Blog

བོད་ཀྱི་ཟློས་གར་ཚོགས་པ་དབུ་བརྙེས་ནས་མི་ལོ་༦༤འཁོར་བའི་དུས་དྲན་དང་བསྟུན་དབྱར་སྐྱིད་རྐང་བྲོ་གླུ་གཞས་འགྲན་བསྡུར་གནང་བ། ( YARKYI 2023 )

༄༅། །ཕྱི་ལོ་ ༢༠༢༣ ཟླ་ ༠༨ ཚེས་ ༡༡ རེས་གཟའ་པ་སངས་ཉིན་བཞུགས་སྒར་རྡ་སར་རྟེན་གཞི་བྱས་པའི་བོད་ཀྱི་ཟློས་གར་ཚོགས་པའི་ཚོགས་ཁང་དུ་བོད་ཀྱི་ཟློས་གར་ཚོགས་པ་དབུ་བརྙེས་ནས་མི་ལོ་ ༦༤ འཁོར་བའི་དུས་དྲན་དང་བསྟུན་རྒྱ་ལུ་རུ་ཁག་དང་རྔོན་པ་རུ་ཁག་གཉིས་དབར་རྐང་བྲོ་གླུ་གཞས་འགྲན་བསྡུར་གནང་སྟེ་རྔོན་པ་རུ་ཁག་ལ་ཐེངས་འདིའི་རྐང་བྲོ་གླུ་གཞས་ཀྱི་རྒྱལ་ཁ་ཐོབ་ཡོད། དེ་ཡང་གོང་ཚེས་ཉིན་གྱི་ཕྱི་དྲོ་ཆུ་ཚོད་ ༢ ཐོག་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་། དམིགས་བསལ་སྐུ་མགྲོན་ཧིན་བོད་མཛའ་འབྲེལ་ཚོགས་པའི་ཚོགས་གཙོ་ཨ་ཇིཊ་ནེ་རི་ཡ་མཆོག ཁྲིམས་ཞིབ་པ་གཞན་བསྟན་འཛིན་ལུང་རྟོགས་མཆོག ལས་བྱེད་འདེམས་ལྷན་དང་དབུས་འོས་བསྡུ་ལས་ཁུངས་ཀྱི་ཚོགས་གཙོ་དཔེ་ཟུར་དབང་འདུས་ཚེ་རིང་ལགས། བོད་མི་མང་སྤྱི་འཐུས་ཁག་ཅིག ལྷན་ཁང་ཁག་གི་དྲུང་ཆེ་རྣམ་པ། བཞུགས་སྒར་ཁུལ་གྱི་ཚོགས་སྡེ་ཁག་གི་འགན་འཛིན་རྣམ་པ། ཟློས་ཟུར་ཚོགས་མི་རྣམ་པ། གཟུ་དཔང་སོགས་ལྷན་འཛོམས་ཀྱིས་ཐོག་མར་བོད་ཀྱི་ཟློས་གར་ཚོགས་པའི་འགན་འཛིན་དོན་གྲུབ་ཚེ་རིང་ལགས་ཀྱིས་དུས་དྲན་ངོ་སྤྲོད་ཀྱི་གསུང་བཤད་དང་། སྒྱུ་རྩལ་སློབ་ཁྲིད་འགན་འཛིན་ལས་རོགས་བསྟན་འཛིན་ཕུན་ཚོགས་ལགས་ཀྱིས་རུ་ཁག་གཉིས་དབར་རྐང་བྲོ་གླུ་གཞས་འགྲན་བསྡུར་གྱི་གཟུ་དཔང་རྣམས་ངོ་སྤྲོད་གནང་རྗེས་རྒྱ་ལུ་རུ་ཁག་དང་རྔོན་པ་རུ་ཁག་གཉིས་དབར་རྐྱང་གཞས་དང་། འཁྲབ་གཞས། འབྲས་དཀར། དགོད་བྲོའི་གཏམ་གླེང་བཅས་འགྲན་བསྡུར་གནང་མཐར་རྔོན་པ་རུ་ཁག་གིས་རྒྱལ་ཁ་བླངས་སོང་།  དེ་ནས་དམིགས་བསལ་སྐུ་མགྲོན་ཧིན་བོད་མཛའ་འབྲེལ་ཚོགས་པའི་ཚོགས་གཙོ་ཨ་ཇིཊ་ནེ་རི་ཡ་མཆོག་ནས་ཕྱི་རྒྱལ་ཡུལ་གྲུ་ཁག་ཏུ་གནས་སྡོད་བོད་རིགས་གཞོན་སྐྱེས་ཁག་ཅིག་ལ་ཟླ་བ་གཅིག་རིང་དབྱར་ཁའི་དགུང་སེང་དང་བསྟུན་ཟླ་གཅིག་རིང་བོད་ཀྱི་ཟློས་གར་ཚོགས་པ་ནས་སྒྱུ་རྩལ་སྦྱོང་བརྡར་སྤྲོད་དེ་དག་ལ་ཕྱག་འཁྱེར་གནང་།  སྐུ་མགྲོན་གཙོ་བོ་དཔལ་ལྡན་སྲིད་སྐྱོང་མཆོག་གིས་ལོ་ངོ་ཉི་ཤུ་ཧྲིལ་པོ་འཁོར་བའི་ལས་བྱེད་གཅིག་དང་། བོད་ཀྱི་ཟློས་གར་ཚོགས་པར་ལོ་ངོ་ཉི་ཤུའི་རིང་གཞས་ཚིག་རྩོམ་བྲི་སོགས་ལ་རྒྱབ་སྐྱོར་གནང་མཁན་གཉིས་ལ་ལེགས་གསོལ་ཕྱག་རྟགས། བསླབ་པ་མཐར་སོན་པའི་བྲོ་པ་གཞོན་པ་རྣམས་ལ་ཕྱོག་འཁྱེར་གནང་རྗེས་དུས་ཆེན་དང་འབྲེལ་བའི་གསུང་བཤད་གནང་ཡོད། སྐབས་དེར་དཔལ་ལྡན་སྲིད་སྐྱོང་མཆོག་གིས་བོད་ཀྱི་ཟློས་གར་ཚོགས་པ་དེ་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་རྒྱ་གར་དུ་བཙན་བྱོལ་ལ་ཕེབས་རྗེས་བོད་ཀྱི་སྲོལ་རྒྱུན་རིག་གཞུང་སྤྱི་དང་།…

Read more

བོད་ཀྱི་ཟློས་གར་ཚོགས་པས་སུད་སིར་འཁྲབ་སྟོན་འཁྲབ་སྟོན་སྐོར་བསྐྱོད།

བོད་ཀྱི་ཟློས་གར་ཚོགས་པས་སུད་སིར་འཁྲབ་སྟོན་འཁྲབ་སྟོན་སྐོར་བསྐྱོད། ཕྱི་ལོ་ ༢༠༢༣ ཟླ་ ༦ ཚེས་ ༡༠ དང་ ༡༡ ཉིན་ཧན་གྷི་རི་དུ་འཁྲབ་སྟོན་གཟིགས་འབུལ་ལེགས་གྲུབ་རྗེས། སུད་སི་སྐུ་ཚབ་དོན་གཅོད་ཁང་ནས་གདན་ཞུ་གནང་དོན་བཞིན་སུད་སིར་བཅའ་བཞུགས་ཟློས་ཟུར་མགོན་པོ་ལགས་དང་ཟློས་ཟུར་སྐྱིད་འཛོམས་ལགས་དང་ཟློས་ཟུར་བདེ་ཆེན་ལགས་ཀྱི་ལྷག་བསམ་ཟོལ་མེད་ཀྱིས་རང་སོ་སོའི་རྩ་ཆེན་དུས་ཚོད་བློས་གཏོང་བྱས་ཏེ་ཚོགས་པར་སྲི་ཞུ་བསྒྲུབ་རྒྱུའི་དམིགས་ཡུལ་བརྟན་པོ་བཅངས་ནས་ཐུགས་འགན་གཙོ་བཞེས་ཀྱིས་གོ་སྒྲིག་གནང་འབྲས་སུ་བོད་ཀྱི་ཟློས་གར་ཚོགས་པའི་དགེ་ལས་སྒྱུ་རྩལ་པ་ཁྱོན་ ༢༢ སུད་སིར་ཕྱི་ཚེས་ ༡༢ ནས་ ༢༠ བར་དངོས་སུ་ངོ་བཅར་བྱུང་བ་ནི་ལོ་ངོ་ཉི་ཤུའི་རྗེས་སུ་སླར་ཡང་དེ་གའི་མི་མང་ལྷན་མཇལ་འཛོམས་ཀྱིས་ཕྱི་ཚེས་ ༡༧ ཉིན་  Furstenlandsaal: Gossau SG ཚོགས་ཁང་ཆེན་མོའི་ནང་སྐུ་མགྲོན་གཙོ་བོ་རབ་གོང་དགོན་པའི་མཁན་རིན་པོ་ཆེ་མཆོག་དང་། སུད་སྐུ་ཚབ་དོན་གཅོད་ཀྱི་སྐུ་ཚབ། བོད་རིགས་ཚོགས་པའི་ཚོགས་གཙོ་དང་ལས་སྣེ་རྣམ་པ་གཙོས་རྒྱ་ཆེའི་བོད་རིགས་མི་མང་ལྔ་བརྒྱ་ལྷག་ཙམ་འདུ་འཛོམས་ཐོག་ལྷ་གཞུང་སྣང་ས་འོད་འབུམ་དང་རིག་གཞུང་གཞས་སྣ། ཨ་ཀ་མའི་དེང་དུས་རོལ་དབྱངས་གཟིགས་འབུལ་ཞུ་རྒྱུའི་གོ་སྐབས་བྱུང་བ་ཙམ་མ་ཟད། སུད་སིར་བོད་རིགས་ཚོགས་པའི་རིག་གཞུང་འགན་འཛིན་དང་ལས་སྣེ་ནས་རེ་བསྐུལ་ཞུས་དོན་ལྟར་དེ་ཁུལ་གནས་བཞུགས་བོད་རིགས་གཞོན་སྐྱེས་ཚོར་བོད་ཀྱི་ཐོུང་མ་ཡིན་པའི་སྒྱུ་རྩལ་ལ་དོ་དབྱིངས་ཡོད་མཁན་ཁག་ཅིག་དང་བོད་ཀྱི་ཟློས་གར་ཚོགས་གར་ཚོགས་པའི་སྒྱུ་རྩལ་བའི་དབར་ཕན་ཚུན་བསམ་ཚུལ་བརྗེ་ལེན་དང་འཁྲབ་སྦྱོང་སོགས་སྒྱུ་རྩལ་ཤེས་མྱོང་གོ་བསྡུར་སྦྱང་བཤད་དང་རྒྱུད་སྤེལ་བྱ་རྒྱུའི་གོ་སྐབས་བྱུང་བ་དེས་མ་འོངས་མཐུན་འབྲེལ་གྱི་སྒོ་མོ་འབྱེད་ཐུབ་པ་བྱུང་།      འཁྲབ་སྟོན་སྐབས་བོད་རིགས་རྒྱ་ཆེའི་མང་ཚོགས་ནས་བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་བོད་ཀྱི་མཐོུང་མ་ཡིན་པའི་ལྷ་གཞུང་དང་རིག་གཞུང་གཞས་སྣ་འཁྲབ་སྟོན་ཞུས་པར་ཐུགས་དགྱེས་ཚོར་ཆེན་པོས་དགའ་བསུ་གནང་བ་དང་སོ་སོའི་བློ་གཅད་ཞལ་འདེབས་གསོལ་བསྩལ་གནང་བར་བཀའ་དྲིན་ཆེ་ཞུ།   ད་རེས་ལོ་མང་རྗེས་སུ་སུད་སིར་དངོས་སུ་བཅར་ནས་བོད་ཀྱི་སྒྱུ་རྩལ་རིག་གཞུང་རྒྱ་ཆེའི་མང་ཚོགས་ཀྱི་སྤྱན་ལམ་དུ་གཟིགས་འབུལ་ཞུས་ཏེ་དམིགས་བསལ་བོད་རིགས་གཞོན་སྐྱེས་ཚོར་རྒྱུད་སྤེལ་ཞུ་ཐུབ་པ་ནི་གཙོ་ཆེན་དུ་སུད་སིར་སྐུ་ཚབ་དོན་གཅོད་ལས་ཁུངས་ནས་མགྲོན་ཤོག་མཐུན་འགྱུར་དང་སྒོས་སུ་དུས་ཚོད་ཐུང་ཐུང་ཞིག་གི་མཐོང་ཆེན་ལག་འཁྱེར་ཐོབ་སོན་སླད་ལྡི་ལི་སྐུ་ཚབ་དོན་ཁང་ནས་རྒྱབ་སྐྱོར་དང་དམིགས་བསལ་གོ་སྒྲིག་ཚོགས་ཆུང་གི་འགན་ཁུར་གཙོ་ཕལ་བཞེས་མཁན་ཡོངས་ནས་ལྷག་བསམ་རྣམ་དག་གིས་དུས་ཚོད་ཐུང་ངུའི་ནང་གོ་སྒྲིག་འཐུས་ཚང་དང་སྣེ་ལེན་གཟབ་རྒྱས་གནང་བས་འབྲས་བུར་སོང་གོང་སྨྲོས་གོ་སྒྲིག་ཚོགས་ཆུང་གི་འགན་ཁུར་རྐང་བཞེས་གནང་མཁན་ཡོངས་དང་མཐུན་འགྱུར་གནང་མཁན་ཡོངས་ལ་རྗེས་སུ་ཡིད་རངས་དང་ཐུགས་རྗེ་ཆེ་ཞུ་རྒྱུ་ཡིན། TIPA successfully concludes…

