆུང་བསོད་ནམས་དགས་པོ་ལགས་དང་རྩོམ་པ་པོ་དང་བསླབ་གཞི་རྩོམ་སྒྲིག་པ་འབུམ་རམས་པ་སྐལ་བཟང་དབང་འདུད་ལགས་དང་འདི་གའི་དབྱིན་དགེ་བློ་བཟང་ཚེ་རིང་ལགས་བཅས་ཚང་འཛོམས་ཐོག་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་ནས་བསླབ་གཞི་བསྐྱར་བཅོས་བྱ་རྒྱུའི་དགོས་དམིགས་དང་རྒྱབ་ལྗོངས་ངོ་སྤྲོད་ཞུས། དེ་རྗེས་དབྱིན་ཡིག་བསླབ་གཞིའི་རྩོམ་སྒྲིག་འགན་ཁུར་བ་རྒན་བསྟན་འཛིན་དར་རྒྱས་ལགས་ནས་རགས་ཟིན་བསླབ་གཞི་དང་དེ་འབྲེལ་ལོ་རིམ་སོ་སོའི་སྦྱོང་ཚན་ནང་དོན་ཁག་རེ་རེ་བཞིན་ཚོགས་ཐོག་ཏུ་གསལ་བཤད་ཀྱིས་སྦྱང་བཤད་ལྷུག་པོ་གནང་ནས་སྣོན་འཕྲི་སྤོར་གཅོག་ཞུ་སྒོ་ཇི་འོས་ཀྱིས་དགོངས་ཚུལ་ལྷུག་པོ་བྱུང་བ་དེས་བསླབ་གཞི་ཚད་ལྡན་དང་དངོས་སུ་ལག་བསྟར་དོན་འཁེལ་ཡོང་སླད་ཕན་ཐོགས་ཆེན་པོ་བྱུང་སོང་བར་བསྐྱར་ཞིབ་ཚོགས་ཆུང་གི་མཁས་མྱོང་ལྡན་པའི་ཚོགས་མི་ཡོངས་ནས་ཟློས་གར་སྒྱུ་རྩལ་ལྟི་གནས་ཁང་རྒྱུན་གནས་དང་སྒྱུ་རྩལ་སློབ་གཉེར་བ་ཚོར་ཕུགས་རྒྱང་རིང་པོར་ཤེས་འཇོན་གཉིས་ལྡན་ཡོང་རྒྱུའི་དོན་སྨིན་ལྡན་པའི་དགོངས་འཆར་གནང་བར་རྗེས་སུ་ཡིད་རངས་དང་ཐུགས་རྗེ་ཆེ་ཞུ་བཅས་ཞུས་ཏེ་ཚོགས་འདུ་ལེགས་པར་གྲུབ་བོའོ། ། Dharamshala, April 1, 2025 – The Tibetan Institute of Performing Arts (TIPA) took a significant step towards strengthening its…

༄༅། །ཕྱི་ལོ་ ༢༠༢༥ ཟླ་ ༡ ཚེས་ ༢༧ ནས་ ༣༡ བར་ཉིན་གྲངས་ལྔའི་རིང་མཁས་དབང་དར་ཞབས་འཇམ་དཔལ་སྐལ་ལྡན་ལགས་དང་ཁོང་གི་སྲས་དར་ཞབས་འཇིགས་མེད་དབང་ཕྱུག་ལགས་རྣམ་གཉིས་བོད་ཀྱི་ཟློས་གར་ཚོགས་པར་གདན་ཞུས་ཀྱིས་ས་སྐྱ་པཎྜི་ཏ་ཆེན་པོས་མཛད་པའི་རོལ་མོའི་བསྟན་བཅོས་དང་མཁས་དབང་རང་ཉིད་ཀྱིས་མཛད་པའི་རོལ་མོའི་བསྟན་བཅོས་དྲི་ཟའི་གླུ་དབྱངས་གཉིས་ཉིན་འཁྱོངས་སློབ་ཁྲིད་མཛད། གཞི་རྩའི་འདི་ག་བོད་ཀྱི་ཟློས་གར་ཚོགས་པའི་སྤྱི་ཁྱབ་ཡིག་ཚང་ནས་ཕྱག་བྲིས་སྔ་ཕྱི་རིམ་པ་འབུལ་བཞེས་ཀྱིས་ཕྱི་ཟླ་དགུ་པ་པའི་ནང་གདན་ཞུ་གནང་འཆར་ཡོད་ཀྱང་། མཁས་དབང་མཆོག་ན་ཚོད་བབ་ཀྱི་སྐུ་གཟུགས་འཕྲོད་བཞེས་མི་བདེ་བའི་དབང་གིས་ཆེད་ཕེབས་གནང་མི་ཐུབ་པར་སོང་། ཟླ་ ༡༢ པའི་ནང་ཞུ་བསྐུལ་སྐྱབས་འཇུག་བསྐྱར་ཞུས་ཀྱིས་ད་ལན་ཆེད་ཕེབས་གནང་ཐུབ་པ་བྱུང་།   ད་ལན་བོད་ཀྱི་རོལ་མོའི་བསྟན་བཅོས་ཟབ་སྦྱོང་ནང་དགེ་རྒན་དང་སློབ་ཕྲུག་གཙོས་གྲངས་ལྔ་བཅུ་ལྷག་ལ་ཞོགས་པ་ཚོུད་ ༩།༠༠-ཕྱི་དྲོ། ཚོུད་ ༣།༠༠ བར་ས་སྐྱ་པཎྜི་ཏའི་མཛད་པའི་རོལ་མོའི་བསྟན་བཅོས་ཀྱི་དབྱངས་ཀྱི་ལེའུ་དང་ཚིག་གི་ལེའུ། སྦྱོར་བ་གཏན་ལ་དབབ་པའི་ལེའུ་གསུམ་འཆད་འཁྲིད་ལེགས་པར་གནང་བ་དང་། དེ་ལྷན་མཁས་དབང་རང་ཉིད་ཀྱིས་མཛད་པའི་རོལ་མོའི་བསྟན་བཅོས་དྲི་ཟའི་གླུ་དབྱངས་སློབ་ཁྲིད་མཛད་སྐལ་བྱུང་བཞིན། དགེ་རྒན་དང་སློབ་ཕྲུག་ཀུན་གྱིས་ཐུགས་སྣང་ཆེན་པོས་རོལ་དབྱངས་རིག་པའི་གཞུང་ལུགས་དང་དཀྲོལ་གཏོང་བྱེད་ཕྱོགས་སོགས་དང་འབྲེལ་བའི་དོགས་གནད་ཁག་ལ་ལན་འདེབས་རྒྱས་པར་མཛད་གནང་སོང་།  