བོད་རྒྱལ་ལོ་ ༢༡༥༠ ཆུ་མོ་ཡོས་ཀྱི་ལོ་ཕྱི་ལོ་ ༢༠༢༣ ཕྱི་ཟླ་ ༣ ཚེས་ ༡༩ ཉིན་ཞོགས་པ་ཚོུད་ ༩ ཐོག་མོན་གྷོ་འདོད་རྒུ་གླིང་བོད་མིའི་གཞིས་ཆགས་སུ་བོད་ཀྱི་ཟློས་གར་ཚོགས་པའི་ཐུགས་འགན་རྐང་བཞེས་ཀྱིས་བོད་ཀྱི་ཞོ་སྟོན་རྒྱས་པ་ཐེངས་ ༢༦ པ་སྲུང་བརྩི་ཞུས་ཤིང་། མཛད་སྒོའི་ཐོག་སྐུ་མགྲོན་གཙོ་བོ་༧སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་མཆོག་སྤྲུལ་རིན་པོ་ཆེ་མཆོག་ཞབས་སོར་འཁོད་གནང་བསྐྱངས་པ་དང་། བོད་ཀྱི་ཟློས་གར་ཚོགས་པ་གཙོས་རྒྱ་བལ་ཨ་རི་བཅས་ནས་ཕྱོགས་མཐའི་ལྷ་མོ་ཚོགས་པ་ཁག་བཅིུག་གི་དགེ་རྒན་དང་འཁྲབ་སྟོན་པ་ཁྱོན་མི་གྲངས་བཞི་བརྒྱ་ཉེ་བ་དང་མི་མང་སྟོང་ཚོ་གཉིས་ཙམ་འདུ་འཛོམས་ཀྱིས་བོད་ཀྱི་ཞོ་སྟོན་དུས་ཆེན་སྲུང་བརྩི་གནང་སོང་།
མཛད་སྒོ་དབུ་འཛུགས་གནང་སྐབས་དོ་རྭའི་ནང་བོད་གངས་ཅན་ལྗོངས་ཀྱི་ལྷ་སྐལ་འཛམ་གླིང་ཞི་བདེའི་དེད་དཔོན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེ་བཞུགས་ཁྲི་སྟེང་དུ་གདན་འདྲེན་ཞུས་པ་དང་ལྷན་བོད་ཀྱི་ལྷ་མོའི་སྲོལ་འབྱེད་གྲུབ་ཆེན་ཐང་སྟོང་རྒྱལ་པོའི་སྐུ་བརྙན་དོ་རྭའི་ནང་གདན་ཞུས་གནང་སོང་། མཛད་སྒོའི་ཐོག་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱིས་བོད་ཀྱི་ཞོ་སྟོན་དུས་ཆེན་གྱི་ལོ་རྒྱུས་ངོ་སྤྲོད་དང་ལས་བསྡོམས་སྙན་སྒྲོན་གནང་རྗེས་ལྷ་མོ་ཚོགས་པ་ཁག་གིས་ལྷ་གཞུང་སྙིང་བསྡུས་སྐར་མ་སུམ་ཅུ་རེ་གཟིགས་འབུལ་གཟབ་རྒྱས་ཞུས་སོང་།
དེ་བཞིན་སྐུ་མགྲོན་གཙོ་བོ་མཆོག་ནས་བོད་ཀྱི་ཨ་ལྕེ་ལྷ་མོ འི་སྒྱུ་རྩལ་ཐོག་མི་ཚེ་གང་བུར་རྒྱུན་སྲིང་བློས་གཏོང་གནང་མཁན་གྱི་ལྷ་དགེ་དང་གཏོང་ཕོད་ཅན་གྱི་སྤྱི་སྒེར་སྤྱིན་བདག་རྣམས་ལ་ཆེ་མཐོའི་ལེགས་སྐྱེས་གསོལ་བསྩལ་གནང་རྗེས་ལྷ་མོའི་འཁྲབ་སྟོན་པ་དང་རྒྱ་ཆེའི་མང་ཚོགས་རྣམས་ལ་བོད་ཀྱི་ལྷ་མོའི་སྒྱུ་རྩལ་གྱི་གལ་གནད་དང་རྒྱུན་འཛིན་དར་སྤེལ་གནང་རྒྱུའི་གལ་འགངས་ཆེ་བའི་གསུང་གི་བདུད་བརྩིའི་བཀའ་སློབ་བཀའ་དྲིན་བསྐྱངས་ཏེ་དེ་མུར་བོད་ཀྱི་ཟློས་གར་ཚོགས་པའི་འཁྲབ་སྟོན་འགན་འཛིན་ལས་རོགས་བསྟན་འཛིན་ཕུན་ཚོགས་ལགས་ཀྱིས་ཐུགས་རྗེ་ཆེ་གསུང་བཤད་གནང་རྗེས་བཀྲ་ཤིས་མཆོད་མཚམས་ཀྱིས་གཟིགས་མོ་རེ་ཞིག་གྲུབ་གནང་སོང་།
མཛོད་སྒོའི་དབུ་འབྱེད་ཉིན་གཡུ་ལོ་སྔོན་པོའི་གསེར་མདོག་གིས་འོད་མདངས་རབ་ཏུ་འཕྲོ་ནའང་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་མཆོག་སྤྲུལ་རིན་པོ་ཆེ་མཆོག་ནས་བོད་ཀྱི་གཅེས་ནོར་ལྷ་མོའི་སྒྱུ་རྩལ་ལ་གདེང་འཇོག་ཆེན་པོས་དགའ་བསུ་དང་ཕྱོགས་མཐའི་ལྷ་མོ་ཚོགས་པའི་གཟིགས་ཕུད་ཉིན་འཁྱོངས་བར་ཆ་ཚང་གསན་གཟིགས་ཀྱིས་སྐུ་བཞུགས་གནང་བས་རྒྱ་ཆེའི་མང་ཚོགས་དང་སྒོས་སུ་ཕྱོགས་མཐའི་ལྷ་མོ་ཚོགས་པ་ཡོངས་ལ་མུ་མཐུད་ལྷ་མོའི་སྒྱུ་རྩལ་ནང་རྒྱུན་སྐྱོང་བྱ་རྒྱུར་བློ་སྐྱེད་དང་སེམས་འགུལ་ཤུགས་ཆེ་ཐེབས་སོང་། དེ་བཞིན་ཀུན་བདེ་གླིང་བླ་བྲང་ནས་ཧིན་སྒོར་འབུམ་གཅིག་དང་ཨ་རི་ལྕགས་ཟམ་ལྷ་མོའི་གླུ་གར་ཚོགས་པ་ནས་ཨ་སྒོར་ ༡༥༠༠ དང་ཨ་རི་ལྕགས་ཟམ་པའི་འགན་འཛིན་ཚེ་རིང་དབང་མོ་ལགས་ནས་ཧིན་སྒོར་འབུམ་ ༡ ཞབས་འདེབས་གསོལ་བསྩལ་གནང་བ་དང་། དེ་བཞིན་གདན་ས་ཆོས་སྒར་གཙོས་རྒྱ་ཆེའི་མང་ཚོགས་ནས་རང་ནུས་གང་ལྕོགས་ཀྱིས་ཞལ་འདེབས་རྒྱ་མི་ཆུང་བ་ཞིག་གསོལ་བསྩལ་གཏོང་ཕོད་གནང་བར་བཀའ་དྲིན་བླ་མེད་དུ་ཆེ་ཞུས་སོང་།