Read more

Diamond Jubilee celebrations of the Para Trg School Vikas, located at Sarasawa

སྤྱི་ལོ ༢༠༢༤ ཟླ་བ་ ༥ ཚེས་ ༡༧ ཉིན་རྒྱ་གར་བྱང་ཕྱོགས་སྡེ་ར་སྡུན་གྱི་ཉེ་འཁྲིས་སུ་ཡོད་པའི་ས་ར་ས་ཝར་ས་གནས་སུ་རྟེན་གཞི་ཆགས་པའི་དྭང་སློབ་གནམ་སྦྱོང་བསྟི་གནས་ཁང་དབུ་བརྙེས་ནས་ལོ་ངོ་ ༦༠ འཁོར་བའི་དུས་དྲན་སྲུང་བརྩི་ཞུ་བའི་མཛད་སྒོའི་ཐོག་བོད་ཀྱི་ཟློས་གར་ཚོགས་པ་མགྲོན་འབོད་གནང་དོན་ལྟར་ཟློས་གར་ཚོགས་པའི་སྤྱི་ཁྱབ་འགན་འཛིན་གྱི་སྣེ་ཁྲིད་འོག་སྒྱུ་རྩལ་སློབ་ཁྲིད་འགན་འཛིན་དང་སྒྱུ་རྩལ་བ་གྲངས་ཉི་ཤུ་རྩ་བདུན་ཙམ་དུས་དྲན་མཛད་སྒོར་ཆེད་བཅར་གྱིས་དུས་སྟོན་གྱི་སྐུ་མགྲོན་གཙོ་བོ་རྒྱ་གར་དང་ཞབས་རུ་དཔོན་ཟུར་པ་སྐུ་ཞབས་ RS Jamwal མཆོག་དང་གནམ་སྦྱོང་བསྟི་གནས་ཁང་གི་གཙོ་འཛིན་དམག་སྤྱི་སྐུ་ཞབས་ཀ་པིལ་ཡཱ་དཱབ་སོགས་དམག་དཔོན་ཆེ་ཕྲ་ཁག་སོ་སོའི་ནང་མི་དང་རྒན་ཡོལ་དུ་ཕེབས་ཟིན་པའི་རྒྱ་བོད་དམག་དཔོནཟུར་པ་དང་ནང་མི་སོགས་མི་གྲངས་བཞི་བརྒྱ་ལྷག་ཙམ་ལྷན་འཛོམས་སར་བོད་ཀྱི་ཟློས་གར་ཚོགས་པའི་སྒྱུ་རྩལབ་རྣམས་ནས་བོད་ཀྱི་མཐུན་མིན་རིག་གཞུང་གི་ཤུལ་བཞག་གཞས་སྣ་ཕུན་གསུམ་ཚོགས་པ་འཁྲབ་སྟོན་ཟབ་རྒྱས་ཞུ་ཐུབ་པ་བྱུང་ཡོད། དུས་སྟོན་འདི་ལྟ་བུ་ལ་མཉམ་ཞུགས་བྱ་རྒྱུ་ནི་དམིགས་བསལ་བོད་མིའི་སྤྱི་ཚོགས་དང་རྒྱ་གར་གཞུང་མང་ལ་གུས་བཀུར་མཚོན་བྱེད་དང་རྒྱ་གར་གཞུང་མང་གཉིས་དང་། སྒོས་སུ་དང་སློབ་གནམ་སྦྱོང་བསྟི་གནས་ཁང་གི་སྒྲིག་འཛུགས་ནང་སྲི་ཞུ་སྒྲུབ་མཁན་འདས་གསོན་ཡོངས་ལ་བཀའ་དྲིན་རྗེས་དྲན་དང་ཐུགས་རྗེ་ཆེ་ཞུའི་མཚོན་ཆེད་ཅིག་ཏུ་གྱུར་ཡོད་སྟབས། སྐུ་མགྲོན་གཙོ་གཞོན་གྱིས་གཙོས་པའི་གཟིགས་མོ་བ་ཡོངས་ནས་ཆེ་མཐོའི་གུས་བརྩི་དང་བསྔགས་བརྗོད་གནང་སྟེ་ཐེངས་འདིའི་སྐོར་སྐྱོད་འཁྲབ་སྟོན་ཟབ་རྒྱས་ངང་ལེགས་གྲུབ་བྱུང་ཡོད། On May 17, 2024, the Tibetan Institute of Performing Arts (TIPA) had the honor of…

Read more

ཕྱི་ལོ་ ༢༠༢༤ ཟླ་ ༤ ཚེས་ ༢༥ ཉིན་གྱི་བཞུགས་སྒར་རྡ་སའི་ཐེག་ཆེན་ཆོས་གླིང་གཙུག་ལག་ཁང་དུ་སྲུང་བརྩི་ཞུས་པའི་༸ཀུན་གཟིགས་པཎ་ཆེན་སྐུ་ཕྲེང་བཅུ་གཅིག་པ་རྗེ་བཙུན་བསྟན་འཛིན་དགེ་འདུན་ཡེ་ཤེས་འཕྲིན་ལས་ཕུན་ཚོགས་དཔལ་བཟང་པོ་མཆོག་དགུང་གྲངས་ ༣༥ ལ་ཕེབས་པའི་སྐུའི་འཁྲུངས་སྐར་གྱི་མཛད་སྒོར་ཕེབས་པའི་སྐུ་མགྲོན་གཙོ་བོ་ཨི་སི་ཏོ་ནི་ཡའི་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོགས་མི་དང་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་ཡུ་ཀུ་ཁལ་རེཌ་མཆོག་དང་ལྷན་བཅར་གྲོས་ཚོགས་འཐུས་མི་རྣམ་པ་དང་། དམིགས་བསམ་སྐུ་མགྲོན་རྣམ་པ། དེ་བཞིན་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་གཞན་སྐུ་མགྲོན་རྣམས་ལ་བྱེས་ཀྱི་གདན་ས་ཆེན་པོ་བཀྲིས་ལྷུན་པོའི་རིག་གཞུང་འཛིན་སྐྱོང་བླ་སྤྱི་ལྷན་ཁང་གི་གོ་སྒྲིག་འོག་དེ་ཉིན་གྱི་ཕྱི་དྲོའི་ཚོུད་ ༦ པར་བོད་ཀྱི་ཟློས་གར་ཚོགས་པའི་ཚོགས་ཁང་ནང་དུ་བོད་ཀྱི་ཟློས་གར་ཆོགས་པའི་སྒྱུ་རྩལ་བ་རྣམས་ནས་རིག་གཞུང་འཁྲབ་སྟོན་གཟིགས་འབུལ་དང་།དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་དང་བྱེས་ཀྱི་གདན་ས་ཆེན་པོ་བཀྲིས་ལྷུན་པོའི་སྐྱབས་རྗེ་མཁན་རིན་པོ་ཆེ་གཟིག་རྒྱབ་སྐུ་ཕྲེང་ལྔ་པ་༸རྗེ་བཙུན་བསྟན་འཛིན་ཐུབ་བསྟན་རབ་རྒྱས་མཆོག་གིས་གསུང་བཤད་གནང་སྟེ་འཁྲུངས་སྐར་སྲུང་བརྩི་གཟབ་རྒྱས་ངང་ལེགས་གྲུབ་ཐུབ་པ་བྱུང་ཡོད། The artists of the Tibetan Institute of Performing Arts presented a cultural program at its auditorium on 25th April…

Read more

བོད་ཀྱི་ཞོ་སྟོན་རྒྱས་པའི་མཇུག་བསྡོམས་མཛད་སྒོའི་ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸གསེར་ཞལ་མཇལ་ཁ་དང་བཀའ་སློབ་བཀྲིན་གསོལ་བསྩལ་གྱི་སྒོ་ནས་བོད་ཀྱི་ཞོ་སྟོན་རྒྱལ་ཁའི་མཇུག་བསྒྲིལ།

བོད་ཀྱི་ཞོ་སྟོན་རྒྱས་པ་ཐེངས་ ༢༧ པ་དེ་བཞིན་ཕྱི་ལོ་ ༢༠༢༤ ཟླ་ ༤ ཚེས་ ༡༠ ནས་ ༢༢ བར་ཉིན་གྲངས་ ༡༣ རིང་བཞུགས་སྒར་རྡ་སར་རྟེན་གཞི་བྱས་པའི་བོད་ཀྱི་ཟློས་གར་ཚོགས་པར་སྐོང་ཚོགས་ཞུས་ཡོད་པ་བཞིན། ཕྱི་ཚེས་ ༢༢ ཉིན་བོད་ཀྱི་ཞོ་སྟོན་རྒྱས་པ་ཐེངས་ ༢༧ པའི་མཇུག་བསྡོམས་མཛད་སྒོའི་ཐོག་མར་དེ་ཉིན་གྱི་སྔ་དྲོའི་ཚོུད་ ༨།༠༠ ཐོག་ཐེག་ཆེན་ཆོས་གླིང་གཙུག་ལག་ཁང་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ནས་བོད་ཀྱི་ཞོ་སྟོན་དུ་ཕེབས་པའི་ལྷ་མོ་ཚོགས་པ་ཁག་གི་ཚོགས་མི་ཡོངས་ལ་༸གསེར་ཞལ་མཇལ་ཁ་དང་བཀའ་སློབ་བཀྲིན་ཆེ་བསྩལ་གནང་མཛད་ཡོད། སྐབས་དེར་འདི་ག་བོད་ཀྱི་ཟློས་གར་ཚོགས་པའི་ངོས་ནས་མགོན་པོ་གང་ཉིད་བསྟན་འགྲོ་སྤྱི་དང་བྱེ་བྲག་བོད་ཁ་བ་གངས་ཅན་པའི་ལྗོངས་ཀྱི་མགོན་དཔུང་དམ་པར་༸ཞབས་པད་མི་འགྱུར་རྡོ་རྗེ་ཆོས་བདུན་གྱི་ངོ་བོར་བརྟན་ཞིང་། ཐུགས་ཀྱི་བཞེད་དགོངས་མཐའ་དག་གེགས་མེད་ལྷུན་གྱིས་འགྲུབ་པའི་མཎྜལ་རྟེན་གསུམ་གྱི་ལྷ་རྫས་བསྟར་འབུལ་དང་། སྐུ་ཡི་ལྷ་རྫས་སུ་གྲུབ་ཆེན་ཐང་སྟོང་རྒྱལ་པོའི་སྐུ་བརྙན་དང་། གསུང་གི་ལྷ་རྫས་སུ་རྒྱས་སྟོང་པའི་གླེགས་བམ། ཐུགས་ཀྱི་ལྷ་རྫས་སུ་བྱང་ཆུབ་མཆོད་རྟེན་གྱི་བརྟན་བཞུགས་བསྟར་འབུལ་ཞུ་ཐུབ་པ་བྱུང་ཡོད་ཅིང་། ལྷ་ཚོགས་སོ་སོའི་སྐུ་ཚབ་རེ་ནས་༸རྒྱལ་བའི་སྐུ་མདུན་དུ་གསུང་ཐར་ཕུལ་བར་མགོན་པོ་གང་ཉིད་ནས་ཁོང་ཉིད་ཀྱང་བོད་ཀྱི་ལྷ་མོའི་ཟློས་གར་གཟིགས་རྒྱུདང་གསུང་ཐར་གསན་རྒྱུར་རྒྱུན་དུ་ནས་ཐུགས་མཉེས་པོ་ཡོད་པའི་ཐུགས་དགྱེས་ཚོར་བྱུང་བའི་གསུང་གི་དབུགས་དབྱུང་ཀྱང་མཛད་ཡོད་། དེ་རྗེས་སྔ་དྲོའི་ཚོུད་ ༡༠།༠༠ ཐོག་བོད་ཀྱི་ཞོ་སྟོན་རྒྱས་པ་ཐེངས་ ༢༧ པའི་མཇུག་བསྡོམས་མཛད་སྒོ་དངོས་གཞི་དབུ་འཛུགས་ཞུས་པ་ལྟར་མཛད་སྒོའི་སྐུ་མགྲོན་གཙོ་བོར་དཔལ་ལྡན་བོད་མིའི་སྒྲིག་འཛུགས་ཀྱི་སྲིད་སྐྱོང་མི་རྗེ་སྐོུ་སྤེན་པ་ཚེ་རིང་མཆོག་དང་། དམིགས་བསལ་སྐུ་མགྲོན་དུ་དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཞོན་སྐོུ་སྒྲོལ་མ་ཚེ་རིང་མཆོག་དང་རྒྱ་གར་ཕྱི་སྲིད་ལས་ཁུངས་ཀྱི་སྐུ་ཡི་སྣེ་ཤན་པ་རྣམ་གཉིས་དབུས་པའི་བོད་མིའི་སྒྲིག་འཛུགས་ཀྱི་མཛད་གཙོ་རྣམ་པ་དང་དྲུང་ཆེ་རྣམ་པ། གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་གི་འགན་འཛིན་དང་ལས་སྣེ་གཙོས་རྒྱ་ཆེའི་མང་ཚོགས་བཅས་འདུ་འཛོམས་སར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ནས་ངོ་སྤྲོད་གསུང་བཤད་དང་། བོད་ཀྱི་ཟློས་གར་ཚོགས་པ་ནས་ལྷ་གཞུང་རྒྱལ་སྲས་དད་པ་བརྟན་པའི་རྣམ་ཐར་འཁྲབ་སྟོན་གནང་།   མཛད་སྒོའི་དུས་སྟོན་དང་འབྲེལ་བའི་ཐོག་དཔལ་ལྡན་སྲིད་སྐྱོང་མཆོག་ནས་གསུང་བཤད་གནང་བའི་ནང་བོད་ཀྱི་ལྷ་མོའི་ཟློས་གར་ནི་ལོ་རྒྱུས་ཡུན་རིང་ལྡན་ཞིང་རིག་གནས་རྒྱུན་སྲོལ་གྱི་ཁྱད་ཆོས་མང་པོ་ཡོད་པར་སོང་། ད་བར་རྒྱུན་གནས་ཐུབ་རྒྱུར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཐུགས་རྗེ་བཀའ་དྲིན་ཉག་ཅིག་ལ་བརྟེན་ནས་བྱུང་བ་དང་བཀའ་ཤག་གི་ངོས་ནས་ཀྱང་༸གོང་ས་༸སྐྱབས་མགོན་ཆེན་པོ་མཆོག་གི་བཀའ་དགོངས་བཞིན་བོད་ཀྱི་ལྷ་མོའི་ཟློས་གར་རྒྱུན་གནས་ཐུབ་རྒྱུར་མུ་མཐུད་མཐུན་འགྱུར་གནང་རྒྱུའི་བཀའ་བཞེས་བཟང་པོ་ཕེབས་གནང་ཡོད།  འདི་ལོའི་ཞོ་སྟོན་རྒྱས་པ་ཐེངས་ ༢༧ པ་འདི་ཕྱི་ཟླ་ ༤ ཚེས་ ༡༠ ནས་ ༢༢ བར་ཉིན་གྲངས་ ༡༣ རིང་སྲུང་བརྩི་ཞུས་པའི་ནང་ལྷ་ཚོགས་ཁག་ ༡༣ གྱིས་ལྷ་གཞུང་མི་འདྲ་བ་ཁག་ ༡༠ ཉིན་འཁྱོངས་གཟིགས་འབུལ་ཞུ་ཐུབ་པ་བྱུང་ཡོད། དེ་ཡང་ཀ་སྦུག་དང་ཨོ་རི་ས་ལྷ་མོ་ཚོགས་པ་གཉིས་ཟུང་འབྲེལ་ཐོག་ནས་ལྷ་གཞུང་འགྲོ་བ་བཟང་མོ་དང་། བལ་ཡུལ་ལྷ་མོ་ཚོགས་པ་ནས་ལྷ་གཞུང་ཆོས་རྒྱལ་དྲི་མེད་ཀུན་ལྡན། ལྕགས་ཟམ་ལྷ་མོ་ཚོགས་པ་ནས་ལྷ་གཞུང་གཟིགས་ཀྱི་ཉི་མ། མ་སུ་རི་བོད་ཁྱིམ་ལྷ་མོ་ཚོགས་པ་ནས་ལྷ་གཞུང་མཁན་སློབ་ཆོས་གསུམ། མན་སྤར་ལྷ་མོ་ཚོགས་པ་ནས་ལྷ་གཞུང་རྒྱལ་པོ་འཇིག་རྟེན་དབང་ཕྱུག ཀོ་ལེ་གྷལ་ལྷ་མོ་ཚོགས་པ་ནས་ལྷ་གཞུང་གཅུང་པོ་དོན་ཡོན་དོན་གྲུབ། སྤེལ་ཀོབ་ལྷ་མོ་ཚོགས་པ་ནས་ལྷ་གཞུང་པདྨ་འོད་འབར། བྷན་རྡ་ར་ལྷ་མོ་ཚོགས་པ་ནས་ལྷ་གཞུང་གཅུང་པོ་དོན་ཡོན་དོན་གྲུབ། ཅོན་ཏཱ་ར་བོད་ཁྱིམ་ལྷ་མོ་ཚོགས་པ་ནས་ལྷ་གཞུང་མི་ལ་རས་པ། རྡ་སྟེང་བོད་ཁྱིམ་ལྷ་མོ་ཚོགས་པ་ནས་ལྷ་གཞུང་གཟུགས་ཀྱི་ཉི་མ། མོན་གྷོ་ཊ་ལྷ་མོ་ཚོགས་པ་ནས་ལྷ་གཞུང་ཆོས་རྒྱལ་ནོར་བཟང་དང་། མཐར་ཕྱི་ཚེས་ ༢༢ ཉིན་བོད་ཀྱི་ཟློས་གར་ཚོགས་པས་ལྷ་གཞུང་རྒྱལ་སྲས་དད་པ་བརྟན་པ་བཅས་གཟིགས་འབུལ་ཞུས་ཏེ་བོད་ཀྱི་ཞོ་སྟོན་རྒྱས་པ་ཐེངས་ ༢༧ པ་དེ་བཞིན་རྒྱལ་ཁའི་ངང་མཇུག་བསྒྲིལ་ཐུབ་པ་བྱུང་ཡོད། 27th Shoton Festival concludes with special audience for…

