WORKSHOP
Workshop By Mr. Harry, Mr. Jean and Mr. Dalha The Theatre Group of the Tibetan Institute of Performing Arts was officially formed on 11th October 2024 under the vision of…
ཕྱི་ལོ་ ༢༠༢༥ ཟླ་ ༩ ཚེས་ ༢༧ ནས་ཟླ་ ༡༠ ཚེས་ ༡༥ བར་ཐེ་ཝན་གྱི་རྒྱལ་ས་ཐེ་པེའི་གཙོས་པའི་ཤར་ནུབ་ལྷོ་བྱང་གི་གྲོང་འཁྱེར་ཆེ་ཁག་ནང་བོད་ཀྱི་ཟློས་གར་ཚོགས་པས་བོད་ཀྱི་ཐུན་མོང་མ་ཡིན་རིག་གཞུང་སྐོར་སྐྱོད་འཁྲབ་སྟོན་ཞུས།
ཁ་སྔོན་ཐེ་ཝན་རིག་གཞུང་ལྷན་ཁང་དང་ཐེ་ཝན་བོད་ཀྱི་སྐུ་ཚབ་དོན་གཅོད་ལས་ཁུངས་གཉིས་ཐུན་མོང་ནས་༸རྒྱལ་བའི་གོ་སྟོན་སྲུང་བརྩི་ཞུ་བའི་དུས་སྟོན་དང་བསྟུན་བོད་ཀྱི་ཟློས་གར་ཚོགས་པ་དེ་གར་གདན་ཞུ་གནང་དོན་ཇི་བཞིན་ཟློས་གར་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱིས་སྣེ་འཁྲིད་འོག་སྒྱུ་རྩལ་སློབ་ཁྲིད་འགན་འཛིན་གཙོས་པའི་དགེ་སློབ་འཁྲབ་སྟོན་པ་གྲངས་ ༡༨ འདི་ནས་ཕྱི་ཟླ་ ༩ ཚེས་ ༢༥ ཉིན་བཞུགས་སྒར་ནས་ཕྱིར་ཐོན་གྱིས་ཕྱི་ཚེས་ ༢༧ ཉིན་རྒྱ་གར་རྒྱལ་ས་ལྡི་ལི་ནས་གནམ་བསྐྱོད་ཞུས་ཏེ་ཐེ་ཝན་རྒྱལ་ས་ཐེ་པེའི་རུ་བདེ་འབྱོར་བྱུང་བཞིན་ཕྱི་ཚེས་ ༣༠ ནས་ཕྱི་ཟླ་ ༡༠ ཚེས་ ༠༧ བར་ཐེ་ཝན་རྒྱལ་ས་ཐེ་པེའི་གཙོས་གྲོང་འཁྱེར་ཆེ་ཁག་ནང་སྐོར་བསྐྱོད་རིག་གཞུང་འཁྲབ་སྟོན་དབུ་འཛུགས་ཞུས། དེ་ཡང་ཕྱི་ཟླ་ ༩ ཚེས་ ༣༠ ཉིན་ཐེ་ཝན་རྒྱལ་ས་ཐེ་པེའི་རུ་ཡོད་པའི་ཐེ་ཝན་སྲོལ་རྒྱུན་གཏམ་བརྗོད་འཁྲབ་སྟོན་ལྟེ་གནས་ཁང་གི་ (Tawain Traditional Theatre Center) ཚོགས་ཁང་ནང་ཐེ་ཝནགྱི་གསར་ཁང་གྲགས་ཅན་ཁག་ཅིག་གི་གསར་འགོད་པ་ལྷན་འཛོམས་ཐོག་གསར་འགོད་ལྷན་ཚོགས་ཤིག་བསྐོང་ཚོགས་ཞུས་གནང་འདུག་པའི་ནང་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་རིག་གཞུང་གཞས་སྣ་ཁག་ཅིག་གཟིགས་འབུལ་འཁྲབ་སྟོན་ཞུས་ཏེ་དེ་ནས་ཐེ་ཝན་རིག་གཞུང་ལྷན་ཁང་གི་གཙོ་འཛིན་ (Kao Yu Chen) མཆོག་གིས་བོད་ཀྱི་ཟློས་གར་ཚོགས་པ་ཐེ་ཝན་དུ་མགྲོན་འབོད་ཞུ་དགོས་པའི་དགོས་དམིགས་གསལ་བཤད་དང་སྦྲགས། ཐེ་ཝན་རིག་གཞུང་ལྷན་ཁང་གི་གཙོ་འཛིན་མཆོག་དང་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གཉིས་ལ་བཅར་འདྲི་ཞུས་གནང་སོང་། དེ་རྗེས་ཐེ་ཝན་རིག་གཞུང་ལྷན་ཁང་གོ་སྒྲིག་འོག་ཕྱི་ལོ་ ༢༠༢༥…
