༄༅། །བོད་ཀྱི་ཟློས་གར་ཚོགས་པའི་ངོས་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་བཞེད་གཙོ་བཟུང་བགྱིས་ཏེ་ཕ་མེས་ནས་བརྒྱུད་པའི་བོད་ཀྱི་གནའ་བོའོ་ཟློས་གར་རིག་གཞུང་སྤྱི་དང་། ཡང་སྒོས་ཨ་ལྕེ་ལྷ་མོའི་ཟློས་གར་སྒྱུ་རྩལ་རྒྱུན་སྐྱོང་དང་གོང་སྤེལ་སྔར་ལྷག་གཏོང་སླད་དུ་ད་སྒོས་བོད་ཀྱི་ཟློས་གར་ཚོགས་པའི་སྒྱུ་རྩལ་སློབ་གཉེར་བསྟི་གནས་ཁང་གི་སློབ་གནས་རིམ་པའི་སློབ་གཞི་དང་མཚན་གནས། བྱུང་རིམ་དང་དགོས་དམིགས། གོ་སྐབས་དང་འགན་འཁྲི་ཁག་གསལ་སྟོན་དང་གཏན་འབེབས་ཇི་བྱུང་བཞིན། བོད་མིའི་སློབ་གྲྭ་ཆེ་ཁག་ཏུ་ཡོད་པའི་བོད་ཕྲུག་ན་གཞོན་རྣམས་ལ་ངོ་སྤྲོད་དང་གོ་རྟོགས་སྤེལ་རྒྱུ་གལ་ཆེའི་གནད་དོན་ཞིག་ཏུ་ངོས་འཛིན་ཀྱིས་ཕྱི་ལོ་༢༠༢༤ ཟླ་༡༡ ཚེས་ ༢༠ ནས་ ༢༧ བར་འདི་གའི་སྒྱུ་རྩལ་སློབ་ཁྲིད་འགན་འཛིན་རྒན་བསྟན་འཛིན་ཕུན་ཚོགས་ལགས་དང་། རིག་གནས་དགེ་རྒན་དང་སྒྱུ་རྩལ་ཉམས་ཞིབ་པ་རྒན་བསོད་ནམས་ཚེ་བརྟན་ལགས། ལས་རོགས་ཟློས་དགེ་རྒན་བསྟན་འཛིན་བྱང་ཆུབ་ལགས། ཟློས་དགེ་སྐལ་བཟང་སྒྲོལ་མ་ལགས་བཅས་ནས་ས་བགོས་གཞིར་བཟུང་བྱང་ཕྱོགས་ཁུལ་བོད་མིའི་སློབ་གྲྭ་ཆེ་ཁག་ཏུ་དངོས་སུ་ངོ་སྐྱོད་ཞུས་ཡོད་ཅིང་། ཕྱི་ལོ་ ༢༠༢༥ཟླ་ ༡ ཚེས་ ༩ ནས་ ༡༧ བར་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ལྷོ་གཞིས་ཁག་ཏུ་ངོ་བསྐྱོད་ཀྱིས་དེ་གའི་སློབ་གྲྭ་ཁག་དང་ཁྱབ་ཁོངས་གཞིས་ཆགས་སོ་སོའི་ལས་ཀྱི་སྣེ་མོ་བ་ཡོངས་ལ་གོ་རྟོགས་གསལ་བཤད་མཐིལ་ཕྱིན་གནང་ཡོད།


