ད་ཀྱི་ཟློས་གར་ཚོགས་པའི་སྒྱུ་རྩལ་བ་ནས་ལ་་དྭགས་ཟངས་དཀར་གྱི་དགའ་སྟོན་ལ་མཉམ་ཞུགས་གནང་།
ཟངས་དཀར་དཔའ་འདུམ་གྲོང་སྡེའི་ཉེ་འཁྲིས་སུ་ཆགས་པའི་ས་ནྭི་མཚོ་ཐང་སྟེ་ཕྱི་ལོའི་དུས་རབས་བརྒྱད་པའི་ནང་གུ་རུ་རིན་པོ་ཆེ་ཡིས་སྒོམ་སྒྲུབ་ཉམས་ལེན་གནང་ཡུལ་དུ་གྲགས་པའི་་གནས་ཁྱད་པར་ཅན་དང་། ༸རྒྱལ་བ་དོན་གྱི་བདག་པོ་སྤྱི་ནོར་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་ཞབས་ཀྱིས་བཅགས་ཏེ་ཆོས་འབྲེལ་ལན་འགར་བསྩལ་མྱོང་བའི་གནས་བྱིན་ཅན་དེར་ཕྱི་ལོ་ ༢༠༢༤ ཟླ་ ༩ ཚེས་ ༡༣ ནས་ ༡༤ བར་ཉིན་གཉིས་རིང་ལ་དྭགས་ཟངས་དཀར་གྱི་དགའ་སྟོན་ཐེངས་དགུ་པ་སྐོང་ཚོགས་ཞུས་ཡོད་པ་བཞིན་དགའ་སྟོན་ཉིན་འདི་ག་བོད་ཀྱི་ཟློས་གར་ཚོགས་པས་བོད་ཀྱི་ཐུན་མོང་མ་ཡིན་པའི་རིག་གཞུང་གཞན་སྣ་འཁྲབ་སྟོན་ཞུ་རྒྱུར་མགྲོན་འབོད་བྱུང་སྟབས། ཕྱི་ཚེས་ ༡༡ ཉིན་འདི་གའི་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱི་སྣེ་འཁྲིད་འོག་སྒྱུ་རྩལ་སློབ་ཁྲིད་འགན་འཛིན་དང་། སྒྱུ་རྩལ་བ་བཅས་ཁྱོན་མི་གྲངས་ ༡༥ རྡ་ས་ནས་འཁོར་ལམ་བརྒྱུད་ཕྱིན་ཐོན་ཞུས་ཏེ། དགའ་སྟོན་གྱི་ཉིན་དང་པོའི་དབུ་བྱེད་མཛད་སྒོའི་ཐོག་སྐུ་མགྲོན་གཙོ་བོ་ལ་དྭགས་དབུས་འཛིན་ས་ཁུལ་གྱི་སྲིད་སྐྱོང་Brig. (Dr.) B.D. Mishra (Retd) མཆོག་དང་། Dr. Mohd Jaffar Akhoon, Chief Executive Councilor, LADDC, Kargilརྣམ་གཉིས་ཀྱི་དབུས་པའི་གནད་ཡོད་སྐུ་མགྲོན་ཁག་དང་། གནས་ཡུལ་གྱི་མང་ཚོགས་དང་ཕྱི་ཕྱོགས་ནས་ཕེབས་པའི་གཟིགས་མོ་བ་བཅས་མི་གྲངས་སྟོང་ཕྲག་འགའ་ཞིག་འདུ་འཛོམས་བྱུང་འདུག་པའི་སར་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་བོད་ཀྱི་ཐུན་མོང་མ་ཡིན་པའི་སྲོལ་རྒྱུན་གྱི་གཞས་སྣ་ཁག་གཅིག་གཟིགས་འབུལ་ཞུས་ཡོད་ཅིང་།…