༄༅། །ཕྱི་ལོ་ ༢༠༢༥ ཟླ་ ༩ ཚེས་ ༢༧ ནས་ཟླ་ ༡༠ ཚེས་ ༡༥ བར་ཐེ་ཝན་བོད་ཀྱི་སྐུ་ཚབ་དོན་གཅོད་ལས་ཁུངས་དང་ཐེ་ཝན་ཕྱི་སྲིད་ལས་ཁུངས་ཁྱབ་ཁོངས་རིག་གཞུང་ལྷན་ཁུང་ཟུང་སྦྲེལ་གྱིས་བོད་ཀྱི་ཟློས་གར་ཚོགས་པ་ཐེ་ཝན་དུ་༸རྒྱལ་བའི་གོ་སྟོན་སྲུང་བརྩི་དང་འབྲེལ་བོད་ཀྱི་ཐུན་མོང་མ་ཡིན་པའི་རིག་གཞུང་གཞས་སྣ་སོགས་འཁྲབ་སྟོན་དུ་གདན་ཞུ་གནང་བའི་གནས་ཚུལ་སྙིང་བསྡུས།
འདི་ལོར་རང་གཞུང་བོད་མིའི་སྒྲིག་འཛུགས་ནས་ལོ་ཧྲིལ་པོ་༸རྒྱལ་བའི་གོ་སྟོན་དུས་ཆེན་སྲུང་བརྩི་ཞུ་མུས་ལྟར་ཐེ་ཝན་བོད་ཀྱི་སྐུ་ཚབ་དོན་གཅོས་ལས་ཁུངས་དང་ཐེ་ཝན་ཕྱི་སྲིད་ལས་ཁུངས་ཀྱི་རིག་གཞུང་ལྷན་ཁང་ཟུང་སྦྲེལ་ཐོག་བོད་ཀྱི་ཟློས་གར་ཚོགས་པ་ཕྱི་ལོ་ ༢༠༢༥ ཟླ་ ༩ ཚེས་ ༢༧ ནས་ཕྱི་ཟླ་ ༡༠ ཚེས་ ༡༥ བར་ཐེ་ཝན་དུ་གདན་ཞུ་གནང་བར་སོང་། འདི་གའི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་གིས་སྣེ་ཁྲིད་འོག་སྒྱུ་རྩལ་སློབ་ཁྲིད་འགན་འཛིན་གཙོས་ཟློས་དགེ་དང་འཁྲབ་སྟོན་པ་ཁྱོན་མི་གྲངས་ ༡༨ ཕྱོགས་སྐྱོད་འཁྲབ་སྟོན་ཆེད་ཕྱི་ལོ་ ༢༠༢༥ ཟླ་ ༩ ཚེས་ ༢༥ ཉིན་བཞུགས་སྒར་ནས་ཕྱིར་ཐོན་གྱིས་རྒྱ་གར་རྒྱལ་ས་ལྡི་ལི་བརྒྱུད་དེ་ཕྱི་ཚེས་ ༢༧ ཉིན་ཐི་ཝན་དུ་བདེ་འབྱོར་བྱུང་ཞིང་། སྐབས་དེར་གནམ་ཐང་དུ་བོད་ཀྱི་སྐུ་ཚབ་དོན་གཅོད་ལས་ཁུངས་ཀྱི་དྲུང་ཆེ་དང་ལས་བྱེད། ཐེ་ཝན་རིག་གཞུང་ལྷན་ཁང་གི་ལས་བྱེད་དང་ཐེ་ཝན་བོད་རིགས་ཚོགས་པའི་ཚོགས་གཙོ་བཅས་ནས་ཕེབས་བསུ་ཞུས་རྗེས་ཐེ་ཝན་རྒྱལ་ས་ཐེ་པའི་མགྲོན་ཁང་དུ་ཕྱིར་ཐོན་གྱིས་བཞུགས་གནས་སོགས་གྲ་སྒྲིག་འཐུས་ཚང་གནང་འདུག་ཅིང་ཐེ་ཝན་རིག་གཞུང་ལྷན་ཁང་ནས་ཕྱི་ཟླ་ ༩ ཚེས་ ༢༧ ནས་ཕྱི་ཟླ་ ༡༠ ཚེས་ ༠༧ བར་འཁྲབ་སྟོན་དང་བཞུགས་གནས་གོ་སྒྲིག་གནང་བཞིན་ཡོད། ཕྱི་ཚེས་…
