Hosted 24 young Gurukul Scholars from different educational fields and backgrounds at Tibetan Institute of Performing Arts, Tibetan Institute of Performing Arts, a proud partner of a new chapter of…
ཕྱི་ལོ་ ༢༠༢༣ ཟླ་ ༤ ཚེས་ ༡ ནས་ཟླ་ ༧ ཚེས་ ༡ བར་ཟླ་གསུམ་རིང་ཧན་གྷི་རི་རྒྱལ་ཡོངས་བྷོཌ་པེ་ས་གཏམ་བརྗོད་ཁང་ནང་འཛམ་གླིང་ནང་གི་ལྷ་མོའི་དུས་སྟོན་ཆེ་ཤོས་ཤིག་བསྐོང་ཚོགས་ཞུས་པའི་ནང་བོད་ཀྱི་ཟློས་གར་ཚོགས་པ་གདན་ཞུ་གནང་ཡོད་པ་དང་། ཐེངས་འདིའི་ལྷ་མོའི་དུས་སྟོན་ནང་འཛམ་གླིང་རྒྱལ་ཁབ་ཁག་ལྔ་བཅུ་ང་བརྒྱད་ནས་ལྷ་མོའི་མཐུན་ཚོགས་བཞི་བརྒྱ་ལྷག་ཙམ་མཉམ་ཞུགས་གནང་འདུག ཕྱི་ཟླ་ ༦ ཚེས་ ༡༠ ཉིན་བོད་ཀྱི་ཟློས་གར་ཚོགས་པའི་འཁྲབ་སྟོན་དབུ་འཛུགས་མ་ཞུས་གོང་ཚོགས་ཁང་ནང་སྒྱུ་རྩལ་བ་དང་། ཉམས་ཞིབ་པ། ལྷ་མོའི་སློབ་སྟོན་པ། རྒྱལ་ཁབ་ཁག་གི་འཁྲབ་སྟོན་པ་སོགས་མི་གྲངས་ཉི་བརྒྱ་ལྷག་ཙམ་འདུ་འཛོམས་སར་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱིས་བོད་ཀྱི་ལྷ་མོའི་སྒྱུ་རྩལ་གྱི་འཕེལ་རིམ་དང་བོད་ཀྱི་ཟློས་གར་ཚོགས་པའི་ངོ་སྤྲོད་གནང་བ་དང་འབྲེལ་མང་ཚོགས་གཟིགས་མ་བ་ལྷན་སྐར་མ་བཞི་ཅུའི་རིང་དོགས་འདྲི་དང་འདྲི་ལན་གྱི་ལས་རིམ་བསྐྱངས། དེ་ནས་བོད་ཀྱི་ཟློས་གར་ཚོགས་པའི་ཚོུད་བཞིའི་རིང་བོད་ཀྱི་ཐོུན་མ་ཡིན་པའི་ལྷ་གཞུང་སྣང་ས་འོད་འབུམ་གཟིགས་འབུལ་ཞུས་རྗེས་རྒྱ་ཆེའི་མང་ཚོགས་ཚོས་དགའ་ཚོར་ཆེན་པོས་ཐལ་མོ་བརྡབས་ཏེ་བསྔགས་བརྗོད་གནང་། རྒྱལ་སྤྱིའི་ལྷ་མོའི་དུས་སྟོན་ཐོག་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་ནས་གཏམ་བཤད་ནང་། “བོད་ཀྱི་ཐུན་མོང་མ་ཡིན་ལྷ་མོའི་སྒྱུ་རྩལ་དེ་ནི་དུས་རབས་བཅུ་བཞིའི་ནང་གྲུབ་ཆེན་ཐང་སྟོང་རྒྱལ་པོས་གསར་གཏོད་གནང་བ་དང་། བོད་རང་གི་ས་སྐྱེས་རྡོ་སྐྱེས་ཀྱི་རིག་གཞུང་ཞིག་ཡིན་ནའང་། ཕྱི་ལོ་ ༢༠༠༩ ལོར་རྒྱ་ནག་གཞུང་གིས་ཧམ་ཤེད་ཆེན་པོས་བོད་ཀྱི་ཨ་ལྕེ་ལྷ་མོའི་སྒྱུ་རྩལ་དེ་རྒྱ་ནག་གིས་ཡིན་རབས་བཤད་ནས་འཛམ་གླིང་དངོས་མིན་རིག་གནས་ཤུལ་བཞག་གི་ཁོངས་སུ་དེབ་སྐྱེལ་བྱས་ཡོད།…
