ཕྱི་ལོ་ ༢༠༢༦ ཟླ་ ༤ ཚེས་ ༣༠ ཉིན་བོད་ཀྱི་ཟློས་གར་ཚོགས་པ་རྒྱ་གར་ནས་འཇར་མན་གྲོང་ཁྱེར་ཕན་རན་ཕུ་རུག་གནམ་ཐང་དུ་འབྱོར་མཚམས་རྗར་འཁོད་ཚོགས་པའི་ཚོགས་གཙོ་སྐུ་ཞབས་དོན་གྲུབ་ལགས་དང་ས་གནས་ཕན་རན་ཕུ་རུག་ཚོགས་པའི་ཚོགས་གཙོ་དབང་མོ་ལགས་རྣམ་གཉིས་ནས་དགའ་བསུའི་འཚམས་འདྲི་ཞུས་ནས་མགྲོན་ཁང་དུ་སྣེ་ལེན་ཟབ་རྒྱས་གནང་། ཕྱི་ལོ་ ༢༠༢༦ ཟླ་ ༥ ཚེས་ ༢ ཉིན་རྒྱབ་ཆུ་ཚོད་ ༣ པའི་ཐོག་འཇར་མན་གྲོང་ཁྱེར་ཕ་རན་ཕུ་རུག་ (Frankfrut) གི་བྷོན་ཧིམ་ (Bornheim) རྫོང་གི་ཚོགས་ཁང་ཆེན་མོའི་ནང་སུད་སི་སྐུ་ཚབ་དོན་གཅོད་མཆོག་དང་། རྗར་འཁོད་བོད་རིགས་ཚོགས་པའི་ཚོགས་གཙོ་དང་རྒྱུན་ལས། རྒྱལ་སྤྱིའི་བོད་དོན་རྒྱབ་སྐོར་ཚོགས་པའི་ས་གནས་ཀྱི་ཚོགས་གཙོ་དང་འཐུས་མི། དེ་བཞིན་འཇར་མན་ཁུལ་དུ་གནས་སྡོད་ས་གནས་བོད་རིགས་བཅས་ཁྱོན་མི་གྲངས་ ༣༠༠ ལྷག་ཙམ་ལྷན་འཛོམས་སར་བོད་ཀྱི་ཟློས་གར་ཚོགས་པའི་འཁྲབ་སྟོན་པ་རྣམས་ནས་བོད་ཀྱི་སྲོལ་རྒྱུན་གཞས་སྣ་འཁྲབ་སྟོན་དང་གཏམ་བརྗོད་གཟིགས་འབུལ་ཞུས་ཡོད།
དེ་ཡང་ཐོག་མར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་མཆོག་གིས་ཕྱི་ནང་གི་སྐུ་མགྲོན་དང་ས་གནས་མང་ཚོགས་ལ་འཚམས་འདྲི་དང་སྦྲགས། བོད་ཀྱི་ཟློས་གར་ཚོགས་པའི་ངོ་སྤྲོད་གཏམ་བཤད་ཞུས་ཡོད་ཅིང་། དེ་རྗེས་སུད་སི་སྐུ་ཚབ་དོན་གཅོད་སྐོུ་འཕྲིན་ལས་ཆོས་སྐྱིད་ལགས་ནས་ད་ལན་ཡོ་རོབ་ཁུལ་དུ་བོད་ཀྱི་ཟློས་གར་ཚོགས་པའི་རིག་གཞུང་སྐོར་སྐྱོད་འཁྲབ་སྟོན་གོ་སྒྲིག་ཞུ་དགོས་པའི་དམིགས་ཡུལ་དང་དེའི་བརྒྱུད་རིམ་ངོ་སྤྲོད་གསུང་བཤད་གནང་སྐབས་ད་རེས་བོད་ཀྱི་ཟློས་གར་ཚོགས་པ་ཨོ་རོབ་ཁུལ་དུ་སྐོར་སྐྱོད་གདན་ཞུ་བྱ་དགོས་པའི་རྒྱུ་མཚན་གཙོ་བོ་ནི་བོད་ནང་རྒྱ་ནག་སྲིད་གཞུང་གིས་བོད་ཀྱི་སྐད་ཡིག་དང་རིག་གཞུང་རྩ་མེད་གཏོང་རྒྱུའི་སྲིད་བྱུས་ལག་བསྟར་བྱེད་བཞིན་པ་དེར་བོད་ཀྱི་ཟློས་གར་ཚོགས་པའི་སྒྱུ་རྩལ་བའི་ངོས་ནས་སོ་སོའི་ཕ་མེས་ནས་བརྒྱུད་ཡོང་བའི་རིག་གཞུང་བཟང་པོ་དེ་དག་འཛམ་གླིང་རྒྱལ་སྤྱིའི་ནང་ངོ་སྤྲོད་དང་ཁྱབ་སྤེལ་བྱ་རྒྱུ་དང་། གཞན་གཅིག་ནི་བོད་རིགས་ན་གཞོན་མང་པོ་ཞིག་ཕྱིའི་རྒྱལ་ཁབ་ནང་འཚར་ལོངས་བྱུང་བ་རྣམས་ལ་སོ་སོའི་ཕ་མེས་ནས་བརྒྱུད་པའི་རིག་གཞུང་བཟང་པོ་དང་ཕྱུག་པོ་དེ་དག་འཁྲབ་སྟོན་གྱི་ལམ་ནས་བརྒྱུད་སྤེལ་ཡོང་ཐབས་སུ་ཡིན་ཞེས་གསུངས་ཡོད་ཅིང་། དེ་བཞིན་དངོས་སུ་བོད་ཀྱི་ཟློས་གར་ཚོགས་པ་སུད་སི་དོན་ཁང་ཁྱབ་ཁོངས་རྒྱལ་ཁབ་ཁག་ཏུ་སྐོར་སྐྱོད་འཁྲབ་སྟོན་བྱ་རྒྱུ་མངོན་གྱུར་ཐུབ་པ་བྱུང་བ་ནི་འབྲེལ་ཡོད་བོད་རིགས་ཚོགས་པས་རམ་འདེགས་མཐུན་འགྱུར་གནང་བར་བརྟེན་ནས་བྱུང་བར་སོང་ཚང་མར་རྗེས་སུ་ཡིད་རངས་དང་ཐུགས་རྗེ་ཆེ་ཞུས་གྲུབ་མཚམས། བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་ཁྱོན་ཆུ་ཚོད་ ༢ ཙམ་རིང་རིག་གཞུང་གཞས་སྣ་འཁྲབ་སྟོན་ཞུས་ཡོད་པ་དང་། དེ་རྗེས་བོད་ནང་མི་སེར་སྤེལ་ཡུལ་གྱི་བཅའ་སྡོད་སློབ་གྲྭ་ཞེས་པའི་བརྗོད་གཞིའི་ཐོག་གཏམ་བརྗོད་ཚོུད་ ༡ ཙམ་རིང་འཁྲབ་སྟོན་ཞུས་པར་གཟིགས་མོ་གཟིགས་མཁན་སྐུ་མགྲོན་གཙོས་པའི་ས་གནས་མང་ཚོགས་ཡོངས་ནས་ཐུགས་སྣང་ཆེན་པོས་གསན་གཟིགས་གནང་མ་ཟད། རིག་གཞུང་གཞས་སྣ་དང་གཏམ་བརྗོད་འཁྲབ་སྟོན་བརྒྱུད་དེ་གཟིགས་མོ་གཟིགས་མཁན་ཚང་མའི་སེམས་ནང་རང་མི་རིགས་ཀྱི་ངོ་བོ་དང་རང་མི་རིགས་ཀྱི་རྩ་དོན་ཐོག་ཚོར་སྣང་དང་སེམས་འགུལ་ཤུགས་ཆེ་ཞིག་བསླངས་བར་བརྟེན་གཟིགས་མོ་མཇུག་སྒྲིལ་སྐབས་ཚང་མས་སྐུ་བཞེངས་ཀྱིས་དགའ་བསུའི་ཐལ་སྒྲ་སྒྲོགས་ནས་ཡིད་རངས་བསྔགས་བརྗོད་གནང་། དེ་རྗེས་རྗར་འཁོད་བོད་རིགས་ཚོགས་པའི་ཚོགས་གཙོ་སྐུ་ཞབས་དོན་གྲུབ་ལགས་ནས་ཐུགས་རྗེ་ཆེ་གསུང་བཤད་གནང་སྐབས་ད་ལན་དུས་ཚོད་ཐུང་ཐུང་དེའི་ནང་སུད་སི་དོན་ཁང་ནས་རེ་བསྐུལ་གནང་དོན་ལྟར་བོད་ཀྱི་ཟློས་གར་ཚོགས་པའི་ཡོ་རོབ་ཀྱི་སྐོར་སྐྱོད་འཁྲབ་སྟོན་ཐེངས་དང་པོ་དེ་འཇར་མན་ནས་འགོ་འཛུགས་ཞུས་པ་བཞིན་དེ་ག་རྗར་འཁོད་བོད་རིགས་ཚོགས་པའིགོ་སྒྲིག་འོག་འཁྲབ་སྟོན་དེ་བཞིན་ཚགས་ཚུད་ངང་གོ་སྒྲིག་ཞུ་ཐུབ་པ་ལ་དགའ་ཚོར་ཆེན་པོ་བྱུང་བ་དང་། འཁྲབ་སྟོན་དེ་བཞིན་མངོན་གྱུར་ཐུབ་པ་ལ་རྒྱབ་སྐྱོར་དང་མཐུན་གནང་མཁན་དེ་གའི་རྒྱུན་ལས་དང་སྒོས་སུ་ས་གནས་མང་ཚོགས་ཀྱི་རྒྱབ་སྐྱོར་ལ་རག་ལུས་ཡོད་པ་སོང་ད་རེས་ཚང་མས་ཕྱག་གྲུ་མཉམ་འདེགས་གནང་བ་ལ་བསྔགས་བརྗོད་དང་། དེ་བཞིན་སྤྱི་སྒེར་ཁག་ནས་དཔལ་འབྱོར་རྒྱབ་སྐྱོར་གནང་མཁན་ཡོངས་ལ་ལེགས་གསོལ་མཇལ་དར་རེ་ཕུལ་རྗེས། བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་མཆོག་གིས་བོད་ཀྱི་ཟློས་གར་ཚོགས་པའི་འགོ་ལས་ཚོགས་མི་ཡོངས་ཀྱི་ཚབ་ཞུས་ཏེ་རྗར་འཁོད་བོད་རིགས་ཚོགས་པའི་ཚོགས་གཙོ་དོན་གྲུབ་ལགས་ལ་ཐུགས་རྗེ་ལེགས་འབུལ་གྱི་མཇལ་དར་དང་དྲན་རྟེན་ཕྱག་རྟགས་ཕུལ་ཏེ་བོད་ཀྱི་ཟློས་གར་ཚོགས་པའི་ཡོ་རོབ་ཁུལ་སྐོར་སྐྱོད་འཁྲབ་སྟོན་ཐེངས་དང་པོ་རྒྱལ་ཁའི་ངང་ལེགས་གྲུབ་བྱུང་ཡོད།