དེ་རིང་བོད་ཀྱི་ཟློས་གར་ཚོགས་པར་རོལ་མོའི་བསྟན་བཅོས་སློབ་ཁྲིད་མཛད་སྐལ་བྱུང་བ་ནི་འདས་པའི་མི་ལོ་དྲུག་ཅུའི་ནང་ཐེངས་དང་པོར་གྱུར་ཡོད་པ་དང་། མཁས་དབང་མཆོག་ནས་ཀྱང་མི་ལོ་ལྔ་བཅུ་ལྷག་གི་རིང་བོད་ཀྱི་རོལ་མོའི་བསྟན་བཅོས་ཐོག་ཞིབ་འཇུག་ཞིབ་གནད་བགྱིས་ཏེ་འཐུས་སྒོ་མ་ཚང་བའི་རིགས་ཁ་སྣོན་མཛད་གནང་ཡོད། དེ་བཞིན་ནུབ་ཕྱོགས་དང་རྒྱ་གར་གྱི་རོལ་དབྱངས་རིག་པའི་གཞུང་ལུགས་ཁག་ལ་ཞིབ་བསྡུར་ལེགས་པར་གནས་སྟེ། བོད་ཀྱི་རོལ་མོའི་གཞུང་ལུགས་ཀྱི་དབྱངས་རྟ་དང་དཀྲོལ་གཏོང་རིག་པ་སོགས་ཞིབ་འཇུག་མཐིལ་ཕྱིན་གནང་ནས་ཁོང་རང་ཉིད་ནས་རོལ་མོའི་བསྟན་བཅོས་དྲི་ཟའི་གླུ་དབྱངས་གསར་རྩོམ་མཛད་ནས། བོད་ཀྱི་རོལ་མོའི་གཞུང་ལུགས་ལ་སློབ་སྦྱོང་གནང་མཁན་ཚོར་མིག་སྨན་མིག་ཐོགས་ཡོང་རྒྱུར་དམིགས་ཡོད་པར་སོང་། ད་ལན་གྱི་ཟབ་སྦྱོང་འདི་བརྒྱུད་སླད་མར་བོད་ཀྱི་ཟློས་གར་ཚོགས་པའི་སྒྱུ་རྩལ་པ་རྣམས་ཀྱི་བོད་ཀྱི་རོལ་དབྱངས་རིག་པའི་གཞུང་ལུགས་དང་ལག་ལེན་ཟུང་སྦྲེལ་བགྱིས་ཏེ་སྤྱི་ཚོགས་ལ་སྨིན་པའི་བྱ་བ་མཛད་རྒྱུར་ཕན་ཐོགས་རླབས་ཆེན་བྱུང། TIPA…

༄༅། །བོད་ཀྱི་ཟློས་གར་ཚོགས་པའི་ངོས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་བཞེད་གཙོ་བཟུང་བགྱིས་ཏེ་ཕ་མེས་ནས་བརྒྱུད་པའི་བོད་ཀྱི་གནའ་བོའོ་ཟློས་གར་རིག་གཞུང་སྤྱི་དང་། ཡང་སྒོས་ཨ་ལྕེ་ལྷ་མོའི་ཟློས་གར་སྒྱུ་རྩལ་རྒྱུན་སྐྱོང་དང་གོང་སྤེལ་སྔར་ལྷག་གཏོང་སླད་དུ་ད་སྒོས་བོད་ཀྱི་ཟློས་གར་ཚོགས་པའི་སྒྱུ་རྩལ་སློབ་གཉེར་བསྟི་གནས་ཁང་གི་སློབ་གནས་རིམ་པའི་སློབ་གཞི་དང་མཚན་གནས། བྱུང་རིམ་དང་དགོས་དམིགས། གོ་སྐབས་དང་འགན་འཁྲི་ཁག་གསལ་སྟོན་དང་གཏན་འབེབས་ཇི་བྱུང་བཞིན། བོད་མིའི་སློབ་གྲྭ་ཆེ་ཁག་ཏུ་ཡོད་པའི་བོད་ཕྲུག་ན་གཞོན་རྣམས་ལ་ངོ་སྤྲོད་དང་གོ་རྟོགས་སྤེལ་རྒྱུ་གལ་ཆེའི་གནད་དོན་ཞིག་ཏུ་ངོས་འཛིན་ཀྱིས་ཕྱི་ལོ་༢༠༢༤ ཟླ་༡༡ ཚེས་ ༢༠ ནས་ ༢༧ བར་འདི་གའི་སྒྱུ་རྩལ་སློབ་ཁྲིད་འགན་འཛིན་རྒན་བསྟན་འཛིན་ཕུན་ཚོགས་ལགས་དང་། རིག་གནས་དགེ་རྒན་དང་སྒྱུ་རྩལ་ཉམས་ཞིབ་པ་རྒན་བསོད་ནམས་ཚེ་བརྟན་ལགས། ལས་རོགས་ཟློས་དགེ་རྒན་བསྟན་འཛིན་བྱང་ཆུབ་ལགས། ཟློས་དགེ་སྐལ་བཟང་སྒྲོལ་མ་ལགས་བཅས་ནས་ས་བགོས་གཞིར་བཟུང་བྱང་ཕྱོགས་ཁུལ་བོད་མིའི་སློབ་གྲྭ་ཆེ་ཁག་ཏུ་དངོས་སུ་ངོ་སྐྱོད་ཞུས་ཡོད་ཅིང་། ཕྱི་ལོ་ ༢༠༢༥ཟླ་ ༡ ཚེས་ ༩ ནས་ ༡༧ བར་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ལྷོ་གཞིས་ཁག་ཏུ་ངོ་བསྐྱོད་ཀྱིས་དེ་གའི་སློབ་གྲྭ་ཁག་དང་ཁྱབ་ཁོངས་གཞིས་ཆགས་སོ་སོའི་ལས་ཀྱི་སྣེ་མོ་བ་ཡོངས་ལ་གོ་རྟོགས་གསལ་བཤད་མཐིལ་ཕྱིན་གནང་ཡོད། དེ་བཞིན་སྐབས་དེའི་གོ་སྐབས་དང་བསྟུན་ནས་བོད་མིའི་སྤྱི་ཚོགས་ནང་བོད་ཀྱི་ཐུན་མོང་མ་ཡིན་པའི་ཨ་ལྕེ་ལྷ་མོའི་ཚོགས་པ་གསར་འཛུགས་དང་རྒྱུན་སྐྱོང་ཐུབ་ཐབས་སུ་སྐུ་ཚེ་ཧྲིལ་པོ་བོད་ཀྱི་ལྷ་མོའི་སྒྱུ་རྩལ་ཐོག་ཞབས་འདེགས་ཞུ་མཁན་སྦེལ་ཀོབ་ལུགས་བསམ་རྒན་གསོ་ཁང་དུ་བཅའ་བཞུགས་ཀུན་བདེ་གླིང་རྒན་ཐུབ་བསྟན་ལགས་དང་སྦེལ་ཀོབ་བདེ་སླར་ནང་ཁྱིམ་དུ་བཅའ་བཞུགས་རྒན་འཕྲིན་ལས་དགོན་པོ། (རྡོབ་རྡོབ་)ལགས་རྣམ་གཉིས་དངོས་སུ་ངོ་མཇལ་གྱིས་བོད་ཀྱི་ཟློས་གར་ཚོགས་པ་དང་ཨ་ལྕེ་ལྷ་མོ་ཚོགས་པ་མཐོུང་ནས་ཐུགས་རྗེ་ལེགས་གསོལ་གྱི་མཇལ་མོལ་དང་ཁོང་རྣམ་གཉིས་སྐུ་ཚེ་ཡུན་རིང་བརྟན་ནས་བོད་ཀྱི་ཨ་ལྕེ་ལྷོ་མོའི་བྱ་གཞག་ཐོག་མུ་མཐུད་ལམ་སྟོན་མཐུན་འགྱུར་ཡོང་བའི་གསོལ་འདེབས་ཞུ་རྒྱུའི་གོ་སྐབས་བྱུང། ད་ལན་བོད་མིའི་སློབ་གྲྭ་ཁག་ཏུ་ཡོད་པའི་བོད་རིགས་གཞོན་སྐྱེས་རྣམས་ལ་བོད་ཀྱི་ཟློས་གར་ཚོགས་པའི་སྒྱུ་རྩལ་གྱི་བསླབ་གཞི་དང་མཚན་གནས། དེ་བཞིན་དགོས་དམིགས་སོགས་དངོས་སུ་ངོ་སྤྲོད་དང་གོ་རྟོགས་སྤེལ་བ་འདི་ནི་ཐེངས་དང་པོ་ཆགས་ཡོད་ཅིང་། གོ་རྟོགས་འདི་སྤེལ་བ་བརྒྱུད་བོད་ཀྱི་ཟློས་གར་སྒྱུ་རྩལ་སློབ་གཉེར་ཁང་ནང་སློབ་གཉེར་བྱ་རྒྱུའི་བཅོས་མིན་གྱི་འདུན་པ་དང་དོ་དབྱིངས་ཡོང་མཁན་གང་མང་འཛུལ་བཞུགས་ཐུབ་པའི་རེ་བ་ཞུ་བཞིན་ཡོད། In alignment…

ཟློས་གར། ཀ་༡༧།༢༠༢༥།༢༥༠ ༄༅།།༸དཔལ་ལྡན་བོད་མིའི་སྒྲིག་འཛུགས་ཀྱི་ཕྱི་རྒྱལ་སྐུ་ཚབ་དོན་གཅོད་ལྷན་རྒྱས་མཆོག་གི་དྲུང་དེུ།                                                                                     ཞུ་གསོལ། འདི་ག་བོད་ཀྱི་ཟློས་གར་ཚོགས་པའི་ངོས་ནས་ལྷར་བཅས་སྲིད་ཞིའི་གཙུག་རྒྱན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་བཞེད་གཙོ་བཟུང་གིས་བོད་ཀྱི་ཐུན་མོང་མ་ཡིན་པའི་ལྷ་མོའི་སྒྱུ་རྩལ་གཙོ་བོར་གྱུར་བའི་བོད་མིའི་སྲོལ་རྒྱུན་གྱི་གཞས་སྣ་ཁག་མི་ཉམས་རྒྱུན་འཛིན་དང་དར་སྤེལ་གྱི་ལས་དོན་གཉེར་བཞིན་ཡོད་མུས་ལྟར་། འདི་ནས་ཕྱི་རྒྱལ་ཡུལ་གྲུ་ཁག་ཏུ་འཚར་ལོངས་འབྱུང་བཞིན་པའི་བོད་རིགས་ན་གཞོན་རྣམས་ལ་རང་མི་རིགས་ཀྱི་རིག་གཞུང་རྒྱུད་འཇགས་ཡོང་རྒྱུར་དམིགས་ཏེ་བོད་ཀྱི་རྩ་ཆེའི་རིག་གཞུང་གཙོ་བོར་འགྱུར་བའི་བོད་མིའི་གོམས་གཞིས་བཟང་པོ་དང་བོད་ཀྱི་ཟློས་གར་སྒྱུ་རྩལ་ངོ་སྤྲོད། ཡུལ་ལུང་ཁག་གི་གཞས་སྣ། རོལ་ཆའི་རྣམ་གྲངས། ལྷ་མོ་དང་རྣམ་ཐར་སོགས་ལ་གོ་རྟོགས་སྤེལ་ཆེད་ཕྱི་ལོ་ ༢༠༢༬ ལོར་ ༼དབྱར་དུས་བོད་ཀྱི་ཟློས་གར་རིག་གཞུང་སྦྱོང་བརྡར།༽ ཐེངས་དང་པོ་དང་ ༢༠༢༤ ལོར་ཐེངས་གཉིས་པ་་གོ་སྒྲིག་ཞུས་པ་བཞིན་སྐབས་དེར་མཉམ་བཞུགས་གནང་མཁན་གྱི་གཞོན་སྐྱེས་ཚོའི་ཁྲོད་དོ་དབྱིངས་གོང་མཐོར་གཏོང་རྒྱུར་ཕན་ཐོགས་ཇི་བྱུང་ལ་གཞི་བཅོལ་ཏེ་བསྐྱར་དུ་ལས་གཞི་གོ་སྒྲིག་ཞུ་འཆར་ལགས་ན། ལས་གཞིའི་ནང་མཉམ་ཞུགས་གནང་བློ་ཡོད་རིགས་རྣམས་ནས་ཐུགས་སྣང་དགོས་པའི་གནད་དོན་ཁག་གཅིག་ཟུར་བཏོན་ཞུས་པ་གཤལ་གསལ། ཀ།     ལས་གཞིའི་དུས་ཡུན། ཕྱི་ལོ་ ༢༠༢༥ ཟླ་ ༧ ཚེས་ ༡ ནས་ ཚེས་ ༣༡ བར་ཉིན་གྲངས་ ༣༡། ཁ།     ཐོ་འགོད་དུས་བཀག ཕྱི་ལོ་ ༢༠༢༥ ཟླ་ ༡ ཚེས་ ༡ ནས་ ཕྱི་ལོ་…