Read more

TIPA promoting Tibetan cultural heritage at UWC Mahindra College (Pune)

ཕྱི་ལོ་ ༢༠༢༤ ཟླ་ ༢ ཚེས་ ༢༢-༢༥ བར་ཉིན་གྲངས་བཞིའི་རིང་བོད་ཀྱི་ཟློས་གར་ཚོགས་པའི་སྒྱུ་རྩལ་སློབ་ཁྲིད་འགན་འཛིན་བསྟན་འཛིན་ཕུན་ཚོགས་ཀྱིས་སྣེ་འཁྲིད་འོག་ཟློས་དགེ་སྐལ་བཟང་སྒྲོལ་མ་དང་བྲོ་གཞོན་བསྟན་འཛིན་དབྱངས་སྒྲོན་གསུམ་པོ་རྒྱ་གར་ལྷོ་ཕྱོགས་པུ་ནིར་གཏན་གཞི་བྱས་པའི་ UWC མ་ཧིན་རྷར་གཙུག་ལག་སློབ་གཉེར་གྱི་གཏམ་བརྗོད་ཆེད་ལས་སློབ་གཉེར་བ་རྣམས་ལ་བོད་ཀྱི་ཨ་ལྕེ་ལྷ་མོའི་ཟློས་གར་སྒྱུ་རྩལ་དང་འབྲེལ་བའི་ཟབ་སྦྱོང་སློབ་ཁྲིད་གནང་བར་ཕེབས་ཞིང་། གཙུག་ལག་སློབ་གཉེར་འདིའི་ནང་རྒྱ་གར་གཙོས་རྒྱལ་སྤྱིའི་རྒྱལ་ཁབ་འདྲ་མིན་གྱི་སློབ་གཉེར་བ་ཡོད་པ་དང་། ཚོགས་འདུའི་ཐོག་ཏུ་སློབ་མ་ཚོས་ཐུགས་སྣང་ཆེན་པོས་བོད་ཀྱི་ལྷ་མོའི་སྒྱུ་རྩལ་གྱི་ལོ་རྒྱུས་དང་རྣམ་ཐར། འཁྲབ་འཁྱེར་སོགས་ལ་སློབ་སྦྱོང་ལེགས་པར་གནང་། ད་དུང་ཁོང་ཚོས་འཁྲབ་སྟོན་གྱིས་རིག་གཞུང་སྲུང་སྐྱོབ་ཀྱི་ཐབས་ལམ་དང་ཟློས་གར་སྐོར་གྱི་གོ་རྟོགས་རྒྱ་སྐྱེད་བྱུང་བར་བསྔགས་བརྗོད་གནང་། In response to a gracious invitation from UWC Mahindra College in Pune, Maharashtra, the Tibetan Institute of…

Read more

བོད་ཀྱི་ཟློས་གར་ཚོགས་པའི་སྒྱུ་རྩལ་བ་རྣམས་ནས་རྒྱ་གར་བྱང་ཕྱོགས་འབྲས་ལྗོངས་ལ་ཆུང་ས་ཁུལ་དུ་རིག་གཞུང་འཁྲབ་སྟོན།

ཕྱི་ལོ་ ༢༠༢༤ ཟླ་ ༣ ཚེས་ ༡ ནས་ ༣ བར་ཉིན་གྲངས་ ༣ རིང་རྒྱ་གར་བྱང་ཕྱོགས་འབྲས་ལྗོངས་མངའ་ཁོངས་ལ་ཆུང་ས་གནས་ཀྱི་ལོ་གསར་དང་ཡུལ་སྐོར་སྤྲོ་འཆམ་གྱི་དུས་སྟོན་གོ་སྒྲིག་ཚོགས་ཆུང་ནས་གདན་ཞུ་གནང་དོན་ལྟར་བོད་ཀྱི་ཟློས་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱི་སྣེ་ཁྲིད་འོག་སྒྱུ་རྩལ་སློབ་ཁྲིད་འགན་འཛིན་བསྟན་འཛིན་ཕུན་ཚོགས་ལགས་དང་སྒྱུ་རྩལ་བ་ཁྱོན་བསྡོམས་མི་གྲངས་ ༢༧ ས་གནས་སུ་ངོ་བཅར་གྱིས་ཕྱི་ལོ་ ༢༠༢༤ ཟླ་ ༣ ཚེས་ ༡ དང་ཚེས་ ༢ ཉིན་གཉིས་བོད་ཀྱི་ཐུན་མོང་མ་ཡིན་པའི་ལྷ་གཞུང་ཆོས་རྒྱལ་ནོར་བཟང་དང་འགྲོ་བ་བཟང་མོ་གཉིས་སྐུ་མགྲོན་དང་རྒྱ་ཆེའི་མང་ཚོགས་སུ་གཟིགས་འབུལ་ཞུས།    ཕྱི་ཚེས་ ༣ ཉིན་བོད་ཀྱི་ཡུལ་ལུང་ཁག་གི་རིག་གཞུང་ཞབས་གཞས་གཟིགས་འབུལ་ཞུས་པ་དང་། ད་ཉིན་ལྷོ་ནག་ཁུལ་ནས་སྤྲིན་འཐོར་རྐྱེན་པས་ཆུ་ལོག་གི་ཆུ་ཤུགས་གློག་འདོན་གྱི་ཆུ་མཛོད་དང་ཟམ་ཆེན་སོགས་ཆུ་རུད་ཀྱིས་འདེད་པར་བརྟེན་གཞུང་ལམ་འགྲུལ་སྐྱོད་ཐད་དཀའ་ངལ་ཅི་ཆེར་ཡོད་ནའང་གོ་སྒྲིག་ཚོགས་ཆུང་ནས་སྔ་རྗེས་རེ་བསྐུལ་ཞུ་དོན་ལྟར་ལ་ཆུང་ཁུལ་གྱི་བོད་རིགས་དང་ལ་ཆུང་བ་ཡོངས་ཀྱི་རེ་འདུན་བསྐོང་ཆེད་དངོས་སུ་བཅར་བ་ཡིན།   ཉིན་དང་པོ་དང་གཉིསཔའི་ལྷ་གཞུང་གཟིགས་འབུལ་སྐབས་སྐུ་མགྲོན་གཙོ་བོ་མངའ་གཞུང་ཚོགས་པའི་གཙོ་འཛིན་གཞོན་པ་སྐུ་ཞབས་རྒྱལ་མཚན་ལ་ཆུང་པ་དང་ཉིན་གཉིས་པའི་སྐུ་མགྲོན་གཙོ་བོ་གྲོས་ཚོགས་གོང་མིའི་འཐུས་མི་སྐུ་ཞབས་ཡི་ཤེས་ལ་ཆུང་པ། དེ་བཞིན་ཉིན་མཐའ་མའི་སྐུ་མགྲོན་གཙོ་བོ་མངའ་གཞུང་གི་གྲོས་ཚོགས་འཐུས་མི་དང་གཞུང་ལམ་བློན་ཆེན་གཅིག་ལྕོགས་སྐུ་ཞབས་བསམ་གྲུབ་ལེབ་ཆ་དང་གཞན་ཡང་འབྲེལ་ཡོད་སྐུ་མགྲོན་དང་། ལ་ཆུང་གི་སྤྱི་དཔོན་རྣམ་གཉིས་དང་གོ་སྒྲིག་ཚོགས་ཆུང་དང་རྒྱ་ཆེའི་མང་ཚོགས་གང་མང་ཉིན་གསུམ་འཆར་ཅན་གཟིགས་མོར་མཉམ་ཞུགས་གནང་བ་མ་ཟད་སྐུ་མགྲོན་གཙོ་བོ་རྣམས་ནས་བོད་ཀྱི་ཟློས་གར་ཚོགས་པ་དངོས་སུ་ས་གནས་སུ་ཕེབས་ནས་བོད་ཀྱི་ཐུན་མོང་མ་ཡིན་པའི་ཨ་ལྕེ་ལྷ་མོའི་གཞུང་དང་རིག་གཞུང་འཁྲབ་སྟོན་གཟབ་རྒྱས་གནང་བར་རྗེས་སུ་ཡིད་རངས་དང་བསྔགས་བརྗོད་གནང་སྟེ་ཚོགས་པར་ཞལ་འདེབས་ཀྱང་གནང་།    སྐུ་མགྲོན་གཙོ་བོ་རྣམས་ནས་བོད་ཀྱི་ཟློས་གར་ཚོགས་པ་དངོས་སུ་ས་གནས་སུ་ཕེབས་ནས་བོད་ཀྱི་ཐུན་མོང་མ་ཡིན་པའི་ཨ་ལྕེ་ལྷ་མོའི་གཞུང་དང་རིག་གཞུང་འཁྲབ་སྟོན་གཟབ་རྒྱས་གནང་བར་རྗེས་སུ་ཡིད་རངས་དང་བསྔགས་བརྗོད་གནང་སྟེ་ཚོགས་པར་ཞལ་འདེབས་ཀྱང་གནང་།    དེ་བཞིན་མང་ཚོགས་ཀྱི་བོད་ཀྱི་ཟློས་གར་ཚོགས་པ་ས་གནས་སུ་བཅར་ནས་རིག་གཞུང་འཁྲབ་སྟོན་གནང་བར་དགའ་མོས་དང་ཆེ་མཐོང་། དེ་བཞིན་གཞོན་སྐྱེས་ཚོར་རིག་གཞུང་ངོ་སྤྲོད་དང་རྒྱུད་སྤྲོད་ཐད་ཕན་ཐོགས་ཆེན་པོ་བྱུང་སྐོར་འབྲེལ་ཡོད་གོ་སྒྲིག་ཚོགས་ཆུང་གི་སྤྱི་དཔོན་གཉིས་དང་འཐུས་མི་རྣམས་དང་མང་ཚོགས་ནས་ཉིན་མཐའ་མའི་ཉིན་དགའ་བསུའི་ཐལ་སྒྲ་སྒྲོགས་ཏེ་འཁྲབ་སྟོན་པ་ཡོངས་ལ་ཐུགས་རྗེ་ལེགས་འབུལ་གྱི་མཇལ་དར་གནང་སྟེ་བོད་ཀྱི་ཟློས་གར་ཚོགས་པའི་ཕྱི་ལོ་…

Read more

TIPA performed various dances for the foreign delegation & esteemed guest visit.

ཕྱི་ལོ་ ༢༠༢༤ ཟླ ༣ ཚེས ༩ ཉིན་སྲིད་སྐྱོང་སྤེན་པ་ཚེ་རིང་མཆོག་དང་། ཨོ་སི་ཁྲུ་ལི་ཡ་དང་། འཇར་མན་གྲོས་ཚོགས་འཐུས་མི་སྐུ་ཚབ། དེ་བཞིན་ཐའེ་ལནྜ་དང་། ཐའེ་ཝན་ནས་བོད་དོན་ལས་ཁུངས་དང་འབྲེལ་བའི་སྦྱིན་བདག་ཚོགས་པ་ཁག་གི་སྐུ་ཚབ་བཅས་བོད་ཀྱི་ཟློས་གར་ཚོགས་པར་ཆིབས་བསྒྱུར་བསྐྱངས། ཆིབས་བསྒྱུར་སྐབས་བོད་ཀྱི་ཟློས་གར་ཚོགས་པའི་འཁྲབ་སྟོན་པ་ཚོས་ཞྭ་ནག་དང་། སེང་གེ་གར་འཆམ་སོགས་ཀྱི་འཁྲབ་སྟོན་སྣ་ཚོགས་བྱས། འཁྲབ་སྟོན་གྲུབ་རྗེས་སྲིད་སྐྱོང་སྤེན་པ་ཚེ་རིང་མཆོག་ནས་སྐུ་མགྲོན་རྣམས་ལ་དྲན་རྟེན་གྱི་ཕྱག་རྟགས་ཕུལ་ཏེ་བོད་ཀྱི་ཟློས་གར་ཚོགས་པའི་གསོལ་ཚིགས་ཁང་དུ་གསོལ་སྟོན་གཟབ་རྒྱས་བཤམས་སྟོན་གནང། The Tibetan Institute of Performing Arts received a visit from the esteemed Sikyong Penpa Tsering La,…

Read more

བོད་ཀྱི་ཟློས་གར་རིག་གཞུང་མི་ཉམས་གོང་སྤེལ་དང་ཉམས་པ་སོར་ཆུད་སླད་བོད་ཀྱི་ཟློས་གར་ཚོགས་ངོས་ནས་ཇི་ལྟར་གསོལ་འདེབས་སྐྱབས་འཇུག་ཞུ་དོན་བཞིན།

