བོད་ཀྱི་ཞོ་སྟོན་རྒྱས་པ་ཐེངས་ ༢༧ པ་དེ་བཞིན་ཕྱི་ལོ་ ༢༠༢༤ ཟླ་ ༤ ཚེས་ ༡༠ ནས་ ༢༢ བར་ཉིན་གྲངས་ ༡༣ རིང་བཞུགས་སྒར་རྡ་སར་རྟེན་གཞི་བྱས་པའི་བོད་ཀྱི་ཟློས་གར་ཚོགས་པར་སྐོང་ཚོགས་ཞུས་ཡོད་པ་བཞིན། ཕྱི་ཚེས་ ༢༢ ཉིན་བོད་ཀྱི་ཞོ་སྟོན་རྒྱས་པ་ཐེངས་ ༢༧ པའི་མཇུག་བསྡོམས་མཛད་སྒོའི་ཐོག་མར་དེ་ཉིན་གྱི་སྔ་དྲོའི་ཚོུད་ ༨།༠༠ ཐོག་ཐེག་ཆེན་ཆོས་གླིང་གཙུག་ལག་ཁང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་བོད་ཀྱི་ཞོ་སྟོན་དུ་ཕེབས་པའི་ལྷ་མོ་ཚོགས་པ་ཁག་གི་ཚོགས་མི་ཡོངས་ལ་༸གསེར་ཞལ་མཇལ་ཁ་དང་བཀའ་སློབ་བཀྲིན་ཆེ་བསྩལ་གནང་མཛད་ཡོད། སྐབས་དེར་འདི་ག་བོད་ཀྱི་ཟློས་གར་ཚོགས་པའི་ངོས་ནས་མགོན་པོ་གང་ཉིད་བསྟན་འགྲོ་སྤྱི་དང་བྱེ་བྲག་བོད་ཁ་བ་གངས་ཅན་པའི་ལྗོངས་ཀྱི་མགོན་དཔུང་དམ་པར་༸ཞབས་པད་མི་འགྱུར་རྡོ་རྗེ་ཆོས་བདུན་གྱི་ངོ་བོར་བརྟན་ཞིང་། ཐུགས་ཀྱི་བཞེད་དགོངས་མཐའ་དག་གེགས་མེད་ལྷུན་གྱིས་འགྲུབ་པའི་མཎྜལ་རྟེན་གསུམ་གྱི་ལྷ་རྫས་བསྟར་འབུལ་དང་། སྐུ་ཡི་ལྷ་རྫས་སུ་གྲུབ་ཆེན་ཐང་སྟོང་རྒྱལ་པོའི་སྐུ་བརྙན་དང་། གསུང་གི་ལྷ་རྫས་སུ་རྒྱས་སྟོང་པའི་གླེགས་བམ། ཐུགས་ཀྱི་ལྷ་རྫས་སུ་བྱང་ཆུབ་མཆོད་རྟེན་གྱི་བརྟན་བཞུགས་བསྟར་འབུལ་ཞུ་ཐུབ་པ་བྱུང་ཡོད་ཅིང་། ལྷ་ཚོགས་སོ་སོའི་སྐུ་ཚབ་རེ་ནས་༸རྒྱལ་བའི་སྐུ་མདུན་དུ་གསུང་ཐར་ཕུལ་བར་མགོན་པོ་གང་ཉིད་ནས་ཁོང་ཉིད་ཀྱང་བོད་ཀྱི་ལྷ་མོའི་ཟློས་གར་གཟིགས་རྒྱུདང་གསུང་ཐར་གསན་རྒྱུར་རྒྱུན་དུ་ནས་ཐུགས་མཉེས་པོ་ཡོད་པའི་ཐུགས་དགྱེས་ཚོར་བྱུང་བའི་གསུང་གི་དབུགས་དབྱུང་ཀྱང་མཛད་ཡོད་།
དེ་རྗེས་སྔ་དྲོའི་ཚོུད་ ༡༠།༠༠ ཐོག་བོད་ཀྱི་ཞོ་སྟོན་རྒྱས་པ་ཐེངས་ ༢༧ པའི་མཇུག་བསྡོམས་མཛད་སྒོ་དངོས་གཞི་དབུ་འཛུགས་ཞུས་པ་ལྟར་མཛད་སྒོའི་སྐུ་མགྲོན་གཙོ་བོར་དཔལ་ལྡན་བོད་མིའི་སྒྲིག་འཛུགས་ཀྱི་སྲིད་སྐྱོང་མི་རྗེ་སྐོུ་སྤེན་པ་ཚེ་རིང་མཆོག་དང་། དམིགས་བསལ་སྐུ་མགྲོན་དུ་དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་སྐོུ་སྒྲོལ་མ་ཚེ་རིང་མཆོག་དང་རྒྱ་གར་ཕྱི་སྲིད་ལས་ཁུངས་ཀྱི་སྐུ་ཡི་སྣེ་ཤན་པ་རྣམ་གཉིས་དབུས་པའི་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་དྲུང་ཆེ་རྣམ་པ། གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་གི་འགན་འཛིན་དང་ལས་སྣེ་གཙོས་རྒྱ་ཆེའི་མང་ཚོགས་བཅས་འདུ་འཛོམས་སར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ནས་ངོ་སྤྲོད་གསུང་བཤད་དང་། བོད་ཀྱི་ཟློས་གར་ཚོགས་པ་ནས་ལྷ་གཞུང་རྒྱལ་སྲས་དད་པ་བརྟན་པའི་རྣམ་ཐར་འཁྲབ་སྟོན་གནང་།