ཕྱི་ལོ་ ༢༠༢༤ ཟླ་ ༡༡ ཚེས་ ༢༥ ཉིན་བོད་ཀྱི་ཟློས་གར་ཚོགས་ཁང་དུ་ཨ་རི་རོགས་ཚོགས་ (USAID) དང་བོད་ཀྱི་ཐེབས་རྩ་ (Tibet Fund) གཉིས་ནས་བཙན་བྱོལ་བོད་མིའི་རྣམས་ཀྱི་སྤྱི་ཚོགས་བདེ་དོན་དང་བོད་ཀྱི་སྐད་ཡིག དེ་བཞིན་རིག་གཞུང་སྲུང་སྐྱོབ་ལ་དམིགས་ཏེ་(ལྷོ་ཨེ་ཤེ་ཡའི་བོད་མིའི་འདུས་སྡོད་ཀྱི་དཔལ་འབྱོར་དང་། སྤྱི་ཚོགས། རིག་གཞུང་བཅས་ཀྱི་ནུས་སྟོབས་གོང་མཐོར་སྤེལ་བ་)ཞེས་པའི་ལོ་ལྔ་ཚན་གྱི་ལས་གཞིའི་དབུ་འབྱེད་མཛད་སྒོའི་སྐབས། ཨ་རི་རོགས་ཚོགས་ཀྱི་རྒྱ་གར་དང་འབྲུག་ཡུལ་ཁུལ་གྱི་ལས་གཞིའི་ངེས་སྟོན་པ་སྐུ་ཞབས་ Steven Olive ལགས་དང་ལས་རོགས། བོད་ཀྱི་ཐེབས་རྩའི་ཚོགས་གཙོ་སྐུ་ཞབས་ Bob Ankerson དང་ལས་རོགས། བོད་མིའི་སྒྲིག་འཛུགས་ཀྱི་སྲིད་ཚབ་རང་གཞུང་ཤེས་རིག་ལས་ཁུངས་ཀྱི་སྐུ་ངོ་ལྕང་ར་མཐར་ལམ་སྒྲོལ་མ་མཆོག བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་སྐུ་ངོ་སྒྲོལ་མ་ཚེ་རིང་མཆོག ༸དཔལ་ལྡན་དགའ་ལྡན་ཕོ་བྲང་ཡིག་ཚང་གི་དྲུང་ཆེ་སྐུ་ངོ་འཆི་མེད་རིག་འཛིན་མཆོག དེ་བཞིན་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་ལྷན་ཁང་ཁག་གི་དྲུང་ཆེ་ཆུང་རྣམ་པ་ལྷན་འཛོམས་ཐོག་ཨ་རི་རོགས་ཚོགས་གཉིས་པོའི་བོད་མིའི་སྒྲིག་འཛུགས་གཙོ་བོར་འགྱུར་བའི་བོདམིའི་སྤྱི་ཚོགས་ལ་སྨིན་པའི་ལོ་ལྔ་ཚན་གྱི་ལས་གཞི་དེ་ཉིད་དབུ་འབྱེད་གནང་སོང་། མཛད་སྒོའི་ཐོག་བོད་ཀྱི་ཟློས་གར་ཚོགས་པའི་སྒྱུ་རྩལ་པ་རྣམས་ཀྱིས་བོད་ཀྱི་ཐུན་མོང་མ་ཡིན་པའི་གནའ་བོའི་རིག་གཞུང་འཁྲབ་སྟོན་གཟིགས་འབུལ་ཞུས་པས། རྒྱ་ཆེའི་སྐུ་མགྲོན་དང་གཟིགས་མོ་བ་རྣམས་ཀྱིས་བསྔགས་བརྗོད་ཆེན་པོ་ཐོབ་ཅིང་། མཛད་སྒོ་གྲུབ་རྗེས་རྒྱ་ཆེའི་སྐུ་མགྲོན་དང་གཟིགས་མོ་བ་རྣམས་ལ་གསོལ་སྟོན་རྒྱས་པ་ཞིག་ཀྱང་འདེགས་འབུལ་གནང་སོང་། On November 25, 2024, a significant…

ཕྱི་ལོ་ ༢༠༢༤ ཟླ་ ༡༡ ཚེས་ ༡༤-༡༦ བར་ཉིན་གྲངས་གསུམ་གྱི་རིང་བོད་ཀྱི་ཟློས་གར་ཚོགས་པའི་དབུ་ལས་ཚོགས་མི་ཡོངས་རྫོགས་རྡ་སའི་ཉེ་འཁྲིས་སུ་ཡོད་པའི་ཆུ་ཚན་དུ་སྤྲོ་གསེང་དུ་བསྐྱོད། ཕྱི་ཚེས་ ༡༤ ཉིན་སློབ་ཕྲུག་ཉིན་མོ་དང་བསྟུན་དགེ་ལས་ཐུན་མོང་ནས་དགའ་སྤྲོས་རབ་ཏུ་བརྟས་ཏེ་སློབ་ཕྲུག་ཉིན་མོ་སྲུང་བརྩི་ཞུས་པ་དང་། དེ་སྔ་ཟླ་ ༩ ཚེས་ ༥ ཉིན་དགེ་ལས་ཉིན་མོ་ཡིན་ཀྱང་འདི་གའི་ཚོགས་མི་ཕལ་ཆེ་བ་ལྡི་ལིར་གཞུང་འབྲེལ་འཁྲབ་སྟོན་དུ་བསྐྱོད་དགོས་བྱུང་བར་སོང་། ད་ལན་ཕྱི་ཚེས་ ༡༥ ཉིན་སློབ་ཕྲུག་རྣམས་ནས་གྲ་སྒྲིག་འཐུས་ཚང་བྱས་ཏེ་དགེ་ལས་ཉིན་མོ་སྲུང་བརྩི་ཞུས་ཡོད། ཕྱི་ཚེས་ ༡༦ ཉིན་བོད་ཀྱི་ཟློས་གར་ཚོགས་པའི་ངོས་ནས་དགེ་ལས་སློབ་ཕྲུག་ཐུན་མོང་གིས་ལོ་ངོ་ཧྲིལ་པོ་གཅིག་གི་ནང་འབད་འབུངས་ཆེ་བསྐྱེད་དང་ལྷག་བསམ་ཟོལ་མེད་ཀྱིས་འཛིན་སྐྱོང་ལས་རིགས་དང་འཁྲབ་སྟོན་ལས་སྒོ་ཅི་རིགས་ལ་དཀའ་སྤྱད་ཧུར་བསྐྱེད་བྱས་པར་བརྟེན། སྔར་ལྷག་མཛའ་མཐུན་མཉམ་གནས་དང་ཕྱྭ་བ་གྲུ་འདེགས། ཡག་ཐོག་ཡག་བརྩེགས་ཡོང་སླད་ཉིན་གསུམ་རིང་ཆུ་ཚན་དུ་སྤྲོ་གསེང་དུ་བསྐྱོད། From November 14th to 16th, 2024, the Tibetan…