བོད་ཀྱི་ཟློས་གར་རིག་གཞུང་མི་ཉམས་གོང་སྤེལ་དང་ཉམས་པ་སོར་ཆུད་སླད་བོད་ཀྱི་ཟློས་གར་ཚོགས་ངོས་ནས་ཇི་ལྟར་གསོལ་འདེབས་སྐྱབས་འཇུག་ཞུ་དོན་བཞིན། ༸སྐྱབས་རྗེ་གཏེར་ཆེན་ནམ་མཁའ་དྲི་མེད་རབ་འབྱམས་མཆོག་དང་༸སྐྱབས་རྗེ་འཇིགས་མེད་རིན་པོ་མཆོག་གི་ཐུགས་དགོངས་ཆེ་བཞེས་ཀྱིས་བོད་ཀྱི་ཟློས་གར་ཚོགས་པའི་ཟློས་དགེ་བསྟན་འཛིན་བྱང་ཆུབ་ལགས་དང་བསྟན་འཛིན་ཡོན་ཏན་ལགས། ཉམས་ཞིབ་པ་བསོད་ནམས་ཚེ་བརྟན། པར་ལེན་བསྟན་འཛིན་དཔལ་ལྡན་བཞི་པོ་ཨོ་ཌི་ཤ་ཕུན་གླིང་གཞིས་ཆགས་སུ་ཕྱི་ལོ་ ༢༠༢༤ ཟླ་ ༠༡ ཚེས་ ༡༥ ནས་ཟླ་ ༢ ཚེས་ ༠༡ བར་ཉིན་གྲངས་བཅོ་བརྒྱད་རིང་མཆོག་སྤྲུལ་ཀརྨ་ཤེས་སྒྲུབ་རིན་པོ་ཆེ་མཆོག་གི་སྐུ་མདུན་ནས་༸ཀུན་མཁྱེན་མི་ཕམ་རིན་པོ་ཆེ་མཆོག་གིས་མཛད་པའི་གླིང་བྲོ་བདེ་ཆེན་རོལ་མོ་དང་༸རྒྱལ་ཚབ་རྭ་སྒྲེང་རིན་པ་ཆེ་མཆོག་གིས་ཟུར་འཇུག་མཛད་པའི་ལེའུ་ཁག་དང་གླིང་བྲོའི་ལོ་རྒྱུས། འཕེལ་རིམ། དབྱངས་རྟ་དང་བྲོ་འཆམ། བྲོ་ཆས་སོགས་ཀྱི་སྐོར་སློབ་གཉེར་ལེགས་པར་བགྱིད་ཅིང་། ཕྱི་ཟླ་ ༢ ཚེས་ ༠༡ ཉིན་གཏེར་ཆེན་རིན་པོ་ཆེ་ཉིད་ཀྱི་དགོངས་གཏེར་ཚེ་སྒྲུབ་རྡོ་རྗེ་སྲོག་ཐིག་གི་སྒོ་ནས་ཚེ་དབང་དང་བཀའ་དྲིན་གཏང་རག་གི་མཎྜལ་འབུལ་མཛད་སྒོར་གཞིས་ཆགས་སུ་གླིང་བྲོ་ཚོགས་པའི་གླིང་བྲོ་བདེ་ཆེན་རོལ་མོའི་ལེའུ་བཞི་གཟིགས་འབུལ་སྐབས་བོད་ཀྱི་ཟློས་གར་ཚོགས་པའི་ཟློས་དགེ་གཉིས་མཉམ་ཞུགས་ཀྱིས་བྲོ་ཚན་ལེའུ་གཉིས་པ་ཕོ་རྒྱུད་དཔའ་བོའི་བྱིན་འབེབས་མི་རྗེ་སེང་ཆེན་ལྷ་ཡི་ནོར་བུ་དང་། ལེའུ་དྲུག་པ་དབང་མཛད་དགྲ་བླ། ལེའུ་བདུན་པ་བཀྲ་ཤིས་བྲོ་ཡི་བྲོ་ར། ལེའུ་བཅུ་གསུམ་བཀྲ་ཤིས་དབྱངས་སྙན་བཅས་གཟིགས་འབུལ་ཞུ་རྒྱུའི་གོ་སྐབས་བཟང་པོ་ཐོབ་པ་མ་ཟད་འདི་གའི་སྒྱུ་རྩལ་བ་རྣམས་ནས་མུ་མཐུད་རྒྱུན་འཛིན་སླད་ཟློས་དགེ་གཉིས་ལ་འཁྲབ་སྦྱོང་ཞུ་སྒོ་མཐའ་དག་སློབ་ཁྲིད་དང་རི་དགོན་ཐུབ་བསྟན་སྨིན་གྲོལ་གླིང་བླ་བྲང་དང་ཨོ་གཞིས་གླིང་བྲོ་ཚོགས་པ་གཙོས་འབྲེལ་ཡོད་ལས་བྱེད་ཡོངས་ནས་མཐུན་འགྱུར་རོགས་རམ་འཐུས་ཚང་གནང་བར་བཀའ་དྲིན་ཆེ་ཞུ་བ་སྦྲགས་ཐེངས་འདིའི་གློང་བྲོའི་ཟབ་ཁྲིད་འདིས་བོད་ཀྱི་ཟློས་གར་ཚོགས་པར་གླིང་བྲོའི་འཁྲབ་གཞུང་མུ་མཐུད་རྒྱུན་སྐྱོང་ཐུབ་པར་ཕན་ཐོགས་ཆེན་པོ་བྱུང་།

Read more

བོད་ཀྱི་ཟློས་གར་དུ་སྒྱུ་རྩལ་སློབ་གཉེར་བ་གསར་འཇུག་གསལ་བསྒྲགས།

ཟློས་གར། ང་༢༠།༢༠༢༤། བོད་ཀྱི་ཟློས་གར་ཚོགས་པ་འདི་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་རླབས་ཆེན་དགོངས་བཞེད་འོག་བཙན་བྱོལ་དུ་ཕེབས་པ་ཐག་བོད་ཀྱི་མཐུན་མོང་མ་ཡིན་པའི་སྲོལ་རྒྱུན་གྱི་རིག་གཞུང་རྒྱུན་སྐྱོང་དང་གོང་སྤེལ་སླད་ཆེད་འཛུགས་གནང་བ་ལྟར། ད་བར་མགོན་པོ་གང་ཉིད་ཀྱི་ཐུགས་རྗེ་བཀའ་དྲིན་ཉག་ཅིག་ལ་བརྟེན་ནས་བོད་ཀྱི་ཟློས་གར་ཚོགས་པས་བོད་ཀྱི་མཐུན་མོང་མ་ཡིན་པའི་འཁྲབ་སྟོན་གྱི་རིག་གཞུང་སྤྱི་དང་སྒོས་སུ་བོད་ཀྱི་ལྷ་མོའི་སྒྱུ་རྩལ་རིག་གཞུང་རྒྱུན་སྐྱོང་དང་དར་སྤེལ་གྱི་སྒོ་ནས་རང་རེའི་མི་རབས་གཞོན་པ་རྣམས་ལ་རྒྱུད་སྤྲོད་ཞུ་བའི་བྱ་བཞག་མི་དམན་ཙམ་སྒྲུབ་མུས་ལྟར། ད་ལན་འདི་ག་བོད་ཀྱི་ཟློས་གར་དུ་སྒྱུ་རྩལ་སློབ་གཉེར་བ་སློབ་ཕྲུག་བུ་ ༧ དང་བུ་མོ་ ༧ གསར་འཇུག་གི་གོ་སྐབས་འབུལ་རྒྱུ་ལགས་ན། རང་རེའི་གཞོན་སྐྱེས་ཁྲོད་བོད་ཀྱི་ཟློས་གར་རིག་གཞུང་དང་རོལ་དབྱངས་ལ་དོ་དབྱིངས་ཡོད་མཁན་རྣམས་ནས་འདི་ག་ཟློས་གར་སྒྱུ་རྩལ་སློབ་གཉེར་བ་གསར་འཇུག་ཁོངས་ཞུགས་བློ་མཆིས་ཚེ་གཤམ་གསལ་ཆ་རྐྱེན་ཚང་བའི་དོན་གཉེར་ཅན་རྣམས་ནས་ཕྱི་ལོ་ ༢༠༢༤ ཟླ་ ༣ ཚེས་ ༡༥ འགྱངས་མེད་དགོས་མཁོའི་ཡིག་ཆ་ཁག་དང་མཉམ་དུ་ཟློས་གར་སྤྱི་ཁྱབ་འགན་འཛིན་མཚན་ཐོག་སྙན་ཞུ་འབུལ་དགོས། དགོས་ངེས་ཆ་རྐྱེན། འདེམས་རྒྱུགས་ལས་རིམ། ཐུགས་སྣང་།        སྤྱི་ཁྱབ་འགན་འཛིན། གློག་འཕྲིན་ཁ་བྱང་། [email protected] འབྲེལ་གཏུགས་ཁ་པར་ཨང་།༨༨༩༤༩༩༦༦༤༦ (WhatsApp)

Read more

དབྱར་དུས་བོད་ཀྱི་ཟློས་གར་རིག་གཞུང་སྦྱོང་བརྡར་ལས་གཞི་ཐེངས་གཉིས་པ།

༄༅། །ཕྱི་རྒྱལ་ཡུལ་གྲུ་ཁག་ནང་བཅར་བཞུགས་བོད་རིགས་ན་གཞོན་ཚོའི་ཕ་མ་ལྷན་རྒྱས་ལགས་སུ།                                                                                 གུས་གསོལ། འདི་ག་བོད་ཀྱི་ཟློས་གར་ཚོགས་པའི་ངོས་ནས་ལྷར་བཅས་སྲིད་ཞིའི་གཙུག་རྒྱན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དགོངས་བཞེད་གཙོ་བཟུང་གིས་བོད་ཀྱི་ཐུན་མོང་མ་ཡིན་པའི་ལྷ་མོའི་སྒྱུ་རྩལ་གཙོ་བོར་གྱུར་བའི་བོད་མིའི་སྲོལ་རྒྱུན་གྱི་གཞས་སྣ་ཁག་མི་ཉམས་རྒྱུན་འཛིན་དང་དར་སྤེལ་གྱི་ལས་དོན་གཉེར་བཞིན་ཡོད་མུས་ལྟར་། འདི་ནས་ཕྱི་རྒྱལ་ཡུལ་གྲུ་ཁག་ཏུ་འཚར་ལོངས་འབྱུང་བཞིན་པའི་བོད་རིགས་ན་གཞོན་རྣམས་ལ་རང་མི་རིགས་ཀྱི་རིག་གཞུང་རྒྱུད་འཇགས་ཡོང་རྒྱུར་དམིགས་ཏེ་བོད་ཀྱི་རྩ་ཆེའི་རིག་གཞུང་གཙོ་བོར་འགྱུར་བའི་བོད་མིའི་གོམས་གཞིས་བཟང་པོ་དང་བོད་ཀྱི་ཟློས་གར་སྒྱུ་རྩལ་ངོ་སྤྲོད། ཡུལ་ལུང་ཁག་གི་གཞས་སྣ། རོལ་ཆའི་རྣམ་གྲངས། ལྷ་མོ་དང་རྣམ་ཐར་སོགས་ལ་གོ་རྟོགས་སྤེལ་ཆེད་་ཕྱི་ལོ་ ༢༠༢༣ ལོར་ ༼དབྱར་དུས་བོད་ཀྱི་ཟློས་གར་རིག་གཞུང་སྦྱོང་བརྡར་ལས་གཞི།༽ཐེངས་དང་པོར་གོ་སྒྲིག་ཞུས་པ་བཞིན་སྐབས་དེར་མཉམ་བཞུགས་གནང་མཁན་གྱི་གཞོན་སྐྱེས་ཚོའི་ཁྲོད་དོ་དབྱིངས་གོང་མཐོར་གཏོང་རྒྱུར་ཕན་ཐོགས་ཇི་བྱུང་ལ་གཞི་བཅོལ་ཏེ་འདི་ལོར་བསྐྱར་དུ་ལས་གཞི་གོ་སྒྲིག་ཞུ་འཆར་ལགས་ན། ལས་གཞིའི་ནང་མཉམ་ཞུགས་གནང་བློ་ཡོད་རིགས་རྣམས་ནས་ཐུགས་སྣང་དགོས་པའི་གནད་དོན་ཁག་གཅིག་ཟུར་བཏོན་ཞུས་པ་གཤལ་གསལ། ཀ།     ལས་གཞིའི་དུས་ཡུན། ཕྱི་ལོ་ ༢༠༢༤ ཟླ་ ༧ ཚེས་ ༡ ནས་ ཚེས་ ༣༡ བར་ ཉིན་གྲངས་ ༣༡། ཁ།     ཐོ་འགོད་དུས་བཀག ཕྱི་ལོ་ ༢༠༢༤ ཟླ་ ༢ ཚེས་ ༡ ནས་ ཟླ་ ༦ ཚེས་ ༡༥…

Read more

བོད་ཀྱི་ཟློས་གར་ཚོོགས་པའི་མ་བྱན་ཆེན་མོ་བསོད་ནམས་དབང་འདུས་ལགས་དགོངས་པ་རྫོགས་ནས་ཞག་ཞེ་དགུ་འཁོར་བའི་ཉིན་དང་བསྟུན་ཁོང་གི་ནང་མི་ཡོངས་ནས་རེ་འདུན་ཇི་བཞིན་ཚོགས་པའི་ངོས་ནས་འདོན་སྤེལ་ཞུས

