༄༅། །ཕྱི་ལོ་ ༢༠༢༥ ཟླ་བ་ ༨ ཚེས་ ༢༦ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དྷ་ས་ཁྱབ་ཁོངས་སུ་འཚམས་གཟིགས་ཐེངས་གཉིས་པ་འགོ་འཛུགས་གནང་ཡོད་པ་དང་། ཉིན་རྒྱབ་ཏུ་བོད་ཀྱི་ཟློས་གར་ཚོགས་པར་ཕེབས་འབྱོར་སྐབས་བཀྲ་ཤིས་གཞོལ་པ་འཁྲབ་སྟོན་དང་བཅས་སྲོལ་རྒྱུན་གྱི་ལམ་ནས་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་དང་དགེ་ལས་སློབ་ཕྲུག་ཡོངས་ནས་ཕེབས་བསུའི་སྣེ་ལེན་ཞུས་རྗེས་ཚོགས་པའི་མཆོད་ཁང་ཕེབས་ནས་མར་མེ་ཞལ་ཕྱེ་དང་༸རྒྱལ་བའི་སྐུ་དཔར་མཐོང་སྒྲོལ་རིན་པོ་ཆེར་མཇལ་དར་དང་མཎལ་འདེགས་འདུས་དང་སྒྲུབ་ཐོབ་ཐང་སྟོང་རྒྱལ་པའི་འཇམ་སྐུ་ལ་མཇལ་དར་དང་མཇའ་ཁ་ཞུས། དེ་རྗེས་ཡིག་ཚང་ལ་གཟིགས་ཞིབ་ཀྱིས་རྟེན་འབྲེལ་གསོལ་ཇ་བཞེས་ཏོག་འདེགས་འབུལ་རྗེས་སྒྱུ་རྩལ་བའི་སྡོད་ཁང་དང་ལས་ཤག་གསར་རྒྱག་འགྲོ་བཞིན་པའི་ལས་གཞི། ཚོགས་པའི་གསོལ་ཚིགས་ཁང་དང་གསོལ་ཐབ་ཁང་ཉམས་གསོ་རྒྱ་སྐྱེད་ཟིན་པ་དང་འཚེམ་བཟོ་ཁང་བཅས་སུ་གཟིགས་སྐོར་གནང་གྲུབ་མཚམས་ཉིན་གུང་གསོལ་ཚིགས་འདེགས་འབུལ་ཞུས་ཡོད།
དེ་ནས་བོད་ཀྱི་ཟློས་གར་ཚོགས་པའི་ཚོགས་ཁང་དུ་དགེ་ལས་སློབ་ཕྲུག་མཉམ་འཛོམས་ཀྱིས་ཐོག་མར་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱིས་ད་རེས་དཔལ་ལྡན་སྲིད་སྐྱོང་མཆོག་གཞུང་འབྲེལ་འཚམས་གཟིགས་ཐེངས་གཉིས་པ་ཕེབས་གཞོར་དང་བསྟུན་བོད་ཀྱི་ཟློས་གར་ཚོགས་པ་འདི་རྒྱ་གར་དབུས་ས་གཞུང་གི་ཁྲིམས་སྒྲིག་འོག་དེབ་བསྐྱེལ་ཞུས་པའི་ཚོགས་པ་ཞགས་ཡོད་པ་དང་། ཚོགས་པའི་འགན་འཛིན་ལྷན་ཚོགས་ཀྱི་ཚོགས་གཙོ་ཡང་དཔལ་ལྡན་སྲིད་སྐྱོང་མཆོག་ནས་འགན་ཁུར་བཞེས་བཞིན་པ་སོང་དེབ་སྐྱེལ་ཚོགས་པའི་ཁྲིམས་སྒྲིག་ལྟར་ལོ་འཁོར་ཚོགས་ཆེན་ཐེངས་གཅིག་ཚོགས་དགོས་ནའང་ད་བར་དེ་ལྟར་གནང་ལམ་བྱུང་མེད་པ་སོང་མ་འོངས་ལ་རྒྱ་གར་དབུས་སའི་ཁྲིམས་སྒྲིག་འོག་དཀའ་ངལ་མི་ཡོང་སླད་ད་རེས་གཞུང་འབྲེལ་འཚམས་གཟིགས་གོ་སྐབས་དང་བསྲྟུན་ནས་ཚོགས་པའི་ལོ་འཁོར་ཚོགས་ཆེན་ཐེངས་དང་པོ་ཚོོགས། ལས་བསྡོམས་སྙིང་བསྡུས་དང་རྩིས་ཁྲ་བཅས་སྒྲོགས་སྦྱང་གནང་རྗེས་དཔལ་ལྡན་སྲིད་སྐྱོང་མཆོག་གིས་གསུང་བཤད་གནང་དོན། བོད་ཀྱི་ཟློས་གར་ཚོགས་པར་ད་ལྟའི་འཆར་ས་ཆའི་བདག་དབང་རྐྱེན་པས་དཀའ་ངལ་འཕྲད་བཞིན་པའི་གནས་སྟངས་སྐོར་འགྲེལ་བརྗོད་གནང་བ་དང་། དེ་བཞིན་སྒྲིག་འཛུགས་གཅིག་ཡིན་པའི་རྗེས་ཁྲིམས་དང་སྒྲིག་གཞི་དགོས་གལ་དང་འབྲེལ་བོད་ཀྱི་ཟློས་གར་ཚོགས་པའི་ཁྲིམས་དང་སྒྲིག་གཞི་ཁག་འགན་འཛིན་ལྷན་ཚོགས་ཀྱི་ཚོགས་འདུ་བརྒྱུད་གཏན་འབེབས་གནང་རྒྱུ་ཡིན་པའི་སྐོར་དང་། གཞན་ཡང་དཔལ་ལྡན་སྲིད་སྐྱོང་མཆོག་གིས་བཀའ་ཤག་སྐབས་བཅུ་དྲུག་པའི་གཞིས་ཆགས