༄༅། །ཕྱི་ལོ་ ༢༠༢༥ ཟླ་བ་ ༠༨ ཚེས་ ༡༥ ཉིན་རྒྱ་གར་པན་ཇབ་མངའ་སྡེའི་ལུ་དྷི་ཡ་ན་གྲོང་སྡེའི་ (King Place) ཞེས་པའི་ཚོགས་ཁང་དུ་བཙན་བྱོལ་བོད་མིའི་ཚོང་པའི་ལྷན་ཚོགས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་གྲངས་དགུ་བཅུར་ཕེབས་པའི་༸རྒྱལ་བའི་གོ་སྟོན་དང་། བྱམས་བརྩེ་ལོ། རྒྱ་གར་རང་བཙན་ཐོབ་ནས་ལོ་ངོ་ ༧༩ འཁོར་བ་བཅས་དུས་སྟོན་གསུམ་འཛོམས་ཀྱི་ཉིན་འདིར་རྒྱ་གར་པན་ཇབ་མངའ་སྡེ་ལུ་དྡི་ཡ་ན་དང་རྒྱ་གར་རྒྱལ་ས་ལྡི་ལིར་བཅའ་བཞུགས་རྒྱ་གར་ཚོང་ཤག་ལཱ་ལཱ་རྣམས་ནས་ད་བར་བཙན་བྱོལ་བོད་མིའི་རྣམས་ལ་འཚོ་རྟེན་ལ་སྨིན་པའི་བལ་ཚོང་གི་མཐུན་འགྱུར་རམ་འདེགས་གནང་བར་ཕྱོགས་གཉིས་ཀར་ཕན་ཐོགས་བྱུང་བའི་རྗེས་དྲན་དང་ཐུགས་རྗེ་ཆེ་ཞུའི་རྒྱས་འཛོམས་དུས་སྟོན་གྱི་མཛད་སྒོ་ཞིག་སྲུང་བརྩི་ཞུས་པའི་ནང་མཛད་སྒོའི་སྐུ་མགྲོན་གཙོ་བོར་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་ཚེ་རིང་མཆོག་དང་དཔལ་ལྡན་ཚོགས་གཞོན་སྒྲོལ་མ་ཚེ་རིང་མཆོག དཔལ་ལྡན་ཁྲིམས་ཞིབ་པ་གཞན་ཟླ་བ་ཕུན་སྐྱིད་མཆོག་དང་བླ་བྲང་འཕགས་པ་ཚེ་རིང་མཆོག སྤྱི་འཐུས་ཚོགས་གཞོན་ཟུར་པ་ཨཅཱརྱ་ཡེ་ཤེས་ཕུན་ཚོགས་མཆོག སྤྱི་འཐུས་ཀརྨ་དགེ་ལེགས་ལགས། དཔལ་འབྱོར་དྲུང་ཆེ་ཚེ་རིང་དོན་གྲུབ་ལགས། ལྡི་ལི་སྐུ་ཚབ་དོན་གཅོད་འཇིགས་མེད་འབྱུང་གནས་ལགས་བཅས་དང་། དེ་བཞིན་སྐུ་མགྲོན་དུ་འཕགས་བོད་འབྲེལ་མཐུད་ཚོགས་པའི་དྲུང་ཆེ་པན་ཀཇ་གྷོ་ཡལ་ (Pankaj Goyal) ལགས། རྒྱ་གར་བོད་དོན་རྒྱབ་སྐྱོར་ཚོགས་པའི་དྲུང་ཆེ་སུཀ་མིན་དྷར་པལ་སིངྒ་གྷི་རེ་ཝལ་ (Sukhminderpal Singh Grewal) ལགས། བོད་དོན་རྒྱབ་སྐྱོར་ཚོགས་པ་ (Bharat Tibbet Samvad Manch) ཞེས་པའི་ཚོགས་པའི་དྲུང་ཆེ་ཀེ་རི་ཤན་བྷར་ཌི་ཝཇ་ (khrishan Bhardwaj) ལགས། ཧིན་བོད་མཛའ་འབྲེལ་ཚོགས་པའི་ཚོགས་གཙོ་མཱ་ནུ་ཇི་ ཀུ་མར་ (Manoj Kumar) ལགས། (Lala Tibetan Hosiery Association) ཚོགས་པའི་ཚོགས་གཙོ་ན་ཝཱིན་སཱུདྷ་ (Naveen Sood) ལགས། (Indo Tibetan Hosiery Association) ཚོགས་པའི་ཚོགས་གཙོ་སྐུ་ཞབས་ཌི་སི་ཀ་པཱུར་ (D C Kapoor) ལགས། ལྡི་ལི་ཇཕ་ར་བཱཌ་ཚོང་ལས་ཚོགས་པའི་ཚོགས་གཙོ་ཨཤ་རིཕ་ལགས། བཙན་བྱོལ་བོད་མིའི་ཚོང་པ་ཚོགས་པའི་དབུས་རྒྱུན་ལས་ཟུར་རྣམ་པ། རྒྱ་གར་གྱི་ས་ཁུལ་ཁག་ ༢༣༤ ཙམ་གྱི་ཚོང་པ་ཚོགས་པའི་འཐུས་མིའི་སྐུ་ཚབ་དང་རྒྱ་གར་ལུ་ངྡི་ཡ་ན་དང་ལྡི་ལི་ནས་རྒྱ་གར་ཚོང་ཤག་ལཱ་ལཱ་ ༤༠༠ ལྷག་ཙམ་དང་བོད་མི་སུད་ཚོང་པ་བཅས་བསྡོམས་མི་གྲངས་ཆིག་སྟོང་ཡས་མས་ཕེབས་ཡོད་ཅིང་།
མཛད་སྒོའི་ཐོག་མར་ཚང་མས་སྐུ་བཞེངས་ཐོག་བོད་རྒྱལ་ཁབ་ཆེན་པོ་དང་རྒྱ་གར་རྒྱལ་གླུ་བཅས་བླངས་གྲུབ་མཚམས་བོད་ཀྱི་རྒྱལ་གཅེས་པ་རྣམས་ཀྱི་ཆེད་གདུང་སེམས་མཉམ་སྐྱེད་མཚོན་ཆེད་མྱ་ངན་སྐར་མ་གཅིག་རིང་ཞུས། དེ་ནས་བློ་གསལ་གླིང་དགེ་འདུན་པ་རྣམས་ནས་མནྜལ་རྟེན་གསུམ་གྱི་ཞལ་འདོན་གསུང་དོན་ཐོག་སྐུ་མགྲོན་གཙོ་བོ་དང་དམིགས་གསལ་སྐུ་མགྲོན་རྣམས་ནས་མར་མེ་ཞལ་ཕྱེ་དང་སྐུ་དཔར་མཐོང་གྲོལ་རིན་པོ་ཆེར་མནྜལ་རྟེན་གསུམ་འདེགས་འབུལ་ཞུས། ༸རྒྱལ་བའི་གོ་སྟོན་རྟེན་འབྲེལ་མཚོན་བྱེད་དུ་མངར་ཟས་ཀེག་སྐུ་མགྲོན་དང་ཚོགས་བཅར་ཡོངས་ལ་འདེགས་འབུལ་སྐབས་བོད་ཀྱི་ཟློས་གར་ཚོགས་པ་ནས་གཞུང་འབྲེལ་གྱི་གོ་སྟོན་མཆོད་དབྱངས་གྱེར་འབུལ་ཞུས། དེ་རྗེས་བཙན་བྱོལ་བོད་མིའི་ཚོང་པའི་ལྷན་ཚོགས་ཀྱི་ཚོགས་གཙོ་བསོད་ནམས་སྟོབས་རྒྱས་ལགས་ནས་དུས་སྟོན་འཚམས་འདྲི་དང་ངོ་སྤྲོད་ཞུས། དེ་ནས་རིམ་བཞིན་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་དང་བོད་མི་མང་སྤྱི་འཐུས་ལྷན་ཚོགས་ཀྱི་དཔལ་ལྡན་ཚོགས་གཞོན་སྒྲོལ་མ་ཚེ་རིང་མཆོག་གིས་མཛད་སྒོ་དང་འབྲེལ་བའི་གསུང་བཤད་གནང་། བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་ནས་བོད་ཀྱི་ཟློས་གར་ཚོགས་པའི་ཚོགས་མི་ཡོངས་ཀྱི་ཚབ་ཞུས་ཏེ་འཚམས་འདྲི་དང་བོད་ཀྱི་ཟློས་གར་ཚོགས་པ་ངོ་སྤྲོད་སྙིང་བསྡུས་ཞུས་རྗེས་བོད་ཀྱི་ཟློས་གར་ཚོས་པའི་སྒྱུ་རྩལ་བ་གཙོས་བཙན་བྱོལ་ནང་གི་གཞས་པ་དང་གཞས་མ་ཁག་གཅིག་ནས་རིམ་བཞིན་གཞས་སྣ་གཟིགས་འབུལ་ཞུས་ཤིང་། བཙན་བྱོལ་བོད་མིའི་ཚོང་པ་ཚོགས་པའི་ངོས་ནས་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་། ལཱ་ལཱ་རྣམ་པ་བཅས་ལ་ཕྱག་རྟགས་ཕུལ་ཡོད། མཛད་སྒོའི་མཐར་བཙན་བྱོལ་བོད་མིའི་ཚོང་པ་ཚོགས་པའི་ཚོགས་གཞོན་བསོད་ནམས་དོན་ལྡན་ལགས་ཀྱིས་ཐུགས་རྗེ་ཆེ་ཞུའི་གསུང་བཤད་གནང་སྟེ་མཛད་སྒོ་ལེགས་པར་ངང་མཇུག་བསྒྲིལ། ད་ལན་བོད་ཀྱི་ཟློས་གར་ཚོགས་པར་གཞི་རྩའི་དབྱར་སྐྱིད་དང་འབྲེལ་བའི་འཁྲབ་སྦྱོང་གི་ལས་རིམ་འགྲོ་བཞིན་པར་བརྟེན་དུས་བྲེལ་ཆེ་ནའང་བཙན་བྱོལ་བོད་མིའི་ཚོང་པའི་ལྷན་ཚོགས་ནས་སྐོང་ཚོགས་ཞུས་པའི་དུས་སྟོན་རྒྱས་འཛོམས་ཐེངས་དང་པོ་ཚོགས་པ་དེར་དངོས་སུ་བཅར་ནས་བོད་ཀྱི་མཐོུང་མ་ཡིན་པའི་ཟློས་གར་སྒྱུ་རྩལ་ལམ་ནས་རྒྱ་གར་ཚོང་དཔོན་ལྭ་ལྭ་རྣམས་ལ་དང་རྒྱ་གར་གྱི་གདན་ཞུའི་སྐུ་མགྲོན་རྣམས་ལ་གཟིགས་འབུལ་ཞུ་ཐུབ་པ་ནི་ཚང་མས་དགའ་སྤོབས་དང་བོད་ཀྱི་རིག་གཞུང་ཁྱབ་སྤེལ་གོ་རྟོགས་སླད་ཕན་ཐོགས་རླབས་ཆེན་བྱུང་སོང་།
Tibetan Institute of Performing Arts at the Celebration of His Holiness’s Birthday and the Year of Compassion in Ludhiana, Punjab
On August 15, 2025, the Tibetan Traders Association in Exile organized a grand festival at the King Place Auditorium in Ludhiana, Punjab, to celebrate three significant occasions: the 90th birthday of His Holiness the Great Protector, the Year of Compassion, and the 79th anniversary of India’s Independence.
The event was also held to honor and express gratitude for the long-standing support and assistance extended by Indian traders (Lalas) of Ludhiana, Punjab, and Delhi, who played a vital role in helping Tibetans in exile sustain their livelihood through the wool trade.
The ceremony was graced by distinguished chief guests including Honorable Sikyong Penpa Tsering of the Central Tibetan Administration, Honorable Deputy Speaker Dolma Tsering, Honorable Justice Commissioner Dawa Phunkyi, Labrang Phagpa Tsering, former Deputy Speaker and parliamentarian Acharya Yeshi Phuntsok, parliamentarian Karma Gelek, Finance Secretary Tsering Dhondup, and Delhi Representative Jigme Jungney.