མཛད་སྒོའི་དུས་སྟོན་དང་འབྲེལ་བའི་ཐོག་དཔལ་ལྡན་སྲིད་སྐྱོང་མཆོག་ནས་གསུང་བཤད་གནང་བའི་ནང་བོད་ཀྱི་ལྷ་མོའི་ཟློས་གར་ནི་ལོ་རྒྱུས་ཡུན་རིང་ལྡན་ཞིང་རིག་གནས་རྒྱུན་སྲོལ་གྱི་ཁྱད་ཆོས་མང་པོ་ཡོད་པར་སོང་། ད་བར་རྒྱུན་གནས་ཐུབ་རྒྱུར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེ་བཀའ་དྲིན་ཉག་ཅིག་ལ་བརྟེན་ནས་བྱུང་བ་དང་བཀའ་ཤག་གི་ངོས་ནས་ཀྱང་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་བཞིན་བོད་ཀྱི་ལྷ་མོའི་ཟློས་གར་རྒྱུན་གནས་ཐུབ་རྒྱུར་མུ་མཐུད་མཐུན་འགྱུར་གནང་རྒྱུའི་བཀའ་བཞེས་བཟང་པོ་ཕེབས་གནང་ཡོད།
འདི་ལོའི་ཞོ་སྟོན་རྒྱས་པ་ཐེངས་ ༢༧ པ་འདི་ཕྱི་ཟླ་ ༤ ཚེས་ ༡༠ ནས་ ༢༢ བར་ཉིན་གྲངས་ ༡༣ རིང་སྲུང་བརྩི་ཞུས་པའི་ནང་ལྷ་ཚོགས་ཁག་ ༡༣ གྱིས་ལྷ་གཞུང་མི་འདྲ་བ་ཁག་ ༡༠ ཉིན་འཁྱོངས་གཟིགས་འབུལ་ཞུ་ཐུབ་པ་བྱུང་ཡོད། དེ་ཡང་ཀ་སྦུག་དང་ཨོ་རི་ས་ལྷ་མོ་ཚོགས་པ་གཉིས་ཟུང་འབྲེལ་ཐོག་ནས་ལྷ་གཞུང་འགྲོ་བ་བཟང་མོ་དང་། བལ་ཡུལ་ལྷ་མོ་ཚོགས་པ་ནས་ལྷ་གཞུང་ཆོས་རྒྱལ་དྲི་མེད་ཀུན་ལྡན། ལྕགས་ཟམ་ལྷ་མོ་ཚོགས་པ་ནས་ལྷ་གཞུང་གཟིགས་ཀྱི་ཉི་མ། མ་སུ་རི་བོད་ཁྱིམ་ལྷ་མོ་ཚོགས་པ་ནས་ལྷ་གཞུང་མཁན་སློབ་ཆོས་གསུམ། མན་སྤར་ལྷ་མོ་ཚོགས་པ་ནས་ལྷ་གཞུང་རྒྱལ་པོ་འཇིག་རྟེན་དབང་ཕྱུག ཀོ་ལེ་གྷལ་ལྷ་མོ་ཚོགས་པ་ནས་ལྷ་གཞུང་གཅུང་པོ་དོན་ཡོན་དོན་གྲུབ། སྤེལ་ཀོབ་ལྷ་མོ་ཚོགས་པ་ནས་ལྷ་གཞུང་པདྨ་འོད་འབར། བྷན་རྡ་ར་ལྷ་མོ་ཚོགས་པ་ནས་ལྷ་གཞུང་གཅུང་པོ་དོན་ཡོན་དོན་གྲུབ། ཅོན་ཏཱ་ར་བོད་ཁྱིམ་ལྷ་མོ་ཚོགས་པ་ནས་ལྷ་གཞུང་མི་ལ་རས་པ། རྡ་སྟེང་བོད་ཁྱིམ་ལྷ་མོ་ཚོགས་པ་ནས་ལྷ་གཞུང་གཟུགས་ཀྱི་ཉི་མ། མོན་གྷོ་ཊ་ལྷ་མོ་ཚོགས་པ་ནས་ལྷ་གཞུང་ཆོས་རྒྱལ་ནོར་བཟང་དང་། མཐར་ཕྱི་ཚེས་ ༢༢ ཉིན་བོད་ཀྱི་ཟློས་གར་ཚོགས་པས་ལྷ་གཞུང་རྒྱལ་སྲས་དད་པ་བརྟན་པ་བཅས་གཟིགས་འབུལ་ཞུས་ཏེ་བོད་ཀྱི་ཞོ་སྟོན་རྒྱས་པ་ཐེངས་ ༢༧ པ་དེ་བཞིན་རྒྱལ་ཁའི་ངང་མཇུག་བསྒྲིལ་ཐུབ་པ་བྱུང་ཡོད།
27th Shoton Festival concludes with special audience for all the participants
Dharamshala, 22 April 2024:
On Monday, His Holiness the Dalai Lama held a special audience at his temple complex for the performing artists from various Tibetan Opera Associations participating in the 27th Shoton Festival, organized by the Tibetan Institute of Performing Arts. A representative from each of the Tibetan Opera Associations presented a musical tribute to His Holiness. In his speech to the attendees, His Holiness expressed gratitude to all the performers and urged them to persist in their valuable efforts to preserve Tibetan cultural heritage.