༄༅།  །ཕྱི་ལོ་ ༢༠༢༤ ཟླ་བ་ ༠༩་ཚེས་ ༢༠ ཉིན་ཇར་མན་རོགས་ཚོགས་ (Friedrich Naumann Foundation) ཀྱི་སྣེ་ཁྲིད་པའི་ཇར་མན་ནྭིའི་གྲོས་ཚོགས་འཐུས་མི་སྐུ་ཞབས་ ( Frank Muller-Rosentritt) ལགས་དང་།  མྭའ་དིབ་མཚོ་གླིང་གི་གྲོས་ཚོགས་འཐུས་མི་ (Fayyaz Ismail) ལགས་གཙོས་པའི་ (FNF) རོགས་ཚོགས་ཀྱི་ལྷོ་ཨེ་ཤེ་ཡའི་ས་ཁུལ་འགན་འཛིན་ (Crasten Klein) ལགས་སོགས་ནས་གྲུབ་པའི་སྐུ་ཚབ་ཚོགས་ཆུང་ཞིག་དཔལ་ལྡན་བོད་མི་མང་སྤྱི་འཐུས་ལྷན་ཚོགས་ནས་གོ་སྒྲིག་འོག་འདི་ག་བོད་ཀྱི་ཟློས་གར་ཚོགས་པའི་སྒྱུ་རྩལ་ཚོགས་ཁང་ནང་བཞུགས་གྲལ་འཁོད་མཚམས་བོ་ཀྱི་ཟློས་གར་སྤྱི་ཁྱབ་འགན་འཛིན་ནས་ངོ་སྤྲོད་སྙིང་བསྡུས་སྙན་གསན་ཞུས་རྗེས་ཆེ་མཐོའི་ཕེབས་བསུའི་སླད་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་རིག་གཞུང་གནས་སྣ་གཟིགས་འབུལ་སྐབས་དཔལ་ལྡན་ཚོགས་གཞོན་གཙོས་པའི་རྒྱུན་གནས་རྣམ་པ་དང་སྤྱི་འཐུས་ཁག་ཅིག་ཀྱང་མཉམ་བཞུགས་གནང་ཡོད་པར།   དཔལ་ལྡན་ཚོགས་གཞོན་མཆོག་ནས་འཚམས་འདྲི་གསུངས་བཤད་དང་གྲོས་ཚོགས་འཐུས་མི་ནས་གསུང་བཤད་གནང་རྗེས་བོད་མི་མང་སྤྱི་མཐུས་ལྷན་ཚོགས་ནས་དགའ་བསུའི་མཇལ་དར་དང་དྲན་རྟེན་ཕྱགས་རྟགས་ཞུས།    སྐུ་མགྲོན་ཚང་མས་བོད་ཀྱི་རིག་གཞུང་བཟང་པོ་འཁྲབ་སྟོན་གཟབ་རྒྱས་གནང་བར་ཡིད་རངས་བསྔགས་བརྗོད་གནང་། On September 20, the Tibetan Parliament in exile hosted…

ཟངས་དཀར་དཔའ་འདུམ་གྲོང་སྡེའི་ཉེ་འཁྲིས་སུ་ཆགས་པའི་ས་ནྭི་མཚོ་ཐང་སྟེ་ཕྱི་ལོའི་དུས་རབས་བརྒྱད་པའི་ནང་གུ་རུ་རིན་པོ་ཆེ་ཡིས་སྒོམ་སྒྲུབ་ཉམས་ལེན་གནང་ཡུལ་དུ་གྲགས་པའི་་གནས་ཁྱད་པར་ཅན་དང་། ༸རྒྱལ་བ་དོན་གྱི་བདག་པོ་སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ཞབས་ཀྱིས་བཅགས་ཏེ་ཆོས་འབྲེལ་ལན་འགར་བསྩལ་མྱོང་བའི་གནས་བྱིན་ཅན་དེར་ཕྱི་ལོ་ ༢༠༢༤ ཟླ་ ༩ ཚེས་ ༡༣ ནས་ ༡༤ བར་ཉིན་གཉིས་རིང་ལ་དྭགས་ཟངས་དཀར་གྱི་དགའ་སྟོན་ཐེངས་དགུ་པ་སྐོང་ཚོགས་ཞུས་ཡོད་པ་བཞིན་དགའ་སྟོན་ཉིན་འདི་ག་བོད་ཀྱི་ཟློས་གར་ཚོགས་པས་བོད་ཀྱི་ཐུན་མོང་མ་ཡིན་པའི་རིག་གཞུང་གཞན་སྣ་འཁྲབ་སྟོན་ཞུ་རྒྱུར་མགྲོན་འབོད་བྱུང་སྟབས། ཕྱི་ཚེས་ ༡༡ ཉིན་འདི་གའི་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱི་སྣེ་འཁྲིད་འོག་སྒྱུ་རྩལ་སློབ་ཁྲིད་འགན་འཛིན་དང་། སྒྱུ་རྩལ་བ་བཅས་ཁྱོན་མི་གྲངས་ ༡༥ རྡ་ས་ནས་འཁོར་ལམ་བརྒྱུད་ཕྱིན་ཐོན་ཞུས་ཏེ། དགའ་སྟོན་གྱི་ཉིན་དང་པོའི་དབུ་བྱེད་མཛད་སྒོའི་ཐོག་སྐུ་མགྲོན་གཙོ་བོ་ལ་དྭགས་དབུས་འཛིན་ས་ཁུལ་གྱི་སྲིད་སྐྱོང་Brig. (Dr.) B.D. Mishra (Retd) མཆོག་དང་། Dr. Mohd Jaffar Akhoon, Chief Executive Councilor, LADDC, Kargilརྣམ་གཉིས་ཀྱི་དབུས་པའི་གནད་ཡོད་སྐུ་མགྲོན་ཁག་དང་། གནས་ཡུལ་གྱི་མང་ཚོགས་དང་ཕྱི་ཕྱོགས་ནས་ཕེབས་པའི་གཟིགས་མོ་བ་བཅས་མི་གྲངས་སྟོང་ཕྲག་འགའ་ཞིག་འདུ་འཛོམས་བྱུང་འདུག་པའི་སར་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་བོད་ཀྱི་ཐུན་མོང་མ་ཡིན་པའི་སྲོལ་རྒྱུན་གྱི་གཞས་སྣ་ཁག་གཅིག་གཟིགས་འབུལ་ཞུས་ཡོད་ཅིང་།…