ང་ཚོའི་བརྩེ་བའི་ཕ་དམ་པ་བསོད་ནམས་དབང་འདུས་སམ་ཡོངས་གྲགས་སུ་མ་བྱན་ཆེན་མོ་ལགས་ཞེས་འབོད་པ་འདས་གྲོངས་སུ་སོང་ནས་ཞག་ ༤༩ འཁོར་བའི་དྲན་གསོ་ཞུ་བཞིན་ཡོད། ང་ཚོའི་ནང་མིར་སེམས་གསོ་དང་རྒྱབ་སྐྱོར། འདས་པོའི་རྣམ་ཤེས་ལ་སྨོན་ལམ་གནང་མཁན་ཚང་མར་སྙིང་ཁོང་རུས་པའི་གཏིང་ནས་ཐུགས་རྗེ་ཆེ་ཞུ་རྒྱུ་ཡིན། དེ་མཚུངས་ང་ཚོས་མི་སྒེར་བ་དང་གྲོགས་པོ། གཉེན་ཉེ། རྣམ་སྲས་གླིང་ནང་མི། ཟློས་གར་ཚོགས་པ། དགོན་པ་ཁག་བཅས་ཡོངས་ཀྱི་སེམས་བཟང་དང་སྙིང་རྗེ་ལ་ཐུགས་རྗེ་ཆེ་ཞུ་རྒྱུ་ཡིན་པ་མ་ཟད། ཟློས་གར་ཚོགས་པའི་འཛིན་སྐྱོང་གིས་ཕུང་པོ་ཞུགས་འབུལ་སོགས་ལ་རོགས་རམ་གནང་བར་དམིགས་བསལ་གྱིས་ཐུགས་རྗེ་ཆེ་ཞུ་རྒྱུ་ཡིན།   ཡང་རྒྱུད་སྟོད་དགོན་པས་གཤིན་ཆོས་གྱི་གོ་སྒྲིག་གནང་བ་དང་ཟློས་གར་ཚོགས་མི་ཚོས་རྒྱབ་སྐྱོར་དང་ཐུགས་ཁུར་གནང་བར་ང་ཚོས་བཀའ་དྲིན་ཆེ་ཞུ་རྒྱུ་ཡིན། པཱ་ལགས་ཀྱིས་ཚོགས་པ་འདིའི་ནང་དུ་ལོ་མང་པོར་ཕྱག་ལས་གནང་བས་མི་མང་པོར་བཟང་ཕྱོགས་ཀྱི་ཤུགས་རྐྱེན་ཐེབས་ཡོད་པ་ཤེས་རྟོགས་བྱུང་བས། ང་ཚོའི་ནང་མི་ཚོ་སེམས་འགུལ་ཆེན་པོ་ཐེབས་བྱུང་།  པཱ་ལགས་ཀྱིས་རང་གི་མི་ཚེའི་སྐོར་ལ་ཕྱིར་དྲན་གནང་སྐབས། རྩ་ཆེ་ཤོས་བརྩི་བཞིན་པའི་ཕྱིར་དྲན་ནི་ཕྱི་ལོ་༡༩༦༠ ནང་༸གོང་ས་༸སྐྱབས་མགོན་༸རྒྱལ་བ་རིན་ཆེན་པོ་མཆོག་གློ་བུར་དུ་སྤྱི་ཐབ་ཏུ་ཕེབས་པ་དེ་ཡིན། པཱ་ལགས་ཀྱིས་མཇལ་འཕྲད་དེའི་སྐོར་ཕྱིར་དྲན་གནང་བཞིན་འདི་ལྟར་གསུངས། སྐབས་རེར་༸གོང་ས་མཆོག་ཟློས་གར་ཚོགས་པར་སྔོན་བརྡ་མེད་པའི་ངང་གློ་བུར་ཕེབས་ཀྱི་ཡོད། ༸གོང་ས་མཆོག་ཐབ་ཚང་ལ་གཟིགས་ཞིབ་གནང་བར་ཐེངས་གཉིས་ཕེབས་མྱོང་བ་ལས། ཐེངས་ཤིག་ཁོང་གིས་གུས་འབངས་ལ་ཁྱེད་རང་མ་བྱན་ཡིན་ནམ་ཞེས་བཀའ་འདྲི་གནང་སོང་། ངས་ཡིན་ཞེས་ལན་ཕུལ་བ་ཡིན།  དེ་ནས་༸གོང་ས་མཆོག་གིས་ཐུགས་དགྱེས་ཚོར་ཆེན་པོའི་ངང་ངས་ཤེས་ཀྱི་ཡོད། ཁྱེད་རང་ཁོ་ཚོའི་སྨན་པ་རེད། ཅེས་ཁ་སྣོན་གནང་བྱུང་། བསོད་ནམས་ཆེན་པོ་དེ་འདྲ། ཞེས་ཡང་ཡང་གསུང་མྱོང་།   པཱ་ལགས་ཀྱིས་རང་གི་དམ་བཅའ་ལ་འགྱུར་བ་མེད་པར་རྒས་ཡོལ་ལ་མ་ཕེབས་བར་དུ་རང་ཉིད་དགའ་སའི་སྤྱི་ཚོགས་ལ་ཞབས་འདེགས་བསྒྲུབས་ཤིང་། མི་ཚེ་ཧྲིལ་པོར་༸གོང་ས་མཆོག་ལ་དད་དམ་གཡོ་བ་མེད་པར་བཞུགས་ཡོད། ༸གོང་ས་མཆོག་གིས་ཀྱང་པཱ་ལགས་དང་ཁོང་གི་ལྷ་མོའི་འཁྲབ་གཞུང་ནང་གི་བཞད་བགད་འཁྲབ་སྟོན་ལ་ཐུགས་མཉེས་པོ་གནང་མྱོང་། ང་ཚོའི་པཱ་ལགས་ཀྱིས་ལོ་ངོ་…

Read more

34th Anniversary of His Holiness the 14th Dalai Lama receiving the Nobel Peace Prize

ཕྱི་ལོ་ ༢༠༢༣ ཟླ་ ༡༢ ཚེས་ ༡༠ ཉིན་ཐེག་ཆེན་ཆོས་གླིང་གཙུག་ལག་ཁང་དུ་རང་གཞུང་བོད་མིའི་སྒྲིག་འཛུགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ནོ་སྦེལ་ཞི་བདེའི་གཟེངས་རྟགས་ཐོབ་སྟེ་ལོ་ངོ་ཧྲིལ་པོ་སོ་བཞི་འཁོར་བའི་དུས་དྲན་བརྩི་ཞུ་སྐབས། མང་གཙོའི་ཀ་བ་གསུམ་གྱི་མཛད་གཙོ་རྣམ་པའི་སྐུ་མདུན་དུ་རང་ཅག་བོད་ཀྱི་ཟློས་གར་ཚོགས་པའི་སྒྱུ་རྩལ་པ་ཁག་ཅིག་གིས་བོད་རྒྱལ་ཁབ་ཆེན་པོའི་རྒྱལ་གླུ་དང་རྒྱ་གར་རྒྱལ་གླུ། ནོ་སྦེལ་སྟོད་དབྱངས་འབུལ་བ་དང་། དེ་བཞིན་གུས་བརྩི་ལྡན་པའི་སྐུ་མགྲོན་དང་མི་མང་བརྒྱ་ཕྲག་མང་པོའི་མདུན་སར་བོད་ཀྱི་གནའ་བོའི་དམངས་ཁྲོད་སྒྱུ་རྩལ་འཁྲབ་སྟོན་གཟིགས་འབུལ་ཞུས་པ་དང་། ཁྲིམས་ཞིབ་པ་གཞན་གྱིས་བོད་ཀྱི་ཟློས་གར་ཚོགས་པའི་དབྱར་སྐྱིད་རྐང་བྲོ་གླུ་གཞས་ཀྱི་མཐེབ་སྡེར་དབུ་འབྱེད་གནང་། ཉིན་རྒྱབ་ཏུ་བོད་ཀྱི་ཟློས་གར་ཚོགས་ཁང་དུ་ཧིན་བོད་མཛའ་འབྲེལ་ཚོགས་པས་གོ་སྒྲིག་འོག་༸གོང་ས་༸སྐྱབས་མགོན་ཆེན་པོ་མཆོག་ལ་ནོར་སྦེལ་ཞི་བདེའི་གཟེངས་རྟགས་ཀྱི་དུས་དྲན་སྲུང་བརྩི་ཞུ་སླད་ཧི་མ་ལ་ཡའི་དུས་སྟོན་ཐེངས་ཉེར་བདུན་པ་ཉིན་གཉིས་རིང་མུ་མཐུད་ཚོགས་པ་དང་། མཛད་སྒོའི་ཐོག་དཔལ་ལྡན་དབུས་བོད་མིའི་སྒྲིག་འཛུགས་ཀྱི་སྐུ་ངོ་སྲིད་སྐྱོང་སྤེན་པ་ཚེ་རིང་མཆོག་དང་། ཧི་མ་ཅལ་མངའ་སྡེའི་འགྲིམ་འགྲུད་བལྟི་གནས་ཀྱི་བཀའ་བློན་རིམ་པ་མཐོ་ཤོས་ཡིན་པའི་སྐུ་ཞབས་ཤྲཱིར་རཱ་བྷིར་དང་། སྐུ་མགྲོན་ནི་ནཱ་རོ་ཏཱ་ཡི་ཁྲིམས་ལུགས་ལྷན་ཚོགས་ཀྱི་འཐུས་མི་དང་། སྐུ་མགྲོན་གཙོ་བོ་ནི་དྷ་རམ་ས་ལའི་གྲོང་ཁྱེར་ལས་ཁུངས་ཀྱི་སྤྱི་ཁྱབ་བློན་ཆེན་ནེ་ནུའུ་ཤར་མ་བཅས་ཡིན། གཞུང་འབྲེལ་མཛད་སྒོ་དེའི་ནང་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱིས་སྐུ་མགྲོན་རྣམས་ལ་དགའ་བསུའི་འཚམས་འདྲི་ཞུས་ཤིང་། འགན་འཛིནས་གྱིས་སྐུ་མགྲོན་གཙོ་བོ་ལ་བཀའ་དྲིན་རྗེས་དྲན་མཚོན་ཆེད་བོད་ཀྱི་ལྷ་མོའི་སྲོལ་འབྱེད་གྲུབ་ཆེན་ཐང་སྟོང་རྒྱལ་པའི་ཐང་ཀའི་སྐུ་བརྙན་ཞིག་ཕུལ། མཛད་སྒོའི་ཉིན་མཐའ་མའི་སྐུ་མགྲོན་གཙོ་བོ་ནི་བཀུར་འོས་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་ཕེབས། རིག་གཞུང་གི་དུས་སྟོན་འདིས་ཞི་བདེའི་ལས་འགུལ་གྱི་མཚོན་བྱེད་ཅིག་ཡིན་པ་དང་། ས་གནས་རྒྱ་གར་དང་བོད་པ་ཚོས་དབར་འབྲེལ་ལམ་དང་མཛའ་གཅུགས་ཀྱིས་ཟམ་ལམ་སྤེལ་བར་མཚོན་ཞིང་། རིག་གཞུང་གི་རྒྱབ་ལྗོངས་འདྲ་མིན་ནས་ཡོང་བའི་སྒྱུ་རྩལ་པ་ཚོས་ཀྱང་རང་གི་ཁྱད་དུ་འཕགས་པའི་འཁྲབ་སྟོན་ལ་བཞུགས་ཏེ་ཉིན་གཉིས་ཀྱི་ཧི་མ་ལ་ཡའི་དུས་ཆེན་ལམ་ལྷོངས་ཡོང་བར་ནུས་པ་བྱུང་ཡོད། On December 10, 2023, the CTA celebrated the 34th…

Read more

High-level USID delegations, the Social and Resource Development Fund (SARD – CTA) organized a session at the TIPA.

ཕྱི་ལོ་ ༢༠༢༣ ཟླ་ ༡༡ ཚེས་ ༢༠ ཉིན་ཨ་རིའི་གཞུང་གི་རོགས་ཚོགས་(USAID)ཀྱི་ཨེ་ཤེ་ཡ་ཁུལ་གྱི་འགན་འཛིན་ལས་རོགས་ཀྱི་སྣེ་འཁྲིད་པའི་སྐུ་ཚབ་ལྷན་བོད་མིའི་སྒྲིག་འཛུགས་སྤྱི་ཚོགས་ཡར་རྒྱས་ཐེབས་རྩའི་འགན་ཁུར་འོག་བོད་ཀྱི་ཟློས་གར་ཚོགས་པའི་གསོལ་མགྲོན་ཁང་དུ་རིག་གཞུང་མཉམ་གསན་ཀྱི་སྐུ་ཚབ་ལྷན་བཞུགས་མོལ་ཚོགས་འདུ་གོ་སྒྲིག་གིས་ལེགས་གྲུབ་རྗེས་རང་གཞུང་བཀའ་ཤག་གིས་རེ་སྐུལ་གནང་བར་ལྟར་བོད་ཀྱི་ཟློས་གར་ཚོགས་པའི་ཆེད་ལས་སྒྱུ་རྩལ་པ་ཚོས་ཡུ་རོབ་གྲོས་ཚོགས་ཀྱི་ཚོགས་གཙོ་ཟུར་པ་ཌོག་ཊར་ཧན་སི་གྷ་ཊི་མཆོག་དང་ཌོག་ཊར་ཨ་ཀྲི་རན་ཧེག་མཆོག ལྡི་ལི་ཀོན་རེནཌ་ཨུཌུ་ཝེ་ནཱ་ཐེབས་རྩའི་འགན་འཛིན་སྐུ་ཞབས་ཌོག་ཊར་ཨེ་རེན་ཧག་དང་། བྷེལ་ཇམ་སྐུ་ཚབ་དོན་གཅོད་ཁང་གི་སྐུ་ཚབ་རིག་འཛིན་ཆོས་སྒྲོན། དེ་བཞིན་ཨ་རིའི་གཞུང་གི་རོགས་ཚོགས་(USAID)ཀྱི་སྐུ་ཚབ་རྣམ་པར་གུས་བཀུར་མཚོད་བྱེད་རིག་གཞུང་འཁྲབ་སྟོན་གཟིགས་འབུལ་ཞུས། བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་གྱིས་བོད་ཀྱི་ཟློས་གར་ཚོགས་པའི་ལས་འཆར་ཁག་ངོ་སྤྲོད་དང་འབྲེལ་བོད་མིའི་སྒྲིག་འཛུགས་༸དཔལ་ལྡན་བཀའ་ཤག་གི་སྲིད་ཚབ་ཤེས་རིག་བཀའ་བློན་སྐུ་ངོ་ཐར་ལམ་སྒྲོལ་མ་ཆོག་ནས་སྐུ་མགྲོན་རྣམ་པར་དགའ་བསུའི་འཚམས་འདྲིའི་དང་གསུངས་བཤད་གནང་། On November 20, 2023, in the presence of high-level USID delegations, the Social and Resource Development Fund (SARD –…