The Tibetan Institute of Performing Arts (TIPA), with 22 tour members led by director Dhondup Tsering and artistic director Tenzin Phuntsok, participated in the 10th National Theatre Olympics, Budapest, Hungary at their invitation. …
བོད་ཀྱི་ཟློས་གར་ཚོགས་པས་སུད་སིར་འཁྲབ་སྟོན་འཁྲབ་སྟོན་སྐོར་བསྐྱོད། ཕྱི་ལོ་ ༢༠༢༣ ཟླ་ ༦ ཚེས་ ༡༠ དང་ ༡༡ ཉིན་ཧན་གྷི་རི་དུ་འཁྲབ་སྟོན་གཟིགས་འབུལ་ལེགས་གྲུབ་རྗེས། སུད་སི་སྐུ་ཚབ་དོན་གཅོད་ཁང་ནས་གདན་ཞུ་གནང་དོན་བཞིན་སུད་སིར་བཅའ་བཞུགས་ཟློས་ཟུར་མགོན་པོ་ལགས་དང་ཟློས་ཟུར་སྐྱིད་འཛོམས་ལགས་དང་ཟློས་ཟུར་བདེ་ཆེན་ལགས་ཀྱི་ལྷག་བསམ་ཟོལ་མེད་ཀྱིས་རང་སོ་སོའི་རྩ་ཆེན་དུས་ཚོད་བློས་གཏོང་བྱས་ཏེ་ཚོགས་པར་སྲི་ཞུ་བསྒྲུབ་རྒྱུའི་དམིགས་ཡུལ་བརྟན་པོ་བཅངས་ནས་ཐུགས་འགན་གཙོ་བཞེས་ཀྱིས་གོ་སྒྲིག་གནང་འབྲས་སུ་བོད་ཀྱི་ཟློས་གར་ཚོགས་པའི་དགེ་ལས་སྒྱུ་རྩལ་པ་ཁྱོན་ ༢༢ སུད་སིར་ཕྱི་ཚེས་ ༡༢ ནས་ ༢༠ བར་དངོས་སུ་ངོ་བཅར་བྱུང་བ་ནི་ལོ་ངོ་ཉི་ཤུའི་རྗེས་སུ་སླར་ཡང་དེ་གའི་མི་མང་ལྷན་མཇལ་འཛོམས་ཀྱིས་ཕྱི་ཚེས་ ༡༧ ཉིན་ Furstenlandsaal: Gossau SG ཚོགས་ཁང་ཆེན་མོའི་ནང་སྐུ་མགྲོན་གཙོ་བོ་རབ་གོང་དགོན་པའི་མཁན་རིན་པོ་ཆེ་མཆོག་དང་། སུད་སྐུ་ཚབ་དོན་གཅོད་ཀྱི་སྐུ་ཚབ། བོད་རིགས་ཚོགས་པའི་ཚོགས་གཙོ་དང་ལས་སྣེ་རྣམ་པ་གཙོས་རྒྱ་ཆེའི་བོད་རིགས་མི་མང་ལྔ་བརྒྱ་ལྷག་ཙམ་འདུ་འཛོམས་ཐོག་ལྷ་གཞུང་སྣང་ས་འོད་འབུམ་དང་རིག་གཞུང་གཞས་སྣ། ཨ་ཀ་མའི་དེང་དུས་རོལ་དབྱངས་གཟིགས་འབུལ་ཞུ་རྒྱུའི་གོ་སྐབས་བྱུང་བ་ཙམ་མ་ཟད། སུད་སིར་བོད་རིགས་ཚོགས་པའི་རིག་གཞུང་འགན་འཛིན་དང་ལས་སྣེ་ནས་རེ་བསྐུལ་ཞུས་དོན་ལྟར་དེ་ཁུལ་གནས་བཞུགས་བོད་རིགས་གཞོན་སྐྱེས་ཚོར་བོད་ཀྱི་ཐོུང་མ་ཡིན་པའི་སྒྱུ་རྩལ་ལ་དོ་དབྱིངས་ཡོད་མཁན་ཁག་ཅིག་དང་བོད་ཀྱི་ཟློས་གར་ཚོགས་གར་ཚོགས་པའི་སྒྱུ་རྩལ་བའི་དབར་ཕན་ཚུན་བསམ་ཚུལ་བརྗེ་ལེན་དང་འཁྲབ་སྦྱོང་སོགས་སྒྱུ་རྩལ་ཤེས་མྱོང་གོ་བསྡུར་སྦྱང་བཤད་དང་རྒྱུད་སྤེལ་བྱ་རྒྱུའི་གོ་སྐབས་བྱུང་བ་དེས་མ་འོངས་མཐུན་འབྲེལ་གྱི་སྒོ་མོ་འབྱེད་ཐུབ་པ་བྱུང་། འཁྲབ་སྟོན་སྐབས་བོད་རིགས་རྒྱ་ཆེའི་མང་ཚོགས་ནས་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་བོད་ཀྱི་མཐོུང་མ་ཡིན་པའི་ལྷ་གཞུང་དང་རིག་གཞུང་གཞས་སྣ་འཁྲབ་སྟོན་ཞུས་པར་ཐུགས་དགྱེས་ཚོར་ཆེན་པོས་དགའ་བསུ་གནང་བ་དང་སོ་སོའི་བློ་གཅད་ཞལ་འདེབས་གསོལ་བསྩལ་གནང་བར་བཀའ་དྲིན་ཆེ་ཞུ། ད་རེས་ལོ་མང་རྗེས་སུ་སུད་སིར་དངོས་སུ་བཅར་ནས་བོད་ཀྱི་སྒྱུ་རྩལ་རིག་གཞུང་རྒྱ་ཆེའི་མང་ཚོགས་ཀྱི་སྤྱན་ལམ་དུ་གཟིགས་འབུལ་ཞུས་ཏེ་དམིགས་བསལ་བོད་རིགས་གཞོན་སྐྱེས་ཚོར་རྒྱུད་སྤེལ་ཞུ་ཐུབ་པ་ནི་གཙོ་ཆེན་དུ་སུད་སིར་སྐུ་ཚབ་དོན་གཅོད་ལས་ཁུངས་ནས་མགྲོན་ཤོག་མཐུན་འགྱུར་དང་སྒོས་སུ་དུས་ཚོད་ཐུང་ཐུང་ཞིག་གི་མཐོང་ཆེན་ལག་འཁྱེར་ཐོབ་སོན་སླད་ལྡི་ལི་སྐུ་ཚབ་དོན་ཁང་ནས་རྒྱབ་སྐྱོར་དང་དམིགས་བསལ་གོ་སྒྲིག་ཚོགས་ཆུང་གི་འགན་ཁུར་གཙོ་ཕལ་བཞེས་མཁན་ཡོངས་ནས་ལྷག་བསམ་རྣམ་དག་གིས་དུས་ཚོད་ཐུང་ངུའི་ནང་གོ་སྒྲིག་འཐུས་ཚང་དང་སྣེ་ལེན་གཟབ་རྒྱས་གནང་བས་འབྲས་བུར་སོང་གོང་སྨྲོས་གོ་སྒྲིག་ཚོགས་ཆུང་གི་འགན་ཁུར་རྐང་བཞེས་གནང་མཁན་ཡོངས་དང་མཐུན་འགྱུར་གནང་མཁན་ཡོངས་ལ་རྗེས་སུ་ཡིད་རངས་དང་ཐུགས་རྗེ་ཆེ་ཞུ་རྒྱུ་ཡིན། TIPA successfully concludes…