བོད་ཀྱི་ཟློས་གར་ཚོགས་པའི་སྒྱུ་རྩལ་པ་རྣམས་ཀྱིས་ཕྱི་ལོ་ ༢༠༢༤ ཟླ་ ༩ ཚེས་ ༣ ཉིན་གྱི་དགོངས་མོར་<<བོད་ཀྱི་རིག་གཞུང་དང་སྙིང་རྗེ་>>ཞེས་པའི་དུས་སྟོན་མཛད་སྒོའི་ཐོག་ཡིད་དབང་རབ་ཏུ་འཕྲོག་པའི་བོད་ཀྱི་རིག་གཞུང་གཞས་སྣང་འཁྲབ་སྟོན་གཟིགས་འབུལ་རྒྱས་པར་ཞུས། སྐབས་དེར་མཛད་སྒོའི་སྐུ་མགྲོན་གཙོ་བོ་རྒྱ་གར་དུ་བཅའ་སྡོད་ཨ་རིའི་གཞུང་གི་སྐུ་ཚབ་དོན་གཅོད་སྐུ་ཞབས་ཨེ་རིཀ་གར་སེཊི་(Eric Garcetti )མཆོག་ཆིབས་བསྒྱུར་བསྐྱངས་ཏེ་སྒྱུ་རྩལ་པ་ཚོས་ལྡི་ལི་གསར་པའི་ཀམ་ལ་ཌི་ཝི་ཁུལ་གྱི་(Multipurpose Hall)ཚོགས་ཁང་དུ་བོད་ཀྱི་གནའ་རབས་ཀྱི་ཁྱད་ཆོས་ལྡན་པའི་རིག་གཞུང་ཞབས་གཞས་འཁྲབ་སྟོན་ཞུས་ཡོད། ཨ་རི་གཞུང་ཚབ་སྐུ་ཞབས་གྷར་སེཊི་ཡིས་སྐུ་མགྲོན་དང་གཟིགས་མོ་བ་རྣམས་ལ་ཨ་རིའི་གཞུང་གིས་བོད་ཀྱི་རྩ་དོན་ལ་མུ་མཐུད་རྒྱབ་སྐྱོར་བྱེད་རྒྱུ་ཡིན་པའི་ཁས་ལེན་གནང་སོང་། དེ་བཞིན་རིག་གཞུང་འགྲེམས་སྟོན་ཐོག་དཔལ་ལྡན་བོད་མི་མང་སྤྱི་འཐུས་ཚོགས་གཞོན་སྐོུ་སྒྲོལ་མ་ཚེ་རིང་ཐེག་ཁང་མཆོག་དང་། ལྡི་ལི་སྐུ་ཚབ་དོན་གཅོད་སྐོུ་འཇིགས་མེད་འབྱུང་གནས་མཆོག། ཨེ་རི་གཞུང་ཚབ་མཆོག་དང་དཔལ་ལྡན་སྲིད་སྐྱོང་སྐུ་ངོ་སྤེན་པ་ཚེ་རིང་མཆོག་གཙོས་པའི་ཆེ་མཐོའི་སྐུ་མགྲོན་གཞན་རྣམས་ཀྱང་ཕེབས་གནང་འདུག། Artists from the Tibetan Institute of Performing Arts presented a captivating cultural show at the Tibetan…

ཕྱི་ལོ་ ༢༠༢༤ ཟླ་ ༩ ཚེས་ ༠༡ ཉིན་ཨེ་སི་ཊོ་ནི་ཡིའི་གྲོས་ཚོགས་འཐུས་མི་སྐུ་ཚབ་ཚོགས་པ་འཚམས་འདྲིར་ཕེབས་འབྱོར་བྱུང་བར་བརྟེན་རྟེན་འབྲེལ་མཚོན་བྱེད་བོད་ཀྱི་ཟློས་གར་ཚོགས་པའི་སྒྱུ་རྩལ་པ་རྣམས་ནས་བོད་ཀྱི་གནའ་ཉམས་ལྡན་པའི་རིག་གཞུང་འཁྲབ་སྟོན་གཟིགས་འབུལ་ཞུས། ཨེ་སི་ཊོ་ནི་ཡའི་གྲོས་ཚོགས་འཐུས་མི་སྐུ་ཞབས་ཇུ་ཀུ་ཀར་ལེ་རའེ་ཌི་(Mr. Juku-Kalle Raid) མཆོག་གིས་འགོ་ཁྲིད་པའི་སྐུ་ཚབ་ཚོགས་པ་དེར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྐོུ་སྤེན་པ་ཚེ་རིང་མཆོག་དང་། དཔལ་ལྡན་བོད་མི་མང་སྤྱི་འཐུས་ལྷན་ཁང་གི་སྐུ་ངོ་ཚོགས་གཙོ་དང་ཚོགས་གཞོན་མཆོག ཁྲིམས་ཞིབ་པ་མཆོག་དང་ལས་བྱེད་འདེམས་བསྐོ་ལྷན་ཁང་གི་འགན་འཛིན་འཛིན། རྩིས་ཞིབ་སྤྱི་ཁྱབ་འགན་འཛིན་གཅོས་པའི་གཞུང་ཞབས་གནད་ཡོད་མི་སྣ་གལ་ཆེན་ཁག་མཛད་སྒོར་ཕེབས་གནང་མཛད།  