བོད་ཀྱི་ཟློས་གར་ཚོགས་པའི་ཡོ་རོབ་ཀྱི་སྐོར་སྐྱོད་འཁྲབ་སྟོན་དེ་ནི་༸རྒྱལ་བའི་གོ་སྟོན་དང་བྱམས་བརྩེ་ལོ་སྲུང་བརྩི་ཞུ་རྒྱུའི་ཆ་ཤས་སུ་གོ་སྒྲིག་ཞུས་པ་ཞིག་ཡིན་ཞིང་། བོད་ཀྱི་ཟློས་གར་ཚོགས་པས་སྔ་རྗེས་སུ་ཞབས་སྐུལ་ཞུས་དོན་ལྟར་སུད་སི་སྐུ་ཚབ་དོན་ཁང་ནས་གདན་ཞུ་གནང་བའི་འོག་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱིས་སྣེ་ཁྲིད་པའི་སྒྱུ་རྩལ་སློབ་ཁྲིད་འགན་འཛིན་དང་དགེ་རྒན། སྒྱུ་རྩལ་བ་བཅས་ཁྱོན་མི་གྲངས་ ༢༦ ཕྱི་ལོ་ ༢༠༢༦ ཟླ་ ༤ ཚེས་ ༢༨ ཉིན་བཞུགས་སྒར་ནས་ལྡི་ལི་བརྒྱུད་དེ་ཕྱོགས་སྐྱོད་ཀྱིས་སྐོར་སྐྱོད་འཁྲབ་སྟོན་ཐེངས་དང་པོ་དེ་འཇར་མན་དུ་འཁྲབ་སྟོན་ཞུས་ཡོད་པ་དང་།
དེ་རྗེས་ཡོ་རོབ་རྒྱལ་ཁབ་ཨོ་སི་ཀྲ་རི་ཡ་དང་། སི་ལོ་ཝ་ཀི་ཡ། ཅེག་སྤྱི་མཐུག་རྒྱལ་ཁབ། འཇར་མན་རྒྱལ་ས་སྦར་ལན་དང་སུད་སི་བཅས་སུ་སྐོར་སྐྱོད་འཁྲབ་སྟོན་ཞུ་རྒྱུ་དང་། ཕྱི་ལོ་ ༢༠༢༦ ཟླ་ ༦ ཚེས་ ༡ ཉིན་སུད་སི་ཕྱོགས་བསྐྱོད་ཀྱིས་ཨིན་ཡུལ་དུ་སྐོརསྐྱོད་འཁྲབ་སྟོན་ཞུ་རྒྱུའི་ལས་རིམ་གཏན་འབེབས་ཟིན་ཡོད་པ་རེད། ད་ལན་གྱི་སྐོར་སྐྱོད་འཁྲབ་སྟོན་དེའི་རིང་སུད་སི་དོན་ཁང་དང་ཨི་ཡུལ་སྐུ་ཚབ་དོན་ཁང་གཙོས་པའི་སུད་སི་བོད་རིགས་མི་མང་ནས་བོད་ཀྱི་ཟློས་གར་ཚོགས་པ་ཕར་འགྲོ་ཚུར་འོང་གི་གནམ་སྐྱོད་འགྲོ་སོང་སོགས་མཐུན་འགྱུར་གནང་བ་དང་། དེ་བཞིན་འབྲེལ་ཡོད་བོད་རིགས་ཚོགས་པ་ནས་ས་གནས་སོ་སོའི་ལམ་མགྲོན་སོགས་ཀྱི་མཐུན་འགྱུར་གང་གཟབ་གནང་དང་གནང་མུས་ཡིན་བཅས།།
TIPA concludes the first leg of EU cultural performance tour in Germany
On April 30, 2026, the Tibetan Institute of Performing Arts arrived at the Frankfurt Airport in Germany after departing from India. Upon arrival, the president of German Tibetan Association Mr. Dhondup Donka, and the local Frankfurt Tibetan Association President, Ms. Wangmo Kartso, greeted them warmly and arranged a grand reception at the hotel.