བོད་རྒྱལ་ལོ་ ༢༡༥༠ ཆུ་མོ་ཡོས་ཀྱི་ལོ་ཕྱི་ལོ་ ༢༠༢༣ ཕྱི་ཟླ་ ༣ ཚེས་ ༡༩ ཉིན་ཞོགས་པ་ཚོུད་ ༩ ཐོག་མོན་གྷོ་འདོད་རྒུ་གླིང་བོད་མིའི་གཞིས་ཆགས་སུ་བོད་ཀྱི་ཟློས་གར་ཚོགས་པའི་ཐུགས་འགན་རྐང་བཞེས་ཀྱིས་བོད་ཀྱི་ཞོ་སྟོན་རྒྱས་པ་ཐེངས་ ༢༦ པ་སྲུང་བརྩི་ཞུས་ཤིང་། མཛད་སྒོའི་ཐོག་སྐུ་མགྲོན་གཙོ་བོ་༧སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་མཆོག་སྤྲུལ་རིན་པོ་ཆེ་མཆོག་ཞབས་སོར་འཁོད་གནང་བསྐྱངས་པ་དང་། བོད་ཀྱི་ཟློས་གར་ཚོགས་པ་གཙོས་རྒྱ་བལ་ཨ་རི་བཅས་ནས་ཕྱོགས་མཐའི་ལྷ་མོ་ཚོགས་པ་ཁག་བཅིུག་གི་དགེ་རྒན་དང་འཁྲབ་སྟོན་པ་ཁྱོན་མི་གྲངས་བཞི་བརྒྱ་ཉེ་བ་དང་མི་མང་སྟོང་ཚོ་གཉིས་ཙམ་འདུ་འཛོམས་ཀྱིས་བོད་ཀྱི་ཞོ་སྟོན་དུས་ཆེན་སྲུང་བརྩི་གནང་སོང་། མཛད་སྒོ་དབུ་འཛུགས་གནང་སྐབས་དོ་རྭའི་ནང་བོད་གངས་ཅན་ལྗོངས་ཀྱི་ལྷ་སྐལ་འཛམ་གླིང་ཞི་བདེའི་དེད་དཔོན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེ་བཞུགས་ཁྲི་སྟེང་དུ་གདན་འདྲེན་ཞུས་པ་དང་ལྷན་བོད་ཀྱི་ལྷ་མོའི་སྲོལ་འབྱེད་གྲུབ་ཆེན་ཐང་སྟོང་རྒྱལ་པོའི་སྐུ་བརྙན་དོ་རྭའི་ནང་གདན་ཞུས་གནང་སོང་། མཛད་སྒོའི་ཐོག་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱིས་བོད་ཀྱི་ཞོ་སྟོན་དུས་ཆེན་གྱི་ལོ་རྒྱུས་ངོ་སྤྲོད་དང་ལས་བསྡོམས་སྙན་སྒྲོན་གནང་རྗེས་ལྷ་མོ་ཚོགས་པ་ཁག་གིས་ལྷ་གཞུང་སྙིང་བསྡུས་སྐར་མ་སུམ་ཅུ་རེ་གཟིགས་འབུལ་གཟབ་རྒྱས་ཞུས་སོང་། དེ་བཞིན་སྐུ་མགྲོན་གཙོ་བོ་མཆོག་ནས་བོད་ཀྱི་ཨ་ལྕེ་ལྷ་མོ འི་སྒྱུ་རྩལ་ཐོག་མི་ཚེ་གང་བུར་རྒྱུན་སྲིང་བློས་གཏོང་གནང་མཁན་གྱི་ལྷ་དགེ་དང་གཏོང་ཕོད་ཅན་གྱི་སྤྱི་སྒེར་སྤྱིན་བདག་རྣམས་ལ་ཆེ་མཐོའི་ལེགས་སྐྱེས་གསོལ་བསྩལ་གནང་རྗེས་ལྷ་མོའི་འཁྲབ་སྟོན་པ་དང་རྒྱ་ཆེའི་མང་ཚོགས་རྣམས་ལ་བོད་ཀྱི་ལྷ་མོའི་སྒྱུ་རྩལ་གྱི་གལ་གནད་དང་རྒྱུན་འཛིན་དར་སྤེལ་གནང་རྒྱུའི་གལ་འགངས་ཆེ་བའི་གསུང་གི་བདུད་བརྩིའི་བཀའ་སློབ་བཀའ་དྲིན་བསྐྱངས་ཏེ་དེ་མུར་བོད་ཀྱི་ཟློས་གར་ཚོགས་པའི་འཁྲབ་སྟོན་འགན་འཛིན་ལས་རོགས་བསྟན་འཛིན་ཕུན་ཚོགས་ལགས་ཀྱིས་ཐུགས་རྗེ་ཆེ་གསུང་བཤད་གནང་རྗེས་བཀྲ་ཤིས་མཆོད་མཚམས་ཀྱིས་གཟིགས་མོ་རེ་ཞིག་གྲུབ་གནང་སོང་། མཛོད་སྒོའི་དབུ་འབྱེད་ཉིན་གཡུ་ལོ་སྔོན་པོའི་གསེར་མདོག་གིས་འོད་མདངས་རབ་ཏུ་འཕྲོ་ནའང་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་མཆོག་སྤྲུལ་རིན་པོ་ཆེ་མཆོག་ནས་བོད་ཀྱི་གཅེས་ནོར་ལྷ་མོའི་སྒྱུ་རྩལ་ལ་གདེང་འཇོག་ཆེན་པོས་དགའ་བསུ་དང་ཕྱོགས་མཐའི་ལྷ་མོ་ཚོགས་པའི་གཟིགས་ཕུད་ཉིན་འཁྱོངས་བར་ཆ་ཚང་གསན་གཟིགས་ཀྱིས་སྐུ་བཞུགས་གནང་བས་རྒྱ་ཆེའི་མང་ཚོགས་དང་སྒོས་སུ་ཕྱོགས་མཐའི་ལྷ་མོ་ཚོགས་པ་ཡོངས་ལ་མུ་མཐུད་ལྷ་མོའི་སྒྱུ་རྩལ་ནང་རྒྱུན་སྐྱོང་བྱ་རྒྱུར་བློ་སྐྱེད་དང་སེམས་འགུལ་ཤུགས་ཆེ་ཐེབས་སོང་། དེ་བཞིན་ཀུན་བདེ་གླིང་བླ་བྲང་ནས་ཧིན་སྒོར་འབུམ་གཅིག་དང་ཨ་རི་ལྕགས་ཟམ་ལྷ་མོའི་གླུ་གར་ཚོགས་པ་ནས་ཨ་སྒོར་ ༡༥༠༠ དང་ཨ་རི་ལྕགས་ཟམ་པའི་འགན་འཛིན་ཚེ་རིང་དབང་མོ་ལགས་ནས་ཧིན་སྒོར་འབུམ་ ༡ ཞབས་འདེབས་གསོལ་བསྩལ་གནང་བ་དང་། དེ་བཞིན་གདན་ས་ཆོས་སྒར་གཙོས་རྒྱ་ཆེའི་མང་ཚོགས་ནས་རང་ནུས་གང་ལྕོགས་ཀྱིས་ཞལ་འདེབས་རྒྱ་མི་ཆུང་བ་ཞིག་གསོལ་བསྩལ་གཏོང་ཕོད་གནང་བར་བཀའ་དྲིན་བླ་མེད་དུ་ཆེ་ཞུས་སོང་། སྤྱིར་ཕྱི་ལོ་ ༡༩༩༣ ནས་བོད་ཀྱི་ཞོ་སྟོན་རྒྱས་པ་ཐོག་མར་འགོ་འཛུགས་ཀྱིས་ད་བར་ཞོ་སྟོན་དུས་ཆེན་ཐེངས་ ཉེར་དྲུག་བར་སླེབས་ཡོད་ཀྱང་ད་ལན་བོད་ཀྱི་ཞོ་སྟོན་ཐོག་ཕྱོགས་མཐའི་ལྷ་མོ་ཚོགས་པ་ཁག་བཅིུག་མཉམ་ཞུགས་ཐུབ་པ་ནི་ད་བར་ཞོ་སྟོན་ནང་ལྷ་མོ་ཚོགས་མཉམ་ཞུགས་གནང་མཁན་ཆེས་མང་ཤོས་སུ་ངོས་འཛིན་བྱེད་བཞིན་འདུག…
Fill out the link https://forms.gle/9FoqRva3wNut63gP7 for those Tibetan children living abroad who are interested in registering for this year’s “Cultural Immersion Summer Course” at the Tibetan Institute of Performing Arts.…