དེ་བཞིན་སྐབས་དེའི་གོ་སྐབས་དང་བསྟུན་ནས་བོད་མིའི་སྤྱི་ཚོགས་ནང་བོད་ཀྱི་ཐུན་མོང་མ་ཡིན་པའི་ཨ་ལྕེ་ལྷ་མོའི་ཚོགས་པ་གསར་འཛུགས་དང་རྒྱུན་སྐྱོང་ཐུབ་ཐབས་སུ་སྐུ་ཚེ་ཧྲིལ་པོ་བོད་ཀྱི་ལྷ་མོའི་སྒྱུ་རྩལ་ཐོག་ཞབས་འདེགས་ཞུ་མཁན་སྦེལ་ཀོབ་ལུགས་བསམ་རྒན་གསོ་ཁང་དུ་བཅའ་བཞུགས་ཀུན་བདེ་གླིང་རྒན་ཐུབ་བསྟན་ལགས་དང་སྦེལ་ཀོབ་བདེ་སླར་ནང་ཁྱིམ་དུ་བཅའ་བཞུགས་རྒན་འཕྲིན་ལས་དགོན་པོ། (རྡོབ་རྡོབ་)ལགས་རྣམ་གཉིས་དངོས་སུ་ངོ་མཇལ་གྱིས་བོད་ཀྱི་ཟློས་གར་ཚོགས་པ་དང་ཨ་ལྕེ་ལྷ་མོ་ཚོགས་པ་མཐོུང་ནས་ཐུགས་རྗེ་ལེགས་གསོལ་གྱི་མཇལ་མོལ་དང་ཁོང་རྣམ་གཉིས་སྐུ་ཚེ་ཡུན་རིང་བརྟན་ནས་བོད་ཀྱི་ཨ་ལྕེ་ལྷོ་མོའི་བྱ་གཞག་ཐོག་མུ་མཐུད་ལམ་སྟོན་མཐུན་འགྱུར་ཡོང་བའི་གསོལ་འདེབས་ཞུ་རྒྱུའི་གོ་སྐབས་བྱུང།
ད་ལན་བོད་མིའི་སློབ་གྲྭ་ཁག་ཏུ་ཡོད་པའི་བོད་རིགས་གཞོན་སྐྱེས་རྣམས་ལ་བོད་ཀྱི་ཟློས་གར་ཚོགས་པའི་སྒྱུ་རྩལ་གྱི་བསླབ་གཞི་དང་མཚན་གནས། དེ་བཞིན་དགོས་དམིགས་སོགས་དངོས་སུ་ངོ་སྤྲོད་དང་གོ་རྟོགས་སྤེལ་བ་འདི་ནི་ཐེངས་དང་པོ་ཆགས་ཡོད་ཅིང་། གོ་རྟོགས་འདི་སྤེལ་བ་བརྒྱུད་བོད་ཀྱི་ཟློས་གར་སྒྱུ་རྩལ་སློབ་གཉེར་ཁང་ནང་སློབ་གཉེར་བྱ་རྒྱུའི་བཅོས་མིན་གྱི་འདུན་པ་དང་དོ་དབྱིངས་ཡོང་མཁན་གང་མང་འཛུལ་བཞུགས་ཐུབ་པའི་རེ་བ་ཞུ་བཞིན་ཡོད།
In alignment with the vision of His Holiness the Dalai Lama, the Tibetan Institute of Performing Arts (TIPA) has developed comprehensive curricula, qualifications, and objectives to preserve and promote traditional Tibetan performing arts, with a special focus on Ache Lhamo (Tibetan Opera).
Recognizing the importance of fostering awareness and engagement among young Tibetans, TIPA has initiated a series of outreach programs in major Tibetan schools. From 20 to 27 November 2024, a team comprising; Tenzin Phuntsok, Artistic Director; Sonam Tseten, Cultural Teacher and Arts Researcher; Tenzin Jangchup, Performance Teacher and Kalsang Dolma, Performance Teacher visited key schools in the northern region of India.


Similarly, from 9 to 17 January 2025, Dhondup Tsering, TIPA’s Director, travelled to southern Tibetan settlements to meet with school administrators and settlement officers. During his visit, he also met with two senior Ache Lhamo artists, Kundeling Thubten la, residing at the Old People’s Home in Lugsam, Bylakuppe, and Trinley Gompo (Dobdob la), residing in Bylakuppe Dekyi Larso. These meetings aimed to express gratitude and seek guidance from the elder artists in the preservation of Tibetan opera traditions.


This mark the first time TIPA has undertaken such an extensive outreach initiative to directly introduce its performing arts curriculum and vision to young Tibetans in schools. Through these programs, TIPA aspires to inspire greater interest and participation in the preservation and promotion of Tibetan performing arts among the younger generation.