Also in attendance were notable Indian guests such as Pankaj Goyal, Secretary of the India-Tibet Friendship Society; Sukhminderpal Singh Grewal, Secretary of the India-Tibet Support Group; Krishan Bhardwaj, Secretary of the Bharat Tibet Samvad Manch; Manoj Kumar, President of the India-Tibet Friendship Association; Naveen Sood, President of the Lala Tibetan Hosiery Association; D.C. Kapoor, President of the Indo-Tibetan Hosiery Association; Ashrif, President of the Delhi Jafrabad Trade Association; along with former members of the central executive committee of the Tibetan Traders Association in Exile, representatives of over 234 regional trade associations, more than 400 Indian traders from Ludhiana and Delhi, and Tibetan retail traders. The gathering brought together nearly one thousand participants.
The program began with the Tibetan and Indian national anthems, followed by a minute of silence in memory of Tibetan martyrs. Monks from Loseling Monastery then performed an invocation of the Three Jewels. Afterwards, the chief and special guests lit butter lamps and offered ceremonial scarves to the sacred portrait of His Holiness.
To mark His Holiness’s 90th birthday, sweets and cake were distributed to all attendees, accompanied by birthday theme songs performed by the Tibetan Institute of Performing Arts (TIPA). Mr. Sonam Topgyal, President of the Tibetan Traders Association in Exile, delivered the welcome address, after which Mr. Dhondup Tsering, Director of TIPA, introduced the institute. This was followed by vibrant cultural performances of traditional songs and dances by TIPA artists and singers from the exile community. The Tibetan Traders Association presented ceremonial scarves to CTA officials and Indian trader representatives (Lalas) in appreciation of their enduring support.
The Honorable Sikyong and Deputy Speaker of the Tibetan Parliament-in-Exile then addressed the gathering with speeches highlighting the significance of the occasion. The festival concluded with closing remarks and words of gratitude from Mr. Sonam Dondan, Deputy President of the Tibetan Traders Association in Exile.
Although the Tibetan Opera Troupe was in the midst of their summer training program, they made a special effort to attend this first grand festival organized by the Traders Association. Their performance of Tibet’s unique opera art delighted the Indian traders and guests, leaving a lasting impression and further promoting awareness and appreciation of Tibetan culture.