Read more

བོད་ཀྱི་ཟློས་གར་ཚོགས་པའི་མ་ཧོ་ས་ཧྥུ་ལ་འཁྲབ་སྟོན་ཞུས་པ།

བོད་ཀྱི་ཟློས་གར་ཚོགས་པའི་མ་ཧོ་ས་ཧྥུ་ལ་འཁྲབ་སྟོན་ཞུས་པ། རྒྱལ་ཡོངས་མ་ཧོ་ས་ཧྥུ་དུས་ཆེན་གྱི་གོ་སྒྲིག་ཚོགས་ཆུང་གིས་གདན་འདྲེན་ཞུས་པ་ལྟར་ཕྱི་ལོ་ ༢༠༢༣ ཟླ་ ༡༡ ཚེས་ ༠༢ ཉིན་མ་ཧོ་ས་ཧྥུ་དུས་སྟོན་གྱི་མཇུག་བསྡོམས་མཛད་སྒོར་ཧི་མ་ཅཱལ་མང་གཞུང་གི་བློན་ཆེན་སྐུ་ཞབས་ཤྲཱི་ཇ་ཊི་སིངྒ་ནེ་གྷི་མཆོག་གཙོ་མགྲོན་དུ་ཕེབས་བཞུགས་གནང་བ་དང་།གཞན་ཡང་ས་གནས་དཔོན་རིགས་དང་གནད་ཡོད་མི་སྣ་གཙོས་མི་མང་སུམ་སྟོང་འདུ་འཛོམས་སར་བོད་ཀྱི་ཟློས་གར་ཚོགས་པའི་འཁྲབ་སྟོན་པའི་བོད་ཀྱི་རིག་གཞུང་འཁྲབ་སྟོན་གཟབ་རྒྱས་གཟིགས་འབུལ་ཞུས། དུས་སྟོན་འདི་ནི་ཟླ་ ༡༠ ཚེས་ ༣༠ ནས་ཟླ་ ༡༡ ཚེས་ ༠༢ བར་རེབ་གོང་པུའུ་རྫོང་ནས་ལོ་ལྟར་སྲུང་བརྩི་ཞུ་སྲོལ་ཡོད། དུས་ཆེན་འདི་ནི་མངའ་སྡེའི་དུས་ཆེན་དུ་གཏན་འབེབས་བྱས་ཡོད་ཅིང་། ཕྱི་ལོ་ ༡༩༨༧ ལོ་ནས་བཟུང་མིང་འདྲ་མིན་བཀོལ་སྤྱོད་ཀྱིས་ཇནྟི་ཡ་ཨུཏྤ་སཱབ། ཕུ་ལ་ཨུཏྤ་སཱབ་དང་ད་དུང་ཚོ་ཁག་དུས་སྟོན་སོགས་འབོད། བོད་ཀྱི་ཟློས་གར་ཚོགས་པའི་སྐུ་ཚབ་རྣམས་གདན་ཞུས་ལྟར་ཚམ་ཚོམ་སྤུ་ཙམ་མེད་པར་དུས་ཡུན་ཚོུད་བཅུ་དྲུག་རིང་འགྲུལ་བཞུད་ཀྱིས་དཀའ་ཚེགས་སྤྱད་ནས་མཛད་སྒོ་འདིར་བཞུགས་པ་དང་། ལོ་རྒྱུས་རང་བཞིན་ལྡན་པའི་དུས་ཆེན་འདི་ལ་བརྩི་བཀུར་མཚོན་བྱེད་དུ་ཐེངས་དང་པོར་བཅར་ཐུབ་པ་བྱུང་ཡོད།  དེ་ནི་བོད་མི་རིགས་ཀྱི་རིག་གཞུང་གི་འབྲེལ་ལམ་ཟབ་མོ་ཡོད་མཁན་གྱི་ཁུ་ནུའི་མི་རིགས་ལ་བསྐྱར་མཐུད་བྱེད་པའི་གོ་སྐབས་གལ་ཆེན་ཞིག་ཏུ་གྱུར་ཡོད་པས་བོད་ཀྱི་མཐོུང་མ་ཡིན་པའི་རིག་གཞུང་འཁྲབ་སྟོན་ཟབ་རྒྱས་ངང་ཞུ་ཐུབ་པ་མ་ཟད་སྐུ་མགྲོན་གཙོས་པའི་རྒྱལ་ཆེའི་གཟིགས་མོ་བ་རྣམས་མཉམ་ཞུགས་ཀྱིས་སེམས་ཚོར་ཆེན་པོས་དགའ་ཚོར་དཔག་མེད་ངང་ཐལ་མོའི་རྡེབ་སྒྲས་ཁེངས་ཏེ་བསྔགས་བརྗོད་གནང་། TIPA makes debut at Mahotsav Festival, 2023…

Read more

TIPA’s Exceptional Artists Enthral Distinguished EU Parliament Delegation

ཕྱི་ལོ་ ༢༠༢༣ ཟླ་ ༡༠ ཚེས་ ༠༥ ཉིན་ཡོ་རོབ་གྲོས་ཚོགས་ཀྱི་འཐུས་མི་ཚོགས་པར་བོད་མི་མང་སྤྱི་འཐུས་ལྷན་ཁང་གིས་གོ་སྒྲིག་འོག་བོད་ཀྱི་ཟློས་གར་པའི་གར་གླུའི་རིག་རྩལ་ཁང་དུ་ཟློས་གར་སྒྱུ་རྩལ་བ་རྣམས་ཀྱིས་བོད་ཀྱི་ཐུན་མོང་མ་ཡིན་པའི་རིག་གཞུང་འཁྲབ་སྟོན་གཟབ་རྒྱས་གཟིགས་འབུལ་ཞུས་པས་འཐུས་མི་རྣམས་ཡིད་དབང་རབ་ཏུ་འཕྲོག་སྟེ་དགའ་བསུ་འཚམས་འདྲི་དང་ཡི་རང་བསྔགས་བརྗོད་གནང་སོང་། ད་ལན་ Friedrich Naumann Foundation (FNF) ཚོགས་པའི་གོ་སྒྲིག་འོག་ཇར་མན་དང་ཝེཌ་ནམ། ཨོ་སི་ཀྲོ་ཡ་བཅས་ནས་གྲོས་ཚོགས་འཐུས་མི་བཅུ་བཞུགས་སྒར་དུ་ཕེབས་གནང་མཛད་ཡོད་པ་དང་། ཉིན་འདིར་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་སྐུ་ངོ་དོན་གྲུབ་ཚེ་རིང་ལགས་ཀྱིས་དགའ་བསུའི་འཚམས་འདྲི་དང་སྦྲགས་བོད་ཀྱི་ཟློས་གར་ཚོགས་པའི་ལོ་རྒྱུས་སྙིང་བསྡུས་ངོ་སྤྲོད་གནང་། སྒྱུ་རྩལ་བ་རྣམས་ཀྱི་གར་སྟེགས་ཐོག་འཁྲབ་སྟོན་གནང་བའི་བོད་ཀྱི་དམངས་ཁྲོད་ཞབས་བྲོ་སྒྱུ་རྩལ་ལ་གཟིགས་མོ་བ་ཚོར་ཡིད་དབང་རབ་ཏུ་འཕྲོག་སྟེ་སྐུ་བཞེངས་ཐོག་ལག་པའི་ཐལ་རྡེབ་ཀྱིས་བསྔགས་བརྗོད་གནང་སོང་། མཐར་ཡོ་རོབ་མནའ་འབྲེལ་གྲོས་ཚོགས་ཀྱི་འཐུས་མི་ཚོགས་པར་ཐུགས་རྗེ་ལེགས་འབུལ་ཞུ་ཆེད་བོད་མི་མང་སྤྱི་འཐུས་ལྷན་ཚོགས་ཀྱིས་ཚོགས་གཞོན་སྐུ་ངོ་སྒྲོལ་མ་ཚེ་རིང་མཆོག་ནས་གསུང་བཤད་གནང་རྗེས་འཐུས་མི་ཚོགས་པར་ཐུགས་རྗེ་ཆེ་ཞུས་པ་དང་ལྷན་ཁོང་རྣམ་པ་ཚོས་སྔ་ཕྱི་བར་གསུམ་དུ་རྒྱབ་སྐྱོར་གནང་བ་དེས་བོད་དང་ཡོ་རོབ་མནའ་འབྲེལ་ཚོགས་གཉིས་བར་སྔར་ལྷག་མཛའ་ཤེས་ཀྱི་འདུ་ཤེས་གོང་སྤེལ་གནང་བར་མཚོན་ཡོད། Dharamshala, October 5, 2023 – In a mesmerizing evening of cultural celebration, the…

Read more

TIPA’s talented artists orchestrated a captivating live Tibetan cultural extravaganza for our distinguished Indian guests:

བོད་ཀྱི་ཟློས་གར་ཚོོགས་པའི་ཆེད་ལས་འཁྲབ་སྟོན་པ་རྣམས་ཀྱིས་གུས་བརྩི་ལྡན་པའི་ངང་རྒྱ་གར་གྱི་སྐུ་མགྲོན་རྣམས་ལ་བོད་ཀྱི་རིག་གཞུང་འཁྲབ་སྟོན་གཟབ་རྒྱས་གཟིགས་འབུལ་ཞུས་ཡོད་པ་སྟེ། ཕྱི་ལོ་ ༢༠༢༣ ཟླ་ ༠༩ ཚེས་ ༢༣ ཉིན་ཡིད་དབང་འཕྲོག་པའི་དགོང་མོར་རང་གཞུང་བོད་མིའི་སྒྲིག་འཛུགས་བཀའ་ཤག་གི་བཀའ་དགོངས་བཞིན། གུས་བརྩི་ལྡན་པའི་ཐོག་རྒྱ་གར་རྒྱལ་ཡོངས་སྤྱི་ཚོགས་ཞབས་ཞུ་ཚོགས་པའི་ཚོགས་མི་ཁག་ཅིག་ལས་གྲུབ་པའི་སྐུ་ཚབ་ཚོགས་ཆུང་གི་འཐུས་མི་སྐུ་ཞབས་ Vijay Ji, Kshetriya Karyawah  མཆོག་གི་སྣེ་ཁྲིད་དང་རྒྱ་གར་བོད་དོན་རྒྱབ་སྐྱོར་ཚོགས་པའི་འཐུས་མི་སྐུ་ཞབས་ Saurabh Saraswti, National Gen. Secretary མཆོག་གི་སྣེ་ཁྲིད་འོག་ཚོགས་པ་ཁག་གཉིས་ནས་འཐུས་མི་ཁག་ ༦༠ བོད་ཀྱི་ཟློས་གར་ཚོགས་པའི་གར་གླུའི་རིག་རྩལ་ཁང་གསར་པའི་ནང་བརྗིད་ཉམས་ཆེ་བའི་ཁྲོད་དུ་སྤེལ་ On the enchanting evening of September 23, 2023, at the behest of…

Read more

The Yarkyi Cultural Program Was Presented To Guests And The General Public.

ཕྱི་ལོ་ ༢༠༢༣ ཟླ་ ༨ ཚེས་ ༡༡ ཉིན་བོད་ཀྱི་ཟློས་གར་ཚོགས་པ་དབུ་བརྙེས་ནས་མི་ལོ་ ༦༤ འཁོར་བའི་དུས་ཆེན་དང་བསྟུན་རུ་ཁག་གཉིས་དབར་གནའ་བོའི་བོད་ཀྱི་སྲོལ་རྒྱུན་ཞབས་གཞས་དང་དགོད་བྲོའི་གཏམ་གླེང། འབྲས་དཀར་སོགས་འགྲན་བསྡུར་གྱིས་གཟིགས་ཕུད་ཟིན་པ་དེ་དག་སླར་ཡང་ཕྱི་ལོ་ ༢༠༢༣ ཟླ་ ༨ ཚེད་ ༢༥ དགོང་དྲོ་བོད་ཀྱི་ཟློས་གར་ཚོགས་པའི་གར་གླུའི་རིག་རྩལ་ཁང་དུ་སྐུ་མགྲོན་དང་རྒྱལ་ཆེའི་མང་ཚོགས་སུ་གཟིགས་འབུལ་ཞུ་སྐབས་རྒྱལ་ཆེའི་མང་ཚོགས་ཚོས་དགྱེས་ཚོར་ཆེན་པོས་དགའ་བསུ་གནང་བ་དང་སོ་སོའི་བློ་གཅད་ཞལ་འདེབས་གསོལ་བསྩལ་གནང་བར་བཀྲིན་བཀའ་དྲིན་ཆེ་ཞུ། TIPA commemorated its 64th founding anniversary on August 11, 2023, with the grand culmination…