སྤྱིར་ཕྱི་ལོ་ ༡༩༩༣ ནས་བོད་ཀྱི་ཞོ་སྟོན་རྒྱས་པ་ཐོག་མར་འགོ་འཛུགས་ཀྱིས་ད་བར་ཞོ་སྟོན་དུས་ཆེན་ཐེངས་ ཉེར་དྲུག་བར་སླེབས་ཡོད་ཀྱང་ད་ལན་བོད་ཀྱི་ཞོ་སྟོན་ཐོག་ཕྱོགས་མཐའི་ལྷ་མོ་ཚོགས་པ་ཁག་བཅིུག་མཉམ་ཞུགས་ཐུབ་པ་ནི་ད་བར་ཞོ་སྟོན་ནང་ལྷ་མོ་ཚོགས་མཉམ་ཞུགས་གནང་མཁན་ཆེས་མང་ཤོས་སུ་ངོས་འཛིན་བྱེད་བཞིན་འདུག
མདོར་ན་དེ་རིང་བོད་ཀྱི་ཞོ་སྟོན་རྒྱས་པ་ཐེངས་ཉེར་དྲུག་པ་མོན་གྷོ་འདོད་རྒུ་གླིང་གཞིས་སྒར་ཚོགས་གཏན་འཁེལ་བ་དང་བསྟུན་མོན་གྷོ་གཞིས་སྤྱི་ལྷ་མོ་ཚོགས་པ་དབུ་བརྙེས་ནས་མི་ལོ་ཉེར་ལྔ་ཧྲིལ་པོ་འཁོར་བའི་དུས་ཆེན་བཀྲ་ཤིས་གཉིས་བརྩེགས་འཁེལ་པར་སོང་རྒྱ་ཆེའི་མང་ཚོགས་ཀུན་གྱིས་ཞོ་སྟོན་དུས་ཆེན་དགའ་དད་སྤྲོ་གསུམ་སྒོ་ནས་བསུས་སོང་།
The 26th edition of Shoton festival kicked off on 19th March at Mundgod Tibetan Settlement in the presence of Kundeling Tatsak Rinpoche as the chief guest, and members of 11 participating troupes and around 2000 people attended the inaugural ceremony of the festival, which celebrates Tibetan opera from March 19-29. The entire ensemble was deeply honored and touched. They were grateful to the Chief Guest for being so generous with his time, for having spent the entire day at the event in spite of the heat, and for sending a message to the audience through his day-long presence about the importance of the opera.
The morning function began with the installation of the portrait of His Holiness the Dalai Lama and the statue of Ache Lhamo founder, Thangtong Gyalpo, on the altar at the venue, followed by an opening introduction and welcome speech on the festival by Dhondup Tsering, director of TIPA. Some old opera masters dedicated their lives to the preservation of the Ache Lhamo tradition, and donors were honored with mementos presented by the Chief Guest, who later emphasized the importance of the Ache Lhamo tradition in his speech to the participants and audience. The day was blessedly brought to a close with the closing performance by TIPA artistes following the vote of appreciation proposed by the assistant artistic director Tenzin Phuntsok.
The chief guests, Kundeling Tatsak Rinpoche and Tsering Wangmo, director and co-founder of Chaksampa, made generous donations of one lakh Indian rupees each. The monastic community and the laity also contributed to TIPA’s efforts to preserve this centuries-old art in exile. The Chaksampa contributed $1500 USD.
The 26th Shoton Festival turned out to be the biggest till date because it has unprecedentedly drawn the largest number of participants since its inception in 1993. The fact that today was the 25th anniversary of the Mundgod Tibetan Opera Society added to the day’s bounty and auspiciousness.