་ཁག་ནང་འཛུགས་སྐྲུན་གྱི་ལས་གཞི་འདི་ནི་བོད་ཀྱི་འཐབ་རྩོད་རྒྱུན་གནས་དང་གཞིས་ཆགས་ཁག་སྲ་བརྟན་ཡོང་སླད་ཡིན་པ་མ་ཟད། ད་ལྟའི་འཆར་རྒྱ་གར་ནང་བོད་རིགས་གཞོན་སྐྱེས་ཉུང་དུ་འགྲོ་བཞིན་པའི་གནས་སྟངས་ཀྱིས་བོད་པའི་རིག་གཞུང་ལྟེ་གནས་ཁག་གི་ནང་བོད་ཕྲུག་གི་གྲངས་འབོར་ཉུང་དྲག་པའི་དཀའ་ངལ་བཅས་ཀྱི་སྐོར་ཡང་འགྲེལ་བརྗོད་གནང་བ་དང་། བོད་ཀྱི་ཟློས་གར་ཚོགས་པ་འདི་སྒྱུ་རྩལ་རིག་གཞུང་གཅེས་འཛིན་ལྟི་གནས་གལ་ཆེ་ཡིན་པ་བཙན་བྱོལ་ད་ཕེབས་པ་ཐག་༸གོང་ས་མཆོག་ནས་ཐོག་མ་ཆེད་འཛུགས་མཛད་པའི་སྒྲིག་འཛུགས་གལ་ཆེ་སོང་། དེའི་ནང་ཕྱགས་ལས་གནང་མཁན་དགེ་ལས་དང་སྒྱུ་རྩལ་བ་རྣམས་ནས་བོད་མི་རིགས་ཀྱི་མཐོུང་མ་ཡིན་པའི་རིག་གཞུང་བཟང་པོ་འདི་རྒྱུན་འཛིན་གྱི་བྱ་བཞག་རླབས་ཆེན་ཞིག་གནང་བཞིན་པ་བརྟེན་མུ་མཐུད་ཚོགས་པའི་ནང་རྒྱུན་རིང་ཙམ་བཞུགས་ནས་སྒྱུ་རྩལ་གོང་སྤེལ་དང་ཡར་རྒྱས་རྒྱུན་གནས་ཐོག་དགོངས་པ་བཞེས་དགོས་པའི་ལམ་སྟོན་དང་འབོད་བསྐུལ་གནང་། དེ་རྗེས་ཟློས་གར་ཚོགས་པའི་ཚོགས་མི་རྣམས་ནས་དོག་འདྲི་ཁག་ལ་ལས་འདེབས་གསལ་བཤད་གནང་རྗེས་ཚོགས་འདུའི་རྒྱལ་ཁའི་ངང་གྲོལ། དཔལ་ལྡན་སྲིད་སྐྱོང་མཆོག་དང་ལྷན་ནང་སྲིད་ལས་ཁུངས་ཀྱི་དྲུང་འཕར་བཀྲ་ཤིས་བདེ་སྐྱིད་ལགས་དང་སྡེ་འགན་ཡེ་ཤེས་བསྟན་འཛིན། དྷ་ས་ས་གནས་འགོ་འཛིན་དཀོན་མཆོག་མིག་དམར་ལགས། ས་གནས་འཐུས་ཚོགས་དང་ས་གནས་རང་བདེན་ཚོགས་ཆུང་གི་ཚོགས་གཙོ་བཅས་ལྷན་བཅར་ཞུས་ཡོད་པ་བཅས།
On August 26, 2025, Honorable Sikyong Penpa Tsering of the Central Tibetan Administration conducted his second official visit to Dharamshala, coinciding with the inaugural Annual General Meeting of the Tibetan Institute of Performing Arts (TIPA) as a registered organization.
On August 26, 2025, Honorable Sikyong Penpa Tsering began his second official visit within Dharamshala. In the afternoon, upon arriving at the Tibetan Institute of Performing Arts, he was traditionally welcomed with auspicious ceremonial performances by TIPA’s Director Mr. Dondup Tsering and students and staff. After the reception, he visited the institute’s prayer hall where he offered butter lamps, paid respects to His Holiness the Dalai Lama’s portrait and to the precious Thangton Gyalpo, and offered traditional scarves and ceremonial greetings to the statue of the accomplished master Thangton Gyalpo.