Read more

དབྱར་དུས་བོད་ཀྱི་ཟློས་གར་སྒྱུ་རྩལ་ཟབ་སྦྱོང་ཐེངས་དང་པོ་དབུ་འཛུགས་གནང་བ།

ཕྱི་ལོ་ ༢༠༢༣ ཟླ་ ༧ ཚེས་ ༡༤ ཉིན་ཞོགས་པ་ཆུ་ཚོད་ ༡༠།༠༠ ཐོག་བོད་ཀྱི་ཟློས་གར་ཚོགས་པའི་གར་གླུའི་རིག་རྩལ་ཁང་དུ་བོད་ཀྱི་ཟློས་གར་ཚོགས་པའི་གོ་སྒྲིག་འོག་ཕྱི་རྒྱལ་ཡུལ་གྲུ་ཁག་ཏུ་གཏན་སྡོད་བོད་རིགས་ན་གཞོན་སྒྱུ་རྩལ་ཐོག་དོ་དབྱིངས་དང་འདུན་པ་ཡོད་མཁན་ཚོར་དབྱར་དུས་ཀྱི་དགུང་སེང་དང་སྟབས་བསྟུན་ནས་བོད་ཀྱི་ཟློས་གར་སྒྱུ་རྩལ་སྦྱོང་བརྡར་ཟབ་སྦྱོང་ཐེངས་དང་པོ་དབུ་འཛུགས་གནང་སོང་བ་དང་། མཛད་སྒོའི་དབུ་འབྱེད་ཐོག་དཔལ་ལྡན་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་སྐུ་ངོ་དྲུང་ཆེ་མཆོག་ཆིབས་སྒྱུར་གནང་སོང་།  སྐུ་མགྲོན་གཙོ་བོ་ཆོས་རིག་དྲུང་ཆེ་མཆོག་གིས། སྤྱིར་བཏང་དབྱར་དུས་བོད་ཀྱི་རིག་གཞུང་ཟབ་སྦྱོང་གནང་མཁན་རྡ་སྟེང་བོད་ཁྱིམ་དང་ས་རཱ་མཐོ་སློབ་སོགས་མང་པོ་ཡོད་ཀྱང་། དེ་རིང་བོད་ཀྱི་ཟློས་གར་ཚོགས་པའི་གོ་སྒྲིག་ཞུས་པའི་ཟབ་སྦྱོང་འདི་ནི་ཧ་ཅང་གི་དམིགས་བསལ་དང་གལ་ཆེན་པོ་ཆགས་ཀྱི་ཡོད། དེའི་ནང་བོད་ཀྱི་ཟློས་གར་རིག་གཞུང་ཐོག་དམིགས་བསལ་གྱི་སློབ་ཁྲིད་གནང་གི་ཡོད་པར་སོང་ཚང་མས་དོ་སྣང་ཆེན་པོས་སློབ་སྦྱོང་གནང་རྒྱུ་གལ་ཆེན་པོོ་རེད། ཕ་མ་ཚོས་ཀྱང་བོད་ཀྱི་ཟློས་གར་རིག་གཞུང་གལ་ཆེར་འཛིན་ཏེ་རང་གི་ཕྲུ་གུ་ཟབ་སྦྱོང་དེའི་ཆ་ཤས་སུ་མཉམ་ཞུགས་གནང་བར་བཀའ་དྲིན་ཆེ་ཞུ་རྒྱུ་ཡིན། རྣམ་པ་ཚོའི་ངོས་ནས་རང་མི་རིགས་ཀྱི་ལོ་རྒྱུས་དང་ཕ་མེས་ཚོས་དཀའ་སྡུག་ཅི་ཞིག་མྱོང་བ་རྣམས་རང་གི་ཕྲུ་གུར་ངོ་སྤྲོད་བྱ་རྒྱུ་ཧ་ཅང་གི་གལ་ཆེན་པོ་རེད། གཞོར་དུ་ཟབ་སྦྱོང་ནང་བོད་ཀྱི་ལོ་རྒྱུས་ངོ་སྤྲོད་དང་བོད་ཀྱི་རྒྱལ་གླུ་སློབ་ཁྲིད་གནང་རྒྱུ་ཧ་ཅང་གི་གལ་ཆེན་པོ་ཡིན། གང་ཡིན་ཟེར་ན་ཕྱི་རྒྱལ་ཡུལ་གྲུ་ཁག་ཏུ་བོད་མི་འདུ་འཛོམས་གང་སར་བོད་རྒྱལ་ཁབ་ཆེན་པའི་རྒྱལ་གླུ་གཏོང་དགོས་ཀྱི་ཡོད་པར་བརྟེན་ཧ་ཅང་གི་ཕན་ཐོགས་ཡོད་ཅེས་བཀའ་སློབ་གནང་སོང་།    དེ་ནས་ཟློས་གར་འགན་འཛིན་སྐུ་ངོ་དོན་གྲུབ་ཚེ་ལགས་ཀྱིས་ཟབ་སྦྱོང་གི་དགོས་དམིགས་ངོ་སྤྲོད་གནང་དོན། ཉེ་སྔོན་ཞིག་ནས་ཕྱི་རྒྱལ་ཡུལ་གྲུ་ཁག་ནས་ཕ་མ་ཚོས་རང་གི་ཕྲུ་གུ་རྒྱ་གར་དུ་གུང་གསེང་ལ་འཁྲིད་གཞོར་བོད་ཀྱི་ཟློས་གར་ཚོགས་པར་བཅར་ཏེ་རོལ་ཆ་དང་ལྷ་མོ་སོགས་སློབ་ཁྲིད་གནང་རྒྱུའི་རེ་འདུན་ཞུ་མཁན་བྱུང་མུས་ཡིན་པར་སོང་ཕྱི་ལོ་ ༢༠༢༣ ཟླ་ ༣ པའི་ནང་ཕྱི་རྒྱལ་སྐུ་ཚབ་དོན་གཅོད་ཁག་དང་བོད་རིགས་སྤྱི་མཐུན་ཚོགས་པ། བོད་ཀྱི་ཟློས་གར་ངོ་དོབ་དང་བོད་མིའི་སྒྲིག་འཛུགས་ཀྱི་དྲ་རྒྱ་བརྒྱུད་གསལ་བསྒྲགས་སྤེལ་ཏེ་བོད་ཀྱི་ཟློས་གར་སྒྱུ་རྩལ་ཟབ་སྦྱོང་གི་སློབ་བསྡུ་གསལ་བརྡ་བཏང་བ་བཞིན། དེ་རིང་འདིར་དངོས་སུ་སློབ་ཕྲུག་བཅུ་མཉམ་ཞུགས་བྱུང་བར་འཚམས་འདྲི་གནང་བ་དང་། ཕ་མེས་ནས་བརྒྱུད་པའི་བོད་ཀྱི་རིག་གཞུང་བཟང་པོ་རྣམས་མི་རབས་རྗེས་མའི་རྒྱུན་འཛིན་བྱེད་དགོས་པར་སོང་ད་ལན་ཕྱི་རྒྱལ་ཡུལ་གྲུ་ཁག་ཏུ་འཚར་ལོངས་བྱུང་བཞིན་པའི་ན་གཞོན་ཚོར་དམིགས་ཏེ་བོད་ཀྱི་ཟློས་གར་རིག་གནས་དང་སྒྱུ་རྩལ་ཐོག་ཟབ་སྦྱོང་སྤྲོད་རྒྱུའི་དམིགས་ཡུལ་འཛིན་ཡོད། ད་ལན་གྱི་ཟབ་སྦྱོང་འདི་ནི་བོད་ཀྱི་ཟློས་གར་ཚོགས་པའི་ཕྱི་རྒྱལ་ཡུལ་གྲུ་ཁག་གི་གཞོན་སྐྱེས་ཚོར་སྤེལ་བའི་ལས་འཆར་ཐེངས་དང་པོ་ཆགས་ཀྱི་ཡོད་པར་བརྟེན་ཟབ་སྦྱོང་གི་དུས་རིམ་འདི་ནས་བློ་བསྐྱེད་གང་མང་རག་རྒྱུའི་རེ་བ་ཞུ་བཞིན་ཡོད་ཅེས་གསུངས་སོང་།   སྤྱིར་དེ་རིང་གི་ཟབ་སྦྱོང་འདི་ནི་ཕྱི་ཟླ་…

Read more

The 88th birthday celebration of His Holiness the Dalai Lama

ཕྱི་ལོ་ ༢༠༢༣ ཟླ་ ༧ ཚེས་ ༦ ཉིན་ཏེ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུ་ཡི་འཁྲུངས་སྐར་གྱི་འཁྲུངས་ལྷ་ཡར་གསོལ་དང་བསྟུན། ཕྱི་ཚེས་ ༦ ཉིན་གྱི་དགོང་མོ་ཕྱག་ཚོད་ ༦།༠༠ ཐོག་བོད་ཀྱི་གར་གླུའི་རིག་རྩལ་ཁང་དུ་རྟེན་འབྲེལ་དགའ་སྟོན་བསྲུ་བརྩི་དང་འབྲེལ་ཏེ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་མཆོག་དང་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། དེ་བཞིན་ཧི་མ་ཅལ་མངའ་སྡེ་གཞུང་འབྲེལ་དཔོན་རིགས་གཙོས་མི་གྲངས་ཉིས་བརྒྱ་ལྷག་མཉམ་འཛོམས་ཀྱིས་༸རྒྱལ་བའི་༸སྐུ་ཡི་འཁྲུངས་ལྷ་ཡར་གསོལ་སྲུང་བརྩི་གནང་སྐབས་བོད་ཀྱི་ཟློས་གར་ཚོགས་པའི་སྒྱུ་རྩལ་པ་རྣམས་ཀྱིས་བོད་ཀྱི་ཐུན་མོང་མ་ཡིན་པའི་རྐང་བྲོ་གླུ་གཞས་འཁྲབ་སྟོན་གཟབ་རྒྱས་ཞུས་པ་དང་གསོལ་སྟོན་རྒྱས་པ་ཞིག་འདེགས་འབུལ་ཞུས། On the 88th birthday celebration of His Holiness the Dalai Lama, the Central Tibetan Administration hosted a…

Read more

རྒྱལ་སྤྱིའི་ལྷ་མོའི་དུས་སྟོན་ཆེ་ཤོས་ནང་བོད་ཀྱི་ཟློས་གར་ཚོགས་པ་ཐོག་མར་མཉམ་ཞུགས་གནང་འདུག

  ཕྱི་ལོ་ ༢༠༢༣ ཟླ་ ༤ ཚེས་ ༡ ནས་ཟླ་ ༧ ཚེས་ ༡ བར་ཟླ་གསུམ་རིང་ཧན་གྷི་རི་རྒྱལ་ཡོངས་བྷོཌ་པེ་ས་གཏམ་བརྗོད་ཁང་ནང་འཛམ་གླིང་ནང་གི་ལྷ་མོའི་དུས་སྟོན་ཆེ་ཤོས་ཤིག་བསྐོང་ཚོགས་ཞུས་པའི་ནང་བོད་ཀྱི་ཟློས་གར་ཚོགས་པ་གདན་ཞུ་གནང་ཡོད་པ་དང་། ཐེངས་འདིའི་ལྷ་མོའི་དུས་སྟོན་ནང་འཛམ་གླིང་རྒྱལ་ཁབ་ཁག་ལྔ་བཅུ་ང་བརྒྱད་ནས་ལྷ་མོའི་མཐུན་ཚོགས་བཞི་བརྒྱ་ལྷག་ཙམ་མཉམ་ཞུགས་གནང་འདུག       ཕྱི་ཟླ་ ༦ ཚེས་ ༡༠ ཉིན་བོད་ཀྱི་ཟློས་གར་ཚོགས་པའི་འཁྲབ་སྟོན་དབུ་འཛུགས་མ་ཞུས་གོང་ཚོགས་ཁང་ནང་སྒྱུ་རྩལ་བ་དང་། ཉམས་ཞིབ་པ། ལྷ་མོའི་སློབ་སྟོན་པ། རྒྱལ་ཁབ་ཁག་གི་འཁྲབ་སྟོན་པ་སོགས་མི་གྲངས་ཉི་བརྒྱ་ལྷག་ཙམ་འདུ་འཛོམས་སར་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱིས་བོད་ཀྱི་ལྷ་མོའི་སྒྱུ་རྩལ་གྱི་འཕེལ་རིམ་དང་བོད་ཀྱི་ཟློས་གར་ཚོགས་པའི་ངོ་སྤྲོད་གནང་བ་དང་འབྲེལ་མང་ཚོགས་གཟིགས་མ་བ་ལྷན་སྐར་མ་བཞི་ཅུའི་རིང་དོགས་འདྲི་དང་འདྲི་ལན་གྱི་ལས་རིམ་བསྐྱངས། དེ་ནས་བོད་ཀྱི་ཟློས་གར་ཚོགས་པའི་ཚོུད་བཞིའི་རིང་བོད་ཀྱི་ཐོུན་མ་ཡིན་པའི་ལྷ་གཞུང་སྣང་ས་འོད་འབུམ་གཟིགས་འབུལ་ཞུས་རྗེས་རྒྱ་ཆེའི་མང་ཚོགས་ཚོས་དགའ་ཚོར་ཆེན་པོས་ཐལ་མོ་བརྡབས་ཏེ་བསྔགས་བརྗོད་གནང་།     རྒྱལ་སྤྱིའི་ལྷ་མོའི་དུས་སྟོན་ཐོག་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་ནས་གཏམ་བཤད་ནང་། “བོད་ཀྱི་ཐུན་མོང་མ་ཡིན་ལྷ་མོའི་སྒྱུ་རྩལ་དེ་ནི་དུས་རབས་བཅུ་བཞིའི་ནང་གྲུབ་ཆེན་ཐང་སྟོང་རྒྱལ་པོས་གསར་གཏོད་གནང་བ་དང་། བོད་རང་གི་ས་སྐྱེས་རྡོ་སྐྱེས་ཀྱི་རིག་གཞུང་ཞིག་ཡིན་ནའང་། ཕྱི་ལོ་ ༢༠༠༩ ལོར་རྒྱ་ནག་གཞུང་གིས་ཧམ་ཤེད་ཆེན་པོས་བོད་ཀྱི་ཨ་ལྕེ་ལྷ་མོའི་སྒྱུ་རྩལ་དེ་རྒྱ་ནག་གིས་ཡིན་རབས་བཤད་ནས་འཛམ་གླིང་དངོས་མིན་རིག་གནས་ཤུལ་བཞག་གི་ཁོངས་སུ་དེབ་སྐྱེལ་བྱས་ཡོད།…