Following this special offering, the concluding ceremony of the 27th Shoton Festival was held at TIPA. Sikyong Penpa Tsering was the Chief Guest at the concluding ceremony with the Liaison Officer of His Holiness the Dalai Lama and Deputy Speaker of Tibetan Parliament-in-exile as special guests. Invited guests included dignitaries of the Central Tibetan Administration, representatives of non-governmental organisations and the Tibetan public.
On the final day of the 27th Shoton Festival, the director of the Tibetan Institute of Performing Arts gave the welcoming speech and Spoke about the immense significance of the historical cultural heritage of Tibetan Opera.
Sikyong Penpa Tsering credited His Holiness the Dalai Lama for his longsightedness in preserving this rich tradition in exile. He assured his administration’s unwavering commitment to supporting TIPA’s cultural activities.
13 Tibetan Opera Associations participated in the 27th Shoton Festival spanning for 13 days, from 10th April with Kalimpong & Orissa presenting Drowa Sangmo, Chaksampa & TCV upper performing Sugkyi Nyima, Kollegal & Bhandara enacting Chungpo Dhonyon Dhondup.
Meanwhile, Nepal performed Drimey Kunden, Mussoorie presented Khenlob Choesum, Mainpat enacted Gyalpo Jigten Wangchuk, Bylakuppe performed Pema Woebar, TCV Chauntra performed MilaRepa while Mundgod performed Choegyal Norsang.
The host, TIPA presented the opera Prince Depa Tenpa. The performances kept the audience entertained.
The 27th Shoton Festival has been incredibly successful, drawing large crowds throughout its duration. This festival has effectively showcased the richness and beauty of our unique Tibetan culture to the world.