On May 1, 2026, the Tibetan Community in Germany warmly hosted the artists of the Tibetan Institute of Performing Arts (TIPA) at Tibet House Germany, where they received a warm welcome from the President of the Tibetan Community in Germany. During the reception, the President shared a brief background and highlighted the various initiatives and activities carried out by the Tibetan Community in Germany.
The Director of Tibet House Germany, Thoesam Rinpoche, also greeted the TIPA artists and provided an overview of Tibet House Germany, including its programs and activities dedicated to preserving and promoting Tibetan spiritual knowledge, cultural values, and traditional practices.
On May 2 at 3:00 PM, a cultural performance was held in the main hall of Bornheim district in Frankfurt, Germany. The event was attended by the Representative of the Office of Tibet in Switzerland, president and members of German International Campaign of Tibet, leaders and executive members of the Tibetan Community in Germany, representatives and members of local Tibet support groups, and more than 300 Tibetans living in Germany. The performers from TIPA presented traditional Tibetan songs, dances, and theatre.
At the beginning of the event, the Director of TIPA greeted the distinguished guests and the public and introduced the history and mission of the Tibetan Institute of Performing Arts. Following this, MrS. Thinlay Chukki, Representative of the Office of Tibet in Switzerland, explained the purpose and background of organizing TIPA’s cultural tour in Europe. She stated that one of the main reasons for inviting TIPA to tour Europe was to counter the Chinese government’s policies inside Tibet aimed at eradicating the Tibetan language and culture. Through these performances, TIPA artists seek to preserve and promote the rich cultural heritage passed down by their ancestors and introduce it to the international community. She also emphasized the importance of helping young Tibetans growing up abroad reconnect with their traditional culture through artistic performances.
She further expressed gratitude to the Tibetan associations and supporters whose cooperation made it possible for TIPA to conduct performances in countries under the jurisdiction of the Office of Tibet in Switzerland. She thanked everyone sincerely for their support.
The artists then performed traditional cultural songs and dances for approximately two hours. This was followed by a one-hour theatre presentation on the topic of the Chinese government’s colonial-style boarding schools in Tibet. The audience, including honored guests and local community members, watched with deep attention and emotion. Through the cultural performances and dramatic presentations, many audience members were deeply moved and felt a renewed sense of Tibetan identity and national consciousness. At the conclusion of the event, the audience gave a standing ovation with loud applause in appreciation.
Afterward, the President of the Tibetan Community in Germany, Mr. Dhondup, delivered a vote of thanks. He expressed great happiness that, despite the short preparation time and at the request of the Office of Tibet in Switzerland, Germany was able to successfully host the opening performance of TIPA’s first European tour. He emphasized that the success of the event depended greatly on the support of the organizing committee and especially the local Tibetan community. He praised everyone for their collective efforts and thanked all individuals and organizations who provided financial support. Ceremonial scarves and tokens of appreciation were presented to donors and supporters. Finally the Director of TIPA presented ceremonial scarves and commemorative gifts to the President of the Tibetan Community in Germany, marking the successful completion of the first performance of TIPA’s European tour.
This European cultural tour by TIPA was organized as part of the celebrations honoring His Holiness the Dalai Lama and the Year of Compassion. Following earlier requests from TIPA, the Office of Tibet in Geneva officially invited the troupe. A delegation of 26 people including the Director, arts instructors and performers departed on April 28, 2026. The first performance took place in Germany. Afterward, they are scheduled to tour Austria, Slovakia, Prague and Switzerland. Beginning June 1, 2026, they will also travel from Switzerland to the United Kingdom for additional performances.
During this tour, the Office of Tibet in Geneva and the Tibetan communities in Switzerland Lichtenstein have extended generous support, including international airfare and other logistical assistance. In addition associations in the respective countries have arranged local transportation, accommodation, and other necessary support for the touring group. throughout the tour.