དབུས་བོད་མིའི་སྒྲིག་འཛུགས་ནས་རེ་སྐུལ་ཞུས་ཏེ་གོ་སྒྲིག་ཞུས་པའི་མཛད་སྒོ་འདིར་ཨེ་སི་ཊོ་ནི་ཡའི་སྐུ་ཚབ་ཚོགས་པར་ཆེད་བསྟོད་སླད་གཞུང་འབྲེལ་སྣེ་ལེན་གཟབ་རྒྱས་ཞུས་པ་དང་། བོད་ཀྱི་ཟློས་གར་ཚོགས་པའི་སྒྱུ་རྩལ་པ་ཚོས་༼འཛམ་གླིང་ཡང་རྩེ་༽ཞེས་འབོད་པའི་བོད་ཀྱི་གནའ་བོའི་རིག་གཞུང་ཕྱུག་པོ་དང་སྣ་འཛོམས་རང་བཞིན་མཚོན་པའི་ཁྱད་ཆོས་རྣམས་འཁྲབ་སྟོན་གཟབ་རྒྱས་ཞུས་པར་སོང་། ཨེ་སི་ཊོ་ནི་ཡའི་གྲོས་ཚོགས་འཐུས་མི་རྣམས་ཀྱིས་ཡིད་དབང་རབ་ཏུ་འཕྲོག་སྟེ་སྒྱུ་རྩལ་པ་ཚོས་འབད་བརྩོན་ཆེ་བསྐྱེད་གནང་བར་བསྔགས་བརྗོད་ཚད་མཐོ་པོ་གནང་། མཛད་སྒོ་འདི་ནི་རྒྱལ་སྤྱིའི་འབྲེལ་ལམ་ཇེ་ཆེར་འགྲོ་བཞིན་པའི་དུས་དེར་རིག་གཞུང་གི་བསམ་བློ་བརྗེ་རེས་དང་བོད་ཀྱི་ཐུན་མོང་མ་ཡིན་པའི་ཤུལ་གཞག་རིག་གཞུང་བཟང་པོ་རྣམས་རྒྱུན་འཛིན་དང་སྲུང་སྐྱོང་བྱེད་རྒྱུའི་གལ་ཆེའི་རང་བཞིན་མངོན་པར་བྱས་ཡོད། On 1st September 2024, artists from the Tibetan Institute of Performing Arts (TIPA)…

༄༅།   །ཕྱི་ལོ་ ༢༠༢༤ ཟླ་བ  ༧ ཚེས་ ༦ ཉིན་ལྷར་བཅས་སྲིད་ཞིའི་གཙུག་རྒྱན། འཛམ་གླིང་ཞི་བདེའི་དེད་དཔོན།  བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་འགྲོ་བ་ལྷ་དང་བཅས་པའི་མགོན་སྐྱབས་དཔུང་གཉེན་དམ་པར་༸སྐུའི་མཚན་དཔེ་བཞད་ནས་ཕྱི་ལུགས་ལྟར་དགུངས་གྲངས་ ༨༩ ལ་ཕེབས་པའི་༸སྐུའི་འཁྲུངས་སྐར་དུས་ཆེན་གྱི་གཞུང་འབྲེལ་མཛད་སྒོ་བཞུགས་སྒར་ཐེག་ཆེན་ཆོས་གླིང་གཙུག་ཁང་གི་གསུང་ཆོས་ར་བའི་ནང་དངོས་གཞིའི་གཞུང་འབྲེལ་མཛད་སྒོ་སྐོང་ཚོགས་ཞུས་ཡོད་པ་བཞིན། ཉིན་དེའི་དགོང་དྲོའི་ཆུ་ཚོད་ ༦།༣༠ ཐོག་བོད་ཀྱི་གར་གླུའི་རིག་རྩལ་ཁང་དུ་རྟེན་འབྲེལ་དགའ་སྟོན་བསྲུ་བརྩི་དང་འབྲེལ་ཏེ་བོད་མིའི་སྒྲིག་འཛུགས་ཀྱི་དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཆོག་དང།  དཔལ་ལྡན་སྲིད་སྐྱོང་མཆོག་དང་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། དེ་བཞིན་ཧི་མ་ཅལ་མངའ་སྡེའི་ཀ་ར་རྫོང་གི་རྫོང་དཔོན་  Sh. Hemraj Bairwa, I.A.S. Deputy Commissioner Saurabh Jassal, I.A.S. Addl. Deputy Commissioner…

On 1st of July, 2024, the second Cultural Immersion Summer Course commenced at the Tibetan Institute of Performing Arts and the event was graced by the Honourable Sikyong Penpa Tsering…

སྤྱི་ལོ ༢༠༢༤ ཟླ་བ་ ༥ ཚེས་ ༡༧ ཉིན་རྒྱ་གར་བྱང་ཕྱོགས་སྡེ་ར་སྡུན་གྱི་ཉེ་འཁྲིས་སུ་ཡོད་པའི་ས་ར་ས་ཝར་ས་གནས་སུ་རྟེན་གཞི་ཆགས་པའི་དྭང་སློབ་གནམ་སྦྱོང་བསྟི་གནས་ཁང་དབུ་བརྙེས་ནས་ལོ་ངོ་ ༦༠ འཁོར་བའི་དུས་དྲན་སྲུང་བརྩི་ཞུ་བའི་མཛད་སྒོའི་ཐོག་བོད་ཀྱི་ཟློས་གར་ཚོགས་པ་མགྲོན་འབོད་གནང་དོན་ལྟར་ཟློས་གར་ཚོགས་པའི་སྤྱི་ཁྱབ་འགན་འཛིན་གྱི་སྣེ་ཁྲིད་འོག་སྒྱུ་རྩལ་སློབ་ཁྲིད་འགན་འཛིན་དང་སྒྱུ་རྩལ་བ་གྲངས་ཉི་ཤུ་རྩ་བདུན་ཙམ་དུས་དྲན་མཛད་སྒོར་ཆེད་བཅར་གྱིས་དུས་སྟོན་གྱི་སྐུ་མགྲོན་གཙོ་བོ་རྒྱ་གར་དང་ཞབས་རུ་དཔོན་ཟུར་པ་སྐུ་ཞབས་ RS Jamwal