Read more

ཞོ་སྟོན་རྒྱས་པ་ཐེངས་ ༢༦ | SHOTON FESTIVAL 2023

བོད་རྒྱལ་ལོ་ ༢༡༥༠ ཆུ་མོ་ཡོས་ཀྱི་ལོ་ཕྱི་ལོ་ ༢༠༢༣ ཕྱི་ཟླ་ ༣ ཚེས་ ༡༩ ཉིན་ཞོགས་པ་ཚོུད་ ༩ ཐོག་མོན་གྷོ་འདོད་རྒུ་གླིང་བོད་མིའི་གཞིས་ཆགས་སུ་བོད་ཀྱི་ཟློས་གར་ཚོགས་པའི་ཐུགས་འགན་རྐང་བཞེས་ཀྱིས་བོད་ཀྱི་ཞོ་སྟོན་རྒྱས་པ་ཐེངས་ ༢༦ པ་སྲུང་བརྩི་ཞུས་ཤིང་། མཛད་སྒོའི་ཐོག་སྐུ་མགྲོན་གཙོ་བོ་༧སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་མཆོག་སྤྲུལ་རིན་པོ་ཆེ་མཆོག་ཞབས་སོར་འཁོད་གནང་བསྐྱངས་པ་དང་། བོད་ཀྱི་ཟློས་གར་ཚོགས་པ་གཙོས་རྒྱ་བལ་ཨ་རི་བཅས་ནས་ཕྱོགས་མཐའི་ལྷ་མོ་ཚོགས་པ་ཁག་བཅིུག་གི་དགེ་རྒན་དང་འཁྲབ་སྟོན་པ་ཁྱོན་མི་གྲངས་བཞི་བརྒྱ་ཉེ་བ་དང་མི་མང་སྟོང་ཚོ་གཉིས་ཙམ་འདུ་འཛོམས་ཀྱིས་བོད་ཀྱི་ཞོ་སྟོན་དུས་ཆེན་སྲུང་བརྩི་གནང་སོང་། མཛད་སྒོ་དབུ་འཛུགས་གནང་སྐབས་དོ་རྭའི་ནང་བོད་གངས་ཅན་ལྗོངས་ཀྱི་ལྷ་སྐལ་འཛམ་གླིང་ཞི་བདེའི་དེད་དཔོན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་རིན་པོ་ཆེ་བཞུགས་ཁྲི་སྟེང་དུ་གདན་འདྲེན་ཞུས་པ་དང་ལྷན་བོད་ཀྱི་ལྷ་མོའི་སྲོལ་འབྱེད་གྲུབ་ཆེན་ཐང་སྟོང་རྒྱལ་པོའི་སྐུ་བརྙན་དོ་རྭའི་ནང་གདན་ཞུས་གནང་སོང་། མཛད་སྒོའི་ཐོག་བོད་ཀྱི་ཟློས་གར་ཚོགས་པའི་སྤྱི་ཁྱབ་འགན་འཛིན་དོན་གྲུབ་ཚེ་རིང་ལགས་ཀྱིས་བོད་ཀྱི་ཞོ་སྟོན་དུས་ཆེན་གྱི་ལོ་རྒྱུས་ངོ་སྤྲོད་དང་ལས་བསྡོམས་སྙན་སྒྲོན་གནང་རྗེས་ལྷ་མོ་ཚོགས་པ་ཁག་གིས་ལྷ་གཞུང་སྙིང་བསྡུས་སྐར་མ་སུམ་ཅུ་རེ་གཟིགས་འབུལ་གཟབ་རྒྱས་ཞུས་སོང་། དེ་བཞིན་སྐུ་མགྲོན་གཙོ་བོ་མཆོག་ནས་བོད་ཀྱི་ཨ་ལྕེ་ལྷ་མོ འི་སྒྱུ་རྩལ་ཐོག་མི་ཚེ་གང་བུར་རྒྱུན་སྲིང་བློས་གཏོང་གནང་མཁན་གྱི་ལྷ་དགེ་དང་གཏོང་ཕོད་ཅན་གྱི་སྤྱི་སྒེར་སྤྱིན་བདག་རྣམས་ལ་ཆེ་མཐོའི་ལེགས་སྐྱེས་གསོལ་བསྩལ་གནང་རྗེས་ལྷ་མོའི་འཁྲབ་སྟོན་པ་དང་རྒྱ་ཆེའི་མང་ཚོགས་རྣམས་ལ་བོད་ཀྱི་ལྷ་མོའི་སྒྱུ་རྩལ་གྱི་གལ་གནད་དང་རྒྱུན་འཛིན་དར་སྤེལ་གནང་རྒྱུའི་གལ་འགངས་ཆེ་བའི་གསུང་གི་བདུད་བརྩིའི་བཀའ་སློབ་བཀའ་དྲིན་བསྐྱངས་ཏེ་དེ་མུར་བོད་ཀྱི་ཟློས་གར་ཚོགས་པའི་འཁྲབ་སྟོན་འགན་འཛིན་ལས་རོགས་བསྟན་འཛིན་ཕུན་ཚོགས་ལགས་ཀྱིས་ཐུགས་རྗེ་ཆེ་གསུང་བཤད་གནང་རྗེས་བཀྲ་ཤིས་མཆོད་མཚམས་ཀྱིས་གཟིགས་མོ་རེ་ཞིག་གྲུབ་གནང་སོང་། མཛོད་སྒོའི་དབུ་འབྱེད་ཉིན་གཡུ་ལོ་སྔོན་པོའི་གསེར་མདོག་གིས་འོད་མདངས་རབ་ཏུ་འཕྲོ་ནའང་༸སྐྱབས་རྗེ་ཀུན་བདེ་གླིང་རྟ་ཚག་རྗེ་དྲུང་མཆོག་སྤྲུལ་རིན་པོ་ཆེ་མཆོག་ནས་བོད་ཀྱི་གཅེས་ནོར་ལྷ་མོའི་སྒྱུ་རྩལ་ལ་གདེང་འཇོག་ཆེན་པོས་དགའ་བསུ་དང་ཕྱོགས་མཐའི་ལྷ་མོ་ཚོགས་པའི་གཟིགས་ཕུད་ཉིན་འཁྱོངས་བར་ཆ་ཚང་གསན་གཟིགས་ཀྱིས་སྐུ་བཞུགས་གནང་བས་རྒྱ་ཆེའི་མང་ཚོགས་དང་སྒོས་སུ་ཕྱོགས་མཐའི་ལྷ་མོ་ཚོགས་པ་ཡོངས་ལ་མུ་མཐུད་ལྷ་མོའི་སྒྱུ་རྩལ་ནང་རྒྱུན་སྐྱོང་བྱ་རྒྱུར་བློ་སྐྱེད་དང་སེམས་འགུལ་ཤུགས་ཆེ་ཐེབས་སོང་། དེ་བཞིན་ཀུན་བདེ་གླིང་བླ་བྲང་ནས་ཧིན་སྒོར་འབུམ་གཅིག་དང་ཨ་རི་ལྕགས་ཟམ་ལྷ་མོའི་གླུ་གར་ཚོགས་པ་ནས་ཨ་སྒོར་ ༡༥༠༠ དང་ཨ་རི་ལྕགས་ཟམ་པའི་འགན་འཛིན་ཚེ་རིང་དབང་མོ་ལགས་ནས་ཧིན་སྒོར་འབུམ་ ༡ ཞབས་འདེབས་གསོལ་བསྩལ་གནང་བ་དང་། དེ་བཞིན་གདན་ས་ཆོས་སྒར་གཙོས་རྒྱ་ཆེའི་མང་ཚོགས་ནས་རང་ནུས་གང་ལྕོགས་ཀྱིས་ཞལ་འདེབས་རྒྱ་མི་ཆུང་བ་ཞིག་གསོལ་བསྩལ་གཏོང་ཕོད་གནང་བར་བཀའ་དྲིན་བླ་མེད་དུ་ཆེ་ཞུས་སོང་། སྤྱིར་ཕྱི་ལོ་ ༡༩༩༣ ནས་བོད་ཀྱི་ཞོ་སྟོན་རྒྱས་པ་ཐོག་མར་འགོ་འཛུགས་ཀྱིས་ད་བར་ཞོ་སྟོན་དུས་ཆེན་ཐེངས་ ཉེར་དྲུག་བར་སླེབས་ཡོད་ཀྱང་ད་ལན་བོད་ཀྱི་ཞོ་སྟོན་ཐོག་ཕྱོགས་མཐའི་ལྷ་མོ་ཚོགས་པ་ཁག་བཅིུག་མཉམ་ཞུགས་ཐུབ་པ་ནི་ད་བར་ཞོ་སྟོན་ནང་ལྷ་མོ་ཚོགས་མཉམ་ཞུགས་གནང་མཁན་ཆེས་མང་ཤོས་སུ་ངོས་འཛིན་བྱེད་བཞིན་འདུག…

Read more

December 2022 to 5th January 2023: The director met with the south zone chief representative officer, concerned settlement officers, and members of the regional opera association to scout out prospective…

Read more

Two Job Vacancies announcement: A tailor and one male shoemaker.

ས་མིག་གསལ་བསྒྲགས། འཚེམ་བཟོ་བ་གཅིག་དང་ལྷམ་བཟོ་བ་བུ་གཅིག་དགོས། Two Job Vacancies announcement: A tailor and one male shoemaker. Interested candidates should send all the required documents to [email protected] before 15th January 2023! བོད་ཀྱི་ཟློས་གར་ཚོགས་པར་ཆོད་གན་ལས་བྱེད་ ༢ ཀྱི་ས་མིག་གསལ་བསྒྲགས། ༄༅།…

Read more

Job Vacancy announcement: boy hostel warden-cum-kitchen stock in charge

ས་མིག་གསལ་བསྒྲགས། བུའི་སྡོད་ཁང་དུ་ཕ་ཚབ་དང་གསོལ་ཐབ་ཀྱི་གཉེར་པ་གཅིག་ལྕོགས་ཀྱི་ལས་བྱེད་དགོས། Job Vacancy announcement: boy hostel warden-cum-kitchen stock in charge. Interested candidates should send the documents to [email protected] before 15th January 2023. ཆོད་གན་ལས་བྱེད་ས་མིག་གསལ་བསྒྲགས། ༄༅།    །བོད་ཀྱི་ཟློས་གར་ཚོགས་པའི་བུའི་སྡོད་ཁང་དུ་ཕ་ཚབ་དང་གསོལ་ཐབ་ཀྱི་གཉེར་པ་གཅིག་ལྕོགས་ཀྱི་ལས་བྱེད་གཅིག་དགོས་གལ་ལྟར་འདི་གའི་ཆོད་གན་ལས་བྱེད་ཀྱི་ངོ་བོར་བསྐོ་གཞག་ཞུ་རྒྱུ་ལགས་ན།  རང་རེའི་སྤྱི་ཚོགས་ཁྲོད་གཤམ་གསལ་གྱི་ཆ་རྐྱེན་ཚང་རིགས་ཁོངས་ནས་འདི་གའི་ཆོད་གན་ལས་བྱེད་དུ་ཞུགས་བློ་ཡོད་ཚེ་ཕྱི་ལོ་ ༢༠༢༣ ཟླ་ ༡…

Read more

Tenzin Younten

སྒྱུ་རྩལ་བ་བསྟན་འཛིན་ཡོན་ཏན་ལགས་ནི། རྒྱ་གར་ལྷོ་ཕྱོགས་ཧོན་སུར་རབ་རྒྱས་གླིང་བོད་མིའི་གཞིས་ཆགས་ནས་ཡིན་པ་དང་།  བྱིས་དུས་ཀྱི་ཚོར་འདུ་ཡོད་ཚད་རོལ་དབྱངས་དང་སྒྱུ་རྩལ་ལ་བཅོལ་ཏེ་ནར་སོན་ཞིང་། དམིགས་བསལ་བོད་ཀྱི་ཟློས་གར་སྒྱུ་རྩལ་ལ་དུང་བ་རབ་ཏུ་ཟབ་པའི་དབང་གིས་ཕྱི་ལོ་ ༢༠༡༧ ལོར་བོད་ཀྱི་ཟློས་གར་སྒྱུ་རྩལ་སློབ་གླིང་དུ་ཡིག་རྒྱུགས་ཀྱི་ལམ་ནས་འཛུལ་ཞུགས་བྱས། ད་སྐབས་སྒྱུ་ རྩལ་ལོ་རིམ་ལྔ་པའི་ནང་སློབ་གཉེར་བྱེད་མུས་ཡིན་པ་དང་། སླད་ཕྱིན་ཚོགས་ཁོངས་གང་རུང་ཞིག་གི་ ནང་རོལ་དབྱངས་སློབ་སྟོན་པའི་ལས་རིགས་གཉེར་འདོད་ཀྱིས་འདུན་པ་རབ་ཏུ་ཆེ།ཁོང་གིས་སྒྱུ་རྩལ་གྱི་འདོད་ཚུལ་གཞིགས་ན། སྒྱུ་རྩལ་གྱི་ཚོར་འདུ་རེ་རེའི་ཁྲོད་དུ་རང་ཉིད་ཀྱི་རྨི་ལམ་དང་ཉམས་འགྱུར་སྣ་ཚོགས་འདྲེས་ཡོད་པར་ངོས་འཛིན་སྣང་བཞིན་འདུག Tenzin Younten is from Hunsur Rabgyaling Tibetan settlement, Karnataka. He joined the Tibetan Institute of Performing arts in 2017.…

Read more

Tenzin Tsangpa

སྒྱུ་རྩལ་བ་བསྟན་འཛིན་ཚངས་པ་ལགས་ནི། རྒྱ་གར་ལྷ་ཕྱོགས་མོན་གྷོ་ཌ་འདོད་རྒུ་གླིང་བོད་མིའི་གཞིས་ཆགས་ནས་ཡིན་པ་དང་། ཆུང་དུས་ནས་བོད་ཀྱི་རིག་གཞུང་སྤྱི་དང་ཡང་སྒོས་བོད་ཀྱི་ཟློས་གར་སྒྱུ་རྩལ་ལ་དུང་བ་ཟབ་པའི་དབང་གིས་ཕྱི་ལོ་ ༢༠༡༧ ལོར་བོད་ཀྱི་ཟློས་གར་སྒྱུ་རྩལ་སློབ་གླིང་དུ་འཛུལ་ཞུགས་བྱས། ཁོང་གིས་འདོད་ཚུལ་གཞིགས་ན། སྒྱུ་རྩལ་ནི་སྒེའུ་ཁུང་ལྟ་བུ་ཞིག་སྟེ། དེ་མེད་ན་ཁོས་ནང་རོལ་གྱི་འཇིག་རྟེན་བརྒལ་ནས་ཅི་ཡང་མཐོང་མི་ཐུབ་པར་མ་ཟད། འཇིག་རྟེནགྱིས་ནང་རོལ་གྱི་མི་དེ་ཡང་མཐོང་མི་ནུས་པ་རེད་ཅེས་པའི་སྡོམ་ཚིག་དེར་ཤིན་ཏུ་དད་མོས་བྱེད་བཞིན་འདུག Tenzin Tsangpa is from Doeguling Tibetan settlement, Mundgod. He joined Tibetan Institute of Performing arts in 2017. He is currently in…

Read more

Tenzin Phenthok

སྒྱུ་རྩལ་བ་བསྟན་འཛིན་ཕན་ཐོགས་ལགས་ནི། རྒྱ་གར་བྱང་ཕྱོགས་ཧི་མ་ཅལ་མངའ་སྡེའི་ཁོངས་སུ་གཏོགས་པའི་སྤོན་ཊ་ཆོལ་གསུམ་བོད་མིའི་གཞིས་ཆགས་ནས་ཡིན་པ་དང་། ཁོང་ནི་ཟློས་གར་སྒྱུ་རྩལ་སྤྱི་དང་ཡང་སྒོས་རོལ་མོ་དང་བྲོ་གར་སོགས་ལ་དུང་བ་ཟབ་པའི་དབང་གིས་ཕྱི་ལོ་ ༢༠༡༧ ལོར་བོད་ཀྱི་ཟློས་གར་སྒྱུ་རྩལ་ཁང་དུ་ཡིག་རྒྱུགས་ཀྱི་ལམ་ནས་འཛུལ་ཞུགས་བྱས་པའི་སློབ་མ་ཞིག་ཡིན། ད་ལྟའི་ཆར་སྒྱུ་རྩལ་ལོ་རིམ་ལྔ་པའི་ནང་སློབ་གཉེར་གནང་མུས་ལགས། Tenzin Phenthok is from Paonta Cholsum Tibetan settlement, Himachal Pradesh. She joined Tibetan Institute of Performing arts in 2017. She is currently in the…

Read more

Karma Lobsang Nyima

སྒྱུ་རྩལ་བ་ཀརྨ་བློ་བཟང་ཉི་མ་ལགས་ནི། རྒྱ་གར་ཕྱོགས་ཨུ་རི་ས་ཕུན་ཚོགས་གླིང་བོད་མིའི་གཞིས་ཆགས་ནས་ཡིན་པ་དང་། ཆུང་ངུའི་དུས་ནས་བོད་ཀྱི་ཨ་ལྕེ་ལྷ་མོའི་རྣམ་ཐར་བརྒྱད་པོར་ཡིད་དབང་ཤིན་ཏུ་འཕྲོག་ནས།སྒྱུ་རྩལ་དེས་རང་ཉིད་ལ་གནམ་འཕང་གཅོད་པའི་གཤོག་རླབས་རྒྱས་རྒྱུའི་རེ་བཅངས་ཏེ་ལམ་བུ་འདིའི་ཕྱོགས་སུ་མདུན་བསྐྱོད་བྱས། ཕྱི་ལོ་ ༢༠༡༧ ལོར་བོད་ཀྱི་ཟློས་གར་ཚོགས་པས་སྒྱུ་རྩལ་སློབ་མ་གསར་འདེམས་ཀྱི་ཁོོངས་སུ་འདེམས་སྒྲུག་བྱུང་བའི་སློབ་མ་ཞིག་ཡིན། ད་ལྟའི་ཆར་སྒྱུ་རྩལ་ལོ་རིམ་བཞི་པའི་ནང་སློབ་གཉེར་བྱེད་མུས་ཡིན། Karma Lobsang Nyima is from Phuntsokling Tibetan settlement, Odisha. He joined the Tibetan Institute of Performing Arts in 2017 and is currently in…

Read more
Tibetan Institute of Performing Arts - Job Announcement

Job Announcement

Job Announcement Tibetan Institute of Performing Arts invites applications for the post of “Marketing content developer” on a contractual based on. The contract will extend on the based of workload…

Read more