ཕྱི་ལོ་ ༢༠༢༤ ཟླ་ ༡༡ ཚེས་ ༡༤-༡༦ བར་ཉིན་གྲངས་གསུམ་གྱི་རིང་བོད་ཀྱི་ཟློས་གར་ཚོགས་པའི་དབུ་ལས་ཚོགས་མི་ཡོངས་རྫོགས་རྡ་སའི་ཉེ་འཁྲིས་སུ་ཡོད་པའི་ཆུ་ཚན་དུ་སྤྲོ་གསེང་དུ་བསྐྱོད། ཕྱི་ཚེས་ ༡༤ ཉིན་སློབ་ཕྲུག་ཉིན་མོ་དང་བསྟུན་དགེ་ལས་ཐུན་མོང་ནས་དགའ་སྤྲོས་རབ་ཏུ་བརྟས་ཏེ་སློབ་ཕྲུག་ཉིན་མོ་སྲུང་བརྩི་ཞུས་པ་དང་། དེ་སྔ་ཟླ་ ༩ ཚེས་ ༥ ཉིན་དགེ་ལས་ཉིན་མོ་ཡིན་ཀྱང་འདི་གའི་ཚོགས་མི་ཕལ་ཆེ་བ་ལྡི་ལིར་གཞུང་འབྲེལ་འཁྲབ་སྟོན་དུ་བསྐྱོད་དགོས་བྱུང་བར་སོང་། ད་ལན་ཕྱི་ཚེས་ ༡༥ ཉིན་སློབ་ཕྲུག་རྣམས་ནས་གྲ་སྒྲིག་འཐུས་ཚང་བྱས་ཏེ་དགེ་ལས་ཉིན་མོ་སྲུང་བརྩི་ཞུས་ཡོད། ཕྱི་ཚེས་ ༡༦ ཉིན་བོད་ཀྱི་ཟློས་གར་ཚོགས་པའི་ངོས་ནས་དགེ་ལས་སློབ་ཕྲུག་ཐུན་མོང་གིས་ལོ་ངོ་ཧྲིལ་པོ་གཅིག་གི་ནང་འབད་འབུངས་ཆེ་བསྐྱེད་དང་ལྷག་བསམ་ཟོལ་མེད་ཀྱིས་འཛིན་སྐྱོང་ལས་རིགས་དང་འཁྲབ་སྟོན་ལས་སྒོ་ཅི་རིགས་ལ་དཀའ་སྤྱད་ཧུར་བསྐྱེད་བྱས་པར་བརྟེན། སྔར་ལྷག་མཛའ་མཐུན་མཉམ་གནས་དང་ཕྱྭ་བ་གྲུ་འདེགས། ཡག་ཐོག་ཡག་བརྩེགས་ཡོང་སླད་ཉིན་གསུམ་རིང་ཆུ་ཚན་དུ་སྤྲོ་གསེང་དུ་བསྐྱོད།
From November 14th to 16th, 2024, the Tibetan Institute of Performing Arts (TIPA) enjoyed a rejuvenating three-day retreat at a hot spring near Dharamsala. The trip, aimed at relaxation and bonding, also included celebrations for Students’ Day, Teachers’ Day, and Staff Day. On November 14th, Teachers and staff celebrated Students’ Day, while on November 15th, students organized a special event to honor their teachers and staff. On the final day, TIPA held a joint celebration recognizing the contributions of all members. The retreat provided an opportunity for the TIPA community to strengthen their unity and camaraderie, leaving them refreshed and more united in their mission to preserve Tibetan culture through the arts.