མཆོག་དང་གནམ་སྦྱོང་བསྟི་གནས་ཁང་གི་གཙོ་འཛིན་དམག་སྤྱི་སྐུ་ཞབས་ཀ་པིལ་ཡཱ་དཱབ་སོགས་དམག་དཔོན་ཆེ་ཕྲ་ཁག་སོ་སོའི་ནང་མི་དང་རྒན་ཡོལ་དུ་ཕེབས་ཟིན་པའི་རྒྱ་བོད་དམག་དཔོནཟུར་པ་དང་ནང་མི་སོགས་མི་གྲངས་བཞི་བརྒྱ་ལྷག་ཙམ་ལྷན་འཛོམས་སར་བོད་ཀྱི་ཟློས་གར་ཚོགས་པའི་སྒྱུ་རྩལབ་རྣམས་ནས་བོད་ཀྱི་མཐུན་མིན་རིག་གཞུང་གི་ཤུལ་བཞག་གཞས་སྣ་ཕུན་གསུམ་ཚོགས་པ་འཁྲབ་སྟོན་ཟབ་རྒྱས་ཞུ་ཐུབ་པ་བྱུང་ཡོད། དུས་སྟོན་འདི་ལྟ་བུ་ལ་མཉམ་ཞུགས་བྱ་རྒྱུ་ནི་དམིགས་བསལ་བོད་མིའི་སྤྱི་ཚོགས་དང་རྒྱ་གར་གཞུང་མང་ལ་གུས་བཀུར་མཚོན་བྱེད་དང་རྒྱ་གར་གཞུང་མང་གཉིས་དང་། སྒོས་སུ་དང་སློབ་གནམ་སྦྱོང་བསྟི་གནས་ཁང་གི་སྒྲིག་འཛུགས་ནང་སྲི་ཞུ་སྒྲུབ་མཁན་འདས་གསོན་ཡོངས་ལ་བཀའ་དྲིན་རྗེས་དྲན་དང་ཐུགས་རྗེ་ཆེ་ཞུའི་མཚོན་ཆེད་ཅིག་ཏུ་གྱུར་ཡོད་སྟབས། སྐུ་མགྲོན་གཙོ་གཞོན་གྱིས་གཙོས་པའི་གཟིགས་མོ་བ་ཡོངས་ནས་ཆེ་མཐོའི་གུས་བརྩི་དང་བསྔགས་བརྗོད་གནང་སྟེ་ཐེངས་འདིའི་སྐོར་སྐྱོད་འཁྲབ་སྟོན་ཟབ་རྒྱས་ངང་ལེགས་གྲུབ་བྱུང་ཡོད། On May 17, 2024, the Tibetan Institute of Performing Arts (TIPA) had the honor of…

ཕྱི་ལོ་ ༢༠༢༤ ཟླ་ ༢ ཚེས་ ༢༢-༢༥ བར་ཉིན་གྲངས་བཞིའི་རིང་བོད་ཀྱི་ཟློས་གར་ཚོགས་པའི་སྒྱུ་རྩལ་སློབ་ཁྲིད་འགན་འཛིན་བསྟན་འཛིན་ཕུན་ཚོགས་ཀྱིས་སྣེ་འཁྲིད་འོག་ཟློས་དགེ་སྐལ་བཟང་སྒྲོལ་མ་དང་བྲོ་གཞོན་བསྟན་འཛིན་དབྱངས་སྒྲོན་གསུམ་པོ་རྒྱ་གར་ལྷོ་ཕྱོགས་པུ་ནིར་གཏན་གཞི་བྱས་པའི་ UWC མ་ཧིན་རྷར་གཙུག་ལག་སློབ་གཉེར་གྱི་གཏམ་བརྗོད་ཆེད་ལས་སློབ་གཉེར་བ་རྣམས་ལ་བོད་ཀྱི་ཨ་ལྕེ་ལྷ་མོའི་ཟློས་གར་སྒྱུ་རྩལ་དང་འབྲེལ་བའི་ཟབ་སྦྱོང་སློབ་ཁྲིད་གནང་བར་ཕེབས་ཞིང་། གཙུག་ལག་སློབ་གཉེར་འདིའི་ནང་རྒྱ་གར་གཙོས་རྒྱལ་སྤྱིའི་རྒྱལ་ཁབ་འདྲ་མིན་གྱི་སློབ་གཉེར་བ་ཡོད་པ་དང་། ཚོགས་འདུའི་ཐོག་ཏུ་སློབ་མ་ཚོས་ཐུགས་སྣང་ཆེན་པོས་བོད་ཀྱི་ལྷ་མོའི་སྒྱུ་རྩལ་གྱི་ལོ་རྒྱུས་དང་རྣམ་ཐར། འཁྲབ་འཁྱེར་སོགས་ལ་སློབ་སྦྱོང་ལེགས་པར་གནང་། ད་དུང་ཁོང་ཚོས་འཁྲབ་སྟོན་གྱིས་རིག་གཞུང་སྲུང་སྐྱོབ་ཀྱི་ཐབས་ལམ་དང་ཟློས་གར་སྐོར་གྱི་གོ་རྟོགས་རྒྱ་སྐྱེད་བྱུང་བར་བསྔགས་བརྗོད་གནང་། In response to a gracious invitation from UWC Mahindra College in Pune, Maharashtra, the Tibetan Institute of…

ཕྱི་ལོ་ ༢༠༢༤ ཟླ ༣ ཚེས ༩ ཉིན་སྲིད་སྐྱོང་སྤེན་པ་ཚེ་རིང་མཆོག་དང་། ཨོ་སི་ཁྲུ་ལི་ཡ་དང་། འཇར་མན་གྲོས་ཚོགས་འཐུས་མི་སྐུ་ཚབ། དེ་བཞིན་ཐའེ་ལནྜ་དང་། ཐའེ་ཝན་ནས་བོད་དོན་ལས་ཁུངས་དང་འབྲེལ་བའི་སྦྱིན་བདག་ཚོགས་པ་ཁག་གི་སྐུ་ཚབ་བཅས་བོད་ཀྱི་ཟློས་གར་ཚོགས་པར་ཆིབས་བསྒྱུར་བསྐྱངས། ཆིབས་བསྒྱུར་སྐབས་བོད་ཀྱི་ཟློས་གར་ཚོགས་པའི་འཁྲབ་སྟོན་པ་ཚོས་ཞྭ་ནག་དང་། སེང་གེ་གར་འཆམ་སོགས་ཀྱི་འཁྲབ་སྟོན་སྣ་ཚོགས་བྱས། འཁྲབ་སྟོན་གྲུབ་རྗེས་སྲིད་སྐྱོང་སྤེན་པ་ཚེ་རིང་མཆོག་ནས་སྐུ་མགྲོན་རྣམས་ལ་དྲན་རྟེན་གྱི་ཕྱག་རྟགས་ཕུལ་ཏེ་བོད་ཀྱི་ཟློས་གར་ཚོགས་པའི་གསོལ་ཚིགས་ཁང་དུ་གསོལ་སྟོན་གཟབ་རྒྱས་བཤམས་སྟོན་གནང། The Tibetan Institute of Performing Arts received a visit from the esteemed Sikyong Penpa Tsering La